Dutɛrɔnome 13:6 - Yálá laawoo hɛɓɛ (dc)

⁶ Nui tii gbɔwɔ kɛ a Yálá kwəi mɛ̨nį hukulɔ mun, nwɛi, a wala kɛ tii, ɉį́i kaamun tii, mąąnɛ̨ɛ̨ ka di paa. Mąąhɔlɔɓo, aa nuą ɲąątɔɔ a di lənə mɛ̨nį Yai-Laa ka wɔ Yálái ɓa, yaa tii ka kulɔ Eziptə lɔi hu, yɛ ka kulɔ luwɔ pɛlɛ́ mu. Bələi ŋɛ̨i Yai-Laa ka wɔ Yálá ə ka hvilɛn mɛ̨i, nui tii ə kɛ bɔ, ə ka həɠə mɛ̨i. Mąąnɛ̨ɛ̨ ka mɛ̨nį ɲɔ̨n gɛmun gulɔ ka lɔwai.

Yálá laawoo hɛɓɛ

⁶ Nui tii gbɔwɔ kɛ a Yálá kwəi mɛ̨nį hukulɔ mun, nwɛi, a wala kɛ tii, ɉį́i kaamun tii, mąąnɛ̨ɛ̨ ka di paa. Mąąhɔlɔɓo, aa nuą ɲąątɔɔ a di lənə mɛ̨nį Yai-Laa ka wɔ Yálái ɓa, yaa tii ka kulɔ Eziptə lɔi hu, yɛ ka kulɔ luwɔ pɛlɛ́ mu. Bələi ŋɛ̨i Yai-Laa ka wɔ Yálá ə ka hvilɛn mɛ̨i, nui tii ə kɛ bɔ, ə ka həɠə mɛ̨i. Mąąnɛ̨ɛ̨ ka mɛ̨nį ɲɔ̨n gɛmun gulɔ ka lɔwai.

Bible

⁶ “À kɛ̀ a kákpɔɔi saaƃɔlɔ nɛni kpaa surɔ̂ŋ, káloŋ surɔ̂ŋ kpaa nɛni, kálii ma nɛni kpaa káwɛli kɛ-maa nuu da à pà kápɔ loo-pêre su ǹyɛɛ kâai, ‘Kwaa lí kú ɣâla da kpɛ́ni fɛli. Ŋ̀âlai ŋí káa a Ɣâla nyii ka kánâŋ-ni káfe gɔ́lɔŋ.’

Dutɛrɔnome 13:6 ပူးပေါင်းရင်းမြစ်များ

Zɛnɛse 16:5

Nąąlɔwai, Sarai ə mo ɉilɛ Abramə ɓa, yɛ mą: «Nálan ŋɛ̨i di kaa moi, yɛ́ ɓə gəlee kaa ə́ nwuɔ̨! Mąąhɔlɔɓo, ɲą́ą́ ɓə́ nwɔ́ luwɔ nɛ̨ąi həɠə ŋį́ dɛɛ ə́ pɔ́, kɛlaa yii kɛa aa gaa yɛ aa koo həɠə, yɛ kɛa mɛ́lɛkpɛɛ mą́ą́. Gɛ́ Yai-Laa ə kɛ a gu lɔwai mɛ̨nį hutɔɔ mun.»

Samia Veerɛi 1:26

Ee kə! Níikələnŋąąi gwə́i ə́ mąą mɛ̨nį hu Ɉonatan, ną́n non, ə́ wɛli aa lɛɛ mą́ą́ kpɔ kɛnɛ̨! Ə́ wɔɔ nɛ̨ɛ̨laa ə kɛ mą́ą́ a mɛ̨nį ŋąą nɛɛ. Ŋaa nɛɛi kɛ mą́ą́ ə tɛɛ nɛ̨ɛ̨nu nwɔ wɛlikɛ maa ɓa.

Tɔɔɓɛlaa dɔlɔɔ 18:40

Eli yɛ diɛ: «Ka Baalə laa yəlikɛ nuą hon, ka hvo dɔ̨nɔ̨ kpɛli lɛɛ laa hvo pu.» Di nuą tii kəlee hon, Eli ə li a gəlee Kisɔn ɲa ɓoloon bɔ; ə di kəlee di nwun dee laa.

Tɔɔɓɛlaa veelɛ 11:18

Nu kpului tii kəlee di lɔ Baalə nwɔ pɛlɛ́i mu, di bu, di nwɔ haláá kulɔi taɠa, di mąąnįnįnŋaa kala, di Baalə nwɔ haláá laa həli mun Matan paa ɉaláá kulɔiɠaa lííla. Ɉaláá laa həli mun Yohoyada ə gulááɠaa tɔɔ Yai-Laa yəi bɛlɛ́ laaləi.

Kɔlɔnikɔ Veerɛi 15:13

Ɛlɛɛ, nuąi lɔpee hvo pai gɛi hvo hvilɛn Yai-Laa Israɛlə nwɔ Yálái pului, da baa; ə kɛ a nu kɛnɛ̨, ə kɛ a lokolo. Ə kɛ a nɛ̨ɛ̨nu, ə kɛ a hulɔnu.

Kɔlɔnikɔ Veerɛi 23:17

Nąąlɔwai, nɔi lonnii kəlee di həɠə di li Baalə nwɔ pɛlɛ́i nąą, di bu, di Baalə kɔ́i wolo, da ɉaliɠaa kpɔ tii kɛ laa. Di Baalə laa yəlikɛmun Matan hon di baa Baalə kɔ́i lííla.

Zôo 31:27

akɛ yili ta ə́ níí hon, gɛ́ di kaa a nwɔ́ yálá, gɛ́ kwɛli hvilɛn diɛ,

Lɛɛ gbɔwɔ ɓa 13:3

Moisə ə mo nuą diɛ, yɛ diɛ: «Volói ŋɛ̨i Yai-Laa ə ka kulɔ la Eziptə lɔi hu, luwɔlaa hu, ka ka kili lɛɛ ɉu, mąąhɔlɔɓo, nwɔ huwalawala yee ɓə ə ka kulɔ la laa. Mąą hvólói ti a həli, lɛɠɛ yii dɛ hɛn gaa ɉu, nu ta hvo mįi.

Lɛɛ gbɔwɔ ɓa 32:27

Yɛ diɛ: «Mɛ̨nį Yai-Laa Israɛlə nwɔ Yálá kaa moi ya ka. ‹Nu kəlee ə nwɔ kɔ-kɔ ɓɔwai kpulɔn ɉąą, ka tɛɛ daa kwəi, bɛlɛ́ɠaa laaləi, ka ka kaayɔwɔɠaa paa da ka ɓɛlaa.›»

Hanwon 18:24

Nu mɛlaa da tamą, ɲowo a kɛ ɉu. Ɓɛlan gbəli kaa laa, ə kanąn nu ɓa, ə tɛɛ nee lon ma.

Hanwon 5:20

Nón, lə mɛ̨nį ɓa nwɛ̨ą nɛ̨ɛ̨nu nwɔ wɛlikɛmąą a ə́ hu pu yɛ́? Lə mɛ̨nį ɓa nwɛ̨ą nɛ̨ɛ̨nu ɲįnį hon nwɛli a too yɛ́?

Ɉeremi 28:15

Nąąlɔwai, Yálá kwəi mɛ̨nį hukulɔ mun Ɉeremi yɛ Yálá kwəi mɛ̨nį hukulɔ mun Hanania ɓa: «Ə́ wəli tɔɔ Hanania, Yai-Laa hvə ə́ tɔɔ li, yɛ́ ɓə gɛi, nuą ŋɛ̨i diɛ di kpɔɔ ŋąąkolon a lɛɛ mɛ̨nįɠaa.

Ɉeremi 28:16

Ə həli kɛa yɛ́; Yai-Laa woo ka, yɛ diɛ: Gaa pai ə́ həɠəi nɔi ŋɛ̨i mɛ̨i, ə́ kaa pai haai gwɛlan ŋɛ̨i yee mu. Mąąhɔlɔɓo, yáá nuą kwɛli tee Yai-Laa ɓa.»

Ɉeremi 44:3

Nɛ̨ŋɛ̨nŋaa di kɛi ɉəɠə mąą mɛ̨nį ɓa, di nwą́ną lɔ a ɉaláái di kɛi gulɔ haliɠaa diɛ, diɛ di mąąwiɛ. Ya pa, ɉaliɠaa tii di hvo ta kɛ di ta mąą mɛ̨nį ɲɛ̨i kulɔ li; diɛ mąn, ə mą kɛ, di kalani pɔlɔɠaa.

Zakari 13:3

Nąąlɔwai nui a tɔɔ, yɛ kɛ gaa Yálá kwəi mɛ̨nį hu kulɔi, gaa nuą kpįnįi kpɔ-kpɔɔ da kɛ mą: «Mąą hvo kɛa nɛ̨ɛ̨li hvó lɛɛ yɛnɛ̨ɛ̨, lɛɛ ka tii ə́ kaa gɛi a Yai-Laa laa!» Ɛlɛɛ, gaa nąn gbinįi kpɔ-kpɔɔ da gaa lee kpįnįi kpɔ-kpɔɔ, di kaa pai ɓɔi ɉu a kpala, ɓɛlɔwai gaa pai kɛi nwɔ lɛɛ hvaa tii ɓoi la.

Korɛntə veelɛ 5:16

Yili ɓa, yiihu kɛa, gu hvo nu ta kɔlɔn nu kan gɔlɔ hu, akɛ gu Kristə kɔlɔn a nu kanŋaa di wɔ nu kɔlɔn bələ, bələ yili hvəə kɛa ku gɔlɔn na.

Galatə 2:4

bələi mąn nɛɛ kalan nɛa tii di kɛ la bɔ. Di pa ku lɔwai yɛ nɛ̨nɛ̨ɛ̨n-naa kɛ nuą; di kɛ bɔ di gaa, bələi ku kaa ku wɔɔ lɛɛgbɔwɔ ɓa laa hon ɉii la, a yai həɠə Jesus Kristə pɔ pələ, ə gɛ, di ku lɔ di yee mu.

Ifisiɛŋ 4:14

A kɛ ti, gu hva kɛa kɛ yɛ lon ɲii gɛi homa, yɛ nui nuą di wɔ gbana lawoo a mowo, yɛ dɔɔ takpa-takpa, yɛ ɉəɠə tɛ̨ą pələ mɛ̨i.

Dutɛrɔnome 11:32

Ka tɔɔ a ka nwąnąi, dɔ́nŋąą, da nɔi mąą tɔ́nŋąąi kpɔ gáá dɛɛi ka pɔ háákələi, ka di pɔ yii ɓo.

Dutɛrɔnome 13:2

Akɛ nu ta a muhəɠə ka lɔwai yɛ kɛ diɛ Yálá kwəi mɛ̨nį hukulɔ mun ni, awala kɛ tii hįį kaamun; ə mą kɛ mɛ̨nį ɲɛ̨i kɛnɛ̨ ta ɓə, awala kɛ tii kpalo mɛ̨nį, ə nɛɛ kwɛala yɛ ɉukulɔ;

Dutɛrɔnome 13:7

Akɛ a ə́ nąn non, a wala kɛ tii, ə́ lee lon, yili hvo mą, ə́ lon ɉulɔnu, a wala kɛ tii, ə́ lon nɛ̨ɛ̨nu; akɛ, ə́ nɛ̨ąi tii ka yaa ka káá yíi ɓa, a wala kɛ tii, ə́ ɓɛlan yii yáá nwɛli la kɛ yɛ ə́ kpinį, di ta a kɛ ka lɔwai, yɛ kɛ yɛ́: «Gwə li gu kwɛli hvilɛn yálá takpɛli ɓa» ɲáláɠaa tii, yɛ́ mąn, ə́ nąnni mąn, ka hvo gɔlɔn,

Dutɛrɔnome 17:12

Kɛlaa, akɛ, nu ta a gbɔwɔ ŋąą kɛnɛ̨, ɉaláá laa həli nuą ŋɛ̨i di kaa kóló kɛi Yai-Laa ka wɔ Yálá hee pɛlɛ́ mu, mąą nu hvo túwɔ́ li yɛ bələi di mo la, awala kɛ tii, yɛ bələi giti tee mun ə mo la, mąąnɛ̨ɛ̨ di mąą nu paa. Ka mɛ̨nį ɲɔ̨n gulɔ Israɛlə lɔi hu.

Dutɛrɔnome 18:20

Kɛlaa, nu ta a niikpələ, yɛ kɛ yɛ gaa mɛ̨nį ta ɓoi a náá, yii və́ dí li la, a wala kɛ tii, yɛ hvaa haliɠaa laa hu, mąą nu a haa.»

Dutɛrɔnome 19:19

mɛ̨nį yii ə giliŋąhiɛ mą, yɛ kɛ di naa mɛlan gaalon tii ɓa, yili ɓə da naa yaa tii mą. Ka mɛ̨nį ɲɔ̨n gulɔ tii ka lɔwai.

Dutɛrɔnome 21:21

Mąąnɛ̨ɛ̨ daai tii hu nuą kəlee di ɉɔɔ a kwɛni ə haa. Bələ ɓə mąąnɛ̨ɛ̨ ka mɛ̨nį ɲɔ̨n gulɔ la ka lɔwai. Israɛlə nuą kəlee kaa pai bələ mɛ̨n ɉii, diɛ ɲɔw.

Dutɛrɔnome 22:21

Mąąnɛ̨ɛ̨ də li a nɛ̨ɛ̨non tii nąn ɲəi bɛlɛ́ laaləi, daa hilɛlɛa di ɉɔɔ a kwɛni ə haa. Mąąhɔlɔɓo, aa ɓɛlɛkpɛɛmąą túwɔ́ ɓo Israɛlə lɔi hu, aa lɛɛ nąn ɲəi bɛlɛ́n aa wɛli kɛ. Ka mɛ̨nį ɲɔ̨n gulɔ ka lɔwai.

Dutɛrɔnome 24:7

Da nu ta kaa aa nɔi lon da, yii gaa a Israɛlə lon da aa nwuɔ̨, yɛ ɲee pənə ɉu, a wala kɛ tii, yɛ nɔwɔtɔɔ; ka nu nwuɔ̨ mun tii paa, ka mɛ̨nį ɲɔ̨n gulɔ ka lɔwai.

Dutɛrɔnome 28:54

Nui gaa ka lɔwai, yɛ ɲɔw Yálá ɓa, yɛ mɛ̨nį ɲɔ̨n mąą laa, gaa pai kɛi nąn nonnii, da naa búlu nɛ̨ɛ̨nu da nonnii yiiɠaa daa lɛɛ di kaai gɔwɔyɔɔ.

Dutɛrɔnome 29:18

Ɛlɛɛ, mąą nu a nolo woo ŋɛ̨i mɛ̨n, yɛ gbɔwɔ kaa yɛ mąątɛ̨nɛ̨ gwəi pələ, yɛ kɛ mą: ‹Ŋą́ mą kanąn gwə́i kiliŋąhiɛ ɓa, ŋą́ pɛli mɛ̨nį kəlee hɔlɔɓoi, mąąhɔlɔɓo, lɔi tulɔ a pu mą, kpələ wɛli hvo laa.›

Dutɛrɔnome 8:14

ka hvo kɛ ka káá ka kpɔwɔ ɲąą kɛnɛ̨i, kaa lɛ̨ą Yai-Laa ka wɔ Yálái ɓa. Yaa tii ɓə ka kulɔ Eziptə lɔi hu, nuwɔ laa pɛ́lɛ́i tii mu.

Kolosə 2:4

Gáá yili ɓoi ti, əgɛ, nu ta hvo pa ka ɓowo, a lɛɛ wooɠaa.

Zasua 7:13

Ə́ muhəɠə, ə́ nuą mąąhəɠə, mo diɛ, yɛ diɛ: Nu kəlee ə gbɔwɔ mąąhəɠə tinąą mąą mɛ̨nį ɓa; mąąhɔlɔɓo, Yai-Laa Israɛlə nwɔ Yálá yɛ: Hɛn tɔ́n dɔɔ mą, da kaa Israɛlə nuą lɔwai ɉɛn tii a lɛɛ ka lɔwai, ka hva pɛli tɔɔi ka yowo lííla, akɛ ka hvo ɉɛn tii kulɔ li ka lɔwai.

Piɛrə veelɛ 2:1

Tɔlɔɔ tɔlɔɔ, lɛɛ loloɓo nuą di kɛ Yálá nwɔ nuą lɔwai; kaa kpɛli, lɛɛ kalan gɛ nuą kaa pai kɛi ka lɔwai. Di kaa pai lɛɛ kalan bələ tamąą lɔi ka lɔwai, ə lɛɛ, diɛ lənə di Nwun Nąmu Jesus ɓa, yii di nwun mąąɓo, yili pulu, diɛ nwun napili mąą kpuɔ di kpɔɔ ɓa.

M̀ɛni-lɛɛi 12:9

Mąąɲɔw-hɛn gɛnɛ̨i tii, di bili, yai a gaaləi wɔlɔ kɛi, a yai naa ɓaa: nąnį, ɛlɛɛ, ɓilihi, yai a yɛnɛ̨ɛ̨ kəlee ɲąąhɛnmun, di bili ə yɛɛ lɔi mɛ̨i da ɲee pɔɠaa.

M̀ɛni-lɛɛi 13:14

Ə kɛli lɔi mɛ̨i nuą nwun ɉu lan a gbalo mɛ̨nįɠaai di gɛɛ mąą laa tɛɛ bɔ, yɛ gɛ ɉuwɔi tii ɲɛ̨i mu. Ə mo diɛ, yɛ kɛ, ɉuwɔi tii di nwąną a ɓowa kwɛaa, ɛlɛɛ, bala ə kpɛɛi, di mąąnįnįn bɛli, di dɔɔ.

M̀ɛni-lɛɛi 20:3

Ə bili nowa kpon gwɛaa hu, ə naa kpulu a gwɛli, ɛlɛɛ, ə gɔlɔn ɉɛn naa bulu, ə gɛ, hvo pa hįi lɔiɠaa ɲąąhɛn, ə lɛɛ ɉu gwɛlan nwaa tɔ̨nɔ̨i tii laa ə kulɔ. Yili pulu, hvo kɛli di pənə di gulɔ, woloɓo.

Nwun mąąɓo 10:6

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə ə pənə nwɔ̨nɔ̨ ə ɲee lɔ ɉu ə gɛ. Ɉaliɠaai ŋɛ̨i da kɛ diɛ Baalə da Astarteɠaa, ə mą kɛ Aramə nuą di wɔ haliɠaa, ə mą kɛ Sidɔn nuą di wɔ haliɠaa, da Moabə nuą, ə mą kɛ Amɔn lonnii di wɔ haliɠaa, ə lɛɛ da Filisti nuą di wɛi, di kɛi kwɛli hvilɛn diɛ, di di pulu tɔɔ Yai-Laa ɓa.

Nwun mąąɓo 2:13

Di lɛ̨ą Yai-Laa ɓa, diɛ kɛa kwɛli hvilɛn Baalə ɓa da hali Astarteɠaa.

Nwun mąąɓo 20:13

Yili ɓa, nu kpoloonŋaa tii di kaa Givea daai, ka di tɛɛ ku pɔ, ku di paa, ə gɛ, mɛ̨nį ɲɔ̨n ə kulɔ Israɛlə nuą lɔwai.» Kɛlaa, Bɛnɉamɛn nu huwu hvo gɛ, di hvo di wəli tɔɔ di kaayɔwɔɠaa woo ɓa, diɛi kɛ a Israɛlə lonnii.

Nwun mąąɓo 5:8

Nąąlɔwai tii, Israɛlə nuą di kɛi hali nįnɛ̨ɠaa pɛli. Nąąlɔwai lɔ ɓə, kɔ́ ə kɛi too la diɛ. Yili a kɛ tii, nu ta hvo kpɛli kɛi kpala da hə́mə́ di hɔlɔɓo, Israɛlə hinąą waa pow nąąn mąą mɛ̨nį ɓa.

Samuɛlə dɔlɔɔ 18:1

Ɓɛlɔwai Davidə ə kpɛɛ la a nwoo hukulaa Saulə ɓa, Davidə nwɔ wɛlikɛmąą ə lɔ Ɉonatan lii mu, ə nwɛli la kɛ yɛ gbinį.

Samuɛlə dɔlɔɔ 18:3

Ɉonatan da Davidə di mįnɛ̨ həɠə, mąąhɔlɔɓo, ə kɛi Davidə wɛli la kɛ yɛ gbinį.

Samuɛlə dɔlɔɔ 20:17

Ɉonatan ə gwɛla nwɔ̨nɔ̨ Davidə ɓa mąąhɔlɔɓo, nwɛli ə kɛ mą gwəi tɔ̨nɔ̨ mɛ̨i.