Dutɛrɔnome 15:14 - Yálá laawoo hɛɓɛ (dc)

¹⁴ 'Ka dɔɔ bələi a ka wɔ ɓɛlaaɠaa ta, da ka wɔ ɓoliɠaa ta, ka yəi gələ hu hɛn da, ka wɔ viɲə yá kulɔi hɛn da. Yili a kulɔ Yai-Laa ka wɔ Yálái wɔ lúwɔ́ hu.

Yálá laawoo hɛɓɛ

¹⁴ 'Ka dɔɔ bələi a ka wɔ ɓɛlaaɠaa ta, da ka wɔ ɓoliɠaa ta, ka yəi gələ hu hɛn da, ka wɔ viɲə yá kulɔi hɛn da. Yili a kulɔ Yai-Laa ka wɔ Yálái wɔ lúwɔ́ hu.

Bible

¹⁴ É daa-tulɛi, mìi-sãai da ŋwãai ŋ̀ɔi tɛ́ɛ bɔ́. É dɛɛ bɔ́ yɛ̂ɛ berei Yâwɛɛ è lûwa làa la dîa da ǹuɛi.

Dutɛrɔnome 15:14 ပူးပေါင်းရင်းမြစ်များ

Nehemi 8:10

Ɛsdrasə yɛ diɛ: «Ka li, ka kɔ̨nɔ̨n nɛlɛɛɠaa mįi, ka lɔɔ nɛ̨ɛ̨ɠaa kpələ, ɛlɛɛ, nui hvo pɛli li hɛn da kɛ pələ pɛlii, ka mąą nuą tii kɔ́. Mąąhɔlɔɓo, volói ŋɛ̨i kaa a gu Ną́mu nwɔ hvóló mąąhəɠɛɛ, ka hvo kɛ liihɛlɛn ɉu, mąąhɔlɔɓo, Yai-Laa nwɔ kwəinɛ̨ɛ̨ ɓə gaa a guɔ huwalawala.»

Mąątɛ̨nɛ̨ 112:9

A mɛ̨inɛ̨ɛ̨ kpɛa-kpɛa kɛ yeehowolo mun ma, nwɔ tələnmolaa kaa a yələ kəlee mɛ̨nį, a nwun muhəɠə a ɲɛ̨i pono.

Mąątɛ̨nɛ̨ 68:10

Yálá ə kɛi tulɔ ɉógbó-ɉogbo pu, nuąi kɛ daa kpɔlɔɔn, yɛ́ di nįilɔ.

Hanwon 10:22

Yai-Laa nwɔ lúwɔ́ ɓə a nu kɛ a hɛn nąmu, nuą di wɔ huwalawalalaa hva hɛn dɛɛ di pɔ.

Gɛlaɠaa 20:35

Mɛ̨nį kəlee hu, yii ŋį́ nɛ kaa ya ɓaa: Mąąnɛ̨ɛ̨ nu kəlee di kólo kɛ, ya ɓə a gɛ gu kpɔnmąą tɛɛ mąąwɛli nuą pɔ. Ka gu gu kili lɛɛ gu Ną́mu Jesus woo hu, yii ə mo yɛ diɛ: ‹Nui kɔ́ɓo kɛi, gwəinɛ̨ɛ̨i ə tɛɛ nui di kaa gɔi mą.›»

Korɛntə dɔlɔɔ 16:2

Lɔwɔ tɛitɛi ŋą hvoló tɔlɔɔ, yii nu tɛitɛi a pɛli ɉɔlɔɓoi, yɛ gulɔ ɲəi hɛnŋaa hu, yɛ naa gwɛlɛ, yɛ bələi ŋą yee pɛli mąą laa kaa la; 'ká hvo bái lɔwai mąąkpɔn, ɉɛnŋaa tii ɲąąkpɔn mɛ̨nį ɓa.

Dutɛrɔnome 15:13

Ka ɓo mą, mąąnɛ̨ɛ̨ ə həɠə ka pɔɔli, kɛlaa, ka hvo nɛɛ laa hvo li a ɲeehowolo.

Dutɛrɔnome 15:15

Mąąnɛ̨ɛ̨ ka ka kiliŋąhiɛ, kaa diɛ, ka kɛ a luwɔɠaa Eziptə lɔi hu, ɛlɛɛ, Yai-Laa ka wɔ Yálái ɓə ka nwun mąąɓo. Yili mąą mɛ̨nį ɓə gɛi, gɛ́ dɔ́nŋąą ŋɛ̨i tɛɛ la ka pɔ háákələi.