Dutɛrɔnome 2:14 - Yálá laawoo hɛɓɛ (dc)

¹⁴ Ə həɠə Kadɛsə-Barnea ə həli la ɓɛlɔwai gu Ɉerɛdə yá teen na, gu lamun ɉiɛ hu a kwɛlan bow haaɓa gɔw mɛ̨ihaaɓa. Nuą kpɔ kɛ da pɛli kɔ́ kɔ́i, di kəlee di haa, yɛ bələi Yai-Laa ə mo la yɛ gwɛla ɉu.

Yálá laawoo hɛɓɛ

¹⁴ Ə həɠə Kadɛsə-Barnea ə həli la ɓɛlɔwai gu Ɉerɛdə yá teen na, gu lamun ɉiɛ hu a kwɛlan bow haaɓa gɔw mɛ̨ihaaɓa. Nuą kpɔ kɛ da pɛli kɔ́ kɔ́i, di kəlee di haa, yɛ bələi Yai-Laa ə mo la yɛ gwɛla ɉu.

Bible

¹⁴ É síɣe tãi ma kú kùla la Kedɛ Bania é lɛ́ɛ la zu kú Zere ya-ɣɛli-loŋ tíyeŋ, è kɛ̀ a kóraŋ buu saaƃa káo lɔ́ɔlu mɛi saaƃa. Maa tãi tí yée mu ǹamu kɔ́ kpakolo-ŋai kélee dí sàa berei su yɛ̂ɛ berei Yâwɛɛ è vòo lai.

Dutɛrɔnome 2:14 ပူးပေါင်းရင်းမြစ်များ

Mąątɛ̨nɛ̨ 106:26

Yili ə ɲee tɛ yələi, ə gwɛla, yɛ gaa di paai nɔi pun ɉu.

Mąątɛ̨nɛ̨ 90:15

Bələi lɔ ku hutɔɔ hvólóɠaa tamąą la, a gwɛlanŋaai ti ku mɔ̨nɔ̨ kɔ́lɔn nai, ku kwəinɛ̨ɛ̨ hvólóɠaa tamą lɔ ti.

Mąątɛ̨nɛ̨ 90:3

Yá nu kan mąąpənə a pɔlɔ, mąąhɔlɔɓo, Yá kɛ diɛ: «Adamə lonnii, ka yali ka pulu ka too pɔlɔ hu!»

Mąątɛ̨nɛ̨ 90:9

Ə́ wɔ lííholii aa hee ku hu; ku wɔ hvólóɠaai kaa kpɛɛi kpɔ a neelee, nu níí tooi tanɔ̨n, ku wɔ yɛnɛ̨ɛ̨ aa mąn kpɛɛ.

Mąątɛ̨nɛ̨ 95:11

Ya ɓə, níiholi pələ, ŋį́ gwɛ́la, gɛ́ diɛ: «A tɛ̨ą, di hvo pai lɔi nwɔ́ hviitɔɔi hu!»

Izikiɛ 20:15

Ŋą́ pənə nwɔ̨nɔ̨ ŋą́ gwɛ́la diɛ nɔi pun ɉu, ɲéé tɛɛ yələi; gɛ́ diɛ, və́ pai ka lɔi nɔi tii ŋą́ dɛɛ ka pɔ, ɉu. A nɔi tii ɓɛi hɛn gəlee da lɛlɛ laa, nɛlɛ yee tɛɛ lɔi kəlee diɛ.

Lonon mo 1:1

Yai-Laa ə pələ ɓo Moisə ɓa Sinai nɔi pun ɉu, gee kaa kələ mu. Di kulaa Eziptə lɔi hu, gwɛlan veelɛ nwɔ ɲąnin veelɛnąą voló tɔlɔɔ li kɛ. Yɛ mą:

Lonon mo 13:26

Di pənə di pa di həli Moisə ɓa, da Aarɔn, ə mą kɛ Israɛlə lonnii kəlee, ɓɛi di kɛ laa Paran nɔi pun ɉu, Kadɛsə daai. Di di kwɛlanmo Moisə da Aarɔn diɛ nu kpulu kəlee ɲɛ̨i ɓa. Nɔi tii hu hihɛnŋąąi di paa la di nɛ diɛ.

Lonon mo 32:11

‹Nuąi kpɔ tii kulɔ Eziptə lɔi hu a kwɛlan bow hveelɛ da bulu, nɔi ŋį́ naakwɛlanmo Abrahamə, Isaakə da Ɉakɔbə ni diɛ, di hvo pai gaai; hvo gaai di kaa tɔɔi tai tai di hvilɛn mɛ̨nį ɓa búlu.›

Korɛntə dɔlɔɔ 10:5

Bələi mąn ə kɛ la tii, damąą di hvo Yálá lii hon, hvo gaai, mɔlɔɓɛlaa di haa nɔi pun ɉu.

Dutɛrɔnome 1:19

Yili pulu, nɔi pun gɛnɛ̨ɛ mąą ɲɔuwɔ ŋɛ̨i Horɛbə, ku həɠə laa, yaai ka gaa Amɔrə yeeɠaa lɔwai, gu tɛɛ ɉu; yɛ bələi Yai-Laa gu wɔ Yálái ə mo la guɔ. Ka gu pa gu həli Kadɛsə-Barnea.

Dutɛrɔnome 1:2

hvóló pow kɔ́w tɔ̨nɔ̨ ɓə nu ya gɛ hiɛ hu, ə həɠə Horɛbə yee ɓa yɛ li Kadɛsə-Barnea Seirə yee pɔ pələ.

Dutɛrɔnome 1:46

Ya ɓə ka lamun Kadɛsə a ɉu kwɛa, lɔ yɛ bələi kwaa gbɛa kɛ lamun la laa.

Dutɛrɔnome 2:13

«Ka bələ hon kani yiihu, ka Ɉerɛdə yá teen.»

Dutɛrɔnome 2:16

Nuąi kɛ da pɛli kɔ́ kɔ́i yii kɛa haa ə di kpɛɛ nąąlɔwai,

Dutɛrɔnome 2:7

Mąąhɔlɔɓo, Yai-Laa aa lúwɔ́ too yɛ́ ə́ kɛ mɛ̨nįɠaa kəlee hu. Ɉiɛi yáá gulɔ nɔi pun gɛnɛ̨i hu, gbaɠala kaa mą. Gwɛlan bow nąn ga, Yai-Laa ə wɔ Yálái kaa lɔ ə́ pɔ hɛn da mąąkpaan və ta hee li yɛ́.

Zasua 24:7

Nąąlɔwai, ka nąnni di tomą Yai-Laa pɔ pələ, yili ə nąląąn ɉu kpinɛ̨ɛ̨ pɛlɛ ka lɔwai ka Eziptə nuą, əgɛ, gboloyá ə hiɛ di mɛ̨i, ə di mɛ̨i kpulu. Mɛ̨niɠaai ŋį́ naa Eziptə ɓa, ka nąą kaa. Ka lamun nɔi pun ɉu a ɉu kwɛa.

Zasua 5:4

Mɛ̨nįi gɛ Ɉosue yɛ di hee la kɛ́nɛ̨ ɓa nwun mąą: Nuąi ŋɛ̨i wɔlɔ kulɔ Eziptə lɔi hu, ɉinąą da gɔ́kulááɠaa, gəlee di haa nɔi pun ɉu, ɓɛlɔwai di kulɔ la Eziptə, diɛ ɓo bələ pɔ.

Zasua 5:6

Kwɛlan bow nąąn mə di gɛ ɉiɛ hu; nuąi kulɔ Eziptə bɛlɛɛ gɔ́kulááɠaa diɛ, gəlee di haa. Mąąhɔlɔɓo di hvo di wəli tɔɔ Yai-Laa woo ɓa, yili ɓə gɛ, Ə gwɛla yɛ diɛ, nɔi Ə naakwɛlanmo di nąnni diɛ, yɛ gaa dɛɛi di pɔ, diɛi tii hvo kɛa pai həlii laa; a nɔi hɛn gəlee a lɛlɛ mą.

Zûu 1:5

Bələi Yálá ə nwɔ nuąi nwun mąąɓo la yɛ di kulɔ Eziptə, ka ɉukulaa kɔ́lɔn kpɔ kɛnɛ̨. Ə mą kɛ tii, gáá ka kili pui ɉu gɛ́ kaa: yiiɠaai di di kili walawala, ə gəlee nwun napili.