Dutɛrɔnome 23:18 - Yálá laawoo hɛɓɛ (dc)

¹⁸ Mąą hvo nɛ̨ɛ̨li haláá wɛli kɛ nɛ̨ąą di hvo kɛ Israɛlə nɛ̨ąą lɔwai, mąą hvo nɛ̨ɛ̨li nwɔ̨nɔ̨ haláá wɛli kɛ nuą di hvo kɛ Israɛlə hinąą lɔwai.

Yálá laawoo hɛɓɛ

¹⁸ Mąą hvo nɛ̨ɛ̨li haláá wɛli kɛ nɛ̨ąą di hvo kɛ Israɛlə nɛ̨ąą lɔwai, mąą hvo nɛ̨ɛ̨li nwɔ̨nɔ̨ haláá wɛli kɛ nuą di hvo kɛ Israɛlə hinąą lɔwai.

Bible

¹⁸ Káfe pà a wulu-wulu kpɛ́ surɔ̂ŋ kpaa nɛnî da ŋɔwulu-wulu kpɛ́ sɛŋ da Káɣâlai Yâwɛɛ ŋɔkwaa ma waai ma a kono-têe sala-sɛŋ, kpɛ́ni fêi, Yâwɛɛ fé wɛ̂li ní a dí ta.

Dutɛrɔnome 23:18 ပူးပေါင်းရင်းမြစ်များ

Tɔɔɓɛlaa dɔlɔɔ 14:24

Haláá wɛlikɛ nuą di di muhəɠə lɔi hu, di túwɔ́ kpɔlɔɔ yɛ bələi nuąi Yai-Laa ə di hukala Israɛlə mąą mɛ̨nį ɓa, di kɛɛ kala la.

Mąątɛ̨nɛ̨ 22:16

Gwáną aa kpala, yɛ kwɛahaɠa a kɛ nwɔ̨n ɉu, nɛ̨́n yɛ kanąn nɛ̨́ŋɛ̨-nɛ̨ŋɛ̨ mu, yáá náá kámą la pɔlɔkpɔlun ɉu.

Hanwon 26:11

Bələi lɔ yilɛ a pənə yɛ maɠi kɔ̨mɔ̨n la, bələ lɔ ɓə kilikpɛɛgwəi mun a pənə ə too la nwɔ ɓowolaa hu.

Azaya 61:8

Mąąhɔlɔɓo, ɲą́ą́ Yai-Laa, tɛ̨ą ɓə nwɛli kaa mą́ą́, nwuɔ̨, da kɛɛ kala mɛ̨nį wɛli hvo mą́ą́, gáá pai ka hvɛla kulɔi a tələnmolaa, kwa kaani guɔ yələ kəlee mįnɛ̨ həɠə.

Izikiɛ 16:33

Wɛli hon nɛ̨ąą kəlee da kɛ di hala hɔlɔɓoi, kɛlaa ə́ wɛi, ə́ kɛi gɛ ə́ wɔ wɛliɠaai diɛ a mɛ̨inɛ̨ɛ̨; ə gɛ, diɛ həɠə kɛɛnąą kəlee, diɛ pa ka diɛni kaa laa.

Levetekɔ 18:22

«Hvó laa a ə́ ɓɛlan ɉulɔnu, yɛ bələi yá gɛ la a nɛ̨ɛ̨nu, yɛnɛ̨ɛ̨ mąą kalaa li.

Levetekɔ 19:29

«'Hvo ə́ lon nɛ̨ɛ̨nu ɓɛlɛkpɛɛ mą, a gɛi ya mo a wɛlikɛnɛ̨ɛ̨nu, nɔi hvo pa nee ɲee too wɛli kɛɛ hu, naa hvo pa hvɛɛ a wɛli mɛ̨nį.

Levetekɔ 20:13

«Hulɔnu a laa a mɛlan ɉulɔnu, yɛ bələi a laa la a nɛ̨ɛ̨nu, yɛnɛ̨ɛ̨ həɠə mąą mɛ̨nį ka tii di nu hveelɛi daa gɛ, mąąnɛ̨ɛ̨ di di paa, di ɲąmą wulu a lɛɛ di kpɔwɔ nwuɔ̨.

Levetekɔ 7:16

«Nui a naa gwəi, yɛ gaa Yálá kɔ́i a taatɛlɛɛ ta, da ɉaláá huwɔi tii mįi a ɲələi da naa həli la, gbəli a lɛɛ, da pɛli di mįi a bulu ɓa yələ laa ɓɔɔ.

Mise 1:7

Ɉali mąą nįnįnŋaai kpɔ daai, gəlee hu a yali yali. Ɉɔlɔɓo hɛn gəlee a lɛɛ a nwɔ̨n gɔ̨nɔ̨n, ŋą́ nwɔ haliɠaai kəlee wolo-wolo. Mąąhɔlɔɓo, di di tiɛ̨ gee mɛ̨i, a wɛlikɛ nɛ̨ąą yəi wali. Di kaa pai pənəi di kɛ a wɛlikɛ nɛ̨ąą hvɛla.

Habakukə 1:13

Kɛlaa, ə́ wɔ Yálá ɲɛ̨ikɔw hva pɛli mɛ̨nį ɲɔ̨n gɛi kaai, hvá pɛli hvaai mą, hvo kɛ a mɛ̨nį ɲɔ̨n gɛi kaa mun. Akɛtii, lə mɛ̨nį ɓa, ə́ ɲɛ̨i kaa nu ɲɔ̨nŋąą ŋɛ̨i diɛ, hvó da ɓoi? Lə mɛ̨nį ɓa, ə́ ə́ laa pilɛ, nuąi di haŋąą, diɛ mɔ̨nɔ̨ mįi nwąnąlɔ nuą yəi?

Malasi 1:14

Kpalo ɓɛlaai hvulu mun ma, yai a daatɛlɛɛ hilɛ kɔ́lɔi pɔ̨nɔ̨ɔ̨ lɛlɛɛɠaa a di həɠə ɉu a Yálá nwɔɔ, yɛ di lɛɛ ɲəi daatɛlɛɛ kwənąn ɉu, yiiɠaai kiliin ɉi ɲɔ̨nwɔ̨ɔ̨ kaa mą, yɛ bili gee mɛ̨i, yɛ gulɔ a haláá mą́ą́. Kpalo ɓɛlaai mąą nu ɓa, mąąhɔlɔɓo, ɲą́ą́ Yai-Laa Mɛ̨nį Kəlee ŋą Hééɓomun, gáá a Yálái gaa a tɔɔmun, hį́i kəlee diɛ ɲɔw nwɔ huwalawala ɓa.

Maafîu 7:6

«Ka hvo hɛn mąąhəɠɛɛ tɛɛ yilɛɠaa pɔ, ə gɛ, di hvo pa tinɛ̨n di hvo wolo kaa. Ka hvo ka wɔ hɛniɠaai pu ɓoiɠaa kɔ́wɔ mu, ə gɛ, di hvo pa dan a di kɔ́wɔ, di hvo mąąliɓi.»

Dutɛrɔnome 12:6

Nąą ɓə ka káá pai kɛi lii laa a ka wɔ haláá hɛnŋąąi da gəlee kələn, da ka wɔ nɛ̨ɛ̨yɔwɔ laa haláá, ə mą kɛ, ka wɔ hihɛnŋąą má bow nąą, ə mą kɛ, ɉɛnŋąąi ka káá pai kɛi lɛɛi ka kpɔɔ ɓa, kaa Yálá kɔ́ la, ə mą kɛ, yiiɠaai ka káá pai kɛi di laakwɛlanmoi, yɛ bələi: ka wɔ nįŋɛ̨ lonnii dɔlɔɔɠaa kaa la, da mɛlaa lonnii dɔlɔɔɠaa.

Dutɛrɔnome 22:21

Mąąnɛ̨ɛ̨ də li a nɛ̨ɛ̨non tii nąn ɲəi bɛlɛ́ laaləi, daa hilɛlɛa di ɉɔɔ a kwɛni ə haa. Mąąhɔlɔɓo, aa ɓɛlɛkpɛɛmąą túwɔ́ ɓo Israɛlə lɔi hu, aa lɛɛ nąn ɲəi bɛlɛ́n aa wɛli kɛ. Ka mɛ̨nį ɲɔ̨n gulɔ ka lɔwai.

Dutɛrɔnome 23:21

Ka kwələ tɔɔ nwɛ̨ą ɓa, ka kɛi gbɛ, ka tɔ̨nɔ̨ laa mɛ̨i. Kɛlaa, ka hvo gwələ taalə yili ta tɔɔ ka kaayɔwɔ ta ɓa. Ə gɛ Yai-Laa ka wɔ Yálá yɛ pɛli lúwɔ́ tooi ka kɛ kólóɠaa diɛ nɔi tii ka káá lɔi ɉu kaa hee laa.

Filipə 3:2

'Ká gɛ a nɛlɛɛ yilɛɠaa ti mąą mɛ̨nį ɓa, ka gɛ a nɛlɛɛ nɛɛ góló ɲɔ̨nwɔ̨ɔ̨ kɛ nuą tii mąą mɛ̨nį ɓa, 'ká gɛ a nɛlɛɛ, nɛɛ kɛ́nɛ̨lɛai ti mąą mɛ̨nį ɓa.

Piɛrə veelɛ 2:22

Ɉanwon ŋɛ̨i da kɛ mą: «Yilɛ a ɓaɠi, ə tinɛ̨n ə maɠi kɔ́mɔ.» Ə lɛɛ, yii ŋɛ̨i nwɔ̨nɔ̨ da kɛ mą: «Ə mɛ ɓoi waa, a tinɛ̨n ə too palaya hu.» Mɛ̨nįi ti həli diɛ, a nɛ yɛ ɉanwon veelɛi ti kaa tɛ̨ą.

M̀ɛni-lɛɛi 22:15

'Ká kulɔ ɲɛnɛ̨ɛ̨ pələ, yilɛɠaa, ɛlɛɛ, kaahɛn ɉəɠə nuą, tuwɔ pələ ɲɔ̨n gulɔ nuą, ɛlɛɛ, da nu paa nuą, hali kɔ nuą, ɛlɛɛ, da nuąi lɛɛ wɛli kaa diɛ, ɛlɛɛ, diɛ lɛɛ kɛ!