Dutɛrɔnome 13:16 - Yálá laawoo hɛɓɛ (dc)

¹⁶ mąąnɛ̨ɛ̨ ka daa tii hu nuą kəlee paa a ɓɔwa kwɛa, ka daa tii hu kala da ɉu hɛnŋąą kəlee, ə mą kɛ daatɛlɛɛɠaa, ka gəlee paa a ɓɔwa kwɛaa.

Yálá laawoo hɛɓɛ

¹⁶ mąąnɛ̨ɛ̨ ka daa tii hu nuą kəlee paa a ɓɔwa kwɛa, ka daa tii hu kala da ɉu hɛnŋąą kəlee, ə mą kɛ daatɛlɛɛɠaa, ka gəlee paa a ɓɔwa kwɛaa.

Bible

¹⁶ Ka daai kpîŋ su-sãai kélee ŋãa tɛ́ ma bere taɣaŋ-ŋai lá ká díkereŋ a kéreŋ sala-sãa Káɣâlai Yâwɛɛ mɛni ma, ká tela daai kéreŋ naa é lɛ́ɛ a pilêŋ ŋá wɔlɔ-wɔlɔ da wɔlɔ-wɔlɔ.

Dutɛrɔnome 13:16 ပူးပေါင်းရင်းမြစ်များ

Lɛɛ gbɔwɔ ɓa 22:19

«‹Nui a haláá kulɔ haliɠaa diɛ, akɛ Yai-Laa hvəi, da mąą nu paa.

Azaya 17:1

Mɛ̨nįi kponąą di mo yɛ hvilɛn na Damasə, ɓa ya ka: Damasə hvo kɛa pai lɛɛi a taa, gaa pai lɛɛi a taa kpoloon.

Azaya 25:2

Yáá daa kɛ a taa kpoloon, daa yii kɛ mąątínɛ̨n ŋąą a hįį, Yáá nɛɛ a lɔi pun, Túwɔ́ pələ ɲɔ̨n gulɔ nuą, di wɔ taai, hvo kɛa a taa, hva kɛa pənə hvo tɔɔ kpɔ tanɔ̨n gbɛli.

Ɉeremi 49:2

Yili mąą mɛ̨nį ɓa, Yai-Laa yɛ diɛ: «Hvolóɠaa kaa pai həlii, gɛ́ kɔ́ kɔ́ woo tɔɔ Raba Amɔn nuą mɛ̨i, naa a lɛɛ a lɔi pun, diɛ ɲee kɔ́nma taaɠaa kələn, ɛlɛɛ, Israɛlə yɛ pənə yɛ gwɛlin ɉəɠə nuą hɔlɔɓo a nwɔɔ.» Ɲą́ą́ Yai-Laa nwóó li!

Izikiɛ 26:14

Gáá pai ə́ kɛi yɛ kwɛnii hɛn da hvo mɛ̨i, yɛ́ kɛ a hɔ̨nwɔ̨lee kpɛ-tumɔ̨ kpalai, di hva kɛa pɛ̨nɛ̨, di hvo ə́ tɔɔ; ɲą́ą́, Yai-Laa, Nwóó li. Mɛ̨nį kəlee ŋą Hééɓomun Yálá woo li.

Mise 1:6

Gáá pai Samari kɛi a kpomói daa nɛɛ gbɔwɔ ɓa, a tíi kɛ lɔi. Ŋą́ nwɔ kwɛniɠaai kiliɠilin, ŋį́ bili ɓoloon ɉu. Gwɛniɠaai daa hvilɛn ŋąą mɛ̨i, ŋį́ di kulɔ nɔi mu, ŋį́ di pu pɔ̨nɔ̨ ŋą.

Dutɛrɔnome 7:25

Di wɔ hali mąą nįnįnŋaai mąąnɛ̨ɛ̨ ka di kələn; ɛlɛɛ, nwali kwɛli, da ɉɛnii tii bɛlɛɛ di kɔ́lɔ ɓai, ka ɲɛ̨i hvo kulɔ bɔ, əgɛ, ka da həɠə, hvo pa kɛ a hɛlɛn ka tɔwɔ. Mąąhɔlɔɓo, yili a kɛ a mɛ̨nį ɲɔ̨nwɔ̨ɔ̨ kɛnɛ̨ Yai-Laa ka wɔ Yálái ɲɛ̨i ɓa.

Dutɛrɔnome 7:26

Hɛn ɲɔ̨nwɔ̨ɔ̨ Yálá ɲɛ̨i ɓa, ka hvo da lɔ ka yəi bɛlɛ́n, ka gɛ tii, ka ɉɛnŋąą tii da həɠə, da nəi ka hu kala a gee. Mąąnɛ̨ɛ̨ ka ɉɛnŋąą tii kaa a hɛn mąąliɓiɛ, da hɛn mąąnɛ̨ɛ̨ nwɛli ə kpɛɛ nu ɓa; mąąhɔlɔɓo, di nɛ̨ŋɛ̨n naai.

Zasua 6:21

Hɛnŋąą kpɔ kɛ daai, di gəlee hu kala kpɔ tɛ̨ɛ̨tɛ̨ɛ̨?: Ɉinąą mąn, nɛ̨ąą mąn, nu nwunuɠaa, ə mą kɛ, nu pɔlɔ pɔlɔɠaa, Nįŋɛ̨, ɓɛlaa, ɉoohvaalənŋąą, di gəlee paa.

Zasua 6:24

Yii ɓaa daa nwɛi, di nwɔ̨n nɔ ɉu, di gəlee kələn, hvo kɛ li: wali, da hɛni, ɛlɛɛ, da ɉɛnŋąąi kɛ a ɓala kwɛli, da kwɛli kpɔ-kpɔɔ, di yiliɠaa pu Yai-Laa nwɔ hɛn gɔw kəhii hu ɲəi bɛlɛ́n.

Zasua 6:26

Volói tii di mɛ̨nį kɛ la, Ɉosue ə nɛ̨ŋɛ̨n naa Ɉeriko taa ɓa, yɛ mą: «Nui lɔpee pai muhəɠəi, yɛ kɛ gaa Ɉeriko taa ŋɛ̨i tɔɔi, mąą nu nɛ̨ŋɛ̨n naai Yai-Laa ɲɛ̨i ɓa; mąą nu a daa ŋɛ̨i wulu hvilɛn a non ɉulɔnu tɔlɔɔ, ə daa mąą kpɛ hįi gbon gɔwɔ hvilɛn a non ɉulɔnu veelɛnąą.»

Zasua 8:28

Ɉosue ə Ai taa kələn, ə nąą lɛɛ a taa kpoloon, ə nąą kɛ a kɛɛnąą yii nu hva pɛli heei laa, háá ɓa háá nąą kaa tii.