Dutɛrɔnome 12:7 - Yálá laawoo hɛɓɛ (dc)

⁷ Nąą ɓə ka káá pai kɛi ka laa mį́i laa gee ɓa, ka ka yəi bɛlɛ́n nuąi Yai-Laa ka wɔ Yálá ɲɛ̨i ɓa a kwəinɛ̨ɛ̨. Mąąhɔlɔɓo, mɛ̨nįɠaa kpɔ ka káá pai ka yee tooi ɉu, Yai-Laa ka wɔ Yálái kaa pai ɉu nɛɛi, ə lúwɔ́ too ka.

Yálá laawoo hɛɓɛ

⁷ Nąą ɓə ka káá pai kɛi ka laa mį́i laa gee ɓa, ka ka yəi bɛlɛ́n nuąi Yai-Laa ka wɔ Yálá ɲɛ̨i ɓa a kwəinɛ̨ɛ̨. Mąąhɔlɔɓo, mɛ̨nįɠaa kpɔ ka káá pai ka yee tooi ɉu, Yai-Laa ka wɔ Yálái kaa pai ɉu nɛɛi, ə lúwɔ́ too ka.

Bible

⁷ Ka lii nɛ̃ɛ kula m̀ɛni-ŋai kélee mɛni ma ka gɛ́i. Ká mɛni-ŋai ŋí kɛ́ kpɛ́ni fêi Káɣâlai Yâwɛɛ ƃé lûwa làa kâa.

Dutɛrɔnome 12:7 ပူးပေါင်းရင်းမြစ်များ

Kɔlɔnikɔ Maa-ŋuŋ 29:22

Di di laa mįi, di di kpələ a kwəinɛ̨ɛ̨, Yai-Laa líi la a ɲələi tii, di Davidə lon Salomɔn hee a tɔɔmun, di pənə di wulɔ lɔ mą a Yai-Laa Laa, ə kɛ a ɲąąwooɓo kɛmun, ɛlɛɛ Sadɔkə ə kɛ a ɉaláá laa həli mun gɛnɛ̨.

Nehemi 8:9

Ya ɓə Nehemi ŋɛ̨i kɛ a gbahanama da Ɛsdrasə ɉaláá laa həli mun yai lɔ kɛ a ɉɛɓɛ́ kɛ mun, da Levi huwuhu nuąi tii kɛi ɉɛɓɛ́ hukulɔ wooɠaa ɓo nuą diɛ, di kɛi kɛ nɔi lonnii kəlee diɛ: «Volói ŋɛ̨i kaa a Yai-Laa ka wɔ Yálá nwɔ hvóló. Mąą hvo nɛ̨ɛ̨li, ka hvo kɛ liihɛlɛn ɉu, kaa wɔlɔ. Mąąhɔlɔɓo, nuą kəlee di kɛi wɔlɔ, dɔ́n ɉɛɓɛ́ hu woo mąą mɛ̨nį ɓa.»

Ikilisiati 3:12

Ŋą́ą́ gɔlɔn, gɛ́ diɛ: Tɔlɔ takpɛli hvo nu lonnii yəi, hvo kɛli lɔ di di ɲąąnɛ̨ɛ̨ kulɔ di kɛ kóló dɔlɔ hu; di wɔɔ yɛnɛ̨ɛ̨ hu.

Ikilisiati 3:13

Nu a kɔ̨nɔ̨n ɉɔlɔɓo yɛ mįi, yɛ gbələ, yɛ ɲąąnɛ̨ɛ̨ kulɔ gɛ kóló hu, yili kaa a Yálá yəi mɛ̨inɛ̨ɛ̨.

Ikilisiati 5:18

Yili pulu, Yálá a hɛn gɔw da yee la hvólón dɛɛ nu pɔ, mąą nu yɛ pɛli gɛ kóló dɔlɔ kulɔi, yili kaa a Yálá yəi mɛ̨inɛ̨ɛ̨.

Azaya 23:18

Kɛlaa ɉɛn a ɉɔlɔɓo, da dɔlɔɠaa, da gəlee laakwɛlanmo Yai-Laa ɓa; di hva di ɲąąkpɔn gee ɓa, di hva di pu gee mɛ̨i. Ɉɛn gɔwi tii kəlee da kɛ a, nuąi heeni Yai-Laa lííla, di kɔ̨nɔ̨n, diɛ pilə ɉu, diɛ həɠə lɛlɛɛɠaa hɔlɔɓo ɉu a lamun ɉəɠəɠaa.

Azaya 62:9

Kɛlaa nui kɛa a mɔ̨nun dee, a gɛ a gɔ̨nɔ̨n, diɛ Yai-Laa laa tɛ, ɛlɛɛ, nuąi da lɔɔ hɔɔ, da gbələ, ɲə́i gwəlii, nwɔ́ pɛlɛ mąąhəɠɛɛi laaləi.

Izikiɛ 44:3

Kɛlaa tɔɔmun nwɛi, yɛ bələi gaa la a tɔɔmun, nąą ɓə gaa pai heei laa yɛ kɔ̨nɔ̨n mįi Yai-Laa lííla. Gaa pai kɛi lɔi a ɲimɛn mu pɛlɛ laaləi pələ, yɛ kulɔ a bələ yii ti.

Zooɛ 1:16

Kɛlɛi gu ɲɛ̨i ɓa ɓə kɔ̨nɔ̨n ə kpɛɛ laa-ee! Ɛlɛɛ, guɔ Yálái hee pɛlɛ́ mu, ɲąą nɛ̨ɛ̨ da kwəinɛ̨ɛ̨ di mąą ə kwɛa nąą ɓa-ee.

Zooɛ 2:26

Ka káá pai kɔ̨nɔ̨n mį́i, kaa pilɛ ɉu, kaa Yai-Laa ka wɔ Yálái tɛ̨́nɛ̨́. Yaai mɛ̨nį kpɛa-kpɛa tii kɛ, nwumɛ̨ hva kɛa tɛ a nwɔ́ nuąi a yələ ta.

Levetekɔ 23:40

Voló dɔlɔɔ yələ, ka pa a ka wɔ hihɛnŋąąi má lɛlɛɛɠaa, ka pa a gwala laa, a wulu laa nwunu, da yá-kwɛlɛ-ɓɔɔ laa. Ka kɛi pa, ka pa a ka kwəinɛ̨ɛ̨ voló mɛ̨ihveelɛi tii kəlee yee mu; Yai-Laa ka wɔ Yálái lííla.

Malasi 2:13

Yii nwɔ̨nɔ̨ ka kɛ gɛi, ya ka: Ɓɛi ŋɛ̨i ka ɉaláá kulɔ laa, ka nąą yɔwɔ a ka ɲɛ̨iyá, káá ka woolaa. Mąąhɔlɔɓo, Yálá hvo kɛa ɲɛ̨i heei ka wɔ haláá hɛnŋaai diɛ, hvo kpɛli gaai a hɛn da.

Gɛlaɠaa 2:46

Di hvaŋąlɔɔ kɛ, diɛ di ɲąąkpɔn Yálá hee pɛlɛ́ mu, diɛ kɔ̨nɔ̨n mįi gee ɓa di yəi bɛlɛ́nŋąą, a kwəinɛ̨ɛ̨ da lii nɛ̨ɛ̨ gwəi.

Dutɛrɔnome 12:12

Nąą ɓə ka káá pai kɛi kwəinɛ̨ɛ̨ kulɔi laa Yai-Laa ka wɔ Yálái lííla; kaa mąn, ka lon ɉinąą mąn, ka lon nɛ̨ąą mąn, ka wɔ luwɔ hinąą da ka wɔ luwɔ nɛ̨ąą, ə mą kɛ Levi lonnii di kaa ka wɔ taaɠaai hu. Mąąhɔlɔɓo, Levi lonnii tii lɔi hvo di yəi, di kwɛlin və di yəi yɛ kaa.

Dutɛrɔnome 12:18

Ka pa a ɉɛnŋąą tii, ka mįi Yai-Laa ka wɔ Yálái lííla; ɓɛi gaa pai ɲee kpuwɔ lɛi laa. Gɛɛnąą tii ɓə ka káá pai kɛi di mįi laa ka ka lon ɉinąą da ka lon nɛ̨ąą, ə mą kɛ ka wɔ luwɔ hinąą da nɛ̨ąą, da Levi lon yii ka wɔ taai hu. Ɉɛn gɔwi ka káá pai ɉɔlɔɓoi ka kɛ kólóɠaa hu, ka yili mąą kwəinɛ̨ɛ̨ kulɔ Yai-Laa ka wɔ Yálái ɲɛ̨i ɓa.

Dutɛrɔnome 12:8

Ka hvə pai kɛi tuwɔi yɛ bələi gu ka tuwɔi la ɓɛ yiihu, yii lɔ a nɛɛ nu ɓa yɛ gɛ.

Dutɛrɔnome 14:23

Ɛlɛɛ kaa naa Yai-Laa ka wɔ Yálá lííla, ɓɛi gaa pai ɲeekpiɛ lɛi laa, naa ə ɓo laa. Nąą ɓə ka káá pai kɛi ka wɔ mɔ̨nun gɔn bow nąą, ka wɔ lɔɔ nįnɛ̨i nwɛi, da ka wɔ wulɔ nįnɛ̨i nwɛi, ka wɔ taatɛlɛɛɠaa lon dɔlɔɔɠaa mįi laa, bələ ɓə ka káá pai kɛi ɲɔwmąąlaa mąą kwɛlii la, yɛ hvilɛn na Yai-Laa ka wɔ Yálái ɓa a yələ kəlee.

Dutɛrɔnome 14:26

Ka həli laa, yii lɔpee ka kɛ bɔ, ka ɲá a ka yəi wali, yɛi kɛ a nįŋɛ̨, yɛi kɛ a taatɛlɛɛ pɛlɛɛ, lɔɔ ɓə, kpələ hɛn a nu kɛlɛ, hɛn lɔpee nwɛli kaa pai kɛi kaa, ɛlɛɛ, ka ka laa mįi laa Yai-Laa lííla. Kaa kwəinɛ̨ɛ̨ kulɔ ka ka yəi bɛlɛ́n nuą.

Dutɛrɔnome 15:20

Yai-Laa ka wɔ Yálái lííla ɓə ka mįi laa, ka ka yəi bɛlɛ́n nuą, ɓɛi Yai-Laa ka wɔ Yálá a ɲeekpiɛ lɛ laa.

Dutɛrɔnome 26:11

Ɛlɛɛ nwunnąnɛ̨ɛ̨ kpɔ tii, Yai-Laa ka wɔ Yálái ə gɛ kaa, ka ka yəi bɛlɛ́n nuą, ka kɛ kwəinɛ̨ɛ̨ hu, ka Levi lonnii da nwɛ̨ąi di kaa ka kɔ́wɔ mɛ̨i.

Dutɛrɔnome 27:7

Ka liilaa halááɠaa kulɔ, kaa ka laa mįi laa; kaa ka kwəinɛ̨ɛ̨ Yai-Laa ka wɔ Yálái lííla.

Dutɛrɔnome 28:47

«Akɛ ka wala tí Yai-Laa ka wɔ Yálái ɓa a ka kwəinɛ̨ɛ̨, da ka lii kəlee, ɓɛlɔwai ka yee laahvɛɛi la a hɛn gəlee,

Filipə 4:4

Ká ká kwəinɛ̨ɛ̨ gu Ną́mu hu, gáá kpɔ pənəi ŋį́ mo, 'ká kwəinɛ̨ɛ̨ kulɔ.