Dutɛrɔnome 16:19 - Yálá laawoo hɛɓɛ (dc)

¹⁹ Mąą hvo nɛ̨ɛ̨li, ka hvo tɛ̨ąą mɛ̨nį pili ɉu, ka hvo tɔɔ hulu mun da pulu. Ka hvə ka yee hee nɔ gwəi hɛn mu. Mąąhɔlɔɓo, nɔ gwəi hɛn a mɛ̨nį kɔ́lɔn nuą ɲɛ̨ipu, yɛ tələnmomun nwɔ tɛ̨ąą mąą mɛ̨nį pili ɉu.

Yálá laawoo hɛɓɛ

¹⁹ Mąą hvo nɛ̨ɛ̨li, ka hvo tɛ̨ąą mɛ̨nį pili ɉu, ka hvo tɔɔ hulu mun da pulu. Ka hvə ka yee hee nɔ gwəi hɛn mu. Mąąhɔlɔɓo, nɔ gwəi hɛn a mɛ̨nį kɔ́lɔn nuą ɲɛ̨ipu, yɛ tələnmomun nwɔ tɛ̨ąą mąą mɛ̨nį pili ɉu.

Bible

¹⁹ Káfe tɔ̃ya-laa maa lâa kpaa máŋ ká ŋaa-kɔlɛ kɛ́. Káfe yee-pɛlɛ ǹá sɛŋ sòŋ. Yee-pɛlɛ ǹá sɛŋ a dárei ƃelai ŋɛ́i kpìni dífa dɔ̃yâi kâa. A gɛ̀ dáre-ƃelai dí mɛni ŋá tée a gbílaŋɔɔ.

Dutɛrɔnome 16:19 ပူးပေါင်းရင်းမြစ်များ

Mąątɛ̨nɛ̨ 15:5

Hva kwələ tɔɔ a tɔ̨nɔ̨ hɔlɔɓo pələ ɉu, hva kwəi kwələmun ŋą hɛn gulɔ ɲəi, əgɛ, yili yee ə lɛɛ ɉu. Nui a túwɔ́ tii, dɔɔi lɔ gbilin a yələ kəlee, hva dumo dɔɔi.

Lɛɛ gbɔwɔ ɓa 18:21

Ɛlɛɛ, ə́ ɲɛ̨i laa nuą lɔwai, ə́ nu ɓɛlɛmąąɠaa həɠə, diɛ ɲɔw Yálá ɓa; nuą diɛ pɛli laai di la, di hvo kɛ a nɔ gwəi hɛn ɉon nuą, ə́ di hee nuą nwun na. Ə́ daɠaa hee nu waa tɛitɛi nwun na, ə́ daɠaa hee nunwun dɛitɛi nwun na, ə́ daɠaa hee nu pow lɔɔli lɔɔli nwun na, ɛlɛɛ, ə́ daɠaa hee nu pow pow nwun na.

Lɛɛ gbɔwɔ ɓa 23:2

Hvó hvilɛn mɛ̨nį ɲɔ̨n gɛ nuą kpulu pulu. Hvo ə́ laa too kiti mɛ̨nį hu, nu kpului tɛ̨ą hvo bɔ, hvo tɔɔ di pulu.

Lɛɛ gbɔwɔ ɓa 23:3

Hvó nwɔ̨nɔ̨ tɔɔ mąąwɛlimun bulu lɔ tii kiti hu.

Hanwon 15:27

Nui ɲee kaa nwumɛ̨ mɛ̨nį hu, a nwɔ pɛ́lɛ́i huwu-huwu ɓo, nui nɔgwəi hɛn nwɛli hvo mą, gaa pai lamun ɉii.

Hanwon 17:23

Nwąnąlɔmun a nɔgwəi mɛ̨inɛ̨ɛ̨ hon loo hu, ə gɛ, ə tɛ̨ą mɛ̨nį kpɛlaan.

Hanwon 18:5

Mąą hvo nɛ̨ɛ̨li nu hvo tɔɔ nwąnąlɔmun bulu, hvo nu haŋąą nwɔ tɛ̨ą kpəlaan.

Hanwon 24:23

Kilimąą nuą hvaa woo ta lɔ ka: Kiti teɛ a ɲɛ̨ikɔlɔn, hvo lɛlɛ li.

Hanwon 24:28

'Hvó lɛɛ kɛla hvaa ɓo a ə́ ɓɛlan gaalon naa. A kɛ tii, ə́ kaa mɔ̨ɔ̨ bɔ ə́ nuą ɓowo a ə́ laaləi?

Hanwon 31:5

Mąąhɔlɔɓo da gbələ, da lɛ̨ą tɔ́n nwoo ɓa, ɛlɛɛ, diɛ mąąwɛli nuą di wɔ tɛ̨ą mąą mɛ̨nį pili ɉu.

Ikilisiati 7:7

Yaan, mɔ̨nɔ̨ laa nu mɛ̨i a kilimąą mun gɛ yɛ ɓowo mun, nɔgwəi hɛn gɔw a nu nwɔ tələnmolaa kulɔ ɲəi.

Azaya 1:17

'Ka mɛ̨nį lɛlɛɛ kɛɛ mąąkwɛli, 'ka ka kwəi kwələ, 'ka heemɛ̨i laa kulɔ ka lɔwai, 'ka təlilon ɉon a kwəi kwələ laa, 'ka kalanin dɔɔ bulu kɛ.

Azaya 1:23

Ə́ nwun nąmįną daa di pulu tɔɔ mą́ą́, da nwuɔ̨ kuláaɠaa daa di yee pili gee hu, di kəlee, nɔgwəi hɛn mə nwɛli kaa diɛ, di hvilɛn ŋąą nɔgwəi hɛn gɔw pulu diɛ gwɛli, di hva mɛ̨nį haŋąą kɛ a təlilon, kalanin a mąą kanąn naa həli diɛ, diɛ di yee lɔ di wəlii.

Azaya 33:15

Nui a túwɔ́ a tələnmolaa, yɛ hvaa, lɛɛ hva kɛ ɉu, yɛ lənə hvulu hɛn ɉɔlɔɓo mɛ̨nį ɓa, yɛ ɲee kulɔ nɔgwəi mɛ̨inɛ̨ɛ̨ mu, yɛ nwəli laa kpulu, ə gɛ hvo pa nu paa nwun dɔɔ hu woo mɛ̨n; yɛ ɲɛ̨i laa kpulu, ə gɛ hvo pa mɛ̨nį ɲɔ̨n gaa.

Ɉeremi 5:28

Di ɲɛ̨i wulɔ yɛ kulɔ, di koo a hee, di yee laɠin ŋąą nu kəlee mɛ̨i mɛ̨nį ɲɔ̨n gɛɛ hu. Di hva kɛa tɛ̨ą mąąwiɛ kiti tee lɔwai, di hva təlilon nwɔ tɛ̨ą mɛ̨nį ɲɛ̨i kulɔ, ə gɛ lɔ di hɛn ɉɔlɔɓo. Di hva mąąwɛli mun mąą mɛ̨nį ɲɛ̨i kulɔ.

Izikiɛ 18:8

hva kwələ tɔɔ a tɔ̨nɔ̨ hɔlɔɓo pələ ɉu, hva kwələ kpɛ a da laa pələ mɛ̨i, yɛ ɲee kulɔ hulu mɛ̨nį hu; yɛ nuą lɔwai mɛ̨nįɠaa ɓo a tɛ̨ą,

Izikiɛ 22:12

Da mɛ̨inɛ̨ɛ̨ hon ə́ pɔɔli, ɲąmą pu mɛ̨nį ɓa; yá kɛ hɛnŋaa hɔ̨nwɔ̨ kɛnɛ̨i ə́ pɔɔli, yɛ́ dɛɛ ɲɛn ɉu. Yɛ́ ə́ yee pənə ə́ hee yɔwɔ hu a wea mɛ̨nį; ɛlɛɛ nwɛi, yɛ́ lɛ̨ą mą́ą́. Mɛ̨nį kəlee ŋą Hééɓomun Yálá woo li.

Levetekɔ 19:15

«'Hvó kiti tee a hulu, 'hvo tɔɔ nu ta pulu nwɔ mąąwɛlilaa ɓa, nu kɛnɛ̨ ta hvo ə kilimąą pənə, kɛlaa, nuą kiti tee a tələnmolaa.

Mise 7:3

Di yee kaa lɔ mɛ̨nį ɲɔ̨n ɉu, nɔi ɲąąwooɓomun a gbɛa niiɓa hɛn vɛli, hvo tɛɠa kɛ mɛ̨nį ɓoi. Giti teemun yɛ nɔgwəi hɛn vɛli, galanɉon a pələ ɓo, ɉɛn ɲɛ̨i a kulɔ bɔ mąą mɛ̨nį ɓa.

Habakukə 1:4

Nuą di hva tɔ́n mąąwiɛ, nuą di hva kiti tee a ɉaŋąą. Nwąnąlɔɔ nuą ɓə da tɛ̨ą hɔlɔɓo nu haŋąąɠaa mɛ̨i; kiti tee a hvulu.

Gɛlaɠaa 10:34

Nąąlɔwai, Piɛrə ə mo kɛa diɛ yɛ diɛ: «A tɛ̨ą, ŋą́ą́ gɔlɔn gɛ́ diɛ Yálá hva nu hu yɛɠɛ.

Gɛlaɠaa 16:37

Kɛlaa, Polə ə mo gaho pɛlɛ́ mɛ̨i kaamun ti ɓa, yɛ mą: «Di ku hulɔwa nu kpulu ɲɛ̨i ɓa, hvo kɛli a ku kalamąą mɛ̨nį, kuɔi Romə kaalonnaa kaa kuɔi, yili pulu, di ku too gaho ŋą, ɛlɛɛ, diɛ kɛ di di yeeɓo kuɔ lɔ tii ɲąą, a loo pələ? Hva kɛ tii! Diɛ kpinįlee di pa di ku kulɔ!»

Gɛlaɠaa 23:3

Nąąlɔwai, Polə yɛ mą: «Yálá ɓə pai ə kɛlɛi! Gaa ləi ŋɛ̨i yɛ, da wee tɛ a pɛlɛ́. Ə́ kaa heeni yɛ́ kiti tee yɛ bələi dɔ́n ə mo la, kɛlaa, yɛ́ dɔ́n mɛlɛkpɛɛmą; yɛ́ kɛ diɛ: di gɛ́lɛ?»

Dutɛrɔnome 10:17

Mąąhɔlɔɓo, Yai-Laa ka wɔ Yálái ɓə gaa a yáláɠaa di wɔ Yálá; a tɔɔɓɛlaa di wɔ Tɔɔmun; Yálá yii gɛnɛ̨, vaŋą kɛnɛ̨ mąą ɲɔuwɔ, ɉaŋąą, di hva lɔ gwəi.

Dutɛrɔnome 16:18

Ka káá pai mɛ̨nįɓo kɛ nuą heei, da nɔi nuą mɛ̨i kaa nuą, ka wɔ taaɠaai hu, yii Yai-Laa ka wɔ Yálái kaa pai dɛɛi ka pɔ, nu huwu tɛitɛi kəlee mɛ̨i, diɛ di kɛ kóló kɛ a tələnmolaa nuą lɔwai.

Dutɛrɔnome 24:17

Ka hvo nwɛ̨ą, a wala kɛ tii təli lon nwɔ tɛ̨ą mɛ̨nį pili ɉu. Ka hvo galanin mąąhəɠə hon a tolaa.

Dutɛrɔnome 27:19

«‹Nui a nwɛ̨ą, təlilon da galanən di wɔ tɛ̨ą mɛ̨nį pili ɉu! Yálá! Nɛ̨ŋɛ̨n ə laa!› Nɔi lonnii kəlee di mu hon diɛ mą: ‹Mįįną!›

Dutɛrɔnome 27:25

«‹Nui da nɔgwəi hɛn dɛɛ bɔ, ə gɛ, ə kwəi kwələ mun baa, Yálá! Nɛ̨ŋɛ̨n ə laa!› Nɔi lonnii kəlee di mu hon diɛ mą: ‹Mįįną.›

Samuɛlə dɔlɔɔ 12:3

Ɲą́ą́ ka tɔɔni ka lííla Yai-Laa ɲɛ̨i ɓa da nwɔ nui ə ɉəɠə ɉu, nui ɉɔ́n gaa gwəi, ə mo. Gbɛɛ ɓə ŋą́ Nįŋɛ̨ ɲəi? Gbɛɛ ɓə ŋą́ hoohvaalən ɉəɠə ɲəi? Gbɛɛ ɓə ŋą́ ɲéé pənə ɉu? Gbɛɛ ɓə ŋą́ too mɛ̨i hɛn ɉəɠə ɲəi? Gbɛɛ ɓə ŋą́ wali həɠə ɲəi a gili ŋapɛlɛ pələ? Nui ŋą́ yili kɛ la, mąą nu ə hvaa, ŋą́ pənə ŋą́ dɛɛ bɔ.»

Samuɛlə dɔlɔɔ 8:1

Samuɛlə ə pɔlɔ, ə non ɉinąą hee a Israɛlə ɲąąwooɓo nuą.

Samuɛlə dɔlɔɔ 8:3

Kɛlaa, non ɉinąąi tii, di hvo hvilɛn bɔɔ ŋą, hɛn nwɛlilaa ə di kili kala di kwəi, diɛ nɔgwəi mɛ̨inɛ̨ɛ̨ɠaa hon, diɛ tɛ̨ą mąą mɛ̨nį pili ɉu.