Dutɛrɔnome 25:19 - Yálá laawoo hɛɓɛ (dc)

¹⁹ A kɛ tii Yai-Laa ka wɔ Yálái a pa hvįįtɔɔ tɛɛi ka pɔ, yɛ ka kulɔ ka yowoɠaa kəlee yəi nɔi hu, a nɔi Yai-Laa ka wɔ Yálái kaa dɛɛi ka pɔ a ka kwɛlin yɛ ka hee ɉu; Amalɛkə laa kulɔ yələkɔlɔn mu; ka hvo lɛ̨ą yili ɓa.

Yálá laawoo hɛɓɛ

¹⁹ A kɛ tii Yai-Laa ka wɔ Yálái a pa hvįįtɔɔ tɛɛi ka pɔ, yɛ ka kulɔ ka yowoɠaa kəlee yəi nɔi hu, a nɔi Yai-Laa ka wɔ Yálái kaa dɛɛi ka pɔ a ka kwɛlin yɛ ka hee ɉu; Amalɛkə laa kulɔ yələkɔlɔn mu; ka hvo lɛ̨ą yili ɓa.

Bible

¹⁹ Ka kpɛ̀ɛ a kákpɔara-ƃelai yée mɛi ɣáleɛɛ ká ǹɔii síɣe Káɣâlai Yâwɛɛ a dɛɛ kápɔi, káfe díta lɛɛ naa. Ka díkelee dí páa dímaa kîli-ŋa sia é kpɛ́ɛ kákili-ŋá ǹɔii ma.

Dutɛrɔnome 25:19 ပူးပေါင်းရင်းမြစ်များ

Kɔlɔnikɔ Maa-ŋuŋ 4:43

Di nɛ̨ɛ̨mą, di Amalɛkə huwu kpəli woloi kɛ laa, di di paa; diɛi tii di hee laa. Háá ɓaa háá, di kaa ni laa heeni.

Lɛɛ gbɔwɔ ɓa 17:14

Yai-Laa yɛ Moisə ɓa: «Mɛ̨nį ŋɛ̨i pɛ̨ɛ̨ hɛɓɛ́ hu, ə kɛ a kili too ɲą hɛn, ɛlɛɛ, ə́ mo Ɉosue ɓa, yɛ mą: ‹Gáá pai Amalɛkə nuą laa kulɔi yɛnɛ̨ɛ̨, ŋį́ di laa waa yələkɔlɔn mu.›»

Lɛɛ gbɔwɔ ɓa 17:16

Moisə yɛ diɛ: «Yii daa di muhəɠə Yai-Laa nwɔ tɔɔ kpəlin ma a kɔ́, gaa kɛa a kɔ́ Yai-Laa da Amalɛkə nuą di lɔwai a yələ kəlee mɛ̨nį.»

Lɛɛ gbɔwɔ ɓa 33:14

Yai-Laa yɛ mą: «Ɲą́ą́ gbinį ɓə pai hvįįtɔɔ tɛɛi ə́ pɔ.»

Dutɛrɔnome 12:9

Hvo gaai ka hvo nii lɔ li vįitɔɔ lɔi hu, yii gaa pai kɛi a ka kwɛlin nɔi yii Yai-Laa ka wɔ Yálái kaa dɛɛi ka pɔ.

Dutɛrɔnome 21:23

Mąą hvo nɛ̨ɛ̨li bowa hvo yii hɛlɛn ni nwulu ɓa; da bowa loo a mąą yələ. Mąąhɔlɔɓo, nui da ɉɛlɛn wulu ɓa, nɛ̨ŋɛ̨n naa ɓə Yálá ə mo; mąą hvo nɛ̨ɛ̨li, hvo ka wɔ lɔi kɔ́hɔ ɓo, yaai Yai-Laa ka wɔ Yálái ə dɛɛ ka pɔ a ka hɔlɔɓo lɔi.

Dutɛrɔnome 26:1

Nɔi tii Yai-Laa ka wɔ Yálái kaa dɛɛ ka pɔ a ka kwɛlin, ka pa lɔi ɉu, kaa ɉɔlɔɓo a ka wɔɔ, kaa hee laa,

Dutɛrɔnome 3:18

Nąąlɔwai ɓə ŋį́ mɛ̨nįi ŋɛ̨i ɓo la kaa, gɛ́ kaa: «Yai-Laa ka wɔ Yálái ɓə nɔi ŋɛ̨i tɛɛ ka pɔ a ka wɔɔ. Kaai kpɔ a gɔ́kulááɠaa, ka Ɉurdɛn teen, ka ka hąą yili, ka tɔɔ ka nąn nonnii Israɛlə nuą tɔwɔ.

Dutɛrɔnome 9:14

Nɛ́ɛ́ laa ŋį́ di nwun na pili, gáá di laa kpɛɛi yələkɔlɔn mu; kɛlaa, gáá ə́ kɛi a nu huwu hvaŋą kɛnɛ̨ɛ dɛɛ diɛ.»

Zasua 11:23

Ɉosue ə nɔi kəlee hon, yɛ bələi kpɔlɔ Yai-Laa ə mo la Moisə ɓa, ə dɛɛ Israɛlə pɔ a ɉee lɔi, ə ɲąąkwɛlɛ Israɛlə huwu hu nuą lɔwai; nɔi ə liilaa hɔlɔɓo, kɔ́ hvo kɛ laa.

Zasua 23:1

Yai-Laa ə liilaa yɛnɛ̨ɛ̨ tɛɛ Israɛlə lonnii pɔ ɲowoɠaa kəlee lɔwai, ɉu kwɛa, Ɉosue ə pɔlɔ. Gɛɛ kɛa a hulɔgolo,

Zasua 6:3

Kaai ɓaa nwɔ́ kulaaɠaa, ka káá pai kɛi daa mąątinɛn ɉii. Hvóló tɔ̨nɔ̨ yee mu, ka daa mąątinɛn tɔ̨nɔ̨, bələ ɓə ka káá pai kɛi gɛi la hvóló mɛ̨ida yee mu.

Zasua 7:12

Yili ɓa tii, Israɛlə lonnii di hva pɛli tɔɔi di yowoɠaa lííla, di kaa lɔ pai kɛi di pulu hvəi di yowoɠaa diɛ. Ŋą́ą́ di kɛ a hɛn mąąnɛ̨ɛ̨ di ɉukala, və́ kɛa pai lɛɛi ka pɔ, akɛ mɛ̨nį ɲɔ̨n tii ka lɔwai ka wala gulɔ laa.

Samuɛlə dɔlɔɔ 14:48

Saulə ə vaŋa kɛnɛ̨ pələ lɛ a Amalɛkə hvo ə mo kɔ́ hu, ə Israɛlə kulɔ naa nɔ̨nwɔ̨ ɓomun ɲəi.

Samuɛlə dɔlɔɔ 27:8

Davidə da nwɔ nuą də li, di kɔ́ pɛlɛ Gesurə nuą diɛ, da Girze nuą da Amalɛkə nuą, nuąi tii ɓə kɛ heeni Surə ə lɛɛ ɉu ə həli Eziptə lɔi hu. Nu huwuɠaai tii ɓə heeni nɔi tii hu wɔlɔ kɛ ɓa.