Dutɛrɔnome 23:5 - Yálá laawoo hɛɓɛ (dc)

⁵ Mąąhɔlɔɓo, di hvo gɛ di hvo ka laakwiɛn a kɔ̨nɔ̨n da kpələyá, ka kɛ ɉiɛ pələi kaa həɠə Eziptə lɔi hu. Ɛlɛɛ, mąąhɔlɔɓo, Moabə nuą di lɔ Beɔrə lon Balaamə kilii ə gɛ, ə ka nɛ̨ŋɛ̨n naa. Di Balaamə təli ə həɠə Petɔrə Aramə ɲalee hveelɛ lɔwai.

Yálá laawoo hɛɓɛ

⁵ Mąąhɔlɔɓo, di hvo gɛ di hvo ka laakwiɛn a kɔ̨nɔ̨n da kpələyá, ka kɛɛ ɉiɛ pələi kaa həɠə Eziptə lɔi hu. Ɛlɛɛ, mąąhɔlɔɓo, Moabə nuą di lɔ Beɔrə lon Balaamə kilii ə gɛ, ə ka nɛ̨ŋɛ̨n naa. Di Balaamə təli ə həɠə Petɔrə Aramə ɲalee hveelɛ lɔwai.

Bible

⁵ Kɛ́lɛ Yâwɛɛ fé fáa ní ma a gɛɛ é kɛ́ tí. È naɣaŋ-laai kɛ̀ a lûwa kámɛni ma, kpɛ́ni fêi, è káwɛli ní.

Dutɛrɔnome 23:5 ပူးပေါင်းရင်းမြစ်များ

Samia Veerɛi 16:12

Gbəli hu, Yai-Laa kaa pai ɲɛ̨́i mąąwɛli kaai, ə pənə ə nwún na nɛɛ, a háákələi nɛ̨ŋɛ̨n naa ŋɛ̨i maahvalən.»

Nehemi 13:2

Mąąhɔlɔɓo, di hvo wɔlɔ kɛ Israɛlə lonnii laakwiɛn ni a kɔ̨nɔ̨n da ya; ə lɛɛ, Moabə ə wɔlɔ Balaamə hala, ə gɛ, ə Israɛlə nuą nɛ̨ŋɛ̨n naa, kɛlaa, Yálá ə nɛ̨ŋɛ̨n naa mąą pənə a lúwɔ́.

Mąątɛ̨nɛ̨ 73:1

Asafə nwɔ Yálá mąątɛ̨nɛ̨ woo. A tɛ̨ą, Yálá lii nɛ̨ɛ̨i gwəi Israɛlə pɔ, da nuąi di kwəi kwəlɛɛ.

Hanwon 26:2

Bələi hvólóon a koon na yələ kwəi, ɉeei hvo mą, bələ ɓə nɛ̨ŋɛ̨n naai nwun və mą, hva nu hon.

Ɉeremi 31:3

Yai-Laa ə gbɔwɔ lɛ mą́ą́ kwɛaa la, yɛ mą́ą́: Israɛlə, ə́ wɛli kaa mą́ą́, a wɛlikɛmąąi ɲɛn deei hvo mą, yili ɓə gɛi, gɛ́ ə́ yala la bɔ́ pələ a tələnmolaa.

Izikiɛ 16:8

Gɛ́ɛ́ tɛɛi ə́ kwɛlɛ, ŋą́ ə́ kaa yáá kpɛla kɛa. Ŋą́ nwɔ́ həɠə wəlii ta pɛlɛ ə́ mɛ̨i; ŋą́ ə́ kpuɠulu loo; ŋį́ nwóó kwɛlɛ yɛ́, gwa yɛ́ gu mįnɛ̨ həɠə, ə́ kɛ kɛa a nwɔ́ɔ́. Yai-Laa gu wɔ yálái woo li.

Mise 6:5

Yɛ́i a nwɔ́ nu huwu, ə́ kiliŋąhiɛ, mɛ̨nįi kɛ Moabə tɔɔmun Balakə kwəi yɛ hvilɛn na yɛ́ mą, ɛlɛɛ, bələi Beɔrə lon Balaamə ə nwoo pulu pənə la. Ə həɠə Sitimə, ə həli la Gilgalə, bələi Yai-Laa yee ə tɛɛ la ɲowoɠaa diɛ, ka káá pai gbaɠala kaai.

Malasi 1:2

Yai-Laa ə mo wɔ nuąi diɛ, yɛ diɛ: «Ká wɛlikaa mą́ą́.» Ká mą́ą́nįn gɛ, kaa kɛ mą: «Lə ɓə kwa pɛli gɔlɔn ɉi la, kuɔ kɛ: ku wɛli kaa yɛ́?» Yai-Laa yɛ diɛ: «Kɛlɛi Ɉakɔbə niɛ ɓa kɛ a Esau-e? Bələi mąn ə kɛ la tii, ŋą́ Ɉakɔbə wɛlilakɛ,

Lonon mo 22:35

Kɛlaa, Yai-Laa nwɔ malakai yɛ mą: «Ka nuąi ŋɛ̨i ka li. Kɛlaa, nwooi lɔ gáá pai moi yɛ́, ya ɓə ə́ kaa pai moi.» Balaamə da Balakə nwɔ kalanɉonŋąąi diɛ kɛa li.

Lonon mo 22:5

Ə nuą tɔɔ Beɔrə lon Balaamə pɔ, Petɔrə daai, ɲá kwɛlɛ, nąą ɓə ɉuwu ə həɠə laa. Ə də li, yɛ mą: «Kwaa nu huwu ta kaa ɓɛ, daa həɠə Eziptə lɔi hu, daa nɔi kpɛɛ mą, daa tɔɔ ɓɛ nwɔ́ lɔi tənən ma.

Lonon mo 24:9

Aa mąąyɛɛ, aa pɛlɛ yɛ yala hilɛ, gbɛɛ ɓə nii a kpələ yɛ ɉəɠə bɛlɛi? «Nui a lúwɔ́ too yɛ́, lúwɔ́ ə kɛ mąą nu ɓa, nui a ə́ nɛ̨ŋɛ̨n naa, mąą nu nɛ̨ŋɛ̨n ə laa.»

Lomaŋ 11:28

Bələi Ɉuifəɠaa di lənə la nwɛlɛɛ lɛlɛɛ ɓa, di kɛ a Yálá ɲowoɠaa yili ɓə kɛ a ka wɔ nwun na nɛ̨ɛ̨, kɛlaa, akɛ gwa Yálá nwɔ mɛ̨nį pɛliɛɛ kaa, di kaa a Yálá liiɓa nuą di nąnni pɔlɔɠaa mąą mɛ̨nį ɓa.

Lomaŋ 8:31

Lə mɛ̨nį ɓə gwa pɛli nwɔ̨nɔ̨ moi? Akɛ Yálá tɔɔi gu pulu, gbɛɛ ɓə a pɛli kɔ́ pɛlɛi guɔ?

Lomaŋ 9:13

Yɛ bələi bɛ̨ɛ̨ la, yɛ diɛ: «Ŋą́ą́ Ɉakɔbə wɛli la kɛ, ŋą́ą́ dɛɛ Esau ɓa.»

Korɛntə veelɛ 4:17

Hvo gaai, mɔ̨nɔ̨ logolo tiikpɛi ŋɛ̨i pai kpɛɛi, gaa a ɲɛ̨i pono kɛnɛ̨ɛ̨i kpɛɛ hvo mą, heɛ nuą tɔwɔ.

Dutɛrɔnome 2:29

Esau lonnii di kaa heeni Seirə, da Moabə nuą heeni Arə di hvaa mą ku di wɔ lɔi hu ɓɔ. Yɛ́ kpɛli, hvaa mą, ku tɛɛ ə́ pɔɔli, ku Ɉurdɛn teen, nɔi Yai-Laa aa naakwɛlanmo kuɔ, ku ɉɔlɔ ɓo.»

Dutɛrɔnome 33:3

Israɛlə lonnii wɛli kaa Yai-Laa ɓa; a nwɔ nuą mɛ̨i kaa, diɛi da di ɲąą kpɔn gɔwɔ mu, diɛ di wəli tɔɔ nwɔ liɛwoo ɓa.

Dutɛrɔnome 4:37

Ka nąnni wɛli kɛɛ mɔ̨ɔ̨ kɛ mą, ya ɓə gɛ, yɛ di huwu həɠə a nwɔ nuą. Ɛlɛɛ, di haa pulu, ə ka kulɔ Eziptə lɔ hu a nwɔ huwalawala kɛnɛ̨i.

Zasua 24:10

Kɛlaa, və́ gɛ və́ nwə́li tɔɔ Balaamə woo ɓa, yaamun ə kpaan yɛ lúwɔ́ too kaa, ŋį́ ka kulɔ ɲee ŋą.