Dutɛrɔnome 2:25 - Yálá laawoo hɛɓɛ (dc)

²⁵ Ə həɠə háákələi ɓa, nu huwui kpɔ yələkɔlɔn mu, gáá ɲɔw lɔi di hu, di mąą yɛ kpɛlin ka ɲɛ̨itɔwɔ. Da kɛi pa ə́ laa pələ mɛ̨n ɉii, di kaa pai kɛi kpɛlin ɉi, di lii yɛ kpɛlin di kwəi.»

Yálá laawoo hɛɓɛ

²⁵ Ə həɠə háákələi ɓa, nu huwui kpɔ yələkɔlɔn mu, gáá ɲɔw lɔi di hu, di mąą yɛ kpɛlin ka ɲɛ̨itɔwɔ. Da kɛi pa ə́ laa pələ mɛ̨n ɉii, di kaa pai kɛi kpɛlin ɉi, di lii yɛ kpɛlin di kwəi.»

Bible

²⁵ É síɣe sâa ma é lí tuɛ-pere, ŋa pâi yao kɛ́tɛ pûi ŋ̀éniɛi su-ƃelai kélee kponôi. Da kátuŋ mɛ̀ni da pâi kpɛ̃linii dílii é tóo pôlu ká mɛni ma.

Dutɛrɔnome 2:25 ပူးပေါင်းရင်းမြစ်များ

Zɛnɛse 35:5

Ɓɛlɔwai Ɉakɔbə da nwɔ nuąi di di tiɛ̨ həɠə la, diɛ li, Yálá ə ɲɔw kɛnɛ̨ too nɔi tii hu nuą hu, nu tɔ̨nɔ̨ kpɛli hvo hvilɛn di pulu.

Kɔlɔnikɔ Maa-ŋuŋ 14:17

Davidə laa ə tɛ nɔi kəlee hu, Yai-Laa ə Davidə yee kɔ̨nwɔ̨n ɉu ɓɛlɛ lɔi kəlee diɛ ɲɔw mą.

Mąątɛ̨nɛ̨ 105:38

Eziptə kwəi ə nɛ̨ɛ̨, di li mɛ̨nį ɓa, mąąhɔlɔɓo, ɲɔw aa kɛ pili di hu.

Lɛɛ gbɔwɔ ɓa 23:27

«‹Gáá ka mąą tin dooi, nɔi ŋɛ̨i ka káá pai lii ɉu, nąą nuą hu ə pu diɛ, ka yowoɠaa da pu ka tɔwɔ.

Ɉeremi 33:9

Náá lɛlɛɛ kaa pai tɛi mɛ̨nįi tii hu, yɛ kɛ a ɲɛ̨́i pɔ̨nɔ̨ mɛ̨nį da gwə́inɛ̨ɛ̨ mɛ̨nį, ɓɛlɔwai yɛnɛ̨ɛ̨ lɔiɠaa kəlee kaa pai bələ mɛ̨n ɉii la, diɛ kɛ ŋą́ą́ mɛ̨nįɠaai tii kɛ Ɉuda da Israɛlə diɛ. Di kaa pai di laa taɠai, diɛ ɲɔw, nwun na nɛ̨ɛ̨ kɛnɛ̨i da mɛ̨inɛ̨ɛ̨ kɛnɛ̨i gáá pai gɛi Ɉuda ɓa, di mąą mɛ̨nį ɓa.»

Lonon mo 22:3

Moabə taa kwəi ə pili mą, ɉu ə pu mą a ɲɔw, Israɛlə nuą kaai ə mo di kpulu hu kɛnɛ̨ɛ̨ mąą mɛ̨nį ɓa.

Dutɛrɔnome 11:25

Nui lɔpee ta hvo pai tɔɔi ka la. Mąąhɔlɔɓo, Yai-Laa kaa pai gɛi nuą diɛ ɲɔw kaa kɛɛnąą kəlee ɓa, di mąą yɛ kpɛlin ka tɔwɔ yɛ bələi ə naakwɛlanmo la kaa.

Dutɛrɔnome 28:10

Yɛnɛ̨ɛ̨ nąą kəlee nuą, di kaa pai kɛi diɛ: ka káá a Yálá nwɔ nu huwu.

Zasua 10:2

Nuą di ɲɔw kpɔ mɛ̨nįi tii hu kɛnɛ̨, mąąhɔlɔɓo Gabaɔn ə kɛ a taa kɛnɛ̨, da dɔɔɓɛlaa hee taa di pɛliɛ; gɛnɛ̨ɛ kɛ Ai ɓa, ə lɛɛ ɉu nuą kəlee di kɛ a huwalawala nuą.

Zasua 9:24

Di Ɉosue woo ŋaapələ diɛ mą: «Mɛ̨nįi Yai-Laa ə́ wɔ Yálái ə mo nwɔ tímun Moisə ɓa, daa kɛ lamun ɉukulɔi ə́ wɔ nuąi diɛ, a nɔi ŋɛ̨i tɛɛ mɛ̨nį ka pɔ, da ɉu nuą kəlee paa mɛ̨nį, kaa pɛli heei laa. Ku ɲɔw kaa kɛnɛ̨, mɛ̨nįi ku dúwɔ́i tii ɓo la, nwun ni.

M̀ɛni-lɛɛi 3:9

Ə́ ɲɛ̨i hee, gáá ɓilihi hvɛli pɛlɛ́ mu nuą tɛɛi ə́ pɔ, a diɛi da di kpɔwɔ kɛ a Ɉuifəɠaa, ɛlɛɛ yaan, di hvo la, mąąhɔlɔɓo da kɛ lɛɛ kɛi. Ə́ ɲəi hee, gáá pai a diɛ, di gwɛli hvilɛn ə́ kɔwɔ mu, ɛlɛɛ, di kili a pu ɉu, diɛ, ə́ wɛlikaa mą́ą́.