Dutɛrɔnome 20:16 - Yálá laawoo hɛɓɛ (dc)

¹⁶ Kɛlaa nu huwuɠaai ŋɛ̨i Yai-Laa ka wɔ Yálái kaa di wɔ taaɠaai tɛɛi ka pɔ a ka hee taa, nąąɠaa lɔ ɓə mąą hvo nɛ̨ɛ̨li ka hvo nu kan da lɔpee lɛɛ la a vulú.

Yálá laawoo hɛɓɛ

¹⁶ Kɛlaa nu huwuɠaai ŋɛ̨i Yai-Laa ka wɔ Yálái kaa di wɔ taaɠaai tɛɛi ka pɔ a ka hee taa, nąąɠaa lɔ ɓə mąą hvo nɛ̨ɛ̨li ka hvo nu kan da lɔpee lɛɛ la a vulú.

Bible

¹⁶ “Daa-lee-ŋai ǹɔii-ŋûŋ-ŋai su Káɣâlai Yâwɛɛ a dɛɛ̂i kápɔi, káfe sɛŋ da kélee lɛ̀ɛ naa nyii vúlu káa zui.

Dutɛrɔnome 20:16 ပူးပေါင်းရင်းမြစ်များ

Lonon mo 21:35

Di yee ə tɛɛ Ogə ɓa, yaa da nonnii, da nwɔ nuą kəlee. Di tɔ̨nɔ̨ kpɛli hvo kulɔ ɉu. Di nwɔ lɔi hon, di hee laa.

Lonon mo 31:17

'Ka ɉilɛlɛa kəlee paa, ɛlɛɛ nɛ̨ąąi kpɔ hulɔnu mɛ̨nį hu kɔ́lɔn, ka gəlee paa.

Lonon mo 33:52

ka nɔi hu nuą kəlee kpɛ. Ka di wɔ haliɠaai kəlee kulɔ nɔi, yiiɠaai di ɉaɠaa a kwɛni; di wɔ haliɠaai kpɔ tii a kwɛli həgeenŋąą, ka gəlee kulɔ nɔi, ka di wɔ hali kɔ́iɠaa kəlee taɠa.

Dutɛrɔnome 20:15

Daaɠaai kpɔ tii di mąą kwɛa kaa, bələ ɓə ka káá pai di hon ɉii la, ə mą kɛ yiiɠaai di hvo a nɔi tii hu taaɠaa.

Dutɛrɔnome 20:17

Yiiɠaai a Hɛtə nuą, Amɔrə nuą, Kanaan nuą, Perizi nuą, Hivi nuą, da Ɉebusə nuą, ka gəlee paa kpɔɔ tɛ̨ɛ̨tɛ̨ɛ̨; yɛ bələi Yai-Laa ka wɔ Yálái kaa ka tí la.

Dutɛrɔnome 24:4

Ɉilɛ tɔlɔɔ-tɔlɔɔ tii hva pɛli mą hvo pənə hvo ɉəɠə a nɛ̨ą. Mąąhɔlɔɓo, nɛ̨ɛ̨nui tii aa tɔ́n bɛlɛ gbɔwɔ ɓa, mɛ̨nį ɲɔ̨nwɔ̨ɔ̨ kɛnɛ̨ li Yai-Laa ɲɛ̨i ɓa. Nɔi Yai-Laa ka wɔ Yálái aa dɛɛ ka pɔ, ka hvo ŋɛŋɛn nɔ mą.

Dutɛrɔnome 31:5

Yai-Laa kaa pai di lɔi ka yee ŋą; ka di hon yɛ bələi ŋį́ ka tí la.

Dutɛrɔnome 4:21

Ka mąą mɛ̨nį ɓa, Yai-Laa ə níiholi bɔ́, ə gwɛla, yɛ və́ pai Ɉurdɛn teen ɉii, ɛlɛɛ, nɔi lɛlɛɛ tii Yai-Laa ka wɔ Yálái kaa dɛɛi ka pɔ a ka wɔɔ, və́ pai lɔi ɉu.

Dutɛrɔnome 7:16

Nu huwuɠaa kpɔ tii Yai-Laa ka wɔ Yálái kaa pai di lɔi ka yee ŋą, ka gəlee paa, ka hvo da mąąwɛli kaa. Ka hvo kwɛli hvilɛn di wɔ haliɠaa diɛ, yili a nəi kɛ a hɛlɛn dɛɛ ka tɔwɔ.

Zasua 10:20

Kpɛɛi Ɉosue da Israɛlə lonnii di mo a gɔ́ kalaa diɛ kpɔ hɔwɔ-hɔwɔ, diɛ di kəlee di paa; nu taɠaa nwun ə kulɔ ɉu, di pu, di lɔ daa kpɛa kpɛaɠaa hu, di mąą tínɛ̨n ŋąą a hįį kpoloon.

Zasua 10:28

Voló tɔ̨nɔ̨i tii yeemu, Ɉosue ə lɔ Makeda daai, ə ɉu nuą kɛ a kɔ́ kɔ́ ɓɔwa kɔ̨nɔ̨n, ə mą kɛ nąą tɔɔmun; ə di kəlee di paa kpɔ tɛ̨ɛ̨tɛ̨ɛ̨, hvo hɛn da lɔpee lɛɛ a vulúmąą, ə mą kɛ nu tɔ̨nɔ̨ ɓə, hvo nɛɛ laa a vulú; ə Makeda tɔɔmun ɉon, yɛ bələi ə Ɉeriko tɔɔmun ɉon na.

Zasua 10:40

Ɉosue yee ə tɛɛ ɲee hu lɔi kəlee ɓa, nɛ̨ŋɛ̨ lɔi da ɲá kwɛlɛ lɔi, da di wɔ tɔɔɓɛlaa kəlee, hvo da lɛɛ a vulú; hɛn nɔpee nɔ̨ɔ̨ kaa ɉu, ə gəlee kulɔ a haláá Yálá ɓa. Yɛ bələi Yai-Laa Israɛlə nwɔ Yálá ə mo la.

Zasua 11:14

Israɛlə nuą di daaɠaa tii hu hɛnŋąą, da daatɛlɛɛɠaa kəlee həɠə a kɔ́ pulu hɛn. Kɛlaa, di nu kanŋaa kəlee paa kpɔ tɛ̨ɛ̨-tɛ̨ɛ̨, di hvo kpɛli nu ta lɛɛ a vulú.

Zasua 6:24

Yii ɓaa daa nwɛi, di nwɔ̨n nɔ ɉu, di gəlee kələn, hvo kɛ li: wali, da hɛni, ɛlɛɛ, da ɉɛnŋąąi kɛ a ɓala kwɛli, da kwɛli kpɔ-kpɔɔ, di yiliɠaa pu Yai-Laa nwɔ hɛn gɔw kəhii hu ɲəi bɛlɛ́n.

Zasua 8:25

Nuąi haa a volói tii, di kɛ a nu waa pow kɔ́w hveelɛ, gəlee di ɓo a Ai daai nuą.

Zasua 8:8

Ka yee a pɛli daa ɓa, ka nwɔ̨n bili daai, ka gɛ kpɔlɔɔ yɛ bələi Yai-Laa ə mo la. Yili ɓə gáá ka tí la.»

Zasua 9:24

Di Ɉosue woo ŋaapələ diɛ mą: «Mɛ̨nįi Yai-Laa ə́ wɔ Yálái ə mo nwɔ tímun Moisə ɓa, daa kɛ lamun ɉukulɔi ə́ wɔ nuąi diɛ, a nɔi ŋɛ̨i tɛɛ mɛ̨nį ka pɔ, da ɉu nuą kəlee paa mɛ̨nį, kaa pɛli heei laa. Ku ɲɔw kaa kɛnɛ̨, mɛ̨nįi ku dúwɔ́i tii ɓo la, nwun ni.

Zasua 9:27

Volói tii, Ɉosue ə di kɛ a nu kpɔ́n gəlee nwɔ kwɛi kwɛli nuą da nwɔ ya haɠa nuą, Yai-Laa nwɔ haláá kulɔ mɛ̨nį ɓa. Ɓɛi lɔpee Yálá kaa pai ɲee kpuɔ lɛi laa, gaa lɔ tii, ə mą kɛ háákələi.

Zasua 9:7

Israɛlə lonnii diɛ diɛ: «Ka káá kiɛ ɓɛ lɔ ku kwɛlɛ; gwa kaa ni gwa pɛli mįnɛ̨ həɠə pələ kɛi ləi?»

Samuɛlə dɔlɔɔ 15:3

Yili ɓa, li, ə́ Amalɛkə nuą kəlee paa, hvo dɔ̨nɔ̨ kpɛli lɛɛ, da ɉɛnŋaai kpɔ gaa laa gəlee; ə kɛ a hulɔnu, nɛ̨ɛ̨nu, lokolo, ə mą kɛ a ɲįnį kpələ lon, nįŋɛ̨ɠaa, ɓɛlaaɠaa, ɲɔ̨nwɔmɛɛɠaa, da hoohvaalənŋaa.›»