Dutɛrɔnome 26:5 - Yálá laawoo hɛɓɛ (dc)

⁵ Yili pulu, Yálá kɔ́ mun tii a nwooɠaa ŋɛ̨i ɓo Yai-Laa ka wɔ Yálái lííla. Yɛ kɛ mą: «Ną́n ə kɛ a Aramə mun, yɛ ɓo a toonwun mamun, ə li Eziptə lɔi hu; da nwɔ nuą, di hvo kɛ tamą li; yɛ li mąąkilɛi laa. Kɛlaa, di lɛɛ laa di tamą, di kɛ a nu kpulu kɛnɛ̨; di hvaŋą ə kɛnɛ̨.

Yálá laawoo hɛɓɛ

⁵ Yili pulu, Yálá kɔ́ mun tii a nwooɠaa ŋɛ̨i ɓo Yai-Laa ka wɔ Yálái lííla. Yɛ kɛ mą: «Ną́n ə kɛ a Aramə mun, yɛ ɓo a toonwun mamun, ə li Eziptə lɔi hu; da nwɔ nuą, di hvo kɛ tamą li; yɛ li mąąkilɛi laa. Kɛlaa, di lɛɛ laa di tamą, di kɛ a nu kpulu kɛnɛ̨; di hvaŋą ə kɛnɛ̨.

Bible

⁵ A mò máŋ ǹyɛɛi, ‘Ńâŋ è kɛ̀ a Araŋ-nuu. È kɛ̀ a sia-sîa kɛ́-nuu. È wɔ́lɔ lì a ŋɔnûai Ize lɔii su, dí wɔ́lɔ kɛ̀ nɔ́ a núu-kpûlu lòŋ dí sée naa. Ŋɔsuui su è kɛ̀tɛ, zu-ƃela wála-wala, dítamaa.

Dutɛrɔnome 26:5 ပူးပေါင်းရင်းမြစ်များ

Zɛnɛse 12:2

«Gáá pai ə́ kɛi a hį́i tamąą di nąn. Gáá pai lúwɔ́ tooi yɛ́, ŋą́ ə́ kɛnɛ̨, ə́ kaa pai kɛi a nu takpɛliɠaa di wɔ lúwɔ́ don.

Zɛnɛse 24:4

'Ə́ kwɛla, yɛ́ diɛ: Ə́ kaa pai lii ku pɔ lɔi, ə́ ku yəi bɛlɛ́n nɛ̨ɛ̨nu ta həɠə, ə́ dɛɛ nón Isaakə pɔ a nɛ̨ą.»

Zɛnɛse 25:20

Isaakə kaa kwɛlan ə kɛ pow nąąn, ɓɛlɔwai ə Laban mąąhala Rebeka həɠə la a nɛ̨ą, yai kɛ a Betuɛlə lon nɛ̨ɛ̨nu. Betuɛlə ə kɛ a Aramə mun.

Zɛnɛse 27:41

Ə həɠə ɲələ ɓa, Esau da Ɉakɔbə di hvo kɛ nɛ̨ɛ̨li, núwɔ́ nwuɔ̨ mɛ̨nįi tii ɓa. Esau ə gili tee gwəi pələ yɛ: «Ną́n a pa kulɔi taai, ɉaa mɛ̨i ɓə ŋą Ɉakɔbə paa laa.»

Zɛnɛse 28:5

Yili pulu, Isaakə ə Ɉakɔbə tɔɔ bələi, yɛ li Aramə galá Laban pɔɔli, Aramə mun Betuɛlə lon, yai a Ɉakɔbə da Esau di lee Rebeka mąąhulɔnu.

Zɛnɛse 31:20

Ɉakɔbə kɛɛ lii, hvo vɛli Aramə mun Laban ɓa, ə li dɛɠi.

Zɛnɛse 31:24

Kɛlaa, kpinįi, Yálá ə gbɔwɔ lɛ Aramə mun Laban ɓa hįį pələ, yɛ mą: «Hvo kɛ ə́ kaa mɛ̨nį ɲɔ̨n gɛi a Ɉakɔbə.»

Zɛnɛse 31:40

Yələɓoɔ, hvóló yɛ gə́lən, kpinįi, gɛ́ kwɛlɛ həɠə, vá yii.

Zɛnɛse 43:12

Nwali hiɛ lɛɛ ka tiɛ̨ hu kaa paa lai, ka pənə ka li la. Gbəli hu nuą di lɛ̨ą di nwali lɛɛ ka tiiɲɛ̨ hu. Yili pulu gɔ̨nɔ̨n ka káá li ɲai, ka yili nwɔ walii həɠə.

Zɛnɛse 45:11

Ya, pa ŋą kɔ̨nɔ̨n dɛɛ ə́ pɔ, ka ə́ yəi bɛlɛ́n nuą, ə mą kɛ ə́ wɔ taatɛlɛɛɠaai kəlee. Mąąhɔlɔɓo, bulu kwɛlan ŋɛ̨i aa lɛɛ pulu a kwɛlan nɔɔli.›»

Zɛnɛse 45:7

Yálá ə dɛ́ɛ́ ɓɛ nɔi, ə gɛ, ka hvúlú mąą ə lɛɛ yɛnɛ̨ɛ̨, ka nwun mąą ə ɓo.

Zɛnɛse 46:27

ə pɛlɛ Ɉosɛfə lon ɉinąą hveelɛi ə ɉɔlɔɓo Eziptə lɔi hu diɛ. Ɉakɔbə huwu kəlee pɛlɛɛ gee ɓa, di kɛ a: nu pow mɛ̨ihveelɛ. Diɛ ɓə kɛ Eziptə lɔi hu.

Zɛnɛse 47:27

Israɛlə pai ə mo Eziptə da ɲəi bɛlɛ́n nuą, Gosɛn ɓə di hee laa. Di hɛn ɉɔlɔɓo, di lonŋąą kaa, di huwu hu ə kɛnɛ̨.

Zɛnɛse 47:4

Bulu kpɔlu pələi ŋɛ̨i Kanaan lɔi hu, kala ta lɔpee hvo kɛa laa taatɛlɛɛɠaa mąą mɛ̨nį ɓa. Ku pa ɓɛ ku mąą kilɛi; Ną́n! Hvaa mą, ku hee Gosɛn?»

Lɛɛ gbɔwɔ ɓa 1:12

Kɛlaa, bələi lɔ di kɛi di laanɔ̨nwɔ̨ ɓo la, bələ lɔ ɓə di kpulu hu ə kɛi kɛnɛ̨ la, diɛ tamą, bələ lɔ ɓə di wɛli ə kɛi kpɛɛ la Eziptə nuą diɛ.

Lɛɛ gbɔwɔ ɓa 1:5

Ɉakɔbə lonnii pɛlɛɛ di wɔɔ lonnii diɛ, di kɛ a nu pow mɛ̨ihveelɛ. Yii ɓaa, Ɉosɛfə nwɛi ə gbɛa kɛ Eziptə.

Lɛɛ gbɔwɔ ɓa 1:7

Israɛlə lonnii di ɓuɠuɓo, di yee ə walawala, di nɔi kəlee yee kulɔ.

Osia 12:12

Galaadə nwɛi, lɛɛ taa li, daa kɛ lɔ kpɛli kpɛli, di hvo kpɛlai nįŋɛ̨ haláá kulaa ɓa Gilgalə, di wɔ hali kɔ́iɠaa kaa yɛ kwɛni tiąą gee mɛ̨i kɛɛ hin ŋąą hu.

Osia 12:13

Ɉakɔbə ə pu Aramə yɛɛ kɔ́wɔ hu, ɛlɛɛ, Israɛlə yɛ nɛ̨ɛ̨nu mąą koló ɓo laa, ɛlɛɛ, yɛ gbɔwɔ kɛ a taatɛlɛɛ mɛ̨i kaamun nɛ̨ɛ̨nu mɛ̨nį ɓa.

Gɛlaɠaa 7:15

Yili ɓə gɛ, Ɉakɔbə yɛ li Eziptə lɔi hu, ə lɛɛ laa ə haa, da gu kalaɓɔlɔni.

Dutɛrɔnome 1:10

Yai-Laa ka wɔ Yálái aa ka ɓuwuɓo, ka tamąąi háákələi, yɛ yələkɔlɔn ɉu pɛmɛ̨lɛ̨n-gɔwɠaa.

Dutɛrɔnome 10:22

Ɛlɛɛ, ya pa, ka nąnni di hvo kɛ tɛɛ li nu pow mɛ̨ihveelɛ hu, ɓɛlɔwai di kɛi li la Eziptə lɔi hu; ya ka ŋɛ̨i Yai-Laa aa ka kpulu hu kɛnɛ̨, yɛ yələkɔlɔn ɉu pɛmɛ̨lɛ̨n-gɔwɠaa.

Dutɛrɔnome 26:4

Da paa la, ɉaláá laa həli mun a gbili hon di yəi, ə ɉee Yai-Laa ka wɔ Yálái nwɔ haláá kulɔi lííla.

Dutɛrɔnome 7:7

Ka gaa Yai-Laa yɛ kanąn kaa, yɛ ka həɠə ɉu, ka tamą mɛ̨nį ka tɛɛ nu huwu takpɛliɠaa diɛ hvəi. Yaamun, kaa ɓə ka kpulu tikpɛɛ nu huwuɠaa kəlee lɔwai.