Dutɛrɔnome 14:26 - Yálá laawoo hɛɓɛ (dc)

²⁶ Ka həli laa, yii lɔpee ka kɛ bɔ, ka ɲá a ka yəi wali, yɛi kɛ a nįŋɛ̨, yɛi kɛ a taatɛlɛɛ pɛlɛɛ, lɔɔ ɓə, kpələ hɛn a nu kɛlɛ, hɛn lɔpee nwɛli kaa pai kɛi kaa, ɛlɛɛ, ka ka laa mįi laa Yai-Laa lííla. Kaa kwəinɛ̨ɛ̨ kulɔ ka ka yəi bɛlɛ́n nuą.

Yálá laawoo hɛɓɛ

²⁶ Ka həli laa, yii lɔpee ka kɛ bɔ, ka ɲá a ka yəi wali, yɛi kɛ a nįŋɛ̨, yɛi kɛ a taatɛlɛɛ pɛlɛɛ, lɔɔ ɓə, kpələ hɛn a nu kɛlɛ, hɛn lɔpee nwɛli kaa pai kɛi kaa, ɛlɛɛ, ka ka laa mįi laa Yai-Laa lííla. Kaa kwəinɛ̨ɛ̨ kulɔ ka ka yəi bɛlɛ́n nuą.

Bible

²⁶ Ka kánîa sãa yá a zɛŋ-kâoi yɛ̂ɛ: taa-tulɛ, ƃála, ŋwãai kpaa máŋ kpele sãa kpona da kpɛ́ni-ŋa. Gɛ̀ ní ka káyee mu-ƃelai ka mii Yâwɛɛ ŋɛ́i-tuɛ ká lii-nɛ̃ɛ kula.

Dutɛrɔnome 14:26 ပူးပေါင်းရင်းမြစ်များ

Ɛsdrasə 7:22

Da pɛli di wali kilə waa haaɓa tɛɛ, mɔ̨nun kilə waa pow haaɓa, lɔɔ litɛlɛ waa nąąn da wulɔ litɛlɛ waa nąąn, ɛlɛɛ da kpolo yii lɔpee yá kɛ bɔ.

Mąątɛ̨nɛ̨ 106:14

Di hvilɛn di liiɓa mɛ̨nįɠaa pulu, nɔi pun ɉu, di Yálá hu kɔ́ɔn nɔi pun ɉu.

Ikilisiati 9:7

Yili ɓa, ə́ laa mįi, ə́ wɔ lɔɔi kpələ a ə́ kwəinɛ̨ɛ̨; mąąhɔlɔɓo, Yálá aa ə́ kɛ mɛ̨nįɠaa hu nɛ̨ɛ̨.

Maafîu 21:12

Jesus ə lɔ Yálá hee pɛlɛ́ mu, ə lɔwɔ́tɔɔ nuą da wali mąąhvalin nuą kaa laa, ə haŋą diɛ ə di kpɛ. Ə nwali mąąhvalin nuą di wɔ taɓaliɠaai laapɛlɛ, ə donwələn nɔwɔtɔɔ nuą di wɔ kpəlinŋąai too.

Markə 11:15

Di pənə di pa nwɔ̨nɔ̨ Ɉerusalɛmə daai, Jesus ə lɔ Yálá hee pɛlɛ́ mu; yɛ lɔwɔ́tɔɔ nuą da hɛnŋąą ya nuą kpɛ laa. Yɛ wali mąąhvalin nuą di wɔ taɓaliɠaa laa pɛlɛ, yɛ tonwələn nɔwɔtɔɔ nuą hee kpɛlinŋąą too.

Korɛntə dɔlɔɔ 10:6

Mɛ̨nįɠaai tii di kɛ tii, ə gɛ, ə kɛ háákələi gu yəi a mɛ̨nį kɔ́ɔn mąą, ə gɛ, gu ɲɛ̨i hvo pa kulɔ mɛ̨nį ɲɔ̨n bɔ, yɛ bələi di ɲɛ̨i ə kula bɔ.

Dutɛrɔnome 12:12

Nąą ɓə ka káá pai kɛi kwəinɛ̨ɛ̨ kulɔi laa Yai-Laa ka wɔ Yálái lííla; kaa mąn, ka lon ɉinąą mąn, ka lon nɛ̨ąą mąn, ka wɔ luwɔ hinąą da ka wɔ luwɔ nɛ̨ąą, ə mą kɛ Levi lonnii di kaa ka wɔ taaɠaai hu. Mąąhɔlɔɓo, Levi lonnii tii lɔi hvo di yəi, di kwɛlin və di yəi yɛ kaa.

Dutɛrɔnome 12:15

Kɛlaa, ka pɛli mą ka huwɔ paa, ka huwɔ mįi taa kəlee hu, yɛ bələi Yai-Laa ka wɔ Yálá ə mąą lúwɔ́ too la kaa. Nui tɔ́n gaa mą, nui tɔ́n və mą, da pɛli di ɉuwɔi ti ta mį́i; yɛ bɛlɛi lomą kaa la, a wala kɛ ti lan.

Dutɛrɔnome 12:18

Ka pa a ɉɛnŋąą tii, ka mįi Yai-Laa ka wɔ Yálái lííla; ɓɛi gaa pai ɲee kpuwɔ lɛi laa. Gɛɛnąą tii ɓə ka káá pai kɛi di mįi laa ka ka lon ɉinąą da ka lon nɛ̨ąą, ə mą kɛ ka wɔ luwɔ hinąą da nɛ̨ąą, da Levi lon yii ka wɔ taai hu. Ɉɛn gɔwi ka káá pai ɉɔlɔɓoi ka kɛ kólóɠaa hu, ka yili mąą kwəinɛ̨ɛ̨ kulɔ Yai-Laa ka wɔ Yálái ɲɛ̨i ɓa.

Dutɛrɔnome 12:7

Nąą ɓə ka káá pai kɛi ka laa mį́i laa gee ɓa, ka ka yəi bɛlɛ́n nuąi Yai-Laa ka wɔ Yálá ɲɛ̨i ɓa a kwəinɛ̨ɛ̨. Mąąhɔlɔɓo, mɛ̨nįɠaa kpɔ ka káá pai ka yee tooi ɉu, Yai-Laa ka wɔ Yálái kaa pai ɉu nɛɛi, ə lúwɔ́ too ka.

Dutɛrɔnome 14:25

a kɛ tii, ka ka wɔ hihɛnŋąą má bow nąąɠaa lɔwɔ too, ka ka yee kanąn nwali ɓa, ka li la ɓɛi tii Yai-Laa ka wɔ Yálá ə ɲeekpiɛ lɛ laa.

Dutɛrɔnome 26:11

Ɛlɛɛ nwunnąnɛ̨ɛ̨ kpɔ tii, Yai-Laa ka wɔ Yálái ə gɛ kaa, ka ka yəi bɛlɛ́n nuą, ka kɛ kwəinɛ̨ɛ̨ hu, ka Levi lonnii da nwɛ̨ąi di kaa ka kɔ́wɔ mɛ̨i.