Dutɛrɔnome 22:24 - Yálá laawoo hɛɓɛ (dc)

²⁴ ka li a diɛ daa kpala, ka di hɔɔ a kwɛni, di haa. Ɉalakpəlai tii a haa mąąhɔlɔɓo, ə kɛ taai, hvo gɛ li hvo tómą yɛ nuą təli mą. Ɉulɔnui tii yaa kpɛli a haa, mąąhɔlɔɓo, aa laa a mɛlan mun nɛ̨ą. Bələ ɓə ka mɛ̨nį ɲɔ̨n gulɔ la ka lɔwai.

Yálá laawoo hɛɓɛ

²⁴ ka li a diɛ daa kpala, ka di hɔɔ a kwɛni, di haa. Ɉalakpəlai tii a haa mąąhɔlɔɓo, ə kɛ taai, hvo gɛ li hvo tómą yɛ nuą təli mą. Ɉulɔnui tii yaa kpɛli a haa, mąąhɔlɔɓo, aa laa a mɛlan mun nɛ̨ą. Bələ ɓə ka mɛ̨nį ɲɔ̨n gulɔ la ka lɔwai.

Bible

²⁴ ka dífeerɛŋɔɔ dí sóŋ ká lí a dia daai ŋɔsiɣãŋ lá ká dísɔɔ a kɔni é lɛ́ɛ la zu dí sáa. Ka ǹɛnî-kpelai páa kpɛ́ni fêi, vé láɣi ní a gɛɛ núu da a pɛlɛ mà. Zurɔ̂ŋ ǹyaŋ, kpɛ́ni fêi, a lɔ-pɔ̂rɔŋ kɛ́ a núu da kpɛ́ni ŋɔnɛnî. Berei sîi ŋí su ka pâi zɔnyɔ̂ŋ-ƃelai kulai ǹɔii ma.

Dutɛrɔnome 22:24 ပူးပေါင်းရင်းမြစ်များ

Zɛnɛse 29:21

Gwɛlan mɛ̨ihveelɛi tii tɛɛ pulu, Ɉakɔbə yɛ Laban ɓa: «Guui gu dɔɔi, ɲələ aa ɉəli, nɛ̨́ą tɛɛ kɛa bɔ́, kwa yaa ku kɛ kɛa ku yəi bɛlɛ́n.»

Zôo 31:11

Mąąhɔlɔɓo, a kɛ ti ɓɛlɛkpɛɛmąą túwɔ́ li, a mɛ̨nį yii a yəli kala nu ɓa.

Izikiɛ 16:38

Nɛ̨ąą da wɛli hon diɛ nu ɲąmą pu, pələi da di hutɔɔ la, bələ ɓə gáá pai ə hutɔɔi la. Gáá pai ə́ ɲąmą pui, nį́į́ holi pələ da nwɔ́ tolo kulɔ pələ mąą mɛ̨nį ɓa.

Levetekɔ 20:10

«Nui a laa a mɛlan nɛ̨ą, da nu hveelɛi tii paa.

Maafîu 1:20

Yii kɛa giliɲąhiɛi tii ə too mą, Ną́mu nwɔ malaka ta ə mɛ̨nį ɓo mą hįį pələ, yɛ mą: «Ɉosɛfə Davidə lon, hvo ɲɔw Mari həɠəi a ə́ nɛ̨ą. Mąąhɔlɔɓo, gooi tii mąi, Kili-Mąąhəɠɛɛ kɛ mɛ̨nį li.

Maafîu 1:24

Ɓɛlɔwai Ɉosɛfə ə nwun na, pələi tii Ną́mu nwɔ malaka ə dí la, ə gɛ tii. Ə Mari həɠə a nɛ̨ą.

Korɛntə dɔlɔɔ 5:13

Nuąi di hvo gu pɔ, Yálá ɓə pai di kiti teei. «'Ká mɛ̨nį ɲɔ̨n gɛmun kulɔ ká lɔwai.»

Korɛntə dɔlɔɔ 5:2

Ɛlɛɛ kaamun, káá hvɛɛ a kpɔwɔ ɲąąkɛnɛ̨, ka hvo yili kaa li, a nwumɛ̨ mɛ̨nį, ká hvo mąą wɛli hee ɓo, yɛ haa a too káá, ká mɛ̨nį tii kɛmun gulɔ ká lɔwai.

Dutɛrɔnome 13:5

Yai-Laa ka wɔ Yálá ɓə mąąnɛ̨ɛ̨ ka hvilɛn bulu, ya ɓə mąąnɛ̨ɛ̨ ka ɲɔw mą. Nwɔ tɔ́n mə mąąnɛ̨ɛ̨ ka ɉon; nwoo ɓə mąąnɛ̨ɛ̨ ka ka wəli tɔɔ mą. Yai-Laa ɓə mąąnɛ̨ɛ̨ ka tí mą, ɛlɛɛ, yaa ɓə mąąnɛ̨ɛ̨ ka kanąn mą.

Dutɛrɔnome 17:7

Gəlaɠaa ɓə da gbɛa di yee pɛlɛ baa mɛ̨nį ɓa, yili pulu, nuą kəlee diɛ tɛɠa di laa too ɉu. Ka mɛ̨nį ɲɔ̨n gbɛɛ tii ka lɔwai.

Dutɛrɔnome 21:14

Ka lɛɛ ɲíi ɓa, nwɛli a wala kɛa kɛ yɛ́, ya pɛli nɛɛi laa, ə li a niiɓa. Hvá pɛli nɔwɔtɔɔi, hvá mɔ̨nɔ̨ ɓo, mąąhɔlɔɓo, ə kɛ a ə́ nɛ̨ą.

Dutɛrɔnome 22:23

Akɛ halakpɛla, akɛ a mąąɲaŋąą, doonwəlii kɛɛ hulɔnu ta yəi, hulɔnu takpɛli a ɉon daa kwəi ə laa la,

Dutɛrɔnome 22:25

Akɛ kpomói ɓə ɉulɔnu ə nɛ̨ɛ̨nu toonwəlii kɛɛ tii kaa laa, ə laa la, ɉulɔnui tii mɛ̨nį kɛ, yaa tɔ̨nɔ̨ ɓə a haa.