Dutɛrɔnome 23:7 - Yálá laawoo hɛɓɛ (dc)

⁷ Ka hvə kpɔ kɛ ka káá ka ɲɛ̨i kulɔi di wɔ hɛn da pɔ, ə mą kɛ di wɔ yee la hvólóon naa ka wɔ yɛnɛ̨ɛ̨ kəlee hu.

Yálá laawoo hɛɓɛ

⁷ Ka hvə kpɔ kɛ ka káá ka ɲɛ̨i kulɔi di wɔ hɛn da pɔ, ə mą kɛ di wɔ yee la hvólóon naa ka wɔ yɛnɛ̨ɛ̨ kəlee hu.

Bible

⁷ “Káfe káyee kùla Idɔŋ-nuu mu. Gáa a káƃarâŋ-nuu. Káfe káyee kùla Ize-nuu mu, kpɛ́ni fêi, ká kɛ̀ a ŋɔ̃ya-ŋa Ize lɔii su.

Dutɛrɔnome 23:7 ပူးပေါင်းရင်းမြစ်များ

Zɛnɛse 25:30

Esau yɛ Ɉakɔbə ɓa: «Ną́n nɛ̨ɛ̨ yɛ́, dɔwɔi ŋɛ̨i ta hvə ŋį́ mį́i, mąąhɔlɔɓo, pulu aa ɓɔ ɉú.» Mɛ̨nįi gɛ diɛ Esau laa hee a Edɔmə yaa li, Edɔmə mukulaa ɓaa: «Mukpɔluɔ.»

Zɛnɛse 46:7

Bələ ɓə Ɉakɔbə da ŋį nu huwui kəlee di li la, di hee Eziptə, yaa, nonnii, ə mą kɛ mąnįn kəlee.

Zɛnɛse 47:12

Ɉosɛfə ə kɔ̨nɔ̨n dɛɛ nąn da niɛni di pɔ, yɛ bələi di kɛ la bɔ.

Zɛnɛse 47:27

Israɛlə pai ə mo Eziptə da ɲəi bɛlɛ́n nuą, Gosɛn ɓə di hee laa. Di hɛn ɉɔlɔɓo, di lonŋąą kaa, di huwu hu ə kɛnɛ̨.

Zɛnɛse 47:6

Eziptə lɔi kəlee kaa ə́ yəi, ɓɛi kpɔ a nɛ̨ɛ̨ yɛ́, di hee laa. Da pɛli mą di hee Gosɛn. Ə́ wɔ nuąi tii lɔwai, nu ta a kɛ laa yii nwəlɛɛ taatɛlɛɛ tɔɔi, ə́ ɉee nwɔ́ taatɛlɛɛɠaai nwun na.»

Tɔɔɓɛlaa dɔlɔɔ 11:25

Rezɔn ə kɛ a Israɛlə ɲowo Salomɔn nwɔ yɛnɛ̨ɛ̨ kəlee yee mu. Mɛ̨nį ɲɔ̨nwɔ̨ɔ̨i Hadadə ə gɛ ya ɓaa: Ə wɛlikpɛɛmąąla kulɔ a Israɛlə. Ə nwɔ tɔɔlaai hee Aramə lɔi hu.

Ɛsdrasə 9:12

Ka hvo ka lonnii nɛ̨ą tɛɛ di lon ɉinąą pɔ, ka hvo di lon nɛ̨ąą həɠə a ka lon ɉinąą di nɛ̨ąni. Ka hvo ka ɲɛ̨i kulɔ di wɔ liilaa da di wɔ kwəinɛ̨ɛ̨ pɔ. Yili ɓə a gɛ, ka hu ə walawala, ka nɔi tɔlɔ kulɔ, ɛlɛɛ, kaa di lɛɛ a kwɛlin yii a kɛ a ka lonnii di wɔ a yələ kəlee.›

Mąątɛ̨nɛ̨ 105:23

Yili pulu, Israɛlə ə li Eziptə lɔi hu, Ɉakɔbə ə mąąkilɛ Kamə nwɔ lɔi hu.

Lɛɛ gbɔwɔ ɓa 22:21

'Hvo mɛ̨nį ɲɔ̨n naa kalanin da təlilon diɛ.

Lɛɛ gbɔwɔ ɓa 23:9

«‹Hvó hee nwɛ̨ą mɛ̨i. Kaa kpinįi, mɛ̨nįi a laa nwɛ̨ą ɓa, ka gɔlɔn. Mąąhɔlɔɓo, kaa kpinįi ka kɛ a nwɛ̨ą Eziptə lɔi hu.

Levetekɔ 19:34

Mąąnɛ̨ɛ̨ ka nwɛ̨ą hon yɛ nɔi lon da, yɛ ka ta. Nwɛli la kɛ yɛ ə́ kpinį, mąąhɔlɔɓo, kaa kpɛli ka kɛ a nwɛ̨ą Eziptə lɔi hu. Ɲą́ą́ ɓə gáá a Yai-Laa ka wɔ Yálá.

Malasi 1:2

Yai-Laa ə mo wɔ nuąi diɛ, yɛ diɛ: «Ká wɛlikaa mą́ą́.» Ká mą́ą́nįn gɛ, kaa kɛ mą: «Lə ɓə kwa pɛli gɔlɔn ɉi la, kuɔ kɛ: ku wɛli kaa yɛ́?» Yai-Laa yɛ diɛ: «Kɛlɛi Ɉakɔbə niɛ ɓa kɛ a Esau-e? Bələi mąn ə kɛ la tii, ŋą́ Ɉakɔbə wɛlilakɛ,

Lonon mo 20:14

Di lɛɛ Kadɛsə, Moisə ə nuą tɔɔ Edɔmə tɔɔmun bɔ, yɛ mą: «Ə́ nąn non Israɛlə woo li, mɔ̨nɔ̨ɠaai kpɔ laa kuɔ, gbaɠala kaa yɛ́.

Dutɛrɔnome 10:19

Kaa kpɛli mąn, ka nwɛ̨ąą wɛli la kɛ. Mąąhɔlɔɓo, kaa ta kɛ a nwɛ̨ąą Eziptə lɔi hu.

Dutɛrɔnome 23:8

Ka hvə Edɔmə nuą kaa a nu ɲɔ̨nwɔ̨ɔ̨ɠaa, ka nąn nonnii ɓaa diɛ. Ka hvə Eziptə nuą kaa a nu ɲɔ̨nwɔ̨ɔ̨ɠaa, mąąhɔlɔɓo, ka kɛ di pɔ lɔi a nwɛ̨ą.