Dutɛrɔnome 12:6 - Yálá laawoo hɛɓɛ (dc)

⁶ Nąą ɓə ka káá pai kɛi lii laa a ka wɔ haláá hɛnŋąąi da gəlee kələn, da ka wɔ nɛ̨ɛ̨yɔwɔ laa haláá, ə mą kɛ, ka wɔ hihɛnŋąą má bow nąą, ə mą kɛ, ɉɛnŋąąi ka káá pai kɛi lɛɛi ka kpɔɔ ɓa, kaa Yálá kɔ́ la, ə mą kɛ, yiiɠaai ka káá pai kɛi di laakwɛlanmoi, yɛ bələi: ka wɔ nįŋɛ̨ lonnii dɔlɔɔɠaa kaa la, da mɛlaa lonnii dɔlɔɔɠaa.

Yálá laawoo hɛɓɛ

⁶ Nąą ɓə ka káá pai kɛi lii laa a ka wɔ haláá hɛnŋąąi da gəlee kələn, da ka wɔ nɛ̨ɛ̨yɔwɔ laa haláá, ə mą kɛ, ka wɔ hihɛnŋąą má bow nąą, ə mą kɛ, ɉɛnŋąąi ka káá pai kɛi lɛɛi ka kpɔɔ ɓa, kaa Yálá kɔ́ la, ə mą kɛ, yiiɠaai ka káá pai kɛi di laakwɛlanmoi, yɛ bələi: ka wɔ nįŋɛ̨ lonnii dɔlɔɔɠaa kaa la, da mɛlaa lonnii dɔlɔɔɠaa.

Bible

⁶ Ǹaa ƃé ká pá naa a kákereŋ sama sãai, kásâla-sãai, kákɔ̃liŋ buu-ɣelei kásama sãa kpiŋ-kpiŋ-ŋai zama-sãai ká kákono-tee lai, da kátaa-tulɛ lonii m̀aa-ŋuŋ-ŋai.

Dutɛrɔnome 12:6 ပူးပေါင်းရင်းမြစ်များ

Kɔlɔnikɔ Veerɛi 31:14

Lévi huwu humun Yimna lon Kore, yai kɛ a voló ɓɛlai pələ bɛlɛ́ laaləi mɛ̨i kaamun, ya ɓə kɛ a Yálá kɔ́ hɛnŋąą mɛ̨i kaamun. Ya ɓə kɛi Yai-Laa nwɛi kulɔ ɉu, yɛ ɉɛn mąąhəɠɛɛ kpɔ kɛnɛ̨ nwɛi kulɔ ɉu.

Kɔlɔnikɔ Veerɛi 7:12

Nąąlɔwai Yai-Laa ə gbɔwɔ lɛ mą, kwíihɛ̨ą, yɛ Salomɔn ɓa: «Ŋą́ą́ yɛ́ hvɛli woo mąn, ɛlɛɛ, ŋą́ą́ hvaa mą, ŋą́ą́ gɛɛnąą ŋɛ̨i həɠə ɉu, ŋą́ą́ gɛ a nwɔ́ɔ́ haláá kulɔ pɛlɛ.

Ɛsdrasə 3:2

Yosadakə lon Ɉosue, da gaayɔwɔɠaa; diɛi kɛ a haláá laa həli nuą, da Saltiɛlə lon Zorobabɛlə da gaayɔwɔɠaa, di pɛlɛ di kee ɓa, di Israɛlə nwɔ Yálá nwɔ haláá kulɔi pɛli. Ə gɛ, haláá hɛn yii da gəlee kələn, di gulɔ laa Yálá ɓa, yɛ bələi bɛ̨ɛ̨i la Yálá nwɔ tímun Moisə nwɔ tɔ́n ɉɛɓɛ́i hu.

Nehemi 10:36

Kwa ku wɔ hihɛnŋąą nįnɛ̨ kulɔ, ku wɔ tíiɠaai, ku wɔ ɓawuluɠaa kwa gəlee nįnɛ̨ kulɔ Yai-Laa ɓa.

Nehemi 10:39

Ɉaláá laa həli mun dɔ̨nɔ̨, yii gaa a Aarɔn lon da, a kɛ Levi huwuhu nuą pɔ, ɓɛlɔwai da kɛ ɉɛn bow naa hon ɉii la. Levi huwuhu nuą da ɉɛn bow naa tii, nwɔ hɛn bow nąąɠaa həɠə a ku wɔ Yálái nwɔ pɛ́lɛ́i nwɔɔ, də li di bu ɉɛn gɔw laikɛ pɛlɛ mu.

Mąątɛ̨nɛ̨ 116:17

Gáá pai ə́ hɛɠɛɛɓo haláá kulɔi, gɛ́ Yai-Laa təli a naa.

Izikiɛ 20:40

Mɛ̨nį kəlee ŋą Hééɓomun Yálá wo ka yɛ: Nwɔ́ yee mąąhəɠɛɛ, Israɛlə nwɔ yee tɔɔ mɛ̨i ɓə Israɛlə nwɔ pɛlɛ́i mu nuą kəlee kaa pai kɛi mą́ą́wiɛi laa. Di kəlee da kɛ kɛa heeni nɔi hu, nąą ɓə gáá pai ɲéé laa ka mu, gɛ́ ɲéé hee ka wɔ haláá hɛnŋaa lɛlɛɛɠaa mu; a yiiɠaai ka káá pai ɉəɠəi ka yəi hɛnŋaa lɔwai a nwɔ́ɔ́, a ɉɛnŋaai kpɔ ka káá pai kɛi gɔ́i la.

Levetekɔ 1:3

«Akɛ nwɔ haláái kaa a haláá hɛn da gəlee kələn, ə kɛ a nįŋɛ̨ hilɛ, nąą ta hvo kɛ mą. Ə paa la gee kaa kələ laaləi, ə gɛ, Yai-Laa ə ɲee hee mu.

Malasi 3:10

'Ká pa a ká hɔlɔɓo hɛnŋąą kəlee bow nąą ɉéé pɛlɛ́ mu, ə gɛ, kɔ̨nɔ̨n ə kɛ ɲə́i bɛlɛ́n. Ká yili kɛ tii, ka ɉúkɔɔn; ɲą́ą́ Yai-Laa Mɛ̨nį Kəlee ŋą Hééɓomun, akɛ vá yələkɔlɔn naa ɓo, və́ lúwɔ́ yɛɛ ka mɛ̨i a gbulu kɛnɛ̨.

Malasi 3:8

Gáá ka woo pulu pənəi: Akɛtii, nu a pɛli Yálá ɓowoi? Kɛlɛi, ka kɛ mówoi! Kaa kɛ mą: «Lə mɛ̨nį ɓə ku ə́ ɓowo ɉu?» Yii ká kɛ mówoi ɉu, ya ka: Ka wɔ hɛn bow nąą kulɔ pələ ɓə ká mówo ɉu, da ka wɔ Yálá kɔ́ hɛn dɛɛ pələ hu.

Lukə 11:42

«Farisiɛ̨ɠaa, kpalo ɓɛlaai kaa! Ka ka hɔlɔɓo hɛn bow nąą tɛɛ Yálá pɔ, ə mą kɛ, ka yəi ɲɛa nɔ́wɠaa, da yiiɠaai ka doo nɔ́w hu, yɛ mąą kun nɛ̨ɛ̨ la. Kɛlaa, tələnmolaa da Yálá wɛli la kɛɛ, kaa yiliɠaai lɛɛ laa. Yaamun, yiliɠaa ɓə kɛ mąąnɛ̨ɛ̨i kɛ kaa gɛ, ka hva yiiɠaai tii ta lɛɛ pulu.

Lukə 18:12

Ŋą́ hin nɔ gee mɛ̨i hveelɛ lɔwɔ tɔ̨nɔ̨ yee mu, gɛ́ nwɔ́ hɔlɔɓo hɛnŋąa kəlee bow nąą tɛɛ ə́ pɔ.›

Dutɛrɔnome 12:17

Mąą hvo nɛ̨ɛ̨li ka hvo ka wɔ mɔ̨nun gɔ́n bow nąą, da ka wɔ lɔɔ nįnɛ̨, da ka wɔ wulɔɠaa mįi ka wɔ taaɠaa hu, ə mą kɛ ka wɔ taatɛlɛɛɠaa gbɛa-kpɛa da bɛlɛɛɠaa lon dɔlɔɔɠaa, da haláá lɔpee ka káá pai naakwɛlanmoi, ə mą kɛ ka wɔ naa gwəi haláá, da ka kɛ kóló má dɔlɔɔ-tɔlɔɔɠaa.

Dutɛrɔnome 26:2

ka wɔ hihɛnŋąą má dɔlɔɔ-tɔlɔɔɠaa ka ɉɔlɔɓo nɔi tii hu, yai Yai-Laa ka wɔ Yálái ə dɛɛ ka pɔ, ka da həɠə ɉu ka gbili kɛ; ɓɛi Yai-Laa ka wɔ Yálái kaa pai ɲeekpiɛ lɛi laa, yɛ naa hee mą; ka li la laa.

Zasua 22:27

Kɛlaa, ɉaláá kulɔi ŋɛ̨i kaa a kɛla gwa gaani gu lɔwai, da gu wɔ lonnii, gu haa pulu. Gaa pai nɛ yɛ kɛ ku kaa Yai-Laa nwɔ tíɓo ɓa, a ku wɔ haláá hɛn da gəlee kələn da ku wɔ líílaa halááɠaai kwa gulɔ Yai-Laa ɓa.

Samuɛlə dɔlɔɔ 1:21

Ɉilɛ Ɛlkana da ɲəi bɛlɛ́n nuą də li, ə gɛ, di haláá kulɔ Yai-Laa ɓa, a haláá yii di kɛi gulɔ kwɛlan gəlee yee mu; nwooi ə mo ə bɔ mɛ̨nį kɛ.

Samuɛlə dɔlɔɔ 1:24

Yii kɛa ə naa kulɔ ɲįnį ɓa, ə ɉəɠə ə bɛlɛ kwɛlan ɉaaɓa nįŋɛ̨ hilɛ tɔ̨nɔ̨ ɓa, da lɛɠɛ hunwɔ̨ gəgən ɉu tɔ̨nɔ̨ ɓa, da lɔɔyá ləɠi tɔ̨nɔ̨, ə nokoloi lɔ Yai-Laa hee pɛlɛ́ mu ə kɛ laa a naa tíɓo kɛ mun da.