Dutɛrɔnome 16:16 - Yálá laawoo hɛɓɛ (dc)

¹⁶ Kwɛlan dɛitɛi ye mu, hinąą kaa pai kɛi lii Yai-Laa ka wɔ Yálái lííla gee mɛ̨i haaɓa; gɛɛnąą tii gaa pai ɲeekpiɛ lɛi laa, ɓɛlɔwai ka káá pai kɛi lɛɠɛ yii dɛ hɛn və ɉu nwɔ hɛli pui la, da nɔwɔ mɛ̨ihveelɛ tɛɛ pulu hɛli, ɛlɛɛ, da gələ hɛli pu yələ. Nu ta lɔpee hvo kɛ gaa pai Yai-Laa ka wɔ Yálá lííla a ɲeehowolo.

Yálá laawoo hɛɓɛ

¹⁶ Kwɛlan dɛitɛi ye mu, hinąą kaa pai kɛi lii Yai-Laa ka wɔ Yálái lííla gee mɛ̨i haaɓa; gɛɛnąą tii gaa pai ɲeekpiɛ lɛi laa, ɓɛlɔwai ka káá pai kɛi lɛɠɛ yii dɛ hɛn və ɉu nwɔ hɛli pui la, da nɔwɔ mɛ̨ihveelɛ tɛɛ pulu hɛli, ɛlɛɛ, da gələ hɛli pu yələ. Nu ta lɔpee hvo kɛ gaa pai Yai-Laa ka wɔ Yálá lííla a ɲeehowolo.

Bible

¹⁶ “Fɛ̂ɛ kákpakolo-ŋai dí pá Yâwɛɛ ŋɛ́i-tuɛ gîei saaƃa a kóraŋ kélee. Dí díŋaa tɛ́ ma naa a Dɛ́-sɛŋ féu kpoloi maa kûui ŋ̀ele, zí-sɛŋ ƃai kula kûui da m̀ûu-ŋai maa kûui ŋ̀ele. Núu da fé pà Yâwɛɛ ŋɛ́i-tuɛ a ǹyée folo.

Dutɛrɔnome 16:16 ပူးပေါင်းရင်းမြစ်များ

Tɔɔɓɛlaa dɔlɔɔ 9:25

Kwɛlan dɔ̨nɔ̨ yee mu, Salomɔn ə kɛi haláá kulɔ Yai-Laa ɓa gee mɛ̨i haaɓa: haláái da gəlee kələn, pɔnaa kulɔ haláá. Ə kɛi gəlee kɛ Yai-Laa lííla, yɛ lansan kələn ɉaláá kulɔi tii kɛ Yai-Laa lííla mɛ̨i. Bələ ɓə ə kɛi bɛlɛ́i tii tɔɔ mɛ̨nį nwun nɛ la.

Kɔlɔnikɔ Veerɛi 8:13

ə kɛi gulɔ yɛ bələi ɲələ tɛitɛi kəlee ŋą haláá kulɔ pələ ə kɛ la, a bələi Moisə ə mąą tɔ́n naa la. Vįitɔɔ yələɠaa nwɛi, ɲąnįn dɔɔ nįnɛ̨ɠaa, da ɉɛli yələɠaa; di kɛi gɛ gee mɛ̨i haaɓa kwɛlan dɛitɛi kəlee yee mu. Nɛɠɛi hvo tɛ li mąą hɛli, nɔwɔ mɛ̨ihveelɛ hɛli, da gələɠaa mąą hɛli.

Ɛsdrasə 3:1

Ɲąnįn mɛ̨ihveelɛ lɔwai, Israɛlə nuą kəlee di həɠə di wɔ taaɠaai hu, di kəlee di pa, di di ɲąąkpɔn Ɉerusalɛmə daai, yɛ nu tɔ̨nɔ̨.

Nehemi 8:15

Ɛlɛɛ, mąąnɛ̨ɛ̨ kɛ di nuą kili pu ɉu, ə lɛɛ, di kwəi mɛ̨nį hukulɔ mun daa kəlee hu, ɛlɛɛ, da Ɉerusalɛmə daai. Nolo woo ka: ‹Ka tɛ ɲeeɠaa ɓa, ka pa a olivə laa, lɔwɔ olivə laaɠaa, gwala laaɠaa, da wulu laa huwiɛɠaa; ka kəleɠaa tɔɔ la, yɛ bələi bɛ̨ɛ̨ la›.»

Mąątɛ̨nɛ̨ 122:4

Nąą ɓə nɔi lonnii kaa tɛi laa, diɛi a Yai-Laa nwɔ nu huwuɠaai, yɛ bələi gaa la Israɛlə yíi pələ hu, Yai-Laa laa tɛ mɛ̨nį ɓa.

Mąątɛ̨nɛ̨ 84:7

Tɛɛi di kɛi mo kpələ wɛli lɔi hu, di nąą mąą pənə a yá nwun gulɔ lɔi. Dulɔ tolooɠaai pu mą, di lúwɔ́ gboloon naa mɛ̨i.

Mąątɛ̨nɛ̨ 84:8

Di hvąŋąlɔɔ lɔ a yələ kəlee, diɛ li, diɛ li di kpɔwɔ lɛi Yálá ɓa, Siɔn daai.

Mąątɛ̨nɛ̨ 96:8

'Ka Yai-Laa laa mąąwiɛ, 'ka pa a gɔ́ hɛn, 'ka lɔ la ɲəi gwəlii.

Lɛɛ gbɔwɔ ɓa 34:20

Kɛlaa, hoohvaalən non dɔlɔɔ nwɛi, yá nwun mąąɓo a ɓɛlaa, yá wala nwun mąąɓo, ə́ gɔn ɲali. Ka ka lon ɉinąą tɔlɔɔɠaa nwun mąąɓo. «Mąą hvo nɛ̨ɛ̨li ka hvo pa Nííla a ka yeehvowolo.

Lɛɛ gbɔwɔ ɓa 34:24

Mąąhɔlɔɓo, ŋį́ nuą di wɔ lɔiɠaai kulɔi di yəi, gɛ́ ka wɔ lɔi hu kɛnɛ̨, nu hvo pai hɔlɔɓoi, yɛ ɲɛ̨i kulɔ ka wɔ lɔi pɔ, ɓɛlɔwai ka káá pai kɛi la Yai-Laa lííla gee mɛ̨i haaɓa kwɛlan dɔ̨nɔ̨ ɲee mu.

Azaya 23:18

Kɛlaa ɉɛn a ɉɔlɔɓo, da dɔlɔɠaa, da gəlee laakwɛlanmo Yai-Laa ɓa; di hva di ɲąąkpɔn gee ɓa, di hva di pu gee mɛ̨i. Ɉɛn gɔwi tii kəlee da kɛ a, nuąi heeni Yai-Laa lííla, di kɔ̨nɔ̨n, diɛ pilə ɉu, diɛ həɠə lɛlɛɛɠaa hɔlɔɓo ɉu a lamun ɉəɠəɠaa.

Azaya 33:20

Ə́ ɲɛ̨i hee Siɔn taa ɓa, yai gaa a guɔ hɛliɠaai pu taa, ə́ kaa pai Ɉerusalɛmə kaai, yai gaa a liilaa kɛɛnąą, həɠə pɛ́lɛ́ yii di hva kɛa gulɔ, yai di hva kɛa gɔwɔ hvilɛn nwuluɠaa kulɔ, yai di hva kɛa ɲɛliɠaa kulɔ.

Izikiɛ 36:38

yɛ bələi lɔ ɉaláá kulɔ taatɛlɛɛ kpuluɠaa kaa la, yɛ bələi daatɛlɛɛ kpuluɠaa da kɛ la Ɉerusalɛmə, a ɉɛli pu yələɠaa; bələ ɓə daaɠaai ŋɛ̨i a di kpoloon, di laa kaa pai hvɛɛi la, a nu kpulu. Bələ ɓə da gili kɔ́lɔn na, diɛ kɛ, ɲą́ą́ ɓə gáá a Yai-Laa.»

Levetekɔ 23:34

«'Mo Israɛlə lonnii diɛ, yɛ́ diɛ: «Ɲąnin mɛ̨ihveelɛnąą tii nwɔ hvóló pow kɔ́w lɔɔli yələ ɓə gaa a ɉəɠə kələ hɛli, ka ɉɛlii tii pu hvóló mɛ̨ihveelɛ ye mu, kaa Yai-Laa mąąwiɛ la.

Egaa 1:9

Ə kɛ ka kwəi, ka káá pai hɛn gɛnɛ̨ hɔlɔɓoi ka yəi ɲɛa, kɛlaa, diikpə lɔ ɓə ka ɉɔlɔɓo, kaa paa la ka yəi bɛlɛ́n. Yii woloi nwɔ̨nɔ̨ ka paa la, ŋį́ hvaŋą hee ɉu, ɉu ə taɠa taɠa. Lə mɛ̨nį ɓa yili a kɛ tii? Ɲą́ą́ Yai-Laa Mɛ̨nį Kəlee ŋą Hééɓomun, gɛ́ kaa: Nwɔ́ pɛlɛ́i ŋɛ̨i aa pu, mąą mɛ̨nį ɓə gɛi. Kɛlaa, kaa ka kpɔwɔ pɛlɛ́ɠaa pɛli a nɛlɛɛ.

Maafîu 2:11

Di lɔ bɛlɛ́n, di nokoloi da nee Mari di kaa. Di pu di nwungbəla, di kwɛli hvilɛn mą. Yili pulu, di di tiɛ̨ hvoloon. Di ɉamą a: hɛni, lansan, da mirə wulɔ.

Markə 12:3

Kɛlaa, di nui tii hon, di gɛlɛ, di gbe ə pənə a ɲee hvowolo.

Ɉaan 7:2

Ɉuifəɠaa di wɔ hɛlii a ɉəɠə kələ hɛli, mąą kpua kɛa kɛ.

Dutɛrɔnome 16:15

Ɉɛlii tii, ka káá pai bui Yai-Laa ka wɔ Yálái mąąwiɛ mɛ̨nį ɓa a hvóló mɛ̨ihveelɛ, gɛɛnąą tii Yai-Laa ka wɔ Yálá kaa pai ɲeekpiɛ lɛi laa. Mąąhɔlɔɓo, Yai-Laa ka wɔ Yálá ə lúwɔ́ too ka wɔ tíiɠaai ɓa, da ka kɛ mɛ̨nįɠaa kəlee.

Dutɛrɔnome 16:17

Ka tɛitɛi kəlee ka li Yai-Laa ka wɔ Yálá lííla a kɔ́ɓo hɛn, yɛ bələi Yai-Laa ka wɔ Yálá ə lúwɔ́ too la kaa.

Dutɛrɔnome 31:11

ɓɛlɔwai Israɛlə nuą kəlee kaa pai di ɲąąkpɔn ɉii la Yai-Laa ka wɔ Yálái lííla, ɓɛi ŋɛ̨i ə ɲeekpiɛ lɛ nąąi, nąąlɔwai, ka dɔ́n ŋɛ̨i ɓo Israɛlə lonnii kəlee ɲɛ̨i ɓa, ə too di wəlii.

Samuɛlə dɔlɔɔ 1:3

Kwɛlan ɉəli pələ kəlee, Ɛlkana ə kɛi həɓə bɔ taai yɛ li Silo daai, əgɛ, ə kwɛli hvilɛn Mɛ̨nį Kəlee ŋą Hééɓomun Yai-Laa ɓa, ə haláá kulɔ mą. Nuąi kɛ laa a Yai-Laa nwɔ haláá laa həli nuą, diɛ ɓaa; Eli lon ɉinąą hveelɛi; Hɔfni da Pinasə.

Samuɛlə dɔlɔɔ 6:3

Ɉaláá laa həli nuą diɛ diɛ: «Ka kɛ bɔ ka Yálá nwɔ kəhii pənə ka dɛɛ ɓɛi ə həɠə laa, ka hvo dɛɛ lɔ tii kpɛli-kpɛli, kɛlaa, mąąnɛ̨ɛ̨ ka ká pɔɔ ŋą pɛli haláá kulɔ mąą mɛ̨nį hu, ə gɛ ka nwun mąą ə ɓo, ɛlɛɛ, mɛ̨nįi kɛi gɛ yɛ mɛ̨nį ɲąąnwąnąą laa kaa, ka pɛli kɔ́lɔn ɉii.»