Dutɛrɔnome 17:16 - Yálá laawoo hɛɓɛ (dc)

¹⁶ Ka wɔ tɔɔmun gbɔ, mąą hvo nɛ̨ɛ̨li hoo kpulu kɛnɛ̨ hvo kɛ ɲəi, hvo kɛ gaa nuą tɔɔi Eziptə lɔi hu hoo kpulu kɛnɛ̨ ya mɛ̨nį ɓa. Mąąhɔlɔɓo, Yai-Laa ə kɛ kaa: «Ka hvə kpɔ kɛa pənə ka hvo ɉon a Eziptə lɔi hu pələi tii tɔ̨nɔ̨ kpɛli.»

Yálá laawoo hɛɓɛ

¹⁶ Ka wɔ tɔɔmun gbɔ, mąą hvo nɛ̨ɛ̨li hoo kpulu kɛnɛ̨ hvo kɛ ɲəi, hvo kɛ gaa nuą tɔɔi Eziptə lɔi hu hoo kpulu kɛnɛ̨ ya mɛ̨nį ɓa. Mąąhɔlɔɓo, Yai-Laa ə kɛ kaa: «Ka hvə kpɔ kɛa pənə ka hvo ɉon a Eziptə lɔi hu pələi tii tɔ̨nɔ̨ kpɛli.»

Bible

¹⁶ Vé zoo-ŋai dámaa sìɣe gbîŋ mɛni ma kpaa máŋ é gɛ́ ǹûai dí lí pôlu Ize lɔii su dámaa mɛni ma, kpɛ́ni fêi, Yâwɛɛ è mò a gɛɛ káfe lì naa pôlu.

Dutɛrɔnome 17:16 ပူးပေါင်းရင်းမြစ်များ

Samia Veerɛi 8:4

Davidə ə kɔ́ kɔ́ wotolo waa tɔ̨nɔ̨ həɠə, ɛlɛɛ, ə hoo mɛ̨i nuą nu waa mɛ̨ihveelɛ da nuąi di kɔ́wɔ ŋą diɛ kɔ́ kɔ́, nu waa pow hveelɛ hon a luwɔ. Davidə ə ɉooɠaa kəlee kɔ́wɔ pulu laną tee, nwun dɔ̨nɔ̨ lɔ ɓə ə nɛɛ.

Tɔɔɓɛlaa dɔlɔɔ 1:5

Davidə lon Adoniasə, yai ə gaa Hagitə ɓa, ə kɛi gbɔwɔ kɛ yɛ nui pai nąn Davidə mąąhvalin ɉii. Ə kɛi mo, yɛ kɛ: «Ɲą́ą́ ɓə pai kɛi a dɔɔmun.» Ə wotolo həɠə, ə bɛlɛ hooɠaa diɛ, da nu pow lɔɔli, diɛi kɛ ɲɛ̨i tɔwɔ diɛ gilɛ həɠə.

Tɔɔɓɛlaa dɔlɔɔ 5:6

Nwului ŋɛ̨i di kɛi ɉooɠaa yili la di kee ɓa, diɛ nwotolo kpulɔn mą, nwaa pow nąąn mə kɛ Salomɔn yəi, nwɔ hooɠaai mąą mɛ̨nį ɓa, ɛlɛɛ, hoo mɛ̨i nuą, nu waa pow kɔ́w hveelɛ.

Kɔlɔnikɔ Veerɛi 1:16

Salomɔn nwɔ hooɠaai di kɛi həɠə Eziptə da Kowa lɔi hu; tɔɔmun nwɔ yɔw kɛ nuą? Di kɛi li diɛ ɲa Kowa.

Kɔlɔnikɔ Veerɛi 9:25

Hoo kələ waa nąąn ɓə kɛ Salomɔn yəi da wotoloɠaa, ɛlɛɛ, hoo gilɛ həɠə nuą waa pow gɔw hveelɛ, ə di hee gɔkúlaa taaɠaa hu, da Ɉerusalɛmə tɔɔmun gwɛlɛ.

Mąątɛ̨nɛ̨ 20:7

Yiihu kɛa, gíli kaa ɉu gɛ́: Yai-Laa a yeetɛɛmąąlaa tɛɛ nwɔ nui ə dɔɔ wulɔ lɔ mą, bɔ, a lɛɛ nwɔ pɛlɛ́ mąąhəɠɛɛi mu yələkɔlɔn ɉu, ə nwoo mu hon, a gulɔi a mo ɉu a mamįiyee.

Lɛɛ gbɔwɔ ɓa 13:17

Ɓɛlɔwai Eziptə tɔɔmun ə ɓo la Israɛlə lonnii diɛ, diɛ li, Yálá hvo hvaa mą, di hvo tɛɛ Filisti lɔi hu pələ; bələi mąn bələ yili kpuai kɛ la. Mąąhɔlɔɓo, ə gaa yɛ, da tɛɛ laa pələ, kɔ́ kaa lii heei diɛ, di ɲɔw, di pənə di pulu diɛ li Eziptə lɔi hu.

Lɛɛ gbɔwɔ ɓa 13:18

Yili ɓə gɛ, Yálá ə di ɲɛ̨i tinɛ̨n, di tɛɛ a nɔi pun ɉu pələ, veegbɔnɔ̨ gboloyá pɔ pələ. Israɛlə lonnii kpulu hu kɛnɛ̨i kpɔ kɛ diɛ həɠə Eziptə.

Lɛɛ gbɔwɔ ɓa 14:13

Moisə yɛ diɛ: «'Ka hvo ɲɔw! Ka hee tin ka ka ɲɛ̨i hee! Yai-Laa, kaa háákələi pai ka nwun mąąɓoi. Mąąhɔlɔɓo, Eziptə nuąi ŋɛ̨i kələi ka káá di kaai, ka hvo kɛa pai di kaai tɔ̨nɔ̨ kpɛli.

Azaya 2:7

Nɔi, laahvɛɛi a wali da hɛni, ɉɛn gɔw ɲɛ̨n deei hvo mą. Nɔi laahvɛɛi a hoo, nwɔ wotoloɠaai lonon və mą,

Ɉeremi 42:19

Kaai ŋɛ̨i a Ɉuda nuą gbəli; Yai-Laa yɛ kaa: 'Ká hvo li Eziptə. Ká ɲɛ̨i ɓa li, ŋą́ą́ mo káá, gɛ gwɛla ɉu háákələi.

Izikiɛ 17:15

Kɛlaa dɔɔ kwəlii mun ti ə kulɔ dɔɔ mun ti ɉon nwoo mu; ə nuą tɔɔ Eziptə lɔi hu, yɛ kɛ yili ə hooɠaa tɛɛ bɔ, da kɔ́kulááɠaa. Ɲee kaa mɔ̨ɔ̨ pai pɛli mą? Nui a duwɔ taalee ti ɓo ɲee pɔɔ a pɛli lɛlɛi mɔ̨ɔ̨? Ə mįnɛ̨-həɠə woo hu kala, nwun a pɛli mɔ̨ɔ̨ kulɔi yili hu?

Osia 11:5

Di hvo pai pənəi di hvo li Eziptə lɔi hu, Asiri ɓə pai kɛi a di wɔ tɔɔmun, mąąhɔlɔɓo, di hvo gɛ li di hvo pənə di hvo pa bɔ́.

Osia 14:3

'Ka woo lɔ ka la, 'ka pənə ka pa Yai-Laa pɔ, 'ka kɛ mą: «Ku ɲɛ̨imąąwɛli kaa, ə́ ə́ yee hee ku mu, nɛ̨ŋɛ̨n gəlee kulɔ kuɔ; nįŋɛ̨ hilɛɠaa hvə ku kaa pai gulɔi yɛ a haláá, Kɛlaa nwooɠaai lɔ da kulɔ ku la diɛ lɔ ɓə.

Mise 5:10

Gáá pai nɔi hu taa kpɛa kpɛa woloi, gɛ́ ə́ mąą kɔ́nwɔ̨ taaɠaa kəlee pu,

Dutɛrɔnome 28:68

«Ɛlɛɛ, Yai-Laa kaa pai ka pənəi ka pulu kaa li Eziptə lɔi hu kələn gbɛa-kpɛa hu, a ɓɛi ŋɛ̨i ŋį́ kɛ kaa: ‹Ka hva kɛa pənə ka hvo ka pulu pənə laa wɔi!› Ka pa lii nɔi tii hu, ka káá lii kɛi ka kpɔɔ lɔwɔ́tɔɔi kaa kɛ a ka yowoɠaa di wɔ luwɔ hinąą da luwɔ nɛ̨ąą. Kɛlaa, ə mą kɛ tii, nu ta hva hɔlɔɓo, hvo ka ya.»

Samuɛlə dɔlɔɔ 8:11

«Dɔɔmun pai ka ɲąąwooɓoi, bələi gaa pai ka hon ɉii la bələ ka: Gaa pai ka lon ɉinąą həɠəi, yɛ di tɔɔ nwɔ kɔ́ kɔ́ wotoloɠaa diɛ da nwɔ hooɠaa, diɛ gilɛ həɠə nwɔ wotolo ɲɛ̨i tɔwɔ.