Dutɛrɔnome 17:9 - Yálá laawoo hɛɓɛ (dc)

⁹ Ka li ka ɉaláá laa həli nuąi a Leviɠaa ka həli diɛ, da giti tee mun a kɛ laa nąąlɔwai tii, ka di mąąni kɛ, di kaa pai mɛ̨nįi tii ɓo pələ lɛi kaa.

Yálá laawoo hɛɓɛ

⁹ Ka li ka ɉaláá laa həli nuąi a Leviɠaa ka həli diɛ, da giti tee mun a kɛ laa nąąlɔwai tii, ka di mąąni kɛ, di kaa pai mɛ̨nįi tii ɓo pələ lɛi kaa.

Bible

⁹ Ka maa mɛni-saai kpîŋ tɛ̀ɛ Ɣâla ŋɔsâla láa-soŋ-ƃelai pɔ́ nyii-ŋai díkaa a Liiva-ŋai da mɛni-sâa ƃó-nuui nyii pâi kɛ̂i naa a m̀aa tãi tii. Ka dímarê kɛ́, ǹyaŋ da pâi kpɔŋ mâa tɛɛ̂i kápɔ dí mɛni-sâai ƃó.

Dutɛrɔnome 17:9 ပူးပေါင်းရင်းမြစ်များ

Kɔlɔnikɔ Maa-ŋuŋ 26:29

Yii ɓaa Yisehari lonnii, da Kenaniahu lonnii, di di tɛɛ Israɛlə lɔi nwun na a hɛɓɛ́ kɛ nuą, da kiti tee nuą kpɛa-kpɛaa.

Lɛɛ gbɔwɔ ɓa 18:16

Mɛ̨nį ta a həli diɛ, da pa bɔ́, gɛ́ di lɔwai mɛ̨nį ɓo, ɛlɛɛ, gɛ́ Yálá lííɓa mɛ̨nį da nwɔ tɔ́n nwooɠaa lɛ diɛ.»

Lɛɛ gbɔwɔ ɓa 22:8

Mɛ̨nįi lɔpee hɛa a too ɉu, yɛ ə kɛ a nįŋɛ̨ mɛ̨nį, yɛ ə kɛ a hoohvaalən mɛ̨nį, yɛ ə kɛ a ɓɛlaa mɛ̨nį, yɛ ə kɛ a həɠə mɛ̨nį, awala kɛ tii hɛn nɔpee da pili mɛ̨nį, ɉɛa too nuą hveelɛi tii da pa Yálá lííla, nui a lɛɛ a ɉon, a mɛlan ɲee kulɔ ɉu gee mɛ̨i hveelɛ.

Ɉeremi 18:18

Nuą di kɛ laa diɛ kɛ diɛ: «Ka gu gilima həɠə Ɉeremi ɓa, gu hvo pai hvɛɠɛi a gu mąą kwɛli mun, a gu liɛwoo ɓomun, a Yálá kwəi mɛ̨nį hukulɔ mun. Ka gwəli gu mɛlɛtoo a naa kala pələ, gu hvo gu wəli tɔɔ nwoo ɓa.»

Izikiɛ 44:24

Kiti mɛ̨nį a kulɔ, diɛ ɓə a giti tee nuą; mąąnɛ̨ɛ̨ di kiti tee, yɛ bələi ŋą́ mąą tɔ́n naa la. Mąą nɛ̨ɛ̨ di nwɔ́ tiɓoɠaa da gwə́i mɛ̨nįɠaa kəlee pɔ mɛ̨nį kɛ nwɔ́ hɛliɠaai kəlee hu; diɛ nwɔ́ hvitɔɔ yələɠaa kaa a hvoló mąąhəɠɛɛɠaa.

Egaa 2:11

«Aze, mąąnikɛi ŋɛ̨i kɛ ɉaláá laa həli nuą diɛ, yɛ diɛ: Yai-Laa Mɛ̨nį Kəlee ŋą Hééɓomun yɛ:

Zakari 3:7

Yai-Laa Mɛ̨nį Kəlee ŋą Hééɓomun woo ka: «Yá hiɛ nwɔ́ pələɠaai mɛ̨i, ya nwɔ́ tíɓoɠaai kɛi, yɛ́ kpįnįi ə́ kaa pai nwɔ́ pɛlɛ́i ɲąąwooɓoi, yɛ́ ə́ ɲɛ̨i kɛ nwɔ́ kwəlii ɓa, ɛlɛɛ, nuąi tɔɔni ɓɛ, ŋą́ ə́ too di pɔ.»

Zakari 7:3

diɛ Yai-Laa Mɛ̨nį Kəlee ŋą Hééɓomun yəi bɛlɛ́n ɉaláá laa həli nuą mąąnįn kɛ, da Yálá kwəi mɛ̨nį hukulɔ nuą, diɛ kɛ diɛ: «Mąąnɛ̨ɛ̨ ŋį́ wɔ́lɔ́ ɲąnin nɔɔli nąą yeemu, gɛ́ hįn nɔ, yɛ bələi ŋą́ kɛ gɛi la a bɔlɔ?»

Malasi 2:7

A tɛ̨ą, haláá laa həli mun gɛ kólo ɓaa, ə nuą mąąkwɛli a Yálá kɔ́lɔn mɛ̨nį, yaa tii ɓə nuą da pa bɔ, diɛ mąąnįn kɛ a kpaaləi mąąnɛ̨ɛ̨ di hiɛ la. Mąąhɔlɔɓo, ya ɓə gaa a Yai-Laa Mɛ̨nį Kəlee ŋą Hééɓomun laawoo laa həli mun nuą diɛ.

Dutɛrɔnome 16:18

Ka káá pai mɛ̨nįɓo kɛ nuą heei, da nɔi nuą mɛ̨i kaa nuą, ka wɔ taaɠaai hu, yii Yai-Laa ka wɔ Yálái kaa pai dɛɛi ka pɔ, nu huwu tɛitɛi kəlee mɛ̨i, diɛ di kɛ kóló kɛ a tələnmolaa nuą lɔwai.

Dutɛrɔnome 17:10

Bələi di kaa pai moi la kaa, gɛɛnąą tii Yai-Laa ka wɔ Yálá ə ɉəɠə ɉu nąą, ka gɛ tii. Mɛ̨nįɠaa kpɔ di kaa pai moi kaa, ka gəlee kɛ.

Dutɛrɔnome 21:5

Nąąlɔwai, Levi lonnii ŋɛ̨i a ɉaláá kulɔ nuą, da pa. Levi lonnii tii ɓə Yai-Laa ka wɔ Yálái ə di həɠə ka lɔwai, diɛ haláá kulɔ kólóɠaa kɛ, diɛ lúwɔ́ too Yai-Laa laa hu. Di woo ɓə a hvaa kpɛɛ, da nu mąą nwąną mɛ̨nį.

Dutɛrɔnome 25:1

Mɛ̨nį ɓo a kɛ nu hveelɛ lɔwai, di pa giti haɠa ɓa, di di kiti tee, nui a kala mą, di gala mą, nui a nɛ̨ɛ̨ mą, di nɛ̨ɛ̨ mą.

Dutɛrɔnome 33:10

Diɛi tii ɓə da ə́ wɔ yɛnɛ̨ɛ̨ yíi ɓo pələ lɛ Ɉakɔbə ɓa, diɛ Israɛlə nuą kalan a ə́ wɔ tɔ́nŋąąi hon bələ; diɛ ɓə da lansan kələn ə́ lííla; diɛ ɓə da haláá kulɔ yɛ́, yii da gəlee kələn.