Dutɛrɔnome 26:13 - Yálá laawoo hɛɓɛ (dc)

¹³ nąąlɔwai ka mo kɛa Yai-Laa ka wɔ Yálái lííla, kaa mą: Yii kɛ a ə kɔ́ hɛn Yai-Laa, kwa gulɔ bɛlɛ́n, kwa dɛɛ Levi lonnii pɔ, da nwɛ̨ą, da galaninŋąą, ə mą kɛ təliɠaa. Yɛ bələi ə́ dí la, ŋį́ gəlee kɛ, və́ da lɔpee mąą kala li, və́ lɛ̨ą li da ɓa.

Yálá laawoo hɛɓɛ

¹³ nąąlɔwai ka mo kɛa Yai-Laa ka wɔ Yálái lííla, kaa mą: Yii kɛ a ə kɔ́ hɛn Yai-Laa, kwa gulɔ bɛlɛ́n, kwa dɛɛ Levi lonnii pɔ, da nwɛ̨ą, da galaninŋąą, ə mą kɛ təliɠaa. Yɛ bələi ə́ dí la, ŋį́ gəlee kɛ, və́ da lɔpee mąą kala li, və́ lɛ̨ą li da ɓa.

Bible

¹³ Gɛ̀ ní m̀ó Íɣâlai Yâwɛɛ ma yɛ̂ɛi, ‘Ŋaâ zãa m̀á nyii-ŋai gáa a ípɔɔi kélee kúla ŋápɛrɛi mu ŋa dítɛɛ Liiva-ŋai, dee-lôŋ-ŋai da bɔɔ-nɛyãai pɔ́ yɛ̂ɛ berei í mò la ḿâi. Mɛni-ŋai í mò ḿâi, fé nyée kula ní da mu, fé tela ǹia ní da ma.

Dutɛrɔnome 26:13 ပူးပေါင်းရင်းမြစ်များ

Mąątɛ̨nɛ̨ 119:139

Níi ə kɛi kələn gwə́i, ɉú yɛ kpɛlin, a ɲówóɠaa kaai ŋį́ kɛi mo, diɛ həɠə ə́ wooɠaa pulu.

Mąątɛ̨nɛ̨ 119:141

Bələi mąn və́ kɛnɛ̨ li la, di tɛɠɛɓɔɔ ɉú, vá lɛ̨ą ə́ wɔ tɔn nwooɠaai diɛ.

Mąątɛ̨nɛ̨ 119:153

Nwɔ́ mɔ̨nɔ̨i kaa, ə́ gúlɔ ɉu, hvó gaai, və́ lɛ̨ą li ə́ wɔ tɔn nwooi ɓa.

Mąątɛ̨nɛ̨ 119:176

Gáá lɔ lia li nwún ma, yɛ ɓɛlaa haai aa pili, 'hvilɛn, ə́ ə́ wɔ tímun kwɛli, mąąhɔlɔɓo, və́ lɛ̨ą li ə́ wɔ tíɓoɠaai diɛ.

Mąątɛ̨nɛ̨ 119:93

Vá lɛ̨ą kpɛli tanɔ̨n, ə́ wɔ tɔn nwooɠaai diɛ, mąąhɔlɔɓo, di haalai ɓə, ə́ nwɔ́ yɛnɛ̨ɛ̨ pu la nįnɛ̨ kɔ́lɔi.

Mąątɛ̨nɛ̨ 26:6

Gáá ɲə́i waai, gɛ́ nwɔ́ kwəi kwələlaa lɛ la, əgɛ, gɛ́ pɛli kɛa haláá kulɔi yɛ́ Yai-Laa.

Hanwon 3:1

Nón, mɛ̨nįi gáá ə́ kala ɉii la, 'hvó lɛ̨ą mą, ə́ kili ə́ lɛɛ nwɔ́ liɛwooɠaa hu.

Gɛlaɠaa 24:16

Yili mąą mɛ̨nį ɓa, ŋį́ gbinįlee, ŋą́ tɔɔ a nwąnąi gɛ́ níi laa hɔnmo, mąąkulɔi hva kɛ mą, Yálá da nu kanŋaa di ɲɛ̨i ɓa.

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Korɛntə veelɛ 11:31

Yálá, gu Nąmu Jesus Nąn, yai lúwɔ́ kaa mą a yələ kəlee, ə gɔlɔn yɛ və́ lɛɛ kɛi.

Dutɛrɔnome 14:29

Levi nu huwui tii lɔi hvo di yəi, di kwɛlin və di yəi, nwɛ̨ą, təliɠaa da kalaninŋąą, diɛi tii ka wɔ taaɠaai hui, da pa di di laa mįi, di pilɛ ɉu. Yai-Laa ka wɔ Yálái yɛ pɛli lúwɔ́ tooi kaa ka kɛ mɛ̨nįɠaa kəlee hu.

Dutɛrɔnome 26:12

Kwɛlan ɉaaɓa haaɓa həli pələ tɛi tɛi, yaai gaa a hɛn bow nąą tɛɛ kwɛlan; hɛn lɔpee ya ɉɔlɔɓo, ə́ yəi ɲɛa, ya nono mɛ̨inąą nąąn, ə́ bow nąą pu gee mɛ̨i, ya yili tɛɛ: Levi lonnii pɔ, da nwɛ̨ą, galaninŋąą, ɛlɛɛ, da təliɠaa; di mįi di pilɛ ɉu; ka wɔ taaɠaa hu,

Dutɛrɔnome 26:14

Və́ ɉɛnŋąą tii ta mįi, ɓɛlɔwai haa ə too la mą́ą́ və́ kpɛli da kulɔ ɉu, ɓɛlɔwai tɔ́n ə kɛ la mą́ą́, ɛlɛɛ və́ kɛ ɲɔ̨muą kɔ́ li a da. Ŋą́ lɛɛ Yai-Laa nwɔ́ Yálái woo mu, ŋį́ gɛ yɛ bələi ə mo la mą́ą́.

Tɛsalonikə dɔlɔɔ 2:10

Ká káá a yili mąą kɛla, ə mą kɛ, Yálá yaa kpɛli yaa kpinįi, káái a laa na nuą, ku túwɔ́ ká ɲɛ̨i mu, mąąhəɠə laa hu, tələnmo laa hu, mąąkulɔi hvo kɛ mą.