Dutɛrɔnome 12:28 - Yálá laawoo hɛɓɛ (dc)

²⁸ Díɓo wooɠaa kpɔ ŋɛ̨i gáá dɛɛi ka pɔ, ka ka wəli tɔɔ diɛ, ka di pɔ mɛ̨nį kɛ, yili pɔ pələ ɓə ka kɛ la nwunąnɛ̨ɛ̨ hu; ka ka lonnii ka haa pulu, a yələ kəlee; hvo gaai, mɛ̨nįi ɉaŋąą Yai-Laa ka wɔ Yálái ɲɛ̨i ɓa, ya ka tii ka káá pai kɛi gɛi.

Yálá laawoo hɛɓɛ

²⁸ Díɓo wooɠaa kpɔ ŋɛ̨i gáá dɛɛi ka pɔ, ka ka wəli tɔɔ diɛ, ka di pɔ mɛ̨nį kɛ, yili pɔ pələ ɓə ka kɛ la nwunąnɛ̨ɛ̨ hu; ka ka lonnii ka haa pulu, a yələ kəlee; hvo gaai, mɛ̨nįi ɉaŋąą Yai-Laa ka wɔ Yálái ɲɛ̨i ɓa, ya ka tii ka káá pai kɛi gɛi.

Bible

²⁸ Mɛni-ŋai ŋí kélee ŋa m̀ôi kâai, kà sìa a dia, Yâwɛɛ líi a pâi lâai káyêei, ǹyaŋ a pâi lûwa lâai ká kɛ́-mɛni kélee dîa ka kálônii.

Dutɛrɔnome 12:28 ပူးပေါင်းရင်းမြစ်များ

Tɔɔɓɛlaa veelɛ 17:31

Awi nuą di Nibazə mąąnįnįn ɉəɠə, da Tartakə; Sefarwaimə nuą di wɛi, di yee ə kɛ lɔ di lonnii kələn mɛ̨nį hu, diɛ Adramelɛkə da Anamelɛkə mąąwiɛ la, yiliɠaa ɓə kɛ a di wɔ haliɠaa.

Kɔlɔnikɔ Veerɛi 7:17

Yii ɓaa ə́ wɛi, yá ɲɛ̨́i ɓa yɛ bələi ə́ nąn Davidə ə hiɛ la, mɛ̨nįi lɔpee ŋį́ ə́ tí la yɛ́ gəlee kɛ, yɛ́ hiɛ a nwɔ́ tɔ́n nwooɠaa da bɔ liɛwooɠaa da bɔ yiiɓo pələ;

Nehemi 1:5

Gɛ́ kɛ mą: «Ee kə! Yələkɔlɔn ɉu Yálá, Yálá kɛnɛ̨ maaɲɔwɔ! Ya ə́ wɔ mįnɛ̨i mąą yɛlɛ kɛ, yɛ́ naahɔn mo nuąi da ə wɛli la kɛ, di ɓo ə́ wɔ tɔ́n nwooi mu, di mɛ̨i.

Mąątɛ̨nɛ̨ 105:45

Əgɛ, di di yee kanąn lɔ nwɔ tɔ́n nwooɠaai diɛ, diɛ nwɔ tíɓoɠaai kɛ. 'Kánikookwəi!

Lɛɛ gbɔwɔ ɓa 34:11

Mɛ̨nii gáá moi yɛ́ háákələi, ə́ kili lɛɛ ɉu a nɛlɛɛ. Gáá pai Amɔrə nuą, Kanaan nuą, da Hɛtə nuą, da Perizi nuą, da Hivi nuą, ɛlɛɛ da Ɉebusə nuą kpɛi ka tɔwɔ.

Ikilisiati 8:12

Nɛ̨ŋɛ̨n ɉəɠəmun danɔ̨n gbən a pɛli ə mɛ̨nį ɲɔ̨n damąą bələ kulɔ, Kɛlaa yaamun, yɛ lamun yɛnɛ̨ɛ̨. Ɲą́ą́ gbį́nįi gílí kaa ɉu, gɛ diɛ: «Nuąi da ɲɔw Yálá ɓa, diɛ ɓə di kaa a lúwɔ́ lonnii, mąąhɔlɔɓo, diɛ ɓə Yálá nwɔ Heeɓolaa kɔ́lɔn.

Izikiɛ 37:24

Nwɔ́ tí mun Davidə ɓə pai kɛi tɔɔlaa kɛi di mɛ̨i; di kəlee di mɛ̨i kaa mun ə ɓo tanɔ̨n. Di kaa pai kɛi hiɛi a nwɔ́ lɔi hu yíi ɓo pələ, diɛ lɛɛ nwɔ́ tɔ́n nwooɠaa pulu, diɛ di pɔ mɛ̨nį kɛ.

Levetekɔ 19:37

«'Ka ka yee kanąn nwɔ́ tíɓoɠaai da dɔ́nŋąą kəlee diɛ, kaa bɔ túwɔ́ ɓo. Ɲą́ą́ ɓə gáá a Yai-Laa.»

Ɉaan 15:10

Akɛ ka nwɔ́ liɛwooɠaai pɔ mɛ̨nį kɛi, ka ka pai lɛɛi nwɔ́ wɛlikɛmąąlaa hu.

Ɉaan 15:14

Yii ŋį́ ka tí la, ka gɛi, kɛ tii mɛ̨́laa ɓaa kaa.

Ɉaan 15:3

Nwooɠaa ŋɛ̨i gáá moi kaa, a ka mąą həɠə.

Dutɛrɔnome 12:25

Ka hvo da mįi, bələ ɓə ka káá pai kɛi la nwunnąnɛ̨ɛ̨ hu. Kaa-oo, ka lonnii-oo, ka haa pulu. Hvo gaai, mɛ̨nį ɉaŋąą Yai-Laa ɲɛ̨i ɓa ya ka tii ka káá pai gɛi.

Dutɛrɔnome 24:8

Ka gɛ a nɛlɛɛ hvólóɲɔ̨n ɉuwui lɔpee gəlee ɓa; mɛ̨nįɠaa ɉaláá kulɔ nuą Levi lonnii da mo kaa mɛ̨nįi tii hu, ka ɉon a nɛlɛɛ; ka bɔ mɛ̨nį kɛ. Ka tɔɔ a ka nwąnąąi, ka túwɔ́ yɛ bələi ŋą mo la diɛ.

Dutɛrɔnome 4:40

Yai-Laa nwɔ tɔ́nŋąąi da nwɔ tíɓoɠaa ŋɛ̨i gáá dɛɛi ka pɔ háákələi, ka di kɛ, yili a ka nwun na nɛ̨ɛ̨, kaa mąn, ka lonnii mąn, ka haa pulu, diɛ pɛli lamui yɛnɛ̨ɛ̨ nɔi ŋɛ̨i mɛ̨i yai háákələi Yai-La ka wɔ Yálái ə dɛɛ ka pɔ, a yələ kəlee mɛ̨ni.

Dutɛrɔnome 5:33

Mąąnɛ̨ɛ̨ ka hiɛ yɛ bələi Yai-Laa ə nɛ la kaa, a yələ kəlee, kaa pɛli lɛɛi yɛnɛ̨ɛ̨, kaa ɓo la nwun na nɛ̨ɛ̨ hu, ɛlɛɛ, nɔi ka káá lii heei ɉui, ka yíi ə kwɛa ɉu.