Dutɛrɔnome 17:20 - Yálá laawoo hɛɓɛ (dc)

²⁰ Hvo kɛ gaa gbɔwɔ ŋąą kɛnɛ̨i nąn nonnii mɛ̨i, hvo həɠə dɔ́n nwooɠaa pulu, yɛ li mamįiyee mɛ̨i, a wala kɛ tii gɔɓɛ yee mɛ̨i. A gɛ tii, a nwɔ tɔɔlaa voló hu kwɛa gbɔwɔ yəi, dɔɔlaa hu ə nɛ̨ɛ̨ mą da nąn nonnii kəlee.

Yálá laawoo hɛɓɛ

²⁰ Hvo kɛ gaa gbɔwɔ ŋąą kɛnɛ̨i nąn nonnii mɛ̨i, hvo həɠə dɔ́n nwooɠaa pulu, yɛ li mamįiyee mɛ̨i, a wala kɛ tii gɔɓɛ yee mɛ̨i. A gɛ tii, a nwɔ tɔɔlaa voló hu kwɛa gbɔwɔ yəi, dɔɔlaa hu ə nɛ̨ɛ̨ mą da nąn nonnii kəlee.

Bible

²⁰ Vé kɛ̀ gíli ŋá a gɛɛ ǹyaa tɔnɔ ƃé maa mɛni kpanaŋɔ̂ɔi é tɛ́ɛ ǹúui gbéli-ŋai dîa. À sìa a dɔ̂ŋ-ŋai ŋí wóo, gɛ̀ ní ǹyaa da ŋɔsuui su-ƃelai da pâi kɛ̂i Eezuɛ lɔii mɛi a tãi su kôyaa.

Dutɛrɔnome 17:20 ပူးပေါင်းရင်းမြစ်များ

Samia Veerɛi 22:23

Nwɔ tɔ́nŋaa kəlee di kɛ ɲə́i, Və́ gíli kulɔ li bɔ liɛwoo tɔ̨nɔ̨ kpɛli hu.

Tɔɔɓɛlaa dɔlɔɔ 11:34

Və́ pai nɔi ta kulɔi mą, ɓɛlɔwai Salomɔn kaa la a vulú, mąąhɔlɔɓo, ŋą́ ɉee a tɔɔmun ɲíi hvóló kəlee yee mu; nwɔ́ tímun Davidə mąą mɛ̨nį ɓa, yai ŋą́ ɉəɠə ɉu, ɛlɛɛ ə nwɔ́ tiɓoɠaai da nwɔ́ tɔ́n nwooɠaai kəlee pɔ mɛ̨nį kɛ.

Tɔɔɓɛlaa dɔlɔɔ 11:36

Non nwɛi, gáá pai nu huwu tɔ̨nɔ̨ tɛɛi bɔ, ə gɛ, nwɔ́ tímun Davidə nwɔ nwɔ̨n hvo pa luwun nííla, Ɉerusalɛmə taai ŋą́ ɉəɠə ɉu, a nwɔ́ɔ́, gɛ́ náá hee laa.

Tɔɔɓɛlaa dɔlɔɔ 15:3

Nɛ̨ŋɛ̨nŋaai kpɔ wɔlɔ Abiyamə nąn ə ɉəɠə, ə hvilɛn gəlee pulu yɛ gɛ, hvo gwəi kwələ nwɔ Yálái Yai-Laa ɓa, hvo túwɔ́ a nɛlɛɛ, yɛ bələi nąn Davidə ə túwɔ́ la.

Tɔɔɓɛlaa dɔlɔɔ 15:5

Yai-Laa ə gɛ tii, mąąhɔlɔɓo, mɛ̨nįi kɛ ɉaŋąą Yai-Laa ɲɛ̨i ɓa, Davidə ə gɛ. Mɛ̨nįɠaa kpɔ ə Davidə tí la, Davidə hvo mąą kwɛa da lɔpee ɓa nwɔ yɛnɛ̨ɛ̨ kəlee yee mu. Hvo kɛli lɔ mɛ̨nįi ŋɛ̨i Davidə ə naa Hɛtə mun Uri ɓai.

Tɔɔɓɛlaa dɔlɔɔ 2:3

Yai-Laa ə́ wɔ Yálái nwɔ liɛwooɠaa hon, ə́ hiɛ a ɲeekpiɛ tənən. Nwɔ tɔ́n da bɔ liɛwooɠaa kəlee hon, ə́ bɛlɛ bɔ túwɔ́ pələ ɓa, ə́ kɛ a nwąną mɛ̨nį kɔ́lɔn ŋąą yɛ bələi bɛ̨ɛ̨ la Moisə nwɔ tɔ́n ɉɛɓɛ́i hu. Yá yili kɛ tii, mɛ̨nįi lɔpee yá ə́ yee too ɉu, ɉu a nɛ̨ɛ̨ yɛ́.

Tɔɔɓɛlaa veelɛ 10:30

Yai-Laa yɛ Ɉehu ɓa: «Yáá túwɔ́ a nɛlɛɛ, mɛ̨nįi ɉaŋąą ɲɛ̨́i ɓa, yáá gɛ, yáá Akabə nwɔ pɛ́lɛ́i kɛ kpɔlɔɔ yɛ bələi ŋą́ mo la. Yili mąą mɛ̨nį ɓa, ə́ kwəi lonnii, ə həɠə yiihu ɓa, ə həli la mąnįn bulu mąnįn nąąn nąą ɓa, diɛ ɓə pai kɛi heei Israɛlə dɔɔkpəlin ɉu.»

Tɔɔɓɛlaa veelɛ 14:10

A tɛ̨ą, Amasiasə! Ə́ yee tii aa tɛɛ Edɔmə lɔi ɓa kɔ́ hu, ya ka tii gɛi yɛ́ ə́ nwun dɛ la. Ə́ nwun dɛ-o! Kɛlaa, lɛɛ la ə́ pɔɔli. Lə mɛ̨nį ɓa, ə́ kaa tɔɔi ə́ nwun nɛɛ ɉu mɛ̨nį tɔwɔ, yɛ́ kɛ ə́ Ɉuda lɔi lɛɛ ə́ pɔ nwun na ə pili?.»

Kɔlɔnikɔ Veerɛi 25:19

Tɛ̨ą lii, ə́ kaa kɛi diɛ, ɲéé aa tɛɛ Edɔmə ɓa kɔ́ hu; ə́ kaa ə́ nwun dɛi, yɛ́ ə́ kpɔɔɲąą kɛnɛ̨. Kɛlaa, lɛɛ ə́ pɔɔli! Lə mɛ̨nį ɓa yaai, ə́ kaa ə́ laa tɛi kɔ́ nwąnąą mu, a ə́ nwun nɛɛ ɉu mɛ̨nį?»

Kɔlɔnikɔ Veerɛi 26:16

Vaŋą kɛnɛ̨ pələi tii, humɛ̨ni kɛnɛ̨ ə lɔ ɉu, ə lɛɛ la ɉu, ə gbɔwɔ nwun napili; hvo lɛɛ Yai-Laa nwɔ Yálái ɓa kwəi tɔ̨nɔ̨ laa hu. Ya ka tii lii, yɛ lɔ Yai-Laa nwɔ pɛlɛ́i mu, yɛ lansan kələn lansan kələn ɉi.

Kɔlɔnikɔ Veerɛi 33:12

Yii kɛa Manase ə kɛ mɔ̨nɔ̨ hu, ə nɛɛ mą, ə nwɔ Yálái Yai-Laa təli, ə gbɔwɔ mąąyɛɛ kpɔ kɛnɛ̨ nąnni di wɔɔ Yálái lííla;

Kɔlɔnikɔ Veerɛi 33:19

Manase nwɔ Yálá hvɛli woo, da bələi Yálá ə nwoo mu hon na, nwɔ túwɔ́ pələ ɲɔ̨nŋąą, nwoo kalai ə mo Yálá ɓa, ɓɛɠaai ə hali kɔ́iɠaa pɛli laa, yɛ wuluɠaa tɔɔ diɛ gɔ́, ɉali mąąnįnįnŋąą ə bɛli, gɛɛ hvo ɉɔn gɔlɔn Yálá ɲɛ̨i ɓa; mɛ̨nįɠaa tii kəlee pɛ̨ɛ̨ kaa Hozai nwɔ hɛɓɛ́i hu.

Kɔlɔnikɔ Veerɛi 33:23

Kɛlaa, hvo gbɔwɔ mąą yɛɛ Yai-Laa ɲɛ̨i mu, yɛ bələi nąn Manase ə gɛ la. Kɛlaa yaamun a Amɔn, ə nɛ̨ŋɛ̨n ɉəɠə ə tɛɛ la nąn nwɛi ɓa.

Kɔlɔnikɔ Veerɛi 34:27

Yii kpɔ mɛ̨nįi ŋɛ̨i ə lɔ ə́ lii mu, ə́ ə́ kpɔɔ mąąyɛɛ Yálá lííla, ɛlɛɛ, nwooɠaai ɉɛɓɛ́i ŋɛ̨i ɉu, yɛ hvilɛn na gɛɛnąą ŋɛ̨i nuą diɛ, mąn ə́ mo, ə́ ə́ kpɔɔ mąąyɛɛ ɲą́ą́ nííla, ə́ ə́ mąąhəɠə huɓɛla, ə́ wɔlɔ nííla; yili ɓa, ɲą́ą́ gbɛli ŋą́ą́ ə́ woo mąn! Ɲą́ą́ Yai-Laa nwóó li.

Mąątɛ̨nɛ̨ 119:102

Və́ nwún gulɔi mɛ̨nįɠaai ə́ mo mu, mąąhɔlɔɓo, yɛ́ ɓə kili tɛɛ bɔ́.

Mąątɛ̨nɛ̨ 132:12

Ə́ lonnii da nwɔ́ mįnɛ̨i pɔ yíi ɓo, da dɔn nwooɠaai gáá pai nɛi diɛ, di lonnii kpɛli mąn, di kaa pai heei ə́ wɔ tɔɔkpəlin mɛ̨i ɲɛ̨n deei hvo mą.»

Mąątɛ̨nɛ̨ 19:11

Viɛlaɓɔɔi ə tɛɛ hɛni ɓa, dɛɛ kpɔ hɛni waa kpulu tamąą ɓa. Nɛ̨ɛ̨i dɛɛ kwɛ̨inwulɔ ɓa, dɛɛ kpɔ kwɛ̨i gulaa nįnɛ̨ ɓa.

Hanwon 10:27

Nu a ɲɔw Yai-Laa ɓa, a nwɔ yɛnɛ̨ɛ̨ hu kwɛa, Kɛlaa, nwąnąlɔ nuą yíi hvo kwɛa li.

Hanwon 27:24

Mąąhɔlɔɓo, hɛn gɔw hva lamun a yələ kəlee, ɛlɛɛ, tɔɔhvili hva həli mąnįn bulu mąnįn diɛ.

Ikilisiati 8:13

Nwąnąlɔmun nwɛi, hva pɛli kɛi a lúwɔ́ lon. Nwąnąlɔmun a tɛɛ yɛ nįnįn, a lɛɛ a nu nwunu, ə haa, mąąhɔlɔɓo, hva ɲɔw Yálá ɓa.»

Azaya 2:12

Yai-Laa Mɛ̨nį Kəlee ŋą Hééɓomun, aa hvóló ta həɠə ɉu, ə gɛ, ə kiti tee, nuąi da di kpɔwɔ kaa a nu kpɛa-kpɛa, di hunɛ̨ɛ̨, a di mąą yɛɛ.

Habakukə 2:4

Bɛ̨ɛ̨ yɛ diɛ: Nui nwɔ kiliŋąhiɛ ɲɔ̨nwɔ̨ɔ̨i a too, Kɛlaa, nui tələnmoɔ a yɛnɛ̨ɛ̨ kɛ, nwɔ tələmo laa haalai.

Korɛntə veelɛ 12:7

Mąąhɔlɔɓo, mɛ̨nįɠaa tii di nɛ mą́ą́, ɉu kɛnɛ̨ pələ, bələ di tɛɛ la və́ pa nəi gbɔ́wɔ́ ɲąą kɛnɛ̨, di hɛn da lɔ gɔ́lɔ hu, di ɓilihi ŋą malaka ta tí, ə gɛ́lɛ, və́ pa nəi gbɔ́wɔ́ ɲąą kɛnɛ̨ a pələi lɔpee.

Dutɛrɔnome 12:25

Ka hvo da mįi, bələ ɓə ka káá pai kɛi la nwunnąnɛ̨ɛ̨ hu. Kaa-oo, ka lonnii-oo, ka haa pulu. Hvo gaai, mɛ̨nį ɉaŋąą Yai-Laa ɲɛ̨i ɓa ya ka tii ka káá pai gɛi.

Dutɛrɔnome 12:28

Díɓo wooɠaa kpɔ ŋɛ̨i gáá dɛɛi ka pɔ, ka ka wəli tɔɔ diɛ, ka di pɔ mɛ̨nį kɛ, yili pɔ pələ ɓə ka kɛ la nwunąnɛ̨ɛ̨ hu; ka ka lonnii ka haa pulu, a yələ kəlee; hvo gaai, mɛ̨nįi ɉaŋąą Yai-Laa ka wɔ Yálái ɲɛ̨i ɓa, ya ka tii ka káá pai kɛi gɛi.

Dutɛrɔnome 17:11

Mɛ̨nįɠaa di kaa pai moi kaa, ka hvilɛn bulu, ka hvo həɠə mɛ̨i, ka ɉon di. Ka hvə həɠə nwooɠaai da mo kaa di mɛ̨i, kaa li ɓa mįi yee hu, a wala kɛ tii, kɔ́ɓɛyee hu.

Dutɛrɔnome 4:2

Dɔnŋąą ŋɛ̨i gáá dɛɛi ka pɔ, mąą hvo nɛ̨ɛ̨li ka hvo da kulɔ mą, ka hvo da pɛlɛ mą. Ka Yai-Laa ka wɔ Yálái nwɔ tɔ́nŋąą hon yai gáá dɛɛi ka pɔ.

Dutɛrɔnome 5:32

Ka tɔɔ a ka nwąnąi, kaa túwɔ́ yɛ́ bələi Yai-Laa ka wɔ Yálái ə ka tí la. Ka hvo həɠə bələ mɛ̨i, ka hvo tɔɔ takpa-takpa.

Dutɛrɔnome 8:2

Bələ kwɛaai Yai-Laa ka wɔ Yálá ə ka hvilɛn mɛ̨i kwɛlan bow nąąn ɲee mu, nɔi pun ɉu, yɛ mɔ̨nɔ̨ lɔ ka pɔ, ka gəlee nąą kili too ka ŋą. Ka hukɔɔn ga tii ə kɛi mo, yɛ ka kwəi kɔ́lɔn; akɛ ka káá pai nwɔ tíɓoɠaa kɛi, a wala kɛ tii, akɛ ka káá pai ɓoi diɛ ka di too.

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»

Samuɛlə dɔlɔɔ 10:25

Yili pulu, Samuɛlə ə dɔɔlaa yɛnɛ̨ɛ̨ kɛ pələ hukulɔ nuą diɛ, ə bɛ̨ɛ̨ hɛɓɛ́ hu ə naa Yai-Laa lííla. Yili pulu, Samuɛlə ə ɲee ɓo nuą diɛ, nu kəlee yɛ li bɔɔli.

Samuɛlə dɔlɔɔ 15:23

Kɛlaa, nu kulaa Yálá woo mu nɛ̨ŋɛ̨n gaa lɔ yɛ, kwɛli hvilɛn ŋąą hali ɓa nwɔ nɛ̨ŋɛ̨n, da wəli kpɔlɔ nɛ̨ŋɛ̨n, ə mą kɛ tɔlu kpɛ nɛ̨ŋɛ̨n. Yii kpɔ yáá lənə Yai-Laa woo ɓa, yaa kpɛli aa lənə yɛ́, hvó kɛa a tɔɔmun.»