Dutɛrɔnome 13:5 - Yálá laawoo hɛɓɛ (dc)

⁵ Yai-Laa ka wɔ Yálá ɓə mąąnɛ̨ɛ̨ ka hvilɛn bulu, ya ɓə mąąnɛ̨ɛ̨ ka ɲɔw mą. Nwɔ tɔ́n mə mąąnɛ̨ɛ̨ ka ɉon; nwoo ɓə mąąnɛ̨ɛ̨ ka ka wəli tɔɔ mą. Yai-Laa ɓə mąąnɛ̨ɛ̨ ka tí mą, ɛlɛɛ, yaa ɓə mąąnɛ̨ɛ̨ ka kanąn mą.

Yálá laawoo hɛɓɛ

⁵ Yai-Laa ka wɔ Yálá ɓə mąąnɛ̨ɛ̨ ka hvilɛn bulu, ya ɓə mąąnɛ̨ɛ̨ ka ɲɔw mą. Nwɔ tɔ́n mə mąąnɛ̨ɛ̨ ka ɉon; nwoo ɓə mąąnɛ̨ɛ̨ ka ka wəli tɔɔ mą. Yai-Laa ɓə mąąnɛ̨ɛ̨ ka tí mą, ɛlɛɛ, yaa ɓə mąąnɛ̨ɛ̨ ka kanąn mą.

Bible

⁵ Fɛ̂ɛ ká Ɣâla ŋɔlóno kɛ́-nuui tí kpaa máŋ zee-wôo su-kula-nuui tí páa, kpɛ́ni fêi, dɔɔ̂i Káɣâlai Yâwɛɛ ma nyii káŋuŋ ma ƃò é kákula ǹuɛ-laai su Izei. A gɛ́ ka tɔɔ Káɣâlai ma. Fɛ̂ɛ ká gula kásama.

Dutɛrɔnome 13:5 ပူးပေါင်းရင်းမြစ်များ

Tɔɔɓɛlaa dɔlɔɔ 13:19

Yálá nwɔ nui ə yali bulu, da yaa di li, ə kɔ̨nɔ̨n mįi, ə ya kpələ.

Tɔɔɓɛlaa dɔlɔɔ 18:40

Eli yɛ diɛ: «Ka Baalə laa yəlikɛ nuą hon, ka hvo dɔ̨nɔ̨ kpɛli lɛɛ laa hvo pu.» Di nuą tii kəlee hon, Eli ə li a gəlee Kisɔn ɲa ɓoloon bɔ; ə di kəlee di nwun dee laa.

Kɔlɔnikɔ Veerɛi 34:31

Tɔɔmun ə lɛɛ tɔɔni dɔɔi, ə nwoo kwɛlɛ Yai-Laa ɓa, yɛ gaa pai hvilɛn ɉii Yai-Laa pulu, ə ɲee kanąn nwɔ tíɓoɠaai da mąąpamą wooɠaa diɛ, da nwɔ tɔ́nŋąą diɛ, yɛ hvilɛn mįnɛ̨ hɛɓɛ́ hu wooɠaa pulu a nii kəlee, nwɔ yɛnɛ̨ɛ̨ kəlee yee mu.

Ɉeremi 14:15

Yili mąą mɛ̨nį ɓa, ɲą́ą́ Yai-Laa gɛ́ diɛ: Yii hvilɛn na Ɲálá kwəi mɛ̨nį hukulɔ nuą tii diɛ, diɛi tii mɛ̨nį ɓoi a náá və́ di tɔɔ li la, yii daa kɛ diɛ: ‹Kɔ da pulu, da hvo pai tooi nɔi ŋɛ̨i ɓa!› Ə həli kani kɛa diɛ, kɔ́ kɔ́ ɓɔwa, da pulu ɓə pai Ɲálá kwəi mɛ̨nį hukulɔ nuą tii paai.

Ɉeremi 29:32

Yili mąą mɛ̨nį ɓa, ɲą́ą́ Yai-Laa, gáá ɲéé pɛlɛi Nehelamə mun Semaya ɓa, da ɉuwu kəlee. Di ta lɔpee hvo pai ɉeei hɔlɔɓoi nuą ŋɛ̨i lɔwai, di ɲɛ̨i hva tɔɔ mɛ̨nį lɛlɛɛɠaa gáá pai gɛi nwɔ́ nuą diɛ, da ɓa. Mąąhɔlɔɓo, ə nuą ɲąątɔɔ, diɛ kulɔ Yai-Laa woo mu. Yai-Laa woo li!›»

Ɉeremi 50:6

Nwɔ́ nuąi di kɛ kɛa yɛ, ɓɛlaaɠaai daa lan, di laa hɔn mo nuą daa kɛ di həɠə bələ mɛ̨i, diɛ li a diɛ di nwun ma, yeeɠaa ɓa, da həɠə yee yii mɛ̨i, də li yee kpukpu yii mɛ̨i, di pɛlɛ kili hvo kɛa di ŋą gála hu.

Ɉeremi 7:23

Kɛlaa, mɛ̨nįi ŋį́ vɛli diɛ, ya ka; ŋį́ kɛ diɛ: Akɛ, ka ka wəli tɔɔ nwóó ɓa ka ɉon, ŋį́ kɛ a ka wɔ Yálá, kaa ɓo a nwɔ́ nu Huwuɠaa. Bələi ŋį́ nɛ kaa, ka hiɛ ɉu a nɛlɛɛ, ka káá pai kɛi ka nɛ̨ɛ̨ hu.

Zakari 13:3

Nąąlɔwai nui a tɔɔ, yɛ kɛ gaa Yálá kwəi mɛ̨nį hu kulɔi, gaa nuą kpįnįi kpɔ-kpɔɔ da kɛ mą: «Mąą hvo kɛa nɛ̨ɛ̨li hvó lɛɛ yɛnɛ̨ɛ̨, lɛɛ ka tii ə́ kaa gɛi a Yai-Laa laa!» Ɛlɛɛ, gaa nąn gbinįi kpɔ-kpɔɔ da gaa lee kpįnįi kpɔ-kpɔɔ, di kaa pai ɓɔi ɉu a kpala, ɓɛlɔwai gaa pai kɛi nwɔ lɛɛ hvaa tii ɓoi la.

Gɛlaɠaa 13:8

Kɛlaa, Elimasə, pənəngɛmun. Hvó gaai, naa tii mukulaa ka ti. Ə kɛ bɔ ə tɔɔ di la, ə kpɛ̨ɲɛ̨n nɔi nwun nąmu ŋą laa na laa tɔwɔ.

Korɛntə dɔlɔɔ 5:13

Nuąi di hvo gu pɔ, Yálá ɓə pai di kiti teei. «'Ká mɛ̨nį ɲɔ̨n gɛmun kulɔ ká lɔwai.»

Dutɛrɔnome 13:10

Kɛlaa yaamun, hvo kɛ li ka baa, gwɛni tɔlɔɔ pili mą, ɛlɛɛ nɔi nuą di gbəli laa kulɔ.

Dutɛrɔnome 13:15

mąąnɛ̨ɛ̨ ka mɛ̨nį tii hu kwɛli, ka kɛɛ mąąni kɛ, ka ɉu kpɛ kpɔ a nɛlɛɛ; ka dɛ̨ą kaa, da gaa diɛ kɛ di gɛɛ kala mɛ̨nįi tii kɛ ka lɔwai,

Dutɛrɔnome 13:9

nu a kɛ yɛ́ gwə li di pɔ, hvó hvaa nui tii woo ɓa, hvó mąą hvaalɛɛ, hvó mąą wɛli kaa, hvó tɔɔ bulu.

Dutɛrɔnome 17:5

ɉulɔnui tii, a wala kɛ tii, nɛ̨ɛ̨nui tii dúwɔ́ pələ ɲɔ̨n tii kulɔ, ka kulɔ la ɉįi pulu. Ə kɛ a hulɔnu-o, ə kɛ a nɛ̨ɛ̨nu-o, ka ɉɔɔ a kwɛni ə haa.

Dutɛrɔnome 17:7

Gəlaɠaa ɓə da gbɛa di yee pɛlɛ baa mɛ̨nį ɓa, yili pulu, nuą kəlee diɛ tɛɠa di laa too ɉu. Ka mɛ̨nį ɲɔ̨n gbɛɛ tii ka lɔwai.

Dutɛrɔnome 18:20

Kɛlaa, nu ta a niikpələ, yɛ kɛ yɛ gaa mɛ̨nį ta ɓoi a náá, yii və́ dí li la, a wala kɛ tii, yɛ hvaa haliɠaa laa hu, mąą nu a haa.»

Dutɛrɔnome 19:19

mɛ̨nį yii ə giliŋąhiɛ mą, yɛ kɛ di naa mɛlan gaalon tii ɓa, yili ɓə da naa yaa tii mą. Ka mɛ̨nį ɲɔ̨n gulɔ tii ka lɔwai.

Dutɛrɔnome 22:21

Mąąnɛ̨ɛ̨ də li a nɛ̨ɛ̨non tii nąn ɲəi bɛlɛ́ laaləi, daa hilɛlɛa di ɉɔɔ a kwɛni ə haa. Mąąhɔlɔɓo, aa ɓɛlɛkpɛɛmąą túwɔ́ ɓo Israɛlə lɔi hu, aa lɛɛ nąn ɲəi bɛlɛ́n aa wɛli kɛ. Ka mɛ̨nį ɲɔ̨n gulɔ ka lɔwai.

Dutɛrɔnome 22:24

ka li a diɛ daa kpala, ka di hɔɔ a kwɛni, di haa. Ɉalakpəlai tii a haa mąąhɔlɔɓo, ə kɛ taai, hvo gɛ li hvo tómą yɛ nuą təli mą. Ɉulɔnui tii yaa kpɛli a haa, mąąhɔlɔɓo, aa laa a mɛlan mun nɛ̨ą. Bələ ɓə ka mɛ̨nį ɲɔ̨n gulɔ la ka lɔwai.

Dutɛrɔnome 24:7

Da nu ta kaa aa nɔi lon da, yii gaa a Israɛlə lon da aa nwuɔ̨, yɛ ɲee pənə ɉu, a wala kɛ tii, yɛ nɔwɔtɔɔ; ka nu nwuɔ̨ mun tii paa, ka mɛ̨nį ɲɔ̨n gulɔ ka lɔwai.

Dutɛrɔnome 26:14

Və́ ɉɛnŋąą tii ta mįi, ɓɛlɔwai haa ə too la mą́ą́ və́ kpɛli da kulɔ ɉu, ɓɛlɔwai tɔ́n ə kɛ la mą́ą́, ɛlɛɛ və́ kɛ ɲɔ̨muą kɔ́ li a da. Ŋą́ lɛɛ Yai-Laa nwɔ́ Yálái woo mu, ŋį́ gɛ yɛ bələi ə mo la mą́ą́.

Dutɛrɔnome 4:19

Hvó ə́ ɲɛ̨i tɛ yələi, yá, hvóló, ɲąnin da pɛmɛ̨lɛ̨n-gɔw, ə mą kɛ yələ kwəi hɛnŋąą kaa, hvó pa nəi nɛɛ laa di hvo ə́ ɓowo, yɛ́ kwɛli hvilɛn diɛ. Yai-Laa ka wɔ Yálái ɓə ɉɛnŋąą tii pɛli lɔi mɛ̨i hee ɓo nuą kəlee mąą mɛ̨nį ɓa.

Dutɛrɔnome 6:13

Yai-Laa ka wɔ Yálái ɓə mąąnɛ̨ɛ̨ ka ɲɔw mą. Ya ɓə mąąnɛ̨ɛ̨ ka tí mą. Naa hu ɓə mąąnɛ̨ɛ̨ ka ka kwɛla la.

Dutɛrɔnome 7:4

Mąąhɔlɔɓo, da ləi di nwun dinɛ̨n, di wɔ haliɠaa pɔ pələ; di di pulu tɔɔ Mą́ą́, yili a kɛ tii a Ɲą́ą́ Yai-Laa nwɔ́ liiholi muhəɠə ka pɔ, yɛ ka nwun na pili.

Zasua 23:8

Kɛlaa, 'ka kanąn Yai-Laa ka wɔ Yálái ɓa, yɛ bələi kaa gɛ la, aa lɛɛ ɉu háákələi yələ aa həli.

M̀ɛni-lɛɛi 19:20

Di ɉuwɔi tii hon a kɔluwɔ, ɛlɛɛ, da nɛɛ loloɓomun tii, yai kɛli gbalo mɛ̨nįɠaa kɛ niila, ɛlɛɛ, da nuąi ə di ɲąąhɛn, ə gɔlɔn ɉii kɛ diɛ, diɛ kwɛli hvilɛn mąą nįnįn ma. Di gəlee pili nwɔ̨n maɠa hu a di hvúlú.

Nwun mąąɓo 20:13

Yili ɓa, nu kpoloonŋaa tii di kaa Givea daai, ka di tɛɛ ku pɔ, ku di paa, ə gɛ, mɛ̨nį ɲɔ̨n ə kulɔ Israɛlə nuą lɔwai.» Kɛlaa, Bɛnɉamɛn nu huwu hvo gɛ, di hvo di wəli tɔɔ di kaayɔwɔɠaa woo ɓa, diɛi kɛ a Israɛlə lonnii.

Samuɛlə dɔlɔɔ 12:14

Akɛ ka ɲɔw Yai-Laa ɓa, ka tí mą; kaa ka wəli tɔɔ nwoo ɓa, ka wala Yai-Laa nwɔ tɔ́n nwooɠaai pili, kaa mąn nwoo, ka wɔ tɔɔmun heeni ka mɛ̨i, ka káá pai lɛɛi kaa nɛɛ hu Yai-Laa ka wɔ Yálái pulu.