Dutɛrɔnome 12:3 - Yálá laawoo hɛɓɛ (dc)

³ Ka di wɔ hali kɔ́iɠaa wolo, ka di hvaa kwɛniɠaa huɓuwɔ, ka di hvaa wuluɠaa tee, ka di wɔ mąą nįnįn ɉaɠaaɠaa kələn, ka di pɔɔ kpɛɛ laa kpɔ tɛ̨ɛ̨tɛ̨ɛ̨.

Yálá laawoo hɛɓɛ

³ Ka di wɔ hali kɔ́iɠaa wolo, ka di hvaa kwɛniɠaa huɓuwɔ, ka di hvaa wuluɠaa tee, ka di wɔ mąą nįnįn ɉaɠaaɠaa kələn, ka di pɔɔ kpɛɛ laa kpɔ tɛ̨ɛ̨tɛ̨ɛ̨.

Bible

³ Ka díɣâla fɛli teƃele-ŋai wólo ka díkɔni maa waa-ŋai wólo-wôlo, ká díɣâlai Asira fɛli kwa-ŋai ma wuru-ŋai pɔ́ŋ ká díkereŋ, ká díɣâla pɔkɔɔŋ-ŋai su tee-têe, ká dílaa kélee su-kara.

Dutɛrɔnome 12:3 ပူးပေါင်းရင်းမြစ်များ

Tɔɔɓɛlaa dɔlɔɔ 14:15

Yai-Laa kaa pai Israɛlə kɛlɛi; gaa pai kɛi yɛ hveen gbaɠai a kɛ kpɛlin ɉii yá yəi. Gaa pai Israɛlə kulɔi nɔi lɛlɛɛ ŋɛ̨i hu, yai ə dɛɛ nąnni pɔ. Ɛlɛɛ, gaa pai daɠa taɠai ɲa pulu pələ; mąąhɔlɔɓo, daa wulu kpiɛnŋąą pɛli, diɛ di kɔ́. Diɛ Yai-Laa nwąną lɔ la tii.

Tɔɔɓɛlaa dɔlɔɔ 15:13

Ɛlɛɛ, ə nee Maaka nwɔ tɔɔmun nee laa kulɔ ɲəi, mąąhɔlɔɓo, nɛ̨ɛ̨nui tii aa kɛ ɓɛlɛkpɛɛmąą wulu ta tɔɔ Asera laa hu diɛ haláá kulɔ mą, Asa ə nwului tii hu tee tee, ə gələn Sedrɔn moloon ɉu.

Tɔɔɓɛlaa veelɛ 11:18

Nu kpului tii kəlee di lɔ Baalə nwɔ pɛlɛ́i mu, di bu, di nwɔ haláá kulɔi taɠa, di mąąnįnįnŋaa kala, di Baalə nwɔ haláá laa həli mun Matan paa ɉaláá kulɔiɠaa lííla. Ɉaláá laa həli mun Yohoyada ə gulááɠaa tɔɔ Yai-Laa yəi bɛlɛ́ laaləi.

Tɔɔɓɛlaa veelɛ 18:4

Ezekiasə ɓə ɉali kɔ́iɠaa taɠa nɔi, ə gwɛni kalanŋaa taɠa, nwuluɠaai di kɛi gɔ, ə di pɔn, mala kwɛli kaaləi Moisə ə bɛli, ə ɉuyal-yali; mąąhɔlɔɓo, Israɛlə nuą di lɛɛ haláá kulɔi mą, ə lɛɛ la ɉu nwɔ yələi ə həli. Di kɛi kɛ gaaləi tii laa ɓa a: Nehustan.

Tɔɔɓɛlaa veelɛ 23:14

Gwɛniɠaa ŋɛ̨i di kɛi haláá kulɔ mą, da nwului di dɔɔ diɛ haláá kulɔ mą, Ɉosiasə ə gəlee taɠa. Ə nu kɔ́wɠaa pu laa.

Kɔlɔnikɔ Veerɛi 14:2

Ɉali kɔ́iɠaa da ɉaláá kulɔiɠaai kɛ nɔi, Asa ə di kulɔ laa, ə nąąɠaa taɠa, ə ɉali mąąnínįɠaa wolo, nwuluɠaai di kɛi gɔ́, ə di pɔn.

Kɔlɔnikɔ Veerɛi 14:3

Ə mo Ɉuda nuą diɛ, yɛ diɛ; 'ka hvilɛn Yai-Laa ka nąnni di wɔɔ Yálái pulu, ka nwɔ tɔ́n da mąąpamą wooɠaa hon.

Kɔlɔnikɔ Veerɛi 19:3

Kɛlaa, ə mą kɛ tii, mɛ̨nį lɛlɛɛɠaa kaa ə́ túwɔ́ pələ hu; hvo gaai, nwuluɠaai nuą di dɔɔ diɛ gɔ́, yáá gəlee kələn nɔi, ɛlɛɛ, yáá tɔɔ a ə́ nwąnąi, yɛ́ Yálá woo hon.»

Kɔlɔnikɔ Veerɛi 31:1

Di kpɛɛ a mɛ̨nįɠaa tii kəlee kɛɛ, Israɛlə nuą kpɔ tii kɛ laa, dəli Ɉuda taaɠaa hu, diɛ ɉali mąąnįnįnŋąą wolo, diɛ nɔwɔ ɲɔ̨nŋąą hvala, diɛ ɉaláá kulɔiɠaa taɠa; di di kpɛɛ kpɔ tɛ̨ɛ̨tɛ̨ɛ̨ Ɉuda da Bɛnɉamɛn lɔi kəlee; ə mą kɛ, Ɛfraimə da Manase lɔiɠaa kəlee hu. Yili pulu, Israɛlə nuą kəlee di pənə di li di pɔ taaiɠaa.

Kɔlɔnikɔ Veerɛi 34:3

Nwɔ tɔɔlaai gwɛlan mɛ̨ihaaɓa lɔwai, ə ɓo nii a hulɔnon, ə gɔɠɔ tɔɔ yɛ nąn Davidə nwɔ Yálái liiɓa kwɛli. Nwɔ kwɛlan bow kɔ́w hveelɛ lɔwai, ə ɲəə pɛlɛ Ɉuda da Ɉerusalɛmə mąąhəɠə kolo ɓa, yɛ ɉali kɔ́iɠaa, da nwuluɠaai di kɛi gɔ́, ɉaliɠaa mąąnįnįnŋąąi di bɛli a wulu, wala kɛ tii, di bu, ə gəlee kulɔ nɔi.

Mąątɛ̨nɛ̨ 16:4

Kɛlaa, nuąi di kaa di nɛ̨ɛ̨i gwɛlii haliɠaa yəi, di kpɔwɔ kala mɛ̨nį ta lɔ ɓə di kaa bɛlɛi mą, a di mąą gilɛ həɠəi di moi. Kɛlaa, nwɛ́i, va kɛa di kɔ kpɛli a yələ ta. Di laa hva kpɛli kɛa tɛ ná.

Lɛɛ gbɔwɔ ɓa 23:13

«‹Mɛ̨niɠaa kpɔ ŋą́ mo kaa, ka gəlee hon a nɛlɛɛ, ka hvo kwɛli hvilɛn haliɠaa diɛ, nu ta hvo kpɛli di laa mɛ̨n ka la.

Lɛɛ gbɔwɔ ɓa 23:24

Kɛlaa, mąą hvo nɛ̨ɛ̨li ka hvo kwɛli hvilɛn di wɔ haliɠaai diɛ, kaa tí diɛ. Mɛ̨nįɠaai nuąi tii da gɛ, ka hvo da kɛ. Kɛlaa yaamun, mąąnɛ̨ɛ̨ ka di wɔ haliɠaai kala, ka di wɔ haláá kulɔiɠaa wolo.

Lɛɛ gbɔwɔ ɓa 34:13

Kɛlaa, mąąnɛ̨ɛ̨ ka di wɔ haláá kulɔiɠaa kala, ka di wɔ haláá kwɛniɠaa taɠa, nwuluɠaai da kɛ gɔi, ka gəlee pɔn.

Azaya 27:9

Bələ ɓə Ɉakɔbə nwɔ nɛ̨ŋɛ̨n kaa pai waai laa mą; mąąhvaalɛɛi di mo, bələ ɓə dɔlɔ kaa pai kɛi la, gaa pai ɉaláá kulɔi kwɛniɠaa hon ɉii, yɛ kwɛni a kɛ a gələn ŋąą da ya pu mą; di hva kɛa ɉaláá wuluɠaa da hvóló mąą nįnįnŋąą haŋą di hvo dɔɔ.

Ɉeremi 17:2

Ə gɛ, di wɔ haláá kulɔiɠaa da nwulukpiɛnɠaai di vilɛn ɲeeɠaa nwuɔ̨ diɛ gɔ́ nwuluɠaa mu, gili hvo pa kpɛɛ di lonnii ŋą.

Osia 2:17

Yili pulu, gɛ́ pənə gɛ́ nwɔ tíiɠaai tɛɛ bɔ, gɛ́ Akɔrə lɔi kɛ a kilitɔɔmąą kpala tɔɔ lɔi. Gaa pai pənəi yɛ nwóó pulu pənə, yɛ bələi ə kɛli gɛ la a gbəla yələ, a ɓɛlɔwai ə kulɔ la Eziptə lɔi hu.

Mise 5:14

Nɔiɠaai kpɔ tii di hvo tí mą́ą́, gáá pai nwą́ną kulɔi diɛ, a liihvoli, da lii kələn gwəi.»

Zakari 13:2

Yai-Laa Mɛ̨nį Kəlee ŋą Hééɓomun, woo ka, yɛ: ɲələi tii, gáá pai hali mɛ̨nį kpɛɛi nɔi hu, nuąi da Yálá kwəi mɛ̨nį hu kulɔ a lɛɛ, ŋį́ di kpɛ, da di wɔ kili ɲɔ̨nwɔ̨ɔ̨i, di hva kɛa da laa ɓo nɔi.

Lonon mo 33:52

ka nɔi hu nuą kəlee kpɛ. Ka di wɔ haliɠaai kəlee kulɔ nɔi, yiiɠaai di ɉaɠaa a kwɛni; di wɔ haliɠaai kpɔ tii a kwɛli həgeenŋąą, ka gəlee kulɔ nɔi, ka di wɔ hali kɔ́iɠaa kəlee taɠa.

Dutɛrɔnome 12:4

Yai-Laa ka wɔ Yálái mąąwiɛ pələ ə kɛ a dee, ka hvo di pɔɔ kɔ́ɔn, ka hvo gɛ yɛ diɛ.

Dutɛrɔnome 7:25

Di wɔ hali mąą nįnįnŋaai mąąnɛ̨ɛ̨ ka di kələn; ɛlɛɛ, nwali kwɛli, da ɉɛnii tii bɛlɛɛ di kɔ́lɔ ɓai, ka ɲɛ̨i hvo kulɔ bɔ, əgɛ, ka da həɠə, hvo pa kɛ a hɛlɛn ka tɔwɔ. Mąąhɔlɔɓo, yili a kɛ a mɛ̨nį ɲɔ̨nwɔ̨ɔ̨ kɛnɛ̨ Yai-Laa ka wɔ Yálái ɲɛ̨i ɓa.

Dutɛrɔnome 7:5

Bələi mąąnɛ̨ɛ̨ ka nu huwuɠaa tii hon na bələ ka: Ka di wɔ haláá kulɔiɠaa wolo, gwɛniɠaai di ɉaɠa di wɔ haliɠaa mąą mɛ̨nį ɓa, ka di hu yali yali; nwuluɠaa da kɛ dɔɔi di wɔ haliɠaa mąą mɛ̨nį ɓa, ka di hu tee-tee, ka di wɔ haliɠaa kəlee kələn.

M̀ɛni-lɛɛi 13:1

Yili pulu, ŋą́ huwɔ ta kaa yɛ kulɔ gboloyá hu, mįnɛ̨ ə ɓo nwuɔ̨ pow, nwun ganįn ə ɓo mɛ̨ihveelɛ, mįnɛ̨ɠaa tii, tɔɔɓɔlɔ pow ə ɓo di nwuɔ̨, ɛlɛɛ, laa pɛ̨ɛ̨ nwun ganįnŋaa tii diɛ, a Yálá lalan naaɠaa.

Nwun mąąɓo 2:2

Kɛlaa, ŋą́ mo kaa, gɛ́ kaa; nɔi ŋɛ̨i kaa pa ɉu, ka ɉu nuą ka hvo mįnɛ̨ həɠə, yili pulu, ka di wɔ haláá kulɔiɠaa wolo. Ya ka tii, ka hvo nwóó hon ni, lə ɓə tii ka gɛi?