Dutɛrɔnome 18:2 - Yálá laawoo hɛɓɛ (dc)

² Lɔi hvo pai kɛi Levi yəi nąn nonnii lɔwai. Yai-Laa ɓə pai kɛi a gwɛlin, yɛ bələi ə naa kwɛlan mo la mą.

Yálá laawoo hɛɓɛ

² Lɔi hvo pai kɛi Levi yəi nąn nonnii lɔwai. Yai-Laa ɓə pai kɛi a gwɛlin, yɛ bələi ə naa kwɛlan mo la mą.

Bible

² Lɔii fé pâi kɛ̂i díyêei díƃarâai sáma. Yâwɛɛ ƃa díkɔ̃liŋ yɛ̂ɛ berei è góno tèe la díyêei.

Dutɛrɔnome 18:2 ပူးပေါင်းရင်းမြစ်များ

Zɛnɛse 15:1

Mɛ̨nįɠaai tii tɛɛ pulu, Yai-Laa ə gbɔwɔ lɛ Abramə ɓa, yɛ mą: «Abramə, hvo ɲɔw, ɲą́ą́ ɓə gáá a ə́ mąąkɔ̨nwɔ̨mun, gáá pai hvɛla kulɔ kɛnɛ̨ tɛɛi ə́ pɔ.»

Mąątɛ̨nɛ̨ 119:57

Ŋą́ kɛ kpɔ diɛ: Nwɛ́i ɓaa, ŋį́ lɛɛ ə́ wooɠaa pulu Yai-Laa!

Mąątɛ̨nɛ̨ 16:5

Yai-Laa, gwɛ́lin maa a yɛ́, nwɛ́i ɓaa a yɛ́! Nwɔ́ yɛnɛ̨ɛ̨ kaa ə́ yee-kɔnma.

Mąątɛ̨nɛ̨ 84:11

Hvo gaai, yíikuu tanɔ̨n gbən gɛɛ Ə́ yəi bɛlɛ́n, viɛlaɓoɔi kwɛlan nwaa tɔ̨nɔ̨ ɓa, yili mąą mɛ̨nį ɓa, yii ŋą́ ɉəɠə ɉu a níiɓa, ya ɓaa, viɛlaɓoɔi ŋą́ gɛ nwɔ́ Yálái yəi bɛlɛ́ hvaŋąn mu, ə tɛɛ, nu kɛɛ, nuąi da di woo kala, di yəi bɛlɛ́n ma.

Azaya 61:6

Ka wɛi, di kaa pai ka laa heei a, «Yai-Laa nwɔ haláá laa həli nuą,» diɛ kɛ kaa. «Ku wɔ Yálái nwɔ kóló kɛ nuą?.» Ka káá pai hįį takpɛliɠaa di wɔ hɛngɔwɠaa mįi, ɛlɛɛ, kaa ka kpɔwɔ mąą tɛnɛ̨, a di mąąwiɛ ka káá pai gulɔi di yəi.

Woolaa 3:24

Gɛ́ diɛ: Yai-Laa ɓə gaa a nwɔ́ hɛn gɔw. Mɛ̨nii gɛi, gilitɔɔ la mą, yaa li.

Izikiɛ 44:28

Di kwɛlin gaa pai kɛi di yəi, ɲą́ą́ ɓə gáá a di kwɛlin; ka hvo lɔi tɛɛ di pɔ Israɛlə lɔi hu, ɲą́ą́ ɓə ɓaa di wɔ lɔi.

Lonon mo 18:20

Yai-Laa yɛ nwɔ̨nɔ̨ Aarɔn ɓa: «Lɔi hvo pai kɛi ə́ yəi nɔi ɲąąkwɛlɛi lɔwai. Hɛn və pai kɛi ə́ yəi di lɔwai, Ɲą́ą́ ɓə pai kɛi ə́ yə́i a ə́ yə́i hɛn, a ə́ kwɛlin Israɛlə lonnii lɔwai.

Lonon mo 18:7

Yɛ́ ka ə́ lonnii ɓə pai kɛi ɉaláá kulɔ kəhi ɓa, da ɉəɠə pɛlɛ́, gɛɛnąą mąąhəɠɛɛ mąą mɛ̨nį; ka nwuɔ̨ tiɛ̨ li. Ŋą́ą́ ɉaláá kulɔ mɛ̨nį mąą laa tɛɛ tii ka pɔ. Nui yili mąą laa hvo ɲəi, a lɛɠɛ laa a haa.»

Dutɛrɔnome 10:9

Yili mąą mɛ̨nį ɓə gɛ, Levi huwu hvo lɔi hɔlɔɓo la a nwɔɔ, yɛ di ɓəlaa. Yai-Laa ɓə gaa a di kwɛlin, yɛ bələi Yai-Laa ka wɔ Yálái ə mo la diɛ.

Zasua 13:14

Levi huwu yaa tɔ̨nɔ̨ lɔ ɓə Moisə hvo lɔi tɛɛ bɔ, di hɔlɔɓo hɛn nɔ ɓaa Yai-Laa Israɛlə nwɔ Yálá kɔ́ haláá hɛnŋąą, yɛ bələi ə mo la.

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,