Dutɛrɔnome 22:1 - Yálá laawoo hɛɓɛ (dc)

¹ Akɛ yá ə́ ɓɛlan gaalon da nwɔ nįŋɛ̨, a wala kɛ tii, nwɔ ɓɛlaa kaa, yɛ li nwun ma, hvó tɛɛ mą. Ɉon, ə́ pənə ə́ li la nąmu pɔ.

Yálá laawoo hɛɓɛ

¹ Akɛ yá ə́ ɓɛlan gaalon da nwɔ nįŋɛ̨, a wala kɛ tii, nwɔ ɓɛlaa kaa, yɛ li nwun ma, hvó tɛɛ mą. Ɉon, ə́ pənə ə́ li la nąmu pɔ.

Bible

¹ “À kɛ̀ núu da a m̀arâŋ-nuu da ŋɔniŋa kpaa máŋ ƃála kàa a láŋ vé tɛ̀ɛ ma. É zoŋ é pá la ǹâmu pɔ́.

Dutɛrɔnome 22:1 ပူးပေါင်းရင်းမြစ်များ

Hanwon 24:11

Nui nwun na pili pələ mɛ̨i, gɛ pələ kwɛli mą, ə́ nwun mąąɓo. Nuąi daa di hon, diɛ li di paai, diɛ tɔɔ yai-yai, kpɔmąą tɛɛ di pɔ, ə́ di kulɔ ɉu.

Hanwon 27:10

'Hvó tee ə́ ɓɛlan bulu, ə mą kɛ ə́ nąn mɛlan. 'Hvó li ə kaayɔwɔ pɔɔli a ɲələi ya kpaan na. Heeyɔwɔlaa hviɛlaɓoɔi kaayɔwɔlaai mąą kwɛaa yɛ́, mą.

Hanwon 28:27

Nui a mąąwɛlimun gɔ́, hɛn da mąąkanąn va hee mą. Nui hvo bɔ hvo ɲɛ̨i lɛlɛɛ hee mąąwɛli nuą diɛ, nɛ̨ŋɛ̨n naa kaa mą.

Azaya 58:7

'Ə́ kɔ̨nɔ̨n da tɛɛ pulu gɛlɛ pɔ, ɛlɛɛ nwɔ̨nɔ̨, ə́ yee hvowolonuą nwɛąlaa kɛ, ya nu kaa həɠə hvo mą, 'həɠə tɛɛ bɔ, nui gaa a ə́ kpinįlee kpɔɔ kpɔɔ, 'hvo ə́ ɲɛ̨i loo mą.

Azaya 8:17

Gáá Yai-Laa mąąkpɔn ɉii, yai aa ɲɛ̨i loo Ɉakɔbə nwɔ pɛlɛ́i ɓa, gílitɔɔi mą.

Izikiɛ 34:16

Daatɛlɛɛ yii aa pili, gáá pai gwɛlii; yii aa kulɔ mɛlaa pɔ, gáá pai gɛi ə pənə ə pa. Yii gɔwɔ tɔ̨nɔ̨ yaliɛ, gáá pai taɠá tɛi mą; yii ɲɔ̨n gɛi, gɛ́ vaŋa lɔ. Kɛlaa, daatɛlɛɛ yii a nwulaa, daatɛlɛɛ yii ɉuwala walaa, gáá pai ɲɛ̨́i kɛi ma a nɛlɛɛ, gáá pai nwɔ́ taatɛlɛɛ kpului ɲąąkɔn ɉii tələnmolaa hu.»

Izikiɛ 34:4

Daatɛlɛɛ yiiɠaai kɛ di hviikpɛɛ, ka hvo di hvaŋą lɔ li; yii ɲɔ̨n ə kɛ mą, ka hvo ɉali kɛ li, yii kɛ gɔwɔ yaliɛ, ká hvo nąą yili li, yii kɛi li nwun ma, ká hvo hee li mą, hvo pənə hvo pa, yai kɛ aa pili, ka hvo gwɛli li. Kɛlaa, kaa wɔ ɲąąwooɓo laa kɛ a wea, a nuą hvinna tɔ́n bələ.

Levetekɔ 20:4

Nɔi lonnii da di ɲįnąą kpulu ɓɛlɔwai nui tii kaa Molɛkə kɔ́i la a non, da wala kɛ bɔ di hvo baa,

Levetekɔ 6:3

Ɉaláá laa həli mun a həɠə kwəlɛɛ, da dɛmą kwəlɛɛ kɛ mą. Daatɛlɛɛɠaa kələn ŋąą pulu, nunwui tii a lɛɛ ɉaláá kulɔi, ɉaláá laa həli mun a gələ laa, ə ɉee ɉaláá kulɔi kwɛlɛ.

Zakari 7:9

«'Mo nɔi lonnii kəlee diɛ, yɛ́ diɛ: Yai-Laa Mɛ̨nį Kəlee ŋą Hééɓomun woo ka, yɛ: 'Ka kiti tee a tɛ̨ą, nu kəlee ə nąn non ɉon a kwəi kwələ laa, da wɛlikɛmąąlaa.

Maafîu 10:6

Kɛlaa, 'ka li Israɛlə nuą yiiɠaai daa pili, ka di kwɛli.

Maafîu 15:24

Jesus ə nɛ̨ɛ̨nui tii woo ŋąąpənə yɛ mą: «Ŋą́ pa lɔ Israɛlə ɓɛlaa yiiɠaai di piliɛ di mąą mɛ̨nį ɓa.»

Korɛntə dɔlɔɔ 9:9

Moisə nwɔ tɔ́n yɛ: «Nįŋɛ̨ a kɛi mɔ̨nun dan, hvo kwɛli too na.» Akɛti, niŋɛ̨ɠaa lɔ ɓə di mąą liihɛlɛn gaa Yálá ɓa?

Dutɛrɔnome 22:2

Akɛ ka ə́ ɓɛlan gaalon tii ka wala kɛ ka kee kwɛlɛ, a wala kɛ tii, yá wala kɛ a gɔlɔn ŋąą, lí a nwɔ taatɛlɛɛi ə́ yəi bɛlɛ́ laaləi, ə lɛɛ laa, ə́ noloɓo, nąmu ə pa ə ɉəɠə.

Piɛrə dɔlɔɔ 2:25

Mąąhɔlɔɓo, ká kəlee ká lanŋąąi kɛ yɛ ɓɛlaaɠaa, kɛlaa yiihu kɛa, káá ká ɲɛ̨i tínɛ̨n ká mɛ̨ikaamun bɔ pələ, yai a ɲɛ̨i kɛ ká nįiɠaa diɛ.