Dutɛrɔnome 24:17 - Yálá laawoo hɛɓɛ (dc)

¹⁷ Ka hvo nwɛ̨ą, a wala kɛ tii təli lon nwɔ tɛ̨ą mɛ̨nį pili ɉu. Ka hvo galanin mąąhəɠə hon a tolaa.

Yálá laawoo hɛɓɛ

¹⁷ Ka hvo nwɛ̨ą, a wala kɛ tii təli lon nwɔ tɛ̨ą mɛ̨nį pili ɉu. Ka hvo galanin mąąhəɠə hon a tolaa.

Bible

¹⁷ “Káfe tee-loŋ kpaa máŋ ŋɔ̃ya da ŋɔmɛni ŋa tee a fili-pêre. Káfe pɔɔ nɛnî da ŋɔseɣe sòŋ ǹyêei a sɛ́ɣɛ.

Dutɛrɔnome 24:17 ပူးပေါင်းရင်းမြစ်များ

Zôo 22:6

Ə́ kɛi tolaa hɛn ɉəɠə ə́ kaayɔwɔɠaa yəi nwun və kɛ mą, yɛ́ di mąą hɛnŋąą kulɔ diɛ, ə́ di lɛɛ a di kpuwulu.

Zôo 24:3

Təliɠaa di wɔ hoohvaalənŋąą ɓə daa ɉəɠə diɛ li la, kalanin ɲəi nįŋɛ̨ ɓə da ɉəɠə a tolaa.

Lɛɛ gbɔwɔ ɓa 22:20

«‹'Hvo ə́ yee pənə nwɛ̨ą hu, mąąhɔlɔɓo, kaa kpɛli ka kɛ a nwɛ̨ąą Eziptə lɔi hu.

Lɛɛ gbɔwɔ ɓa 23:2

Hvó hvilɛn mɛ̨nį ɲɔ̨n gɛ nuą kpulu pulu. Hvo ə́ laa too kiti mɛ̨nį hu, nu kpului tɛ̨ą hvo bɔ, hvo tɔɔ di pulu.

Lɛɛ gbɔwɔ ɓa 23:6

«‹Hvó mąąwɛlimun vulu kiti hu.

Lɛɛ gbɔwɔ ɓa 23:9

«‹Hvó hee nwɛ̨ą mɛ̨i. Kaa kpinįi, mɛ̨nįi a laa nwɛ̨ą ɓa, ka gɔlɔn. Mąąhɔlɔɓo, kaa kpinįi ka kɛ a nwɛ̨ą Eziptə lɔi hu.

Hanwon 31:5

Mąąhɔlɔɓo da gbələ, da lɛ̨ą tɔ́n nwoo ɓa, ɛlɛɛ, diɛ mąąwɛli nuą di wɔ tɛ̨ą mąą mɛ̨nį pili ɉu.

Ikilisiati 5:8

Yii viɛlaɓoɔ lɔi nuą diɛ, ya ɓaa: tɔɔmun da ə kɛ di yəi, yɛ tíi yɛa kóló ɓɛlɛ kɛ mą. Mąąhɔlɔɓo, yɛa kóló ɓə tɔɔmun gɔ̨nɔ̨n a kulɔ ɉu.

Azaya 1:23

Ə́ nwun nąmįną daa di pulu tɔɔ mą́ą́, da nwuɔ̨ kuláaɠaa daa di yee pili gee hu, di kəlee, nɔgwəi hɛn mə nwɛli kaa diɛ, di hvilɛn ŋąą nɔgwəi hɛn gɔw pulu diɛ gwɛli, di hva mɛ̨nį haŋąą kɛ a təlilon, kalanin a mąą kanąn naa həli diɛ, diɛ di yee lɔ di wəlii.

Azaya 3:15

Lə mɛ̨nį ɓa ka hee nwɔ́ nu huwui mɛ̨i, kaa mąąwɛli nuą hon a di ɲɛ̨i paa pələ? Nąmu Yai-Laa Mɛ̨nį Kəlee ŋą Hééɓomun woo li!»

Azaya 33:15

Nui a túwɔ́ a tələnmolaa, yɛ hvaa, lɛɛ hva kɛ ɉu, yɛ lənə hvulu hɛn ɉɔlɔɓo mɛ̨nį ɓa, yɛ ɲee kulɔ nɔgwəi mɛ̨inɛ̨ɛ̨ mu, yɛ nwəli laa kpulu, ə gɛ hvo pa nu paa nwun dɔɔ hu woo mɛ̨n; yɛ ɲɛ̨i laa kpulu, ə gɛ hvo pa mɛ̨nį ɲɔ̨n gaa.

Ɉeremi 22:3

Yai-Laa yɛ ka mɛ̨nį ɓo a tɛ̨ą da tələnmolaa. Nui daa hee mɛ̨i, 'ká gulɔ ɲəi kɛ. Yɛ ə kɛ a nwɛ̨ą, yɛ ə kɛ a təlilon da kalanin, 'ká hvo hee da mɛ̨i, 'ká hvo da mɔ̨nɔ̨ɓo. 'Ká hvo kwəi kwələ mun ɲąmą pu gɛɛnąąi ŋɛ̨i ɓa.

Ɉeremi 5:28

Di ɲɛ̨i wulɔ yɛ kulɔ, di koo a hee, di yee laɠin ŋąą nu kəlee mɛ̨i mɛ̨nį ɲɔ̨n gɛɛ hu. Di hva kɛa tɛ̨ą mąąwiɛ kiti tee lɔwai, di hva təlilon nwɔ tɛ̨ą mɛ̨nį ɲɛ̨i kulɔ, ə gɛ lɔ di hɛn ɉɔlɔɓo. Di hva mąąwɛli mun mąą mɛ̨nį ɲɛ̨i kulɔ.

Izikiɛ 22:29

Nɔi lonnii kaa wɛa mɛ̨nįɠaa kɛi, diɛ nwuɔ̨ kɛ, diɛ hee mąąwɛli nuą da yeehowolo nuą mɛ̨i; diɛ nwɛ̨ą nwɔ tɛ̨ą mɛ̨nį pili ɉu a hulu.

Izikiɛ 22:7

Ə́ pɔɔli, nuą da tɛɠɛɓo di nąnni da di leeni di hu. Da nweą hon a wea mɛ̨nį ə́ pɔɔli, diɛ di yee pənə, təli da kalanin di hu ə pɔɔli.

Levetekɔ 19:33

«Nwɛ̨ą a hee ə́ kɔ́wɔ mɛ̨i ə́ wɔ lɔi hu, ka hvo ka yee pənə ɉu.

Mise 7:3

Di yee kaa lɔ mɛ̨nį ɲɔ̨n ɉu, nɔi ɲąąwooɓomun a gbɛa niiɓa hɛn vɛli, hvo tɛɠa kɛ mɛ̨nį ɓoi. Giti teemun yɛ nɔgwəi hɛn vɛli, galanɉon a pələ ɓo, ɉɛn ɲɛ̨i a kulɔ bɔ mąą mɛ̨nį ɓa.

Zakari 7:10

'Ka hvo ka yee pənə kalanin da təlilon di hu, ə mą kɛ, nwɛ̨ą, da yeehvowolomu. Nu ta hvo mɛ̨nį ɲɔ̨nwɔ̨ɔ̨ mąą kili tee gwəi yɛ hvilɛn na mɛlan gaalon ma.»

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Lukə 3:14

Holahiɠaa di Ɉaan mąąni kɛ diɛ kpɛli diɛ mą: «Lə ɓə mąąnɛ̨ɛ̨ ku gɛ?» Ɉaan yɛ diɛ: «Ka hvo lɛɛ pɛlɛ nu ta ɓa, ka hvo toomɛ̨i hɛn ɉəɠə nu ta yəi. Mąąnɛ̨ɛ̨ ka hvɛla ə ka lii hon.»

Dutɛrɔnome 1:17

Ka hvo kiti tee a ɲɛ̨i kɔ́lɔn. Ka lokolo woo mɛ̨n nɔ yɛ bələi ka nu kɛnɛ̨ woo mɛ̨n na. Ka hvo ɲɔw nu ta ɓa. Mąąhɔlɔɓo, kiti mɛ̨nį kaa a Yálá yəi mɛ̨nį. Mɛ̨nį ta a walawala ka yəi, ka ɉukulɔ lɔ mą́ą́, ŋį́ gbaɠala kaa.»

Dutɛrɔnome 16:19

Mąą hvo nɛ̨ɛ̨li, ka hvo tɛ̨ąą mɛ̨nį pili ɉu, ka hvo tɔɔ hulu mun da pulu. Ka hvə ka yee hee nɔ gwəi hɛn mu. Mąąhɔlɔɓo, nɔ gwəi hɛn a mɛ̨nį kɔ́lɔn nuą ɲɛ̨ipu, yɛ tələnmomun nwɔ tɛ̨ąą mąą mɛ̨nį pili ɉu.

Dutɛrɔnome 24:13

yá pənə ə́ dolaa hɛn tii tɛɛ bɔ, hvóló hvo tɛɠa laa kpɔlɔ ŋą; mąą nu a laa nwɔ yíihəɠəi tii hu, yɛ lúwɔ́ too yɛ́, ya gɛ tii, yá kɛ a tələnmomun Yai-Laa ka wɔ Yálái ɲɛ̨i ɓa.

Dutɛrɔnome 24:18

Ka ka kiliŋąhiɛ kaa, ka kɛ luwɔlaa hu Eziptə lɔi hu, ɛlɛɛ Yai-Laa ka wɔ Yálái ɓə ka nwun mąąɓo laa. Yili mąą mɛ̨nį ɓə gáá kɛi la kaa, ka díɓoi tii kɛ.

Dutɛrɔnome 24:6

Mąą hvo nɛ̨ɛ̨li di hvo nu nwɔ kwəną da ɲənə həɠə a tolaa, a kɛ tii, daa mąą nu nwɔ yɛnɛ̨ɛ̨ həɠə ɲəi.

Dutɛrɔnome 27:19

«‹Nui a nwɛ̨ą, təlilon da galanən di wɔ tɛ̨ą mɛ̨nį pili ɉu! Yálá! Nɛ̨ŋɛ̨n ə laa!› Nɔi lonnii kəlee di mu hon diɛ mą: ‹Mįįną!›

Zĩi 2:6

Kɛlaa, ka wɛi, ká yeehowolomun mɛlɛ too. Kɛlɛi ɉɛn gɔw nąmįną ɓə da kɛ ka mɔ̨nɔ̨ɓoi-e? Kɛlɛi, diɛ lɔ ɓə nwɔ̨nɔ̨, da kɛ lii a káá kiti pɛlɛ́ la-e?.