Dutɛrɔnome 12:30 - Yálá laawoo hɛɓɛ (dc)

³⁰ Ka ka kpɔɔ hon a nɛlɛɛ nɔi ti hu. Ka hvə kɔ́ a di wɔ hɛlɛn, daa nuą tii huwu pu ka ɲɛ̨i tɔwɔ, ka hvo di yíi pələ pɔɔ kɔ́ɔn, ka gɛ a nɛlɛɛ, ka hvo hvilɛn di wɔ haliɠaai pulu, kaa kɛ diɛ: «Nu huwui ŋɛ̨i di kɛi di wɔ haliɠaai mąąwiɛ ləi? Ɲą́ą́ gbɛli mąn ŋį́ gɛ yɛ diɛ.»

Yálá laawoo hɛɓɛ

³⁰ Ka ka kpɔɔ hon a nɛlɛɛ nɔi ti hu. Ka hvə kɔ́ a di wɔ hɛlɛn, daa nuą ti huwu pu ka ɲɛ̨i tɔwɔ, ka hvo di yíi pələ pɔɔ kɔ́ɔn, ka gɛ a nɛlɛɛ, ka hvo hvilɛn di wɔ haliɠaai pulu, kaa kɛ diɛ: «Nu huwui ŋɛ̨i di kɛi di wɔ haliɠaai mąąwiɛ ləi? Ɲą́ą́ gbɛli mąn ŋį́ gɛ yɛ diɛ.»

Bible

³⁰ Yâwɛɛ a dísu-karai káŋɛi-tuɛ. À gɛ̀ tí, ka kámɛi káa. Káfe ǹɛɛ naa dí kálii pene díɣâla pɔkɔɔŋ-ŋai pɔ́ naa pere ka kɛ́ mò kâai, ‘Ǹûai ŋí da díɣâla-ŋai fɛli-pere kɛ̀ léŋ? Kwa pâi gɛ̂i yɛ̂ɛ berei da gɛ̀ lai.’

Dutɛrɔnome 12:30 ပူးပေါင်းရင်းမြစ်များ

Tɔɔɓɛlaa veelɛ 16:10

Tɔɔmun Akazə da Asiri tɔɔmun di li Damasə, di kee kaa mɛ̨nį ɓa. Ɉaláá kulɔi tii kɛ Damasə ə gaa, tɔɔmun Akazə ə mąąnįnįn ɉəɠə, ə dɛɛ ɉaláá laa həli mun Uriya ɓa Ɉerusalɛmə. Ə yili kɛ tii, ə gɛ di ɉaláá kulɔi tii ta pɛli kpɔlɔɔ tii.

Tɔɔɓɛlaa veelɛ 17:15

Yai-Laa nwɔ tíɓoɠaa, da mįnɛ̨i da di nąnni di ɉəɠə, di tɛɠɛɓo ɉu, diɛ kpɛli-kpɛli mɛ̨nį mąą gilɛ həɠə, diɛ ka kɛa, di hu aa kala. Nɔiɠaa kɛ di kwɛlɛ, di hvilɛn di túwɔ́ pələ pulu, ɛlɛɛ yaan, Yai-Laa ə mo diɛ, yɛ diɛ: 'Ka hvo túwɔ́ yɛ diɛ.

Lɛɛ gbɔwɔ ɓa 23:24

Kɛlaa, mąą hvo nɛ̨ɛ̨li ka hvo kwɛli hvilɛn di wɔ haliɠaai diɛ, kaa tí diɛ. Mɛ̨nįɠaai nuąi tii da gɛ, ka hvo da kɛ. Kɛlaa yaamun, mąąnɛ̨ɛ̨ ka di wɔ haliɠaai kala, ka di wɔ haláá kulɔiɠaa wolo.

Ɉeremi 10:2

Yai-Laa yɛ diɛ: «Ka hvo ka hiɛ pələ kɔ́ɔn lɔi takpɛliɠaa di wɛi ɓa! Ka hvo ka kpɔɔ ɓowo a yələ kwəi hɛnŋaa. Lɔi takpɛliɠaa ɓə da di kpɔɔ ɓowɔ a yiliɠaa.

Izikiɛ 11:12

Ɲələ, ka gɔlɔn kaa diɛ; ɲą́ą́ ɓə gáá a Yai-Laa, ɲą́ą́ ŋɛ̨i ka hvo gɛ ka hvo lɛɛ nwɔ tɔ́n nwooi mui, ka hvo ŋą́ tiɓoɠaai kɛ li. Mąąhɔlɔɓo, kaa hvilɛn ka kwɛlɛ taaɠaa túwɔ pələ pulu.»

Izikiɛ 20:28

nɔi tii ŋą́ naakwɛlanmo diɛ, gɛ́ kɛ gáá pai dɛɛi di pɔ, ŋą́ di lɔ ɉu, di di ɲɛ̨i hee yee tɔɔ kəlee ɓa, da wulu laa huwiaa kəlee. Nąąɠaa ɓə di kɛi di wɔ halááɠaai kulɔ laa; diɛ nííholi haláá hɛnŋaa laa laa, diɛ haláá kun nɛ̨ɛ̨ɠaa kulɔ laa, diɛ nɔɔɠaa pu laa.

Izikiɛ 20:32

«Mɛ̨nįi ka káá ká kiliŋąhiɛi mą, hvo pai kɛi, yai ka káá kɛi la diɛ; ku kaa bɔ ku kɛ yɛ lɔi takpɛliɠaa; yɛ yɛnɛ̨ɛ̨ nu huwu takpɛliɠaa, kuɔ wulu da kwɛniɠaa di kɔ́.

Levetekɔ 18:3

Ka hvo túwɔ́ yɛ bələi ka kɛi gɛ la Eziptə lɔi hu, ɓɛi ka kɛ laa. Ka hvo túwɔ́ yɛ bələi Kanaan nuą da túwɔ́ la, ɓɛi gáá lii laa a kaa, ka hvo hvilɛn di yíi pələ pulu.

Levetekɔ 18:30

«'Ka lɛɛ nwɔ́ tɔ́n nwooɠaa pulu, ka hvo gɛɛ kala túwɔ́ taaləi tii ta ɓo, yai di kɛi gɛ ɓɛ nɔi ka tɔwɔ. Ka hvo ka mąąliɓi a mɛ̨nį taaləi tii ta. Ɲą́ą́ ɓə gáá a Yai-Laa ka wɔ Yálá.»

Lonon mo 33:52

ka nɔi hu nuą kəlee kpɛ. Ka di wɔ haliɠaai kəlee kulɔ nɔi, yiiɠaai di ɉaɠaa a kwɛni; di wɔ haliɠaai kpɔ tii a kwɛli həgeenŋąą, ka gəlee kulɔ nɔi, ka di wɔ hali kɔ́iɠaa kəlee taɠa.

Lomaŋ 12:2

'Ká hvo ká kpɔɔ kɔ́ɔn háákələi yɛnɛ̨ɛ̨i ɓa, kɛlaa, ká nɛɛ laa, ka wɔɔ mɛ̨nį kɔlɔn gili ə ká pu ká nįnɛ̨ kɔlɔi, yili ɓə gaa a Yálá liiɓa, nɛlɛɛ, ɲąąnɛ̨ɛ̨, bɛliɛ ɉu.

Ifisiɛŋ 4:17

Yii kani gáá moi káá, gɛ́ wiɛ mą gu Nąmu laa hu, ya ka: 'Ká hvo kɛa yɛnɛ̨ɛ̨ kɛ, yɛ bələi nuąi di hvo Yálá kɔ́lɔn da yɛnɛ̨ɛ̨ kɛ la, a diɛi di wɔɔ kiliŋąhiɛ a di lɔ kpɛli-kpɛli mɛ̨nį hu.

Dutɛrɔnome 11:16

Ka gɛ a nɛlɛɛ, ka hvo nɛɛ laa di hvo ka kili ŋąąpɛlɛ; di hvo ka nwun ɉu lan; kaa li tɔɔi kaa tí haliɠaa diɛ; kaa kwɛli hvilɛn diɛ.

Dutɛrɔnome 12:29

Ɓɛlɔwai Yai-Laa ka wɔ Yálái kaa pai nu huwuɠaa tii hukalai, yɛ di wɔ lɔi kulɔ di yəi, yɛ ka hee di heei di wɔ lɔi hu;

Dutɛrɔnome 12:31

Ka hvə di pɔɔ kɔ́ɔn, Yai-Laa ka wɔ Yálái mąąwiɛ mɛ̨nį hu. Mąąhɔlɔɓo, mɛ̨nįɠaa kpɔ da ɓaɠi lii tɛ a Yai-Laa, mɛ̨nįɠaa kpɔ di wɛli kpɛɛi mą, ya ɓə nu huwui tii ə kɛi gɛ di wɔ hali mąąwiɛ pələ hu; diɛ di lon ɉinąą da di lon nɛ̨ąą kələn di wɔ haliɠaa diɛ.

Dutɛrɔnome 18:9

Nɔi Yai-Laa ka wɔ Yálái kaa pai dɛɛi ka pɔ, ka pa həlii ɉu, nu huwui tii laa, ka hvo di wɔ kɛɛ kala túwɔ́i tii mąąkwɛli, ka hvo di pɔɔ kɔ́ɔn.

Dutɛrɔnome 20:18

Di hvo pa nee di yii pələ ɲɔ̨nwɔ̨ɔ̨ lɛ kaa, kaa hvilɛn di pulu, di wɔ hali mɛ̨nįɠaai hu. A nee kɛ a nɛ̨ŋɛ̨n ɉəɠɛɛ Yai-Laa ka wɔ Yálái ɓa.

Dutɛrɔnome 7:16

Nu huwuɠaa kpɔ tii Yai-Laa ka wɔ Yálái kaa pai di lɔi ka yee ŋą, ka gəlee paa, ka hvo da mąąwɛli kaa. Ka hvo kwɛli hvilɛn di wɔ haliɠaa diɛ, yili a nəi kɛ a hɛlɛn dɛɛ ka tɔwɔ.