Dutɛrɔnome 27:1 - Yálá laawoo hɛɓɛ (dc)

¹ Moisə da Israɛlə kalanɉonŋąą di mo kpɔ a nwalawalaa nɔi nuą diɛ, diɛ kɛ diɛ: Dɔnŋąą ŋɛ̨i gáá dɛɛi ka pɔ háákələi, ka ka yee kanąn gəlee ɓa ka bɔ mɛ̨nį kɛ.

Yálá laawoo hɛɓɛ

¹ Moisə da Israɛlə kalanɉonŋąą di mo kpɔ a nwalawalaa nɔi nuą diɛ, diɛ kɛ diɛ: Dɔnŋąą ŋɛ̨i gáá dɛɛi ka pɔ háákələi, ka ka yee kanąn gəlee ɓa ka bɔ mɛ̨nį kɛ.

Bible

¹ Mose da Eezuɛ ǹúu-pɔlɔ-ŋai dí mò ǹûai dîa dîyɛɛi, “Ka dɔ̂ŋ-ŋai kélee mɛi káa ŋa sâa dɛɛ̂i kápɔi.

Dutɛrɔnome 27:1 ပူးပေါင်းရင်းမြစ်များ

Kɔlɔnikɔ Maa-ŋuŋ 28:8

Israɛlə kəlee ɲɛ̨i ɓa, Yai-Laa ŋą kpɔn ɲɛ̨i ɓa, gu wɔ Yálái ɲɛ̨i ɓa; 'ə həli kani kaa: 'Ka ká yee kąnąn Yai-Laa gu wɔ Yálái nwɔ tíɓoɠaai diɛ, 'ká naahɔnmo, ə gɛ nɔi lɛlɛɛi ɲɛ̨i yɛ pɛli kɛi a ka wɔɔ, ɛlɛɛ ka kulɔ ɉu, ə lɛɛ ka lonnii yəi a yələ kəlee mɛ̨nį.

Mąątɛ̨nɛ̨ 78:7

'Di wɔ kilitɔɔmąąlaa a kɛ Yálá ɓa, 'di hva lɛ̨ą Yálá kɛ mɛ̨nį kpɛa kpɛaɠaa diɛ; 'di nwɔ tiɓoɠaai kɛ.

Lukə 11:28

Kɛlaa, Jesus ə nwoo pulu pənə yɛ mą: «Nuąi mun di nwun na nɛ̨ɛ̨, diɛ ɓaa: nuąi da Yálá laawoo mɛ̨n, diɛ bɔ mɛ̨nį kɛ.»

Ɉaan 15:14

Yii ŋį́ ka tí la, ka gɛi, kɛ tii mɛ̨́laa ɓaa kaa.

Dutɛrɔnome 1:1

Mɛ̨nįɠaai Moisə ə mo Israɛlə lonnii diɛ Ɉurdɛn yá pulu pələ, nɔi pun ɉu, Ɉurdɛn ɲá-ɓoloon bɔ, Sufə tənə ma; Paran da Tofɛlə Lavan Haserotə da Di-Zahavə di lɔwai, diɛ ka:

Dutɛrɔnome 11:32

Ka tɔɔ a ka nwąnąi, dɔ́nŋąą, da nɔi mąą tɔ́nŋąąi kpɔ gáá dɛɛi ka pɔ háákələi, ka di pɔ yii ɓo.

Dutɛrɔnome 26:16

Yai-Laa ka wɔ Yálái aa háákələi ka kɛ kóló laa ka nwuɔ̨; yɛ ka díɓoɠaa ŋɛ̨i kɛ da nwɔ tɔ́nŋąąi ka lɛɛ di pulu, ka di kɛ ka kwəi tɔ̨nɔ̨ mɛ̨i kpɔ a ka nwąnąąi.

Dutɛrɔnome 26:19

Nu huwui kpɔ ə bɛli yɛnɛ̨ɛ̨, aa ka həɠə ɉu, gəlee lɔwai, yɛ ka laa tɛ, yɛ ɓaalɔ kaa, yɛ ka kɛnɛ̨, kaa kɛ la a nu huwu mąąhəɠɛɛ, a Yai-Laa ka wɔ Yálá nwɔ nu huwu yɛ bələi ə nwoo kwɛlɛ la.

Dutɛrɔnome 27:2

Ɲələi ka káá pai Ɉurdɛn yá teen ɉii la, nɔi ŋɛ̨i Yai-Laa ka wɔ Yálái ə dɛɛ ka pɔ, kaa li ɉu, ka kwɛni kpuwulu kpɛa kpɛaa həɠə, ka di tɔɔ, ka di kwələ a wee.

Dutɛrɔnome 6:17

Mąąnɛ̨ɛ̨ ka Yai-Laa ka wɔ Yálái nwɔ tíɓoɠaa kɛ, da nwɔ tɔ́n nwooɠaa, da nwɔ lɔi hu yíi ɓo pələɠaa, yaai Ə naa ka nwuɔ̨.

Zĩi 2:10

Yaan, nu a dɔ́n ɉu woo kəlee pɔ túwɔ́ ɓo, ə tɔ̨nɔ̨ kala, a kɛ ti aa gəlee kala.