Dutɛrɔnome 16:10 - Yálá laawoo hɛɓɛ (dc)

¹⁰ Yili pulu, ka nɔwɔ mɛ̨ihveelɛ tɛɛ hɛli pu a Yai-Laa ka wɔ Yálái mąąwiɛ hɛli, kaa pa a gɔ́ hɛnŋąą a ka liiɓa, kaa gɛ yɛ bələi Yai-Laa ka wɔ Yálái ə lúwɔ́ too la kaa.

Yálá laawoo hɛɓɛ

¹⁰ Yili pulu, ka nɔwɔ mɛ̨ihveelɛ tɛɛ hɛli pu a Yai-Laa ka wɔ Yálái mąąwiɛ hɛli, kaa pa a gɔ́ hɛnŋąą a ka liiɓa, kaa gɛ yɛ bələi Yai-Laa ka wɔ Yálái ə lúwɔ́ too la kaa.

Bible

¹⁰ À kɛ̀ tí ka ǹɔ́ɔ kûu-ŋai maa kuui ǹíi-nɛɛ kula Káɣâlai Yâwɛɛ ma. Ka sama-sãa tɛ̃ɛ bɔ́ é kúla kálii su yɛ̂ɛ berei a lûwa làa la kâai.

Dutɛrɔnome 16:10 ပူးပေါင်းရင်းမြစ်များ

Kɔlɔnikɔ Maa-ŋuŋ 29:14

Gbala ə tɔɔ, gbɛɛ ɓaa a ɲą́ą́, gbɛɛ ɓaa a nwɔ́ nu kanŋaai, yai kwa pɛli mąąlaa hɔlɔɓoi kuɔ ku liiɓa mɛ̨inɛ̨ɛ̨ kɛ, yɛ́ yiiɠaai ŋɛ̨i hvo gaai, hɛn gəlee a həɠə Ə́ pɔ, ɛlɛɛ ɉɛn ku gwɛlɛi, Ə́ yee ɲą lɔ ɓə ə həɠə laa.

Kɔlɔnikɔ Veerɛi 31:14

Lévi huwu humun Yimna lon Kore, yai kɛ a voló ɓɛlai pələ bɛlɛ́ laaləi mɛ̨i kaamun, ya ɓə kɛ a Yálá kɔ́ hɛnŋąą mɛ̨i kaamun. Ya ɓə kɛi Yai-Laa nwɛi kulɔ ɉu, yɛ ɉɛn mąąhəɠɛɛ kpɔ kɛnɛ̨ nwɛi kulɔ ɉu.

Lɛɛ gbɔwɔ ɓa 35:29

Ɉinąą mąn nɛ̨ąą mąn, diɛi kpɔ kɛ di kwəinɛ̨ɛ̨, di kɛi di muhəɠə, diɛ pa a hɛnŋąą, gólói Yai-Laa ə Moisə tí la gɛ mɛ̨nį ɓa. Diɛi kɛ di kwəinɛ̨ɛ̨ Yai-Laa pɔ a Israɛlə lon gɛ pələ kpɔ-kpɔ.

Hanwon 10:22

Yai-Laa nwɔ lúwɔ́ ɓə a nu kɛ a hɛn nąmu, nuą di wɔ huwalawalalaa hva hɛn dɛɛ di pɔ.

Zooɛ 2:14

Gu hvo gbaɠala kɔ́lɔn akɛ gaa pai pənəi ə gu mąąwɛli kaa. Akɛ Yai-Laa gu wɔ Yálái kaa pai lúwɔ́ lɛɛi naa pulu, ə gɛ, guɔ gɔ́ a lɔɔ da gu yəi hinhɛ̨nŋąa.

Levetekɔ 12:8

«Akɛ a wala pɛli ɓɛlaa lon ɉɔ̨nwɔ̨ hɔlɔɓoi, tonwələn veelɛ ɓə a paa la, dɔ̨nɔ̨ ə kɛ a haláái da gəlee kələn; dɔ̨nɔ̨ ə kɛ a nɛ̨ŋɛ̨n mąąhvaalɛɛ haláá. Ɉaláá laa həli mun a nɛ̨ŋɛ̨n mąą hvaalɛɛ kóló kɛ nɛ̨ɛ̨nui tii ɓa, a kɛ tii, mąą aa həɠə.»

Levetekɔ 23:15

«Túwɔ́ yələ a tɛɛ, ə həɠə ɲələi ŋɛ̨i ka paa la a mɔ̨nun gɔn dɔlɔɔɠaa, ka lɔwɔ mɛ̨ihveelɛ lonon,

Levetekɔ 25:26

Nu a wala hɔlɔɓo yɛ pɛli nɔi tii mąąɓoi, a kɛ tii, nɔi tɔlaa heemun yaa kpinįi ɓə a mąąɓo,

Levetekɔ 5:7

«Hɛn a wala kɛ nu yəi yɛ pɛli taatɛlɛɛ hɔlɔɓoi, mąą nu a nɛ̨ŋɛ̨n ɉəɠə, a pɛli mą ə pa Yai-Laa pɔ a lɔwɔ tonwələn veelɛ, bɔɔŋą pɛli mɛ̨nį ɓa. Awala kɛ tii, kwii tonwələn veelɛ, da dɔ̨nɔ̨ kɛ a mąąhvaalɛɛ haláá hɛn, di dɔ̨nɔ̨ kɛ a haláá hɛn yii da gəlee kələn Yai-Laa ɓa.

Lonon mo 28:26

«Ka kɛ kóló má tɔlɔɔɠaa mąą hɛli pu yələ, ka kɛi pa Yai-Laa kɔ́i a ka pɔ yɛa ɓá nįnɛ̨ɠaa a nɔwɔ mɛ̨ihveelɛ hɛli yələ, mąąnɛ̨ɛ̨ ka ɲąąkpɔn mąąhəɠɛɛ too; ka hva kóló ta kɛ a mąą yələ.

Lonon mo 31:28

Nuąi li gɔ́ ɓa, mąąnɛ̨ɛ̨ ə́ di wɛi ta həɠə ɉu, a Yai-Laa nwɔɔ. Nu nwun nɔɔli a lɛɛ nu yəi, mąąnɛ̨ɛ̨ ə nu tɔ̨nɔ̨ tɛɛ; a kɛ a taatɛlɛɛ nwun nɔɔli ə daatɛlɛɛ tɔ̨nɔ̨ tɛɛ a Yai-Laa nwɔɔ; ə kɛ a nįŋɛ̨, ə kɛ a hoohvaalən, ə kɛ a taatɛlɛɛ pɛlɛɛ.

Lonon mo 31:37

yii di ɉəɠə daatɛlɛɛ pɛlɛɛ hu a nįįhɔ̨nwɔ̨, a Yai-Laa nwɔɔ nwun mɛ̨ida ɲee mɛ̨ihveelɛ kɔ́w lɔɔli (675).

Korɛntə dɔlɔɔ 16:2

Lɔwɔ tɛitɛi ŋą hvoló tɔlɔɔ, yii nu tɛitɛi a pɛli ɉɔlɔɓoi, yɛ gulɔ ɲəi hɛnŋaa hu, yɛ naa gwɛlɛ, yɛ bələi ŋą yee pɛli mąą laa kaa la; 'ká hvo bái lɔwai mąąkpɔn, ɉɛnŋaa tii ɲąąkpɔn mɛ̨nį ɓa.

Korɛntə veelɛ 8:10

Liɛwoo ka ti gáá dɛɛ ká pɔ yili hu: Hvo gaai, yili ɓə bɛliɛ káá, gwɛlan tɛɛ, káá ɓə kɛ a nu tɔlɔɔɠaa, gilii ti ə too káá, káá gɛ.

Korɛntə veelɛ 8:12

Nu kiliŋąhiɛ pələ a lɛlɛ kpɔ a neelee, da di yee hee mu, da hɛn gaa ɲəi, hɛn da awala nwɔ̨nɔ̨ kɛ ɲəi, mɛ̨nį hvo li!

Dutɛrɔnome 16:11

Gɛɛnąą tii Yai-Laa ka wɔ Yálái kaa pai ɲeekpiɛ lɛi laa, yɛ naa hee laa, ka káá pai kɛi laa kwəinɛ̨ɛ̨ hu, Yai-Laa ka wɔ Yálái lííla, ka ka lonnii ɉinąą mąn nɛ̨ąą mąn, ə mą kɛ ka wɔ luwɔɠaa, ɉinąą mąn, nɛ̨ąą mąn, ə mą kɛ, Leviɠaai di kaa ka lɔwai ka wɔ taaɠaa hu, da ka wɔ nwɛ̨ąą, təliɠaa, da galaninŋąąi ka lɔwai.

Dutɛrɔnome 16:9

Ɓɛlɔwai ka káá pai kɛi mɔ̨nun dɔlɔɔɠaa teɛ kɔ́wɔ tɔɔi la, ka lɔwɔ mɛ̨ihveelɛ lonon; ka nonoɔ kɔ́wɔ tɔɔ a mɔ̨nun tɔlɔɔ tee yələ.