Dutɛrɔnome 26:3 - Yálá laawoo hɛɓɛ (dc)

³ Ɉaláá laa həli mun a kɛ góló ɓa a mąą yələi, ka li ka həli mą kaa mą: «Ku kaa moi háákələi Yai-Laa ə́ wɔ Yálái ɓa, kuɔ ma: nɔi Ə gwɛla ku nąnni diɛ yɛ gaa dɛɛi di pɔ, kwaa həli ɉu.»

Yálá laawoo hɛɓɛ

³ Ɉaláá laa həli mun a kɛ góló ɓa a mąą yələi, ka li ka həli mą kaa mą: «Ku kaa moi háákələi Yai-Laa ə́ wɔ Yálái ɓa, kuɔ ma: nɔi Ə gwɛla ku nąnni diɛ yɛ gaa dɛɛi di pɔ, kwaa həli ɉu.»

Bible

³ a pâi m̀ôi ma ǹyɛɛi, ‘Ŋa sâa môi Ŋáɣâlai Yâwɛɛ ma a gɛɛ ŋaâ pá ǹɔii ma è góno tèe la kúnâŋ-ni yêei.’

Dutɛrɔnome 26:3 ပူးပေါင်းရင်းမြစ်များ

Zɛnɛse 17:8

Yɛ́, ka ə́ huwu kaa, nɔi ŋɛ̨i ə́ kaa ɉu háákələi yɛ nwɛ̨ą, gáá dɛɛi ka pɔ, mąą lɔi ka ŋɛ̨i a Kanaan lɔi, gaa pai kɛi a ə́ huwuhu nuą di wɔɔ a yələ kəlee, ɲą́ą́n gɛ́ ɓo a di wɔ́ Yálá.»

Zɛnɛse 26:3

Hee laa, gáá pai kɛi ə́ pɔ, ɛlɛɛ, ŋį́ lúwɔ́ too yɛ́, mąąhɔlɔɓo, yɛ́ ka ə́ huwu ɓə gáá nɔi ŋɛ̨i tɛɛi ka pɔ. Bələ ɓə, ŋį́ gwɛ́la la ə́ nąn Abrahamə ɓa, gáá pai nwóó tii pɔ mɛ̨nį kɛi.

Dutɛrɔnome 1:8

Ka gɔlɔn kaa diɛ, ŋą́ą́ nɔi tii tɛɛ ka pɔ, ka lɔ ɉu; nɔi tii ɓə Yai-Laa ə gwɛla yɛ gaa dɛɛi ka nąnni pɔ, Abrahamə, Isaakə da Ɉakɔbə, da di huwu, ka li ka hee laa.»

Dutɛrɔnome 19:17

nu hveelɛi tii vaa kaa di lɔwai, da li Yai-Laa hee pɛlɛ́ laaləi, di di wɔ mɛ̨nįi tii laa həli ɉaláá laa həli nuąi da kɛ laa, da giti tee nuą diɛ, diɛi da kɛ laa a volói tii.

Dutɛrɔnome 26:2

ka wɔ hihɛnŋąą má dɔlɔɔ-tɔlɔɔɠaa ka ɉɔlɔɓo nɔi tii hu, yai Yai-Laa ka wɔ Yálái ə dɛɛ ka pɔ, ka da həɠə ɉu ka gbili kɛ; ɓɛi Yai-Laa ka wɔ Yálái kaa pai ɲeekpiɛ lɛi laa, yɛ naa hee mą; ka li la laa.

Dutɛrɔnome 26:4

Da paa la, ɉaláá laa həli mun a gbili hon di yəi, ə ɉee Yai-Laa ka wɔ Yálái nwɔ haláá kulɔi lííla.

Hebreu 10:21

Haláá laa həli mun gɛnɛ̨ɛ̨ kaa ka gu yəi, yai heeni Yálá nwɔ pɛlɛ́i nwun na.

Hebreu 13:15

Yili ɓa, Jesus pɔ pələ, 'ká gu mąąwiɛ haláá kulɔ Yálá ɓa a yələ kəlee, mukulaa ɓaa: 'Ká gu kɛ lɔ Naa tɛi.

Hebreu 7:26

Ɉaláá laa həli mun gɛnɛ̨ɛ̨i bɛliɛi gu mąą mɛ̨nį ɓa, yaa li, yai mąąhəɠɛɛ, hɔn və mą, mąąkwɛaa nɛ̨ŋɛ̨n ma, yɛ ɓo heeni yələkɔlɔn mɛ̨i pələ.

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.