Dutɛrɔnome 14:2 - Yálá laawoo hɛɓɛ (dc)

² Ka káá a nu huwui gaa a Yai-Laa ka wɔ Yálái nwɔɔ. Kaa ɓə Yai-Laa ə ɲeekpiɛ lɛ kaa, kaa kɛ a gbinį ɓa nu huwu. Nu huwuɠaai kpɔ lɔi mɛ̨i, gəlee lɔwai.

Yálá laawoo hɛɓɛ

² Ka káá a nu huwui gaa a Yai-Laa ka wɔ Yálái nwɔɔ. Kaa ɓə Yai-Laa ə ɲeekpiɛ lɛ kaa, kaa kɛ a gbinį ɓa nu huwu. Nu huwuɠaai kpɔ lɔi mɛ̨i, gəlee lɔwai.

Bible

² Kpáni fêi, kákaa a maa wâa-ƃela Yâwɛɛ ŋɛ́i-tuɛ. Aâ kásiɣe zu núu-kpune kélee sáma ŋ̀éniɛi su a gɛɛ ká kɛ a gbîŋ ŋɔnûa.

Dutɛrɔnome 14:2 ပူးပေါင်းရင်းမြစ်များ

Ɛsdrasə 9:2

Diɛ, da di lonnii, daa nɛ̨ą həɠə ɓɛ a di nɛ̨ąni, Yálá nwɔ nu huwui hu, da nɔi nuą daa humo a di kee. Bɛlɛ nąmįną, da galanɉonŋąą ɓə di yee lɔ dúwɔ́ pələ ɲɔ̨n tii hu tɔwɔ.»

Azaya 41:9

kaai ŋį́ ka həɠə kpɔ lɔi kpon ɉeei, ka kɛ kpɔ ɓɛi lɔi a kpəla laa, gɛ́ ka təli, yɛ́ Israɛlə, yɛ́i ŋį́ kɛ yɛ́: «Ŋą́ tímun mąą yɛ́, ŋį́ ə́ həɠə ə́ ɓɛlaa lɔwai, və́ gíli kulɔ li ə́ hu.»

Azaya 6:13

Da nɔi lonnii ɓɛlaɓo ɉu pow, bow nąąi pai kulɔi ɉu, yaa kpɛli a lɛɛ a nwɔ̨n gɔ̨nɔ̨n, yɛ bələi da kpitili da ɓahi di pɔn na, nwungbə lɔ ɓə a lɛɛ, nwungbəi tii, hɛn ɉuwu mąąhəɠɛɛ li.

Azaya 62:12

Di kaa pai kɛi di laa ɓa: «Nu huwu mąąhəɠɛɛ», «Nuąi Yai-Laa aa di nwun mąąɓo», diɛ nwɔ̨nɔ̨ kɛ ə́ laa ɓa: «Nííɓa hɛn», «Daai di hva kɛa di kili kulɔ ɉu.»

Ɉeremi 2:3

Israɛlə lonnii di kɛ a Yai-Laa nwɔɔ, dɔɔ a dee; yɛ hihɛn ma dɔlɔɔ-tɔlɔɔ. Nui lɔpee kɛ a tunwɔ̨n mą, mąą nu a ɉu mɔ̨nɔ̨ mį́i; mɛ̨nį ɲąąnwąnąą ə kɛi laa mąą nu ɓa. Ɲą́ą́ Yai-Laa nwóó li.

Izikiɛ 21:2

«Ə́ ɲɛ̨i hee ə́ ɓa-mįi-yee hu pələ, 'hąŋą ɉɛɠɛɛ pələ lɔiɠaa diɛ; gwə́i mɛ̨nį hu kulɔ Negɛvə lɔwɔɠaa diɛ.

Danîa 12:7

Nui ŋɛ̨i ɉəɠə kwəlɛɛ ə kɛ mą, ə ɲee hveelɛi tɛ yələi, ŋą́ nwoo mɛ̨n yɛ kɛ diɛ: «Ŋą́ gwɛla a Yálái ŋɛ̨i gaa lɔ a vulú yələ kəlee naa hu, gɛ́ diɛ: Hvo kɛli kwɛlan ɉaaɓa da gbulɔ. Mɛ̨nįɠaa ŋɛ̨i kaa pai kpɛɛi a kɛ Yálá nwɔ nuąi di wɔ huwalawala a kala kpɔ tɛ̨ɛ̨tɛ̨ɛ̨.»

Danîa 8:24

Nwɔ huwalawala kaa pai kɛnɛ̨i, kɛlaa, ɉuwalawalai tii hva kulɔ gbɔwɔ kpinį hu. Gaa pai kɛi kɛɛ kalai, yii nuą kili hva kɛ mą. Yi lɔpee a ɲee too ɉu, a kɛ, gaa pai huwalawala nuą tamąą tooi, ə lɛɛ, ɲee ə tɛɛ Yálá nwɔ nuąi diɛ.

Levetekɔ 11:45

Mąąhɔlɔɓo, ɲą́ą́ Yai-Laa, ɲą́ą́ ɓə ka kulɔ Eziptə lɔi hu, ə gɛ, ŋį́ kɛ a ka wɔ Yálá; mąąnɛ̨ɛ̨ ka mąą ə həɠə, mąąhɔlɔɓo, mą́ą́həɠɛɛi.»

Levetekɔ 19:2

«'Mo Israɛlə lonnii diɛ, yɛ diɛ: Ɲą́ą́ Yálá mą́ą́ həɠɛɛi, kaa kpɛli mąn, ka mąą ə həɠə tii.

Levetekɔ 20:24

ɛlɛɛ, gɛ́ kɛ kaa: «‹Kaa ɓə di wɔ lɔi kaa lɛɛi ka yəi, ɲą́ą́ ɓə dɛɛi ka pɔ a ka wɔɔ. Ɓɛi hɛn gəlee da lɛlɛ laa.› «Ɲą́ą́ Yai-Laa ka wɔ Yálá, ɲą́ą́ ɓə ka həɠə ɉu hį́i lɔi kəlee lɔwai.

Levetekɔ 20:26

«Ka kaa a Nwɔ́ɔ́ɠaa, 'ka ka mąąhəɠə, Mąąhɔlɔɓo, Mą́ą́həɠɛɛi, Ɲą́ą́ gáá a Yai-Laa; Ŋą́ ka həɠə ɉu hį́i lɔi kəlee lɔwai, əgɛ, ka kɛ a nwɔ́ɔ́.

Lomaŋ 12:1

Ną́n nonnii, gáá ká hvaŋąlɔi Yálá nwɔ ɲɛ̨imąąwɛli kaa laa hu, gɛ́; 'Ká ká kpɔwɔ kulɔ a haláá vulú mąą, mąąhəɠɛɛ, nwɛli ə ɓo Yálá ɓa. Yili ɓə gaa a kwɛli hvilɛn ŋąąi viɛlaɓoɔ.

Dutɛrɔnome 14:21

Huwɔi lɔpee a haa gbɔwɔ ɓa, ka hvo mįi. Nwɛ̨ą a kɛ ka kɔ́wɔ mɛ̨i, ka dɛɛ bɔ, nwɛi a pɛli mįi; a wala kɛ tii nɔwɔtɔɔ tɛɛ nwɛ̨ą ɓa, mąąhɔlɔɓo, ka káá a nu huwui gaa a Yai-Laa ka wɔ Yálái nwɔ hɛn. Ka hvə ɓolu yili nee ɲįnįya hu.

Dutɛrɔnome 28:9

«Yai-Laa kaa pai ka kɛi a nwɔ nu huwu, yɛ bələi ə gwɛla la kaa, akɛ ka Yai-Laa ka wɔ Yálái nwɔ tɔ́nŋąąi hon, kaa hiɛ a ɲeekpiɛ tənən.

Dutɛrɔnome 33:3

Israɛlə lonnii wɛli kaa Yai-Laa ɓa; a nwɔ nuą mɛ̨i kaa, diɛi da di ɲąą kpɔn gɔwɔ mu, diɛ di wəli tɔɔ nwɔ liɛwoo ɓa.

Dutɛrɔnome 4:20

Yai-Laa ə ka hon, ə ka kulɔ Eziptə lɔi hu ɓɛi nąą kpɔluɔ kɛ yɛ huluun ɉu. Ə ka kɛ a nwɔ nu huwu, a gwɛlin. Yili ka ŋɛ̨i háákələi ka káá la.

Dutɛrɔnome 7:6

Mąąhɔlɔɓo, ka káá a nu huwu mąąhəɠɛɛ a Yai-Laa ka wɔ Yálái nwɔɔ. Kaa ɓə Yai-Laa ka wɔ Yálái ə ka həɠə ɉu nu huwuɠaa lɔwai; əgɛ, ka kɛ a nwɔ nu huwu yɛnɛ̨ɛ̨ nu huwuɠaa kəlee lɔwai.

Dutɛrɔnome 7:7

Ka gaa Yai-Laa yɛ kanąn kaa, yɛ ka həɠə ɉu, ka tamą mɛ̨nį ka tɛɛ nu huwu takpɛliɠaa diɛ hvəi. Yaamun, kaa ɓə ka kpulu tikpɛɛ nu huwuɠaa kəlee lɔwai.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,