Dutɛrɔnome 26:16 - Yálá laawoo hɛɓɛ (dc)

¹⁶ Yai-Laa ka wɔ Yálái aa háákələi ka kɛ kóló laa ka nwuɔ̨; yɛ ka díɓoɠaa ŋɛ̨i kɛ da nwɔ tɔ́nŋąąi ka lɛɛ di pulu, ka di kɛ ka kwəi tɔ̨nɔ̨ mɛ̨i kpɔ a ka nwąnąąi.

Yálá laawoo hɛɓɛ

¹⁶ Yai-Laa ka wɔ Yálái aa háákələi ka kɛ kóló laa ka nwuɔ̨; yɛ ka díɓoɠaa ŋɛ̨i kɛ da nwɔ tɔ́nŋąąi ka lɛɛ di pulu, ka di kɛ ka kwəi tɔ̨nɔ̨ mɛ̨i kpɔ a ka nwąnąąi.

Bible

¹⁶ Mose è mò ǹyɛɛi, “Káɣâlai Yâwɛɛ a sâa m̀ôi kâa a gɛɛ ka ŋɔtɔ̂ŋ-ŋai maa kpɛ́ɛ ká dímɛi káa a kálii kélee da kámɔlêŋ kélee.

Dutɛrɔnome 26:16 ပူးပေါင်းရင်းမြစ်များ

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Ɉaan 14:15

«Akɛ ka nwɛ́li la kɛ, ka nwɔ liɛwooɠaa hon,

Dutɛrɔnome 10:12

Yii hu kɛa, Israɛlə lonnii, ə həli kaa! Lə ɓə Yai-Laa ka wɔ Yálái kaa bɔ ka gɛ mą? Mɛ̨nįi ɲɛ̨i kaa dɔwɔ, ya ɓaa: ka ɲɔw Yai-Laa ka wɔ Yálái ɓa, a, lɛɛi ka mo nwooɠaa pulu; kaa Yai-Laa ka wɔ Yálái wɛli la kɛ, kaa tí mą a kwəi kwələ laa, a ka wɔ huwalawala kəlee, da ka wɔ yɛnɛ̨ɛ̨ kɛ pələ kəlee.

Dutɛrɔnome 11:1

Ka Yai-Laa ka wɔ Yálái wɛli la kɛ, nwɔ tíɓoɠaa nwɔ yɛnɛ̨ɛ̨ mąą tɔ́nŋąą, da nwɔ yɛnɛ̨ɛ̨ hon bələɠaai gáá dɛɛi ka pɔi, ka di kɛ a yələ kəlee.

Dutɛrɔnome 11:8

Yili ɓa, díɓoɠaa kpɔ gáá dɛɛi ka pɔ háákələi, ka gəlee pɔ mɛ̨nį kɛ; yili ɓə pai huwalawalaa tɛɛi ka pɔ, ka yee yɛ tɛɛ nɔi tii ka káá li ɉu mą, kaa ɉon a kɔ́ kaa hee laa.

Dutɛrɔnome 12:1

Dɔnŋąą da nɔi hu yíi ɓo pələi mąąnɛ̨ɛ̨ ka gɛ, nɔi ŋɛ̨i Yai-Laa ka nąnni di wɔ Yálá aa dɛɛ ka pɔ, kaa li heei ɉu, ka mɛ̨nįɠaa ŋɛ̨i kɛ ka yíi hvóló kəlee hu, nɔi ti mɛ̨i.

Dutɛrɔnome 26:17

Kaa háákələi ka woo kwɛlɛ Yai-Laa ɓa, kaa gaa a ka wɔ Yálá, ka káá bɔ, ka hiɛ nwɔ kpaaləɠaa mɛ̨i, ka yíi pələi ə nɛ kaa, nwɔ tíɓoɠaa da nwɔ tɔ́n nwooɠaa, kaa gəlee pɔ mɛ̨nį kɛ, kaa lɛɛ la nwoo mu.

Dutɛrɔnome 4:29

Nąąlɔwai, ka káá pai Yai-Laa ka wɔ Yálái kwɛlii nɔiɠaa tii hu, akɛ, ka gwɛli a ka lii kəlee, a kwəi tɔ̨nɔ̨ laa, ka gaa.

Dutɛrɔnome 6:1

Díɓo da dɔ́n nwooɠaa, da yɛnɛ̨ɛ̨ hon bələɠaai Yai-Laa ka wɔ Yálái ə ka tí la, yɛ ka di mąąkwɛli, diɛ ka tii. Ka li ka di pɔ yíi ɓo, ɓɛi ka káá lii heei laa.

Dutɛrɔnome 6:17

Mąąnɛ̨ɛ̨ ka Yai-Laa ka wɔ Yálái nwɔ tíɓoɠaa kɛ, da nwɔ tɔ́n nwooɠaa, da nwɔ lɔi hu yíi ɓo pələɠaa, yaai Ə naa ka nwuɔ̨.

Dutɛrɔnome 6:5

Ka Yai-Laa ka wɔ Yálái wɛlilakɛ a ka kwəi tɔ̨nɔ̨, a ka kpinįi kəlee, da ka wɔ huwalawala kəlee.

Dutɛrɔnome 8:2

Bələ kwɛaai Yai-Laa ka wɔ Yálá ə ka hvilɛn mɛ̨i kwɛlan bow nąąn ɲee mu, nɔi pun ɉu, yɛ mɔ̨nɔ̨ lɔ ka pɔ, ka gəlee nąą kili too ka ŋą. Ka hukɔɔn ga tii ə kɛi mo, yɛ ka kwəi kɔ́lɔn; akɛ ka káá pai nwɔ tíɓoɠaa kɛi, a wala kɛ tii, akɛ ka káá pai ɓoi diɛ ka di too.