Dutɛrɔnome 23:21 - Yálá laawoo hɛɓɛ (dc)

²¹ Ka kwələ tɔɔ nwɛ̨ą ɓa, ka kɛi gbɛ, ka tɔ̨nɔ̨ laa mɛ̨i. Kɛlaa, ka hvo gwələ taalə yili ta tɔɔ ka kaayɔwɔ ta ɓa. Ə gɛ Yai-Laa ka wɔ Yálá yɛ pɛli lúwɔ́ tooi ka kɛ kólóɠaa diɛ nɔi tii ka káá lɔi ɉu kaa hee laa.

Yálá laawoo hɛɓɛ

²¹ Ka kwələ tɔɔ nwɛ̨ą ɓa, ka kɛi gbɛ, ka tɔ̨nɔ̨ laa mɛ̨i. Kɛlaa, ka hvo gwələ taalə yili ta tɔɔ ka kaayɔwɔ ta ɓa. Ə gɛ Yai-Laa ka wɔ Yálá yɛ pɛli lúwɔ́ tooi ka kɛ kólóɠaa diɛ nɔi tii ka káá lɔi ɉu kaa hee laa.

Bible

²¹ “Ka kákono tèe Káɣâlai Yâwɛɛ yêei ka m̀aa mɛnii kɛ́ a maa félaa, kpɛ́ni fêi, a pâi wɛ́li tí-ti ƃôi la káyêei. A kɛ̀ ka wàla gɛ́ tí, gɛ̀ ní ka sɔnyɔ̂ŋ kɛ́.

Dutɛrɔnome 23:21 ပူးပေါင်းရင်းမြစ်များ

Zɛnɛse 28:20

Ɉakɔbə ə nwoo kwɛlɛ Yálá ɓa, yɛ mą: Yai-Laa a lɛɛ bɔ́ nwɔ́ hiɛ ŋɛ̨i hu, ə mą́ą́kpɛ, ə gɔ̨nɔ̨n gɛ, ə mąąhəɠə kɛ,

Zôo 22:27

Yá kɛi vɛli, a ə́ woo mu hon, yii lɔ mąąnɛ̨ɛ̨ ə́ gɛ, ya ɓaa ə́ ə́ woo pɔ mɛ̨nį kɛ.

Mąątɛ̨nɛ̨ 116:18

Mɛ̨nįɠaai kpɔ ŋį́ naakwɛlanmo Yai-Laa ɓa, ŋą́ gəlee kɛ, ŋą́ yili kɛ tii nwɔ nu huwui kəlee ɲɛ̨i ɓa.

Mąątɛ̨nɛ̨ 15:5

Hva kwələ tɔɔ a tɔ̨nɔ̨ hɔlɔɓo pələ ɉu, hva kwəi kwələmun ŋą hɛn gulɔ ɲəi, əgɛ, yili yee ə lɛɛ ɉu. Nui a túwɔ́ tii, dɔɔi lɔ gbilin a yələ kəlee, hva dumo dɔɔi.

Mąątɛ̨nɛ̨ 50:14

Haláái mąąnɛ̨ɛ̨ ə́ gulɔ Yálá ɓa, ya ɓaa: Ə́ gɛ mɛ̨inɛ̨ɛ̨ hu kɔlɔn, ə́ wooi ə́ gwɛlɛ Hɛn Gəlee mɛ̨imun ma, ə́ bɔ mɛ̨nį kɛ.

Mąątɛ̨nɛ̨ 56:12

Yálá ɓə gílitɔɔi mą, və́ ɲɔwi lə ɓə nu kanŋaa da pɛli gɛi a ɲą́ą́?

Mąątɛ̨nɛ̨ 61:8

'Ə lɛɛ lɔ dɔɔlaa hu, kpɛɛ hvo kɛ mą, Yálá ɲɛ̨i ɓa! Wɛlikɛmąąlaa da tɛ̨ą, di tɔɔ gwɛlɛ, diɛ mąą kpɛ!

Mąątɛ̨nɛ̨ 76:11

Ə mą kɛ nu kanŋaa di wɔ líiholi, kaa a ə́ ɲɛ̨i pono hɛn, ɛlɛɛ, yiɠaai da kulɔ niiholii tii yəi, yá di kąnąn ɲɛ́.

Lɛɛ gbɔwɔ ɓa 22:24

«‹Ya kwələ tɔɔ nɔi lon da ɓa, yɛ ɓo a yeehvowolomun, yai ka yaa ka káá ka kee pɔ, hvo kɛ mą: «Tɔ̨nɔ̨ laa mɛ̨i, yɛ́ və.»

Izikiɛ 18:8

hva kwələ tɔɔ a tɔ̨nɔ̨ hɔlɔɓo pələ ɉu, hva kwələ kpɛ a da laa pələ mɛ̨i, yɛ ɲee kulɔ hulu mɛ̨nį hu; yɛ nuą lɔwai mɛ̨nįɠaa ɓo a tɛ̨ą,

Zôna 1:16

Nąąlɔwai, di kəlee di ɲɔw kpɔ kɛnɛ̨, di nɛ̨ɛ̨mą di haláá kulɔ Yai-Laa ɓa, di di woo kwɛlɛ mą a di nwąnąi.

Zôna 2:9

Nuąi di hvilɛn ŋąąi hali kpɛli-kpɛliɠaa pulu, daa di kpɔwɔ mąą kwɛa ə́ wɔ mɛ̨inɛ̨ɛ̨ ɓa.

Maafîu 5:33

«Ka mɛ̨n nwɔ̨nɔ̨ ŋɛ̨i, di wɔlɔ mo ka kálá pɔlɔni diɛ, diɛ mą: ‹Ya ə kwɛla hvo kɛ a lɛɛ. Kɛlaa, mɛ̨nį ya ə́ kwɛla ɉu, mąąnɛ̨ɛ̨ ə́ bɔ mɛ̨nį kɛ Nąmu Yálá ɲɛ̨i ɓa.›

Dutɛrɔnome 14:29

Levi nu huwui tii lɔi hvo di yəi, di kwɛlin və di yəi, nwɛ̨ą, təliɠaa da kalaninŋąą, diɛi tii ka wɔ taaɠaai hui, da pa di di laa mįi, di pilɛ ɉu. Yai-Laa ka wɔ Yálái yɛ pɛli lúwɔ́ tooi kaa ka kɛ mɛ̨nįɠaa kəlee hu.

Dutɛrɔnome 15:3

Nwea nwɛi, ka pɛli gbaan ɉii; kɛlaa ka yəi hɛn ka nąn nonnii yəi, ka nɛɛ di yəi a mɛ̨inɛ̨ɛ̨.

Dutɛrɔnome 23:18

Mąą hvo nɛ̨ɛ̨li haláá wɛli kɛ nɛ̨ąą di hvo kɛ Israɛlə nɛ̨ąą lɔwai, mąą hvo nɛ̨ɛ̨li nwɔ̨nɔ̨ haláá wɛli kɛ nuą di hvo kɛ Israɛlə hinąą lɔwai.

Dutɛrɔnome 23:22

Ka hɛn da laakwɛlanmo Yai-Laa ka wɔ Yálái ɓa, ɉu hvo kwɛa, ka mąą mɛ̨nį kɛ. Ka wala gɛ tii, Yai-Laa ka wɔ Yálái kaa pai gwələ kpɛi kaa. Yili a nəi kɛ kaa a nɛ̨ŋɛ̨n.

Samuɛlə dɔlɔɔ 20:16

Mąą hvo nɛ̨ɛ̨li Ɉonatan laa hvo kpɛɛ, da Saulə nwɔ pɛlɛ́i a gee. A kɛ tii Yai-Laa a nəi Davidə mąąnin gɛ mɛ̨nįi tii hu.