Dutɛrɔnome 2:7 - Yálá laawoo hɛɓɛ (dc)

⁷ Mąąhɔlɔɓo, Yai-Laa aa lúwɔ́ too yɛ́ ə́ kɛ mɛ̨nįɠaa kəlee hu. Ɉiɛi yáá gulɔ nɔi pun gɛnɛ̨i hu, gbaɠala kaa mą. Gwɛlan bow nąn ga, Yai-Laa ə wɔ Yálái kaa lɔ ə́ pɔ hɛn da mąąkpaan və ta hee li yɛ́.

Yálá laawoo hɛɓɛ

⁷ Mąąhɔlɔɓo, Yai-Laa aa lúwɔ́ too yɛ́ ə́ kɛ mɛ̨nįɠaa kəlee hu. Ɉiɛi yáá gulɔ nɔi pun gɛnɛ̨i hu, gbaɠala kaa mą. Gwɛlan bow nąn ga, Yai-Laa ə wɔ Yálái kaa lɔ ə́ pɔ hɛn da mąąkpaan və ta hee li yɛ́.

Bible

⁷ “Yâwɛɛ a lûwa láa kâa m̀ɛnii su ka gɛ̂i. È m̀ɛnii kɔ́lɔŋ ká tɛ̀ɛ zu vɛ̃ɛ-kpâlaŋ sui. Góraŋ buu náaŋ ká gɛ̀ naa è kɛ̀ kákɔlɛ. Sɛŋ da gôlo fé tòo ní kâa.

Dutɛrɔnome 2:7 ပူးပေါင်းရင်းမြစ်များ

Zɛnɛse 12:2

«Gáá pai ə́ kɛi a hį́i tamąą di nąn. Gáá pai lúwɔ́ tooi yɛ́, ŋą́ ə́ kɛnɛ̨, ə́ kaa pai kɛi a nu takpɛliɠaa di wɔ lúwɔ́ don.

Zɛnɛse 24:35

Yai-Laa aa lúwɔ́ too nwɔ́ mɛ̨nį nąmu Abrahamə ɓa, aa gɛ a nu walawala, aa hɛn gɔw kɛnɛ̨ tɛɛ bɔ. Aa taatɛlɛ kpulu kɛnɛ̨ tɛɛ bɔ, gbɛa-kpɛaa da bɛlɛɛ pɛlɛɛ, wali da hɛni, ə mą kɛ, luwɔ hinąą da luwɔ nɛ̨ąą; Ɲɔ̨nwɔ̨mɛ̨ɛ̨ɠaa da hoohvaalənŋąą.

Zɛnɛse 26:12

Mąą kwɛlan tii hu, Isaakə ə tíi kɛ nɔi tii hu, ɉi hɛnŋąą di lɛlɛ kpɔ kɛnɛ̨, yii ə ɉi, ə ɉeei nwun dɔ̨nɔ̨ hɔlɔɓo. Mąąhɔlɔɓo, Yai-Laa ə lúwɔ́ too mą.

Zɛnɛse 30:27

Laban ə nwoo ŋąąpənə, yɛ mą: «Ɉakɔbə, ə́ wəli tɔɔ kpɔ a nɛlɛɛ, nwɔ́ haliɠaai daa nɛ mą́ą́, diɛ: Yálá hvulu aa lúwɔ́ too ɲə́i hɛnŋąą diɛ, ə́ mąą mɛ̨nį ɓa.»

Zɛnɛse 39:3

Potifarə ə gaa yɛ, Yai-Laa kaa Ɉosɛfə pɔ, mɛ̨nįi a ɲee too ɉu, ɉu a nɛ̨ɛ̨,

Zɛnɛse 39:5

Ə həɠə kɛa nąąlɔwai ɓa, Ɉosɛfə mąą mɛ̨nį ɓa, Yai-Laa ə Potifarə yəi bɛlɛ́n da ɲəi ɲɛa hɛnŋąą kəlee ŋąą nɛ̨ɛ̨.

Nehemi 9:21

Kwɛlan bow nąąn ɲee mu, ə́ di kɔ̨nɔ̨n gɛ. Kɛi di mo nɔi pun ɉu, hɛn da mąą kpaan və kɛ diɛ, di mąąhəɠəɠaa di hvo haɠa, di kɔ́wɔɠaa di hvo hvɛɛ.

Zôo 23:10

Ya pa, ə dɛ́ɛ́ pələ kɔ́lɔn. A ɉúkɔɔn, ŋą́ kulɔ ɉu a mąąhɛɠɛɛ yɛ hɛni.

Mąątɛ̨nɛ̨ 1:6

Mąąhɔlɔɓo, Yai-Laa ə tələnmo nuą kpaalə kɔ́lɔn, Kɛlaa, nu ɲɔ̨nwɔ̨ɔ̨ɠaa kpaalə hu a kala.

Mąątɛ̨nɛ̨ 107:4

Daɠaa di lan lɔi pun ɉu, pələ puɔɠaa hu, di hvo kɛi taa kaa, yii nu a kɛ ɉu.

Mąątɛ̨nɛ̨ 31:7

Yiiɠaa da hvilɛn kpɛli kpɛli hɛnŋąą pulu, di wɛli hvo mą́ą́, nwɛ́i, ŋą́ gílitɔɔ Yai-Laa ɓa.

Mąątɛ̨nɛ̨ 90:17

Nwɔ́ mɛ̨nį Nąmu ku wɔ Yálá, ku hon a liinɛ̨ɛ̨ gwəilaa! Ku kɛ kolóɠaa dɔlɔ kɛ mą ku yəi! Nɛ̨ɛ̨ yɛ́ ną́n! Ku kɛ kolóɠaa dɔlɔ kɛ mą, yɛ pɛli lamui ku yəi.

Lɛɛ gbɔwɔ ɓa 16:35

Israɛlə lonnii di manə mįi kwɛlan bow nąąn ɲee mu, ə lɛɛ ɉu, di həli Kanaan lɔi ɲɛ̨in ma.

Ɉeremi 2:2

'Lí! Ə mɛ̨nįi ŋɛ̨i ɓo Ɉerusalɛmə daai a lolo, yɛ́ diɛ: Yai-Laa yɛ: Ə́ kpəla yələ, mɛ̨nįi ə́ gɛ, gaa gili tooi ə́ ŋą; yɛ bələi Nɛ̨ɛ̨non daa ɉilɛtaai kɛ, nwɔ wɛlikɛmąą a kɛ la. Ə́ hvilɛn ŋąą kɛ búlu nɔi pun ɉu; kpomó hu;

Osia 13:5

Ɲą́ą́ nwɛ́i, ŋį́ ə́ kɔ́lɔn nɔi pun ɉu, nwəleen nɔi tii hu.

Amɔsə 2:10

Gɛɛ yili hvo kɛ, ŋį́ di kulɔ Eziptə lɔi hu. Ŋą́ lɛɛ di pɔ kwɛlan bow nąąn ɲee mu, nɔi pun ɉu. Ɛlɛɛ ɉu, nɔi ŋɛ̨i kɛ a Amɔrə nuą di wɔɔ, ŋį́ naa tɛɛ ka pɔ.

Lonon mo 1:1

Yai-Laa ə pələ ɓo Moisə ɓa Sinai nɔi pun ɉu, gee kaa kələ mu. Di kulaa Eziptə lɔi hu, gwɛlan veelɛ nwɔ ɲąnin veelɛnąą voló tɔlɔɔ li kɛ. Yɛ mą:

Lonon mo 14:33

Ka kwəi lonnii di kaa ka wɔ túwɔ́ pələ ɲɔ̨n tii ɉu mɔ̨nɔ̨ mįi kwɛlan bow nąąn ɲee mu, ə lɛɛ ɉu ka powa ə too ɓɛ nɔi pun ɉu.

Lonon mo 14:34

Hvóló pow nąąn ɓə ka gɛ kaa nɔi tii hu hiɛ, kaa mąąkpɛɛ; yili ɓa, hvóló tɔ̨nɔ̨ kaa a kwɛlan dɔ̨nɔ̨. Kwɛlan bow nąąn ɓə ka káá gɛi, kaa ka wɔ mɛ̨nį ɲɔ̨n tii ɉu mɔ̨nɔ̨ mįi. Yili pɔ pələ ɓə ka gaa la, kaa diɛ, nu a gili kulɔ ɉú, ɲɔ̨nwɔ̨ɔ̨i.›

Lonon mo 22:12

Yálá yɛ Balaamə ɓa: «Mąą hvo nɛ̨ɛ̨li hvó lɛɛ di pulu, ka diɛni ka hvo li, ɛlɛɛ, hvó nu huwui tii nɛ̨ŋɛ̨n naa, mąąhɔlɔɓo, lúwɔ́ kaa diɛ.»

Lonon mo 32:13

Yai-Laa lii ə holi Israɛlə pɔ, ə di nwun ɉu hiɛ nɔi pun ɉu kwɛlan bow nąąn ɲeemu. Ə lɛɛ ɉu nuąi kpɔ tii Yai-Laa líiholi, gəlee di haa.

Lukə 22:35

Yɛ diɛ: «Ɓɛlɔwai ŋį́ ka tɔɔ la, pɔlɔtimąnįn və kɛ ka yəi, ɓíi hvo kɛ ka yəi, ə mą kɛ kɔ́lɔ, lə ɓə ka hvɛɠɛɛ la?» Galan nɛa diɛ mą: «Ku hvo hvɛɠɛ li a hɛn da.»

Ɉaan 10:27

Ŋɔ́ ɓɛlaaɠaai da nwóó mɛ̨n, ɲą́ą́n ŋį́ di kɔ́lɔn, ə lɛɛ, da hvilɛn búlú.

Dutɛrɔnome 1:19

Yili pulu, nɔi pun gɛnɛ̨ɛ mąą ɲɔuwɔ ŋɛ̨i Horɛbə, ku həɠə laa, yaai ka gaa Amɔrə yeeɠaa lɔwai, gu tɛɛ ɉu; yɛ bələi Yai-Laa gu wɔ Yálái ə mo la guɔ. Ka gu pa gu həli Kadɛsə-Barnea.

Dutɛrɔnome 1:46

Ya ɓə ka lamun Kadɛsə a ɉu kwɛa, lɔ yɛ bələi kwaa gbɛa kɛ lamun la laa.

Dutɛrɔnome 2:14

Ə həɠə Kadɛsə-Barnea ə həli la ɓɛlɔwai gu Ɉerɛdə yá teen na, gu lamun ɉiɛ hu a kwɛlan bow haaɓa gɔw mɛ̨ihaaɓa. Nuą kpɔ kɛ da pɛli kɔ́ kɔ́i, di kəlee di haa, yɛ bələi Yai-Laa ə mo la yɛ gwɛla ɉu.

Dutɛrɔnome 2:6

Kɔ̨nɔ̨n ka káá lii kɛi mįi laa, ka ɲa di yəi a wali; Ə mą kɛ ka kpələ yá, mąąnɛ̨ɛ̨ ka ɲá di yəi a wali.»

Dutɛrɔnome 29:4

«Kwɛlan bow nąąn ɲee mu, ŋį́ tɔɔ ka ɲɛ̨i tɔwɔ nɔi pun ɉu. Ka mąą həɠəɠaa di hvo haɠa, ka kɔ́ɔŋą kɔ́lɔɠaa di hvo haɠa.

Dutɛrɔnome 29:5

Lɛɠɛ hvəi kɛ a ka kɔ̨nɔ̨n, lɔɔ da hɛn a nu nwun ɉu tinɛ̨n, ya hvəi kɛ a ka kpələ yá. Mąą nɛ̨ɛ̨i kɛ ka gbaɠala kaa, kaa diɛ: Ɲą́ą́ gáá a Yai-Laa ka wɔ Yálá.

Zasua 5:6

Kwɛlan bow nąąn mə di gɛ ɉiɛ hu; nuąi kulɔ Eziptə bɛlɛɛ gɔ́kulááɠaa diɛ, gəlee di haa. Mąąhɔlɔɓo di hvo di wəli tɔɔ Yai-Laa woo ɓa, yili ɓə gɛ, Ə gwɛla yɛ diɛ, nɔi Ə naakwɛlanmo di nąnni diɛ, yɛ gaa dɛɛi di pɔ, diɛi tii hvo kɛa pai həlii laa; a nɔi hɛn gəlee a lɛlɛ mą.