Dutɛrɔnome 26:15 - Yálá laawoo hɛɓɛ (dc)

¹⁵ Yili ɓa, yɛi tii ə́ kaa yələkɔlɔn ɉu, ə́ ɲɛ̨i lɛlɛɛ hee ə́ wɔ pɛlɛ mąąhəɠɛɛ ɓa. Yɛ́i ə́ kaa yələi, lúwɔ́ too Israɛlə ɓa. Ə́ wɔ nu huwui da nɔi ŋɛ̨i ə́ dɛɛ ku pɔ, yɛ bələi ə́ ə́ kwɛla la ku nąnni diɛ, nɔi ŋɛ̨i ɲįnįyá da kwɛi nwulɔ di kpoloon naai ɉu yɛ yá.

Yálá laawoo hɛɓɛ

¹⁵ Yili ɓa, yɛi tii ə́ kaa yələkɔlɔn ɉu, ə́ ɲɛ̨i lɛlɛɛ hee ə́ wɔ pɛlɛ mąąhəɠɛɛ ɓa. Yɛ́i ə́ kaa yələi, lúwɔ́ too Israɛlə ɓa. Ə́ wɔ nu huwui da nɔi ŋɛ̨i ə́ dɛɛ ku pɔ, yɛ bələi ə́ ə́ kwɛla la ku nąnni diɛ, nɔi ŋɛ̨i ɲįnįyá da kwɛi nwulɔ di kpoloon naai ɉu yɛ yá.

Bible

¹⁵ Lɛɛ íkwaa ma waai ma Ɣâla-taa í íŋɛi pîlaŋ ǹɔii ma í lûwa láa ínûai Eezuɛ-ŋai dîa da ǹɔii yɛ̂ɛ berei í íkono tèe la kúnâŋ-ni yêei, a gɛɛ ya pâi ǹɔii tɛɛ̂i dípɔ nyii ǹɛ́lɛ̂ɛi tíi kɛ́ mɛni mai.’ ”

Dutɛrɔnome 26:15 ပူးပေါင်းရင်းမြစ်များ

Tɔɔɓɛlaa dɔlɔɔ 8:27

«Akɛti, Yálá a pɛli mą heei lɔi mɛ̨i? Bələi mąn Yələkɔlɔn ɉu kɛnɛ̨ la, aa nąą kəlee laahvɛɛ, gu hvomun kɛ bɛlɛ́ logolo ŋɛ̨i ŋą́ dɔɔ mąi?

Tɔɔɓɛlaa dɔlɔɔ 8:43

Ee Yai-Laa! Lɛɛ yələkɔlɔn ɉu, ə́ ə́ wəli tɔɔ, ə́ mɛ̨nį kəlee kɛ, yɛ bələi nwɛ̨ąi tii kaa pai vɛli la yɛ́. Ə gɛ, yɛnɛ̨ɛ̨ nuą kəlee diɛ pɛli ə́ laa kɔ́lɔn ɉii, ɛlɛɛ, diɛ ɲɔw yɛ́, yɛ bələi ə́ wɔ nu huwu Israɛlə a ɲɔw la yɛ́. Ɛlɛɛ, di gili kɔ́lɔn diɛ kɛ da kɛi ə́ laa ɓoi bɛlɛ́i ŋɛ̨i mɛ̨i, yai ŋą́ dɔɔ.

Kɔlɔnikɔ Veerɛi 30:27

Yili pulu, ɉaláá laa həli nuą da Levi lonnii di di muhəɠə, di lúwɔ́ too nɔi lonnii diɛ, di woo mąn, di wɔɔ hvɛliɓo ə həli yələ kɔ́lɔn mą, Yálá nwɔ mąąhəɠə laa hee pɛlɛ́.

Mąątɛ̨nɛ̨ 28:9

'Ə́ wɔ nuąi nwun mąąɓo, lúwɔ́ too ə́ kwɛlin ma, 'kɛ a di mɛ̨i kaamun, ə́ ə́ yee kɛ diɛ a yələ kəlee.

Mąątɛ̨nɛ̨ 51:18

Hvó ɲə́i haláá hɛn bɔ, hvó pai ə́ yee heei nwɔ́ haláá hɛnŋaai ŋą́ gəlee kələn da mu.

Mąątɛ̨nɛ̨ 68:5

'Ka wələ too Yálá ɓa, 'ka naa tɛ a wələ woo nɛ̨ɛ̨! Nui tii tɛɛi nɔiɠaa hu, hoo mɛ̨i, 'ka naa tɛ. Naa ɓaa a Yai-Laa! 'Ka pili yələi níila, a kwəinɛ̨ɛ̨!

Mąątɛ̨nɛ̨ 80:14

Lɔwɔɓoi yɛ gala, lɔwɔ-huwɔɠaa diɛ mįi.

Mąątɛ̨nɛ̨ 80:15

Yálá, Yai-Laa Mɛ̨nį Kəlee ŋą Hééɓomun, pənə Ə́ pa kani wɛ! 'Lɛɛ yələkɔlɔn ɉu, Ə́i ɲɛ̨i pili ku mɛ̨i, ɓɛ kaa li, 'ə́ kɛ mɛ̨nį kɛ viɲə yɛai ŋɛ̨i mąą mɛ̨nį hu.

Mąątɛ̨nɛ̨ 90:17

Nwɔ́ mɛ̨nį Nąmu ku wɔ Yálá, ku hon a liinɛ̨ɛ̨ gwəilaa! Ku kɛ kolóɠaa dɔlɔ kɛ mą ku yəi! Nɛ̨ɛ̨ yɛ́ ną́n! Ku kɛ kolóɠaa dɔlɔ kɛ mą, yɛ pɛli lamui ku yəi.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Azaya 61:1

Mɛ̨nį kəlee ŋą Hééɓomun Yálá nwɔ Kilii kaa mɛ̨́i, mąąhɔlɔɓo, Yai-La aa gɛ́ a nwɔ tímun, aa dɔ́ɔ́, nwɛlɛɛ lɛlɛɛ ɓo mɛ̨nį ɓa, nuąi daa di nwumɛ̨, diɛ, nuąi di lii yalia di kwəi, di hali kɛ mɛ̨nį ɓa, gaho nąmįną nwunn mąąɓo mɛ̨nį ɓa, yiiɠaai gaho ŋą di kulɔ mɛ̨nį ɓa.

Azaya 63:15

Yɛ́i tii yələ kɔ́lɔn ɉu, lɛɛ ə́ wɔ pɛlɛ mąąhəɠɛɛ lɛlɛɛi mu, ə́ ə́ ɲɛ̨i hee, ə́ kɛɛ kaa: Ə́ wɔ toloi kaa mįnɛ̨, da ə́ wɔ huwala walai? A mɛ̨nįɠaai tii da ə́ lii muhəɠəi? Ɲɛ̨́i mąą wɛli kaai ə́ kɛli mo, yaa mɔ̨ɔ̨ gbɛla bələi?

Ɉeremi 31:23

Yai-Laa Mɛ̨nį Kəlee ŋą Hééɓomun, Israɛlə nwɔ Yálái woo ka: Ɓɛlɔwai gáá pai pənəi ŋį́ pa la a gɔ́ luwɔɠaa, mɛ̨nįi di kaa pai kɛi moi Ɉuda lɔi da nwɔ taɠaa di hu, ya ka: «Yai-Laa ə lúwɔ́ too yɛ́, tələnmo hee taa. Yee mąąhəɠɛɛ.»

Zakari 2:13

Ɲąą gá, gáá pai ɲéé pilii di hu, diɛ too di kpɔwɔ luwɔɠaa yee mu. Yili akɛ tii, ka gɔlɔn gea kaa diɛ; Yai-Laa Mɛ̨nį Kəlee ŋą Hééɓomun ɓə dɔ́ɔ́.

Maafîu 6:9

Bələi mąąnɛ̨ɛ̨ ka Yálá hvɛli la bələ ka, ka kɛ mą: «‹Ku Ną́n yɛ́i ə́ kaa yələkɔlɔn ɉu, Ə́ laa mąą ə həɠə.

Gɛlaɠaa 7:49

«‹Yələ kɔ́lɔn mə gaa a nwɔ́ tɔɔ kpəlin, lɔi ə ɓo a gɔ́wɔ tɔɔi. Pɛlɛ́ lə kɛɛ kpɔ ɓə kɛa ka pɛli dɔɔi mą́ą́? Kɛɛnąą wolo lə kɛɛ kpɔ ɓə, ŋą́ pɛli vįi tɔɔi laa? Gu Nąmu woo li!

Dutɛrɔnome 1:8

Ka gɔlɔn kaa diɛ, ŋą́ą́ nɔi tii tɛɛ ka pɔ, ka lɔ ɉu; nɔi tii ɓə Yai-Laa ə gwɛla yɛ gaa dɛɛi ka nąnni pɔ, Abrahamə, Isaakə da Ɉakɔbə, da di huwu, ka li ka hee laa.»

Dutɛrɔnome 26:14

Və́ ɉɛnŋąą tii ta mįi, ɓɛlɔwai haa ə too la mą́ą́ və́ kpɛli da kulɔ ɉu, ɓɛlɔwai tɔ́n ə kɛ la mą́ą́, ɛlɛɛ və́ kɛ ɲɔ̨muą kɔ́ li a da. Ŋą́ lɛɛ Yai-Laa nwɔ́ Yálái woo mu, ŋį́ gɛ yɛ bələi ə mo la mą́ą́.

Dutɛrɔnome 26:7

Ku wɔlɔ Yai-Laa ku nąnni di wɔ Yálái ɓa. Yili ə ku wɔlɔ woo mu hon, ə ku wɔ mąąwɛli laa kaa; da mɔ̨nɔ̨i ku kɛi mįi, ə mą kɛ laanɔ̨nwɔ̨i ku kɛ ɉu.

Dutɛrɔnome 26:9

Ə pa a kuɔ nɔi ŋɛ̨i hu; ə bɔlɔi ŋɛ̨i tɛɛ ku pɔ; a lɔi lɛlɛɛ kpɔ kpɔ, ɓɛi hɛn gəlee a lɛlɛ laa.

Dutɛrɔnome 6:3

Israɛlə ə́ wəli tɔɔ, 'ka tɔɔ a ka nwąnąi, ka di pɔ mɛ̨nį kɛ, ka gɛ tii, ka kɛ nwun nąnɛ̨ɛ̨ hu, ka huwu yɛ ɓɛlɛ yɛ bələi Yai-Laa ka nąnni di wɔ Yálái ə naakwɛlanmo la kaa; a lɔi lɛlɛɛ ɓɛi hɛn gəlee a lɛlɛ laa.