Dutɛrɔnome 12:31 - Yálá laawoo hɛɓɛ (dc)

³¹ Ka hvə di pɔɔ kɔ́ɔn, Yai-Laa ka wɔ Yálái mąąwiɛ mɛ̨nį hu. Mąąhɔlɔɓo, mɛ̨nįɠaa kpɔ da ɓaɠi lii tɛ a Yai-Laa, mɛ̨nįɠaa kpɔ di wɛli kpɛɛi mą, ya ɓə nu huwui tii ə kɛi gɛ di wɔ hali mąąwiɛ pələ hu; diɛ di lon ɉinąą da di lon nɛ̨ąą kələn di wɔ haliɠaa diɛ.

Yálá laawoo hɛɓɛ

³¹ Ka hvə di pɔɔ kɔ́ɔn, Yai-Laa ka wɔ Yálái mąąwiɛ mɛ̨nį hu. Mąąhɔlɔɓo, mɛ̨nįɠaa kpɔ da ɓaɠi lii tɛ a Yai-Laa, mɛ̨nįɠaa kpɔ di wɛli kpɛɛi mą, ya ɓə nu huwui tii ə kɛi gɛ di wɔ hali mąąwiɛ pələ hu; diɛ di lon ɉinąą da di lon nɛ̨ąą kələn di wɔ haliɠaa diɛ.

Bible

³¹ Káfe Káɣâlai Yâwɛɛ fɛ̀li yɛ̂ɛ berei da díɣâla-ŋai fɛli lai. Da mɛni sîi nyɔ́mɔɔ támaa kɛ̀ díɣâla fɛliɛɛi su nyii Yâwɛɛ fé wɛ́li ní a diai. Da dílônii sinaai da nɛyãai kùla a kéreŋ sala díɣâla-ŋai dîa.

Dutɛrɔnome 12:31 ပူးပေါင်းရင်းမြစ်များ

Tɔɔɓɛlaa veelɛ 16:3

Kɛlaa yaamun, ə li kpɔ ə hvilɛn Israɛlə tɔɔɓɛlaa túwɔ́ pələ hu, ə non ɉəɠə ə li la ə gulɔ a haláá, di gələn. Dúwɔ́ ɲɔ̨n tii ɓə nuąi Yai-Laa ə di kpɛ di pɔ lɔi yɛ Israɛlə nuą hee laa, di kɛi gɛ.

Tɔɔɓɛlaa veelɛ 17:31

Awi nuą di Nibazə mąąnįnįn ɉəɠə, da Tartakə; Sefarwaimə nuą di wɛi, di yee ə kɛ lɔ di lonnii kələn mɛ̨nį hu, diɛ Adramelɛkə da Anamelɛkə mąąwiɛ la, yiliɠaa ɓə kɛ a di wɔ haliɠaa.

Tɔɔɓɛlaa veelɛ 21:2

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə ə gɛ, nɔiɠaa ŋɛ̨i Yai-Laa ə di kpɛ Israɛlə nuą ɲɛ̨i tɔwɔ, di túwɔ́ pələ ɲɔ̨n tii ɓə Manase ə kɛi gɛ.

Tɔɔɓɛlaa veelɛ 3:27

Non ɉilɔnu dɔlɔɔ ŋɛ̨i kɛi pa heei a mąąhvalin, ə yili həɠə ə gulɔ ɉįi kpoloon mɛ̨i a haláá. Yili ə nwąną kpɔ Israɛlə nuą diɛ kpɔ kɛnɛ̨, di həɠə laa, di li di pɔ taaɠaa.

Kɔlɔnikɔ Veerɛi 33:2

Ə túwɔ́ a ɲɔ̨nwɔ̨ɔ̨ Yai-Laa ɲɛ̨i ɓa. Nuą tii Yai-Laa ə di wɔɔ lɔiɠaa kulɔ di yəi, yɛ Israɛlə hee laa, ə hvilɛn di yii pələ ɲɔ̨nwɔ̨ɔ̨ɠaa pulu.

Kɔlɔnikɔ Veerɛi 36:14

Ə mą kɛ, ɉaláá laa həli nuą ɲɛ̨itɔwɔ nuą, nɔi ɲąąwooɓo nuą kəlee, di di wɔɔ woo kala laa huwiɛ, di túwɔ́ kpɔlɔɔ yɛ bələi, lɔiɠaa da kɛɛ kala túwɔ́ ɓo la; di bɛlɛ́i ŋɛ̨i Yai-Laa ə ɉəɠə ɉu a nwɔɔ Ɉerusalɛmə, di mąąluwu.

Mąątɛ̨nɛ̨ 106:37

Di kɛi di lon ɉinąą, da di lon nɛ̨ąą kulɔ a haláá, ɲįnɛ̨nŋąą diɛ.

Lɛɛ gbɔwɔ ɓa 23:2

Hvó hvilɛn mɛ̨nį ɲɔ̨n gɛ nuą kpulu pulu. Hvo ə́ laa too kiti mɛ̨nį hu, nu kpului tɛ̨ą hvo bɔ, hvo tɔɔ di pulu.

Ɉeremi 32:35

Daa haláá kulɔi pɛli Baalə ɓa, Bɛn-Hinɔmə moloon ɉu, diɛ di lon ɉinąą da lon nɛ̨ąą kələn nąą nwɔ̨n ɉu; Molɛkə ɓa. Ɲą́ą́ hvəi di tí la, mɛ̨nį ɲɔ̨nwɔ̨ɔ̨ taaləi tii, mąą kili hvo ta hɔlɔ too li gwə́i, gɛ́ Ɉuda yee lɔ tii nɛ̨ŋɛ̨n ɉu.

Ɉeremi 7:31

Daa hvaaiɠaa kulɔ Bɛn-Hinɔmə ɓoloon ɉu Tofɛtə, naa ɓə da kɛ di lon ɉinąą da di lon nɛ̨ą kələn ɉii laa. Ya pa, ɲą́ą́ hvəi di tɔɔ a yili, yili gili hvo ta too li gwə́i.

Izikiɛ 20:31

Ka kɛi li kɛ a ka wɔ haláá hɛnŋaai, kaa ka lonnii pili nwɔ̨n ɉu, ka kɛi ka mąąliɓi ɉaliɠaai tii pɔ, aa lɛɛ ɉu, aa həli la háákələi ɓa. A kɛ ti, gáá pai gbɔ́wɔ́ lɛɛi laa káá mą́ą́nin kɛ, kaai a Israɛlə nuąi? Yii kpɔ gáá a vúlú, vá tí ka hvo mą́ą́nin kɛ, Mɛ̨nį kəlee ŋą Hééɓomun Yálá woo li.»

Izikiɛ 23:27

Ŋą́ ə́ wɔ tuwɔ pələ ɲɔ̨n kpɛla kɛa bələi, da ə́ wɔ wɛli mɛ̨nįi ə́ ə́ yee lɔ ɉu Eziptə lɔi hu, hva kɛa ə́ ɲɛ̨i kulɔ di pɔ; hva kɛa ə́ kiliŋąhiɛ Eziptə ɓa.

Levetekɔ 18:21

«Hvó ə́ lon da tɛɛ, diɛ Molɛkə hali kɔ́ la, hvo ə́ wɔ Yálái laa pu a dúwɔ́ pələ yili, Ɲą́ą́ ɓə gáá a Yai-Laa.

Levetekɔ 18:3

Ka hvo túwɔ́ yɛ bələi ka kɛi gɛ la Eziptə lɔi hu, ɓɛi ka kɛ laa. Ka hvo túwɔ́ yɛ bələi Kanaan nuą da túwɔ́ la, ɓɛi gáá lii laa a kaa, ka hvo hvilɛn di yíi pələ pulu.

Levetekɔ 20:2

«'Mo Israɛlə lonnii diɛ, yɛ diɛ: «Nui lɔpee, ə kɛ a Israɛlə lon, ə kɛ a nwɛ̨ąi heeni Israɛlə lɔi hu, a Molɛkə kɔ́ a non da, mąąnɛ̨ɛ̨ di mąą nu paa, nɔi nuą da baa a kwɛni.

Mise 6:7

Yai-Laa kaa pai hvaai mą yɛ ɲee hee ɓɛlaa hilɛ waa tamąą mu? Wulɔ munuun damąą ɓə mɔ̨ɔ̨ ŋą́ gboloon naa nií la? Kulɔi ŋą́ mo nwoo mu, nąą pɛli hɛn maa mɔ̨ɔ̨ a nón ɉulɔnu tɔlɔɔ? Gɛ́ nwɔ́ nɛ̨ŋɛ̨nŋaai mąą kwələ kulɔ a gwə́i lon?

Dutɛrɔnome 12:30

Ka ka kpɔɔ hon a nɛlɛɛ nɔi ti hu. Ka hvə kɔ́ a di wɔ hɛlɛn, daa nuą tii huwu pu ka ɲɛ̨i tɔwɔ, ka hvo di yíi pələ pɔɔ kɔ́ɔn, ka gɛ a nɛlɛɛ, ka hvo hvilɛn di wɔ haliɠaai pulu, kaa kɛ diɛ: «Nu huwui ŋɛ̨i di kɛi di wɔ haliɠaai mąąwiɛ ləi? Ɲą́ą́ gbɛli mąn ŋį́ gɛ yɛ diɛ.»

Dutɛrɔnome 12:4

Yai-Laa ka wɔ Yálái mąąwiɛ pələ ə kɛ a dee, ka hvo di pɔɔ kɔ́ɔn, ka hvo gɛ yɛ diɛ.

Dutɛrɔnome 20:18

Di hvo pa nee di yii pələ ɲɔ̨nwɔ̨ɔ̨ lɛ kaa, kaa hvilɛn di pulu, di wɔ hali mɛ̨nįɠaai hu. A nee kɛ a nɛ̨ŋɛ̨n ɉəɠɛɛ Yai-Laa ka wɔ Yálái ɓa.

Dutɛrɔnome 9:4

Yai-Laa a pa nuą tii kpɛi ka tɔwɔi, ka tɔɔ kaa kɛ diɛ: «Ku túwɔ́ pələ lɛlɛɛ moɔ ya ɓə gɛ, Yai-Laa yɛ ku lɔ la nɔi ŋɛ̨i hu, kuɔ hee laa.» Nu huwui tii hɔn mə gɛ, yɛ nɔi kulɔ la di yəi, yɛ dɛɛ ka pɔ.

Dutɛrɔnome 9:5

Ka tələnmo mɛ̨nį hvəi, ka kwəi kili lɛlɛ mɛ̨nį hvəi, ka káá pai nɔi tii hɔlɔɓoi la a ka kwɛlin. Tɛ̨ąi gaa mą, ya ɓaa: nu huwui tii di hɔn ɲɔ̨n bələ ɓə gɛ Yai-Laa ka wɔ Yálá yɛ di wɔ lɔi kulɔ la di yəi, yɛ dɛɛ ka pɔ. Ə yili kɛ tii nwɔ̨nɔ̨, mąąhɔlɔɓo, aa wɔlɔ kɛ gwɛla ka nąnni a: Abrahamə, Isaakə, da Ɉakɔbə ni diɛ, yili ɓə gɛ yɛ bɔ mɛ̨nį kɛ la.