Dutɛrɔnome 17:11 - Yálá laawoo hɛɓɛ (dc)

¹¹ Mɛ̨nįɠaa di kaa pai moi kaa, ka hvilɛn bulu, ka hvo həɠə mɛ̨i, ka ɉon di. Ka hvə həɠə nwooɠaai da mo kaa di mɛ̨i, kaa li ɓa mįi yee hu, a wala kɛ tii, kɔ́ɓɛyee hu.

Yálá laawoo hɛɓɛ

¹¹ Mɛ̨nįɠaa di kaa pai moi kaa, ka hvilɛn bulu, ka hvo həɠə mɛ̨i, ka ɉon di. Ka hvə həɠə nwooɠaai da mo kaa di mɛ̨i, kaa li ɓa mįi yee hu, a wala kɛ tii, kɔ́ɓɛyee hu.

Bible

¹¹ Ka tûa yɛ̂ɛ berei da dɔ̂ŋ lɛ̀ la kâai da berei dí m̀ɛnii ŋá tèe lai. M̀ɛnii da mò kâai, ka káyee sée mu. Káfe lì laa-mii-yee mɛi-pere kpaa kɔɔ-yee mɛi-pere.

Dutɛrɔnome 17:11 ပူးပေါင်းရင်းမြစ်များ

Samia Veerɛi 14:19

Tɔɔmun yɛ mą: «Kɛlɛi Ɉoabə ɓə ə́ yee pili mɛ̨nįi ŋɛ̨i hu-ee?» Nɛ̨ɛ̨nui ə nwoo pulu pənə yɛ mą: «Gána nwun ə báá, nwɔ́ mɛ̨nį nąmu tɔɔmun, yii lɔpee ya mo nu hva pɛli lii ŋɛ̨i hvo li ŋɛ̨i, gaa tii ə́ wɔ́ tímun Ɉoabə ɓə dɔ́ɔ́. Mɛ̨nįɠaai kpɔ kɛ mąąnɛ̨ɛ̨ ŋą́ mo, ya ɓə di lɔ ná.

Hanwon 4:27

'Hvə́ li ə́ ɓamįiyee hu, 'hvə́ li ə́ kɔ́ɓɛyee hu, 'Hvó ə́ kɔ́wɔ hvilɛn mɛ̨nį ɲɔ̨n ɉu.

Levetekɔ 10:11

Ɛlɛɛ kaa pɛli Israɛlə lonnii mąąkwɛlii diɓoɠaa diɛ, diɓoɠaai Yai-Laa ə di tɛɛ Moisə pɔ, yili yaan yɛ nɛ diɛ.»

Dutɛrɔnome 17:10

Bələi di kaa pai moi la kaa, gɛɛnąą tii Yai-Laa ka wɔ Yálá ə ɉəɠə ɉu nąą, ka gɛ tii. Mɛ̨nįɠaa kpɔ di kaa pai moi kaa, ka gəlee kɛ.

Dutɛrɔnome 17:20

Hvo kɛ gaa gbɔwɔ ŋąą kɛnɛ̨i nąn nonnii mɛ̨i, hvo həɠə dɔ́n nwooɠaa pulu, yɛ li mamįiyee mɛ̨i, a wala kɛ tii gɔɓɛ yee mɛ̨i. A gɛ tii, a nwɔ tɔɔlaa voló hu kwɛa gbɔwɔ yəi, dɔɔlaa hu ə nɛ̨ɛ̨ mą da nąn nonnii kəlee.

Dutɛrɔnome 25:1

Mɛ̨nį ɓo a kɛ nu hveelɛ lɔwai, di pa giti haɠa ɓa, di di kiti tee, nui a kala mą, di gala mą, nui a nɛ̨ɛ̨ mą, di nɛ̨ɛ̨ mą.

Dutɛrɔnome 28:14

akɛ nwɔ pələɠaa ŋɛ̨i gáá dɛɛi ka pɔ háákələi, ka wala həɠə mɛ̨i, kaa li ɓa mįi yee hu, a wala kɛ tii, kɔ́ɓɛyee hu; ɛlɛɛ, akɛ ka wala hvilɛn haliɠaa pulu, kaa kwɛli hvilɛn diɛ.

Dutɛrɔnome 5:32

Ka tɔɔ a ka nwąnąi, kaa túwɔ́ yɛ́ bələi Yai-Laa ka wɔ Yálái ə ka tí la. Ka hvo həɠə bələ mɛ̨i, ka hvo tɔɔ takpa-takpa.

Taitɔ 3:1

Gili too nu kəlee ɲą, yɛ́ diɛ: mąąnɛ̨ɛ̨i di lɛɛ nwun nąmįną, da ɲąąwooɓo kɛ nuą kəlee woo mu, di di kpɔwɔ mąąyɛɛ, di hɛ̨ąyiliɛ mɛ̨nį lɛlɛɛ kəlee kɛ mɛ̨nį ɓa.

Zasua 1:7

Yii mąąnɛ̨ɛ̨ ə́ gɛ, ya ɓaa ə́ ə́ liikpələ, ə́ ə́ huwalawala, dɔ́n ŋɛ̨i ŋį́ mą́ą́ pamą nwɔ́ tímun Moisə ɓa, ə́ túwɔ́ pələ ə pɛli dɔ́n tii ɓa. Hvó həɠə mɛ̨i hvó li ɓɛ pələ da ɓɛ pələ, yili ɓə a gɛ, ə́ kɛ mɛ̨nį kəlee hu ə nɛ̨ɛ̨ ɓɛi ə kaa lii laa.

Zasua 23:6

Yili ɓa tii, ka tɔɔ kɛa a ka nwąnąi! 'Ka ka ɲąąwala, 'ka túwɔ́ yɛlɛ-tɛtɛ; yɛ bələi bɛ̨ɛ̨i la Moisə nwɔ tɔ́n ɉɛɓɛ́i hu! 'Ka hvo ka mąą kwɛa mą! Ka hvo li ŋɛ̨i, ka hvo li ŋɛ̨i!

Piɛrə veelɛ 2:10

Nuąi Yálá kaa pai di tooi gaho ŋą, diɛ ɓaa: Nuąi di hvilɛn ŋąą i di kpɔɔ liiɓa pili diɛ gɛ, diɛ Yálá nwɔ kɛnɛ̨ laa ɓɛlɛkpɛɛ ma. Nɛɛ kalan gɛ nuą ŋɛ̨i ŋį́ di mąą mɛ̨nį ɓo kaa, di laai di kpɔɔ la, di hva ɲɔw Yálá nwɔ pɛli hɛnŋąa mąąwiaɠaai di kaa yələkɔlɔn ɉu diɛ, diɛ nwɔ̨nɔ̨ di lalan.

Zûu 1:8

Bələ kpɔlɔ ɓə nɛɛ kalan gɛ nuą tii da gɛ la diɛ kpɛli. Da kɛ nɛ̨ŋɛ̨n ɉəɠəi di kpɔwɔ ɓa di wɔ kɛɛ kaa hu, diɛ Yálá ɓɛlɛkpɛɛ mą, ɛlɛɛ, diɛ woo ɲɔ̨nŋąą mo a Yálá nwɔ pɛli hɛnŋąą laa diɛi di kaa yələi.