Dutɛrɔnome 21:22 - Yálá laawoo hɛɓɛ (dc)

²² Nu ta a kɛ laa, ə nɛ̨ŋɛ̨n ɉəɠə, yii mąąnɛ̨ɛ̨ ə haa ɉu, ka ɉɛlɛn wulu ɓa, ə haa.

Yálá laawoo hɛɓɛ

²² Nu ta a kɛ laa, ə nɛ̨ŋɛ̨n ɉəɠə, yii mąąnɛ̨ɛ̨ ə haa ɉu, ka ɉɛlɛn wulu ɓa, ə haa.

Bible

²² “À kɛ̀ núu da a lɔii tɔ̂ŋ tòo nyii maa-nɛ̃ɛi dí báa mɛni mai, da bàa dí buma sɛ̂lɛŋ wúru ma,

Dutɛrɔnome 21:22 ပူးပေါင်းရင်းမြစ်များ

Zɛnɛse 40:19

Voló haaɓai tii tɛɛ pulu, tɔɔmun gaa pai giliŋąhiɛi yɛ́, kɛlaa, hvo pai kɛi a nɛlɛɛ, di kaa pai ə́ hɛlɛn ɉii wulu ɓa, nwɛ̨niɠaa di pa diɛ ə́ huwɔ wɛan ɲɛ́.»

Samia Veerɛi 21:10

Aya lon Nɛ̨ɛ̨nu Rispa ə ɓíi həɠə ə bɛlɛ gwɛni mɛ̨i. Ə həɠə ɉihənŋaa ɓa kulɔi lɔwai tɔlɔɔ ɓa, ə həli, ɲələi tulɔ tɔlɔɔ ə pu la nu powaɠaa diɛ. Hvo nɛɛ laa yələi nwɛ̨nįɠaa di hvo di powa kpələ, ə mą kɛ lɔwɔ huwɔɠaa di hvo lɛɠɛ diɛ a kpįnį.

Samia Veerɛi 21:6

nu mɛ̨ihveelɛ tɛɛ ku pɔ ɉuwu hu nuą lɔwai, ku di hɛlɛn Yai-Laa lííla, Saulə ŋɛ̨i Yai-Laa ə ɉee a tɔɔmun bɔ taai Givea.» Tɔɔmun yɛ mą: «Gáá di tɛɛi ka pɔ.»

Samia Veerɛi 21:9

ə di tɛɛ Gabaɔn nuą pɔ, di di hɛlɛn ɲee tona, Yai-Laa lííla. Nu mɛ̨ihveelɛi tii kəlee di haa laa. Di di paa, ɓɛlɔwai di kɛ hihɛnŋaa ma kulɔ la, kpai teɛ kɔ́wɔ tɔɔi lɔwai.

Samia Veerɛi 4:12

Davidə ə mo ɉilɛlɛaa diɛ, di di paa, di di yeeɠaa teee diɛ, da di kɔ́ɔɠaa, di di hɛlɛn Hebrɔn daa ɲálɔwa kwɛlɛ. Di Isbosɛtə nwun galən ɉəɠə di noo Avnɛrə kámą hu Hebrɔn daai.

Lonon mo 25:4

Yai-Laa yɛ́ Moisə ɓa: «Nɔi ɲɛ̨itɔwɔ nuą kəlee hon, ə di hɛlɛn wulu ɓa Yai-Laa lííla, di ɲɛ̨i heɛ hvóló ɓa; Yai-Laa nwɔ liiholi kɛnɛ̨i yɛ pɛli həɠəi Israɛlə pulu.»

Maafîu 26:66

Akɛti, ka wɔ kiliŋąhiɛ kaa ləi?» Nuą kəlee di bumą diɛ mą: «Mąąnɛ̨ɛ̨ ə haa!»

Markə 14:64

Yálá lalan woo ŋɛ̨i aa mo, ka káá kɛi lə?» Nu kəlee diɛ mą, mąąnɛ̨ɛ̨ di baa.

Lukə 23:33

Ɓɛlɔwai kɛa di həli la gɛɛnąą ŋɛ̨i da kɛ mą: nwun gonon ɲee ɓa, di nu haaɓai tii kpanwo kolɔwa ɓa. Jesus ə lɛɛ di hąmąi.

Gɛlaɠaa 23:29

Kɛlaa, ŋį́ gaa, gɛ́ mɛ̨nįɠaai di kaa moi a naa, hvilɛnŋąąi di huwu la mɛ̨nį ɓa, kɛlaa, di hvo kɛ li a mɛ̨nįi da nu paa ɉu, awala kɛ tii, di ɲili.

Gɛlaɠaa 25:11

Akɛ kpɔ ŋą́ą́ ɉɔ́n gɛ, akɛ ŋą́ą́ mɛ̨nį ɲɔ̨nwɔ ta kɛ, a báá mɛ̨nį, və́ lənə li ɉáá mɛ̨nį ɓa. Kɛlaa, akɛ mɛ̨nįɠaa ŋɛ̨i di kaa moi a náá tɛ̨ą hvə ɉu, nu ta hva pɛli dɛ́ɛ́i di pɔ. Nɔi nwun nąmu ɓə gɛ́, ə gítí tee.»

Gɛlaɠaa 25:25

Yii ɓaa nwɛ́i və́ mɛ̨nį ta kaa li mą, yɛ pɛli ɉu haa ɓo. Kɛlaa, yɛ bələi yaa kpinįi ə ɉuhvɛli la, yɛ nwɔ mɛ̨nįi ə ɓo nɔi nwun nąmu lii la, ya ɓə gɛ, gɛ́ diɛ: gáá dɛɛi mą.

Gɛlaɠaa 26:31

Di kɛɛ kulɔi, di kɛli kɛ di kee ɓa: «Ɉulɔnui ŋɛ̨i, hɔn da hvo mą, yii a ɉu haa ɓo, a wala kɛ ti, diɛ doo la gaho ŋą.»

Dutɛrɔnome 19:6

Nui ŋɛ̨i di baa, mąą hvo nɛ̨ɛ̨li, nwɔ kwələ kulɔ mun hvo hvilɛn nu paa mun di pulu, hvo mąn bələ kwɛa mɛ̨nį ɓa, hvo baa bələ pɔ. Nui ŋɛ̨i mɛlan baa a ɲowa, yii kpɔ yaan wɛli kpɛɛ mąą laa hvo kɛ li di lɔwai a bɔlɔ, mąą hvo nɛ̨ɛ̨li di hvo baa.

Dutɛrɔnome 22:26

Kɛlaa, ka hva mɛ̨nį ta kɛ nɛ̨ɛ̨non ma. Hvo nɛ̨ŋɛ̨n gɛ li, yii mąąnɛ̨ɛ̨ ə haa ɉu. Gaa lɔ yɛ, hulɔnu ta a wolo mɛlan ɉulɔnu ɓa, ə baa lɔwɔi.

Zasua 10:26

Yili pulu, Ɉosue ə dɔɔɓɛlaai tii paa, ə di hɛlɛn wulu lɔɔli ɓa, di lɛɛ hɛlɛn ni nwuluɠaa ɓa, ə lɛɛ ɉu yələ ə wulu.

Zasua 10:27

Hvóló kɛɛ laai kpɔlɔ ŋą, Ɉosue ə mo di di kulɔ nwuluɠaa diɛ, ɛlɛɛ, di di pili gwɛni woloi tii di di loo laa, ɉu. Di kwɛni kpuwulu kpɛa kpɛa laa gwɛni wolo laaləi, di kaa ni laa yiihu.

Zasua 8:29

Yii ɓaa Ai tɔɔmun nwɛi, di ɉɛlɛn wulu ta ɓa, ə lɛɛ laa hɛlɛn ni, ə lɛɛ la ɉu, yələ ə wulu, ɓɛlɔwai hvóló ə laa la kpɔlɔ ŋą, Ɉosue ə mo, di bowa kulɔ nwulu ɓa, di doo Ai daa mąąkpɛ hį́i gbon na, di kwɛni hį́i tɔɔ mɛ̨i, gaa laa háá ɓa háá.

Samuɛlə dɔlɔɔ 26:16

Mɛ̨nįi tii yáá gɛ, hvo lɛlɛ li. Yɛ bələi Yai-Laa kaa la a vulú, mąąnɛ̨ɛ̨ kɛ di ka kəlee ka paa, mąąhɔlɔɓo, ka hvo ka ɲɛ̨i kɛ li ka wɔ tɔɔmun ma, yai Yai-Laa aa dɔɔ wulɔ hiɛ mą. Naa kaa tai, tɔɔmun nwɔ kpalai da nwɔ ya pu hɛn di kaa mį?»