Dutɛrɔnome 18:1 - Yálá laawoo hɛɓɛ (dc)

¹ Ɉaláá laa həli nuą ŋɛ̨i a Levi huwu hu nuą, da di nąn nonnii, diɛi a Levi huwu hu nuą, di hvo pai lɔi hɔlɔɓoi yɛ bələi di kaayɔwɔɠaa Israɛlə lonnii di ɉɔlɔɓo la. Ɉɛn di pai kɛi mįi a di kɔ̨nɔ̨n ya ɓaa: haláá hɛn da gwɛlan mo Yai-Laa ɓa, da hɛn gaa a Yai-Laa kɔ́ hɛn, yili ɓə a di wɔɔ.

Yálá laawoo hɛɓɛ

¹ Ɉaláá laa həli nuą ŋɛ̨i a Levi huwu hu nuą, da di nąn nonnii, diɛi a Levi huwu hu nuą, di hvo pai lɔi hɔlɔɓoi yɛ bələi di kaayɔwɔɠaa Israɛlə lonnii di ɉɔlɔɓo la. Ɉɛn di pai kɛi mįi a di kɔ̨nɔ̨n ya ɓaa: haláá hɛn da gwɛlan mo Yai-Laa ɓa, da hɛn gaa a Yai-Laa kɔ́ hɛn, yili ɓə a di wɔɔ.

Bible

¹ “Eezuɛ-ƃelai dílɔii da fé a zâla láa-soŋ-ƃelai da Liiva sii su-ƃelai kélee da pɔ́ɔ. Díkɔ̃liŋ ƃé pâi kɛ̂i a zâla sãai ǹûai da pa la Yâwɛɛ pɔi.

Dutɛrɔnome 18:1 ပူးပေါင်းရင်းမြစ်များ

Ɉeremi 33:18

Lévi huwu hu haláá laa həli mun və pai kpɛɛi laa, yɛ tɔɔ nííla, yɛ haláái da gəlee kələn, nulu tɛ; yɛ gɔ́ hɛnŋaa kələn. Yɛ ɉalááɠaa kulɔ a yələ kəlee.»

Izikiɛ 44:28

Di kwɛlin gaa pai kɛi di yəi, ɲą́ą́ ɓə gáá a di kwɛlin; ka hvo lɔi tɛɛ di pɔ Israɛlə lɔi hu, ɲą́ą́ ɓə ɓaa di wɔ lɔi.

Lonon mo 18:20

Yai-Laa yɛ nwɔ̨nɔ̨ Aarɔn ɓa: «Lɔi hvo pai kɛi ə́ yəi nɔi ɲąąkwɛlɛi lɔwai. Hɛn və pai kɛi ə́ yəi di lɔwai, Ɲą́ą́ ɓə pai kɛi ə́ yə́i a ə́ yə́i hɛn, a ə́ kwɛlin Israɛlə lonnii lɔwai.

Lonon mo 26:62

Levi lonnii pɛlɛɛ gee ɓa, di kɛ a nu waa pow hveelɛ kɔ́w haaɓa (23.000) diɛi kɛ a Levi lon ɉinąą kəlee; diɛi di kaa kwɛlan ə gɔwɔ tɔɔ ɲąnin dɔ̨nɔ̨ ɓa. Di wɛi di hvo di lonon da Israɛlə lonnii. Mąąhɔlɔɓo di hvo lɔi tɛɛ di pɔ Israɛlə lonnii lɔwai.

Dutɛrɔnome 10:9

Yili mąą mɛ̨nį ɓə gɛ, Levi huwu hvo lɔi hɔlɔɓo la a nwɔɔ, yɛ di ɓəlaa. Yai-Laa ɓə gaa a di kwɛlin, yɛ bələi Yai-Laa ka wɔ Yálái ə mo la diɛ.

Dutɛrɔnome 12:19

Ka gɛ a nɛlɛɛ ka hvo lɛ̨ą Levi lonnii diɛ, ka wɔ yɛnɛ̨ɛ̨ kəlee yee mu.

Zasua 13:14

Levi huwu yaa tɔ̨nɔ̨ lɔ ɓə Moisə hvo lɔi tɛɛ bɔ, di hɔlɔɓo hɛn nɔ ɓaa Yai-Laa Israɛlə nwɔ Yálá kɔ́ haláá hɛnŋąą, yɛ bələi ə mo la.

Zasua 13:33

Kɛlaa, Levi huwu hu nuą di wɛi, Moisə hvo lɔi tɛɛ di pɔ, Yai-Laa Israɛlə nwɔ Yálá ɓaa di wɛi; yɛ bələi ə mo la diɛ.

Zasua 18:7

Yii hvilɛn na Levi lonnii diɛ, di wɔɔ nąą hvo nɔi mɛ̨nį hu, Yai-Laa nwɔ haláá kulɔi ɓə gaa a di wɔɔ nąą. Yii ɓaa Gadə lonnii, Rubɛn lonnii, da Manase huwu bələ tɔ̨nɔ̨, daa di heei hɔlɔɓo Ɉurdɛn yá pulu, voló həɠəi pələ, ɓɛi Yai-Laa nwɔ tímun Moisə ə nąą tɛɛ di pɔ.»