Dutɛrɔnome 12:12 - Yálá laawoo hɛɓɛ (dc)

¹² Nąą ɓə ka káá pai kɛi kwəinɛ̨ɛ̨ kulɔi laa Yai-Laa ka wɔ Yálái lííla; kaa mąn, ka lon ɉinąą mąn, ka lon nɛ̨ąą mąn, ka wɔ luwɔ hinąą da ka wɔ luwɔ nɛ̨ąą, ə mą kɛ Levi lonnii di kaa ka wɔ taaɠaai hu. Mąąhɔlɔɓo, Levi lonnii tii lɔi hvo di yəi, di kwɛlin və di yəi yɛ kaa.

Yálá laawoo hɛɓɛ

¹² Nąą ɓə ka káá pai kɛi kwəinɛ̨ɛ̨ kulɔi laa Yai-Laa ka wɔ Yálái lííla; kaa mąn, ka lon ɉinąą mąn, ka lon nɛ̨ąą mąn, ka wɔ luwɔ hinąą da ka wɔ luwɔ nɛ̨ąą, ə mą kɛ Levi lonnii di kaa ka wɔ taaɠaai hu. Mąąhɔlɔɓo, Levi lonnii tii lɔi hvo di yəi, di kwɛlin və di yəi yɛ kaa.

Bible

¹² Ǹaa ƃé káa, kálônii sinaai da nɛyãai, káyee mu-sinaai da nɛyãai, ka pâi lii-nɛ̃ɛ kulâi naa Káɣâlai Yâwɛɛ ŋéi-tuɛ ka Liiva-ŋai. Kɛ́lɛ ka kákili-ŋa sía Liiva-ŋai mɛni ma díkaa ká taa-ŋai sui nyii-ŋai ǹɔii da fé a dípɔɔi.

Dutɛrɔnome 12:12 ပူးပေါင်းရင်းမြစ်များ

Tɔɔɓɛlaa dɔlɔɔ 8:66

Voló mɛ̨ihaaɓa yələ, Salomɔn ə ɓo nuą diɛ, di di hvɛli da tɔɔmun ni, nu kəlee ə li bɔ taai a gwəinɛ̨ɛ̨. Di kwəinɛ̨ɛ̨i kɛ, mɛ̨nįi kpɔ Yai-Laa ə gɛ nwɔ tímun Davidə da nwɔ nu huwui Israɛlə ɓa, mąą mɛ̨nį ɓa.

Kɔlɔnikɔ Veerɛi 29:36

Mɛ̨nįi ŋɛ̨i Yai-Laa ə nɔi lonnii diɛ, yili ə Ezekiasə da nɔi lonnii di kwəinɛ̨ɛ̨. Mąąhɔlɔɓo, mɛ̨nįi tii ə kulɔ nu kəlee tɛɠii.

Nehemi 8:9

Ya ɓə Nehemi ŋɛ̨i kɛ a gbahanama da Ɛsdrasə ɉaláá laa həli mun yai lɔ kɛ a ɉɛɓɛ́ kɛ mun, da Levi huwuhu nuąi tii kɛi ɉɛɓɛ́ hukulɔ wooɠaa ɓo nuą diɛ, di kɛi kɛ nɔi lonnii kəlee diɛ: «Volói ŋɛ̨i kaa a Yai-Laa ka wɔ Yálá nwɔ hvóló. Mąą hvo nɛ̨ɛ̨li, ka hvo kɛ liihɛlɛn ɉu, kaa wɔlɔ. Mąąhɔlɔɓo, nuą kəlee di kɛi wɔlɔ, dɔ́n ɉɛɓɛ́ hu woo mąą mɛ̨nį ɓa.»

Mąątɛ̨nɛ̨ 147:1

'Kánikookwəi! Nɛlɛɛ ɓaa, gu gu wɔ Yálái laa tɛ, Gu wɔ Yálái laa toɔ a wələ ɲąąnɛ̨ɛ̨ ɓə kɛnɛ̨,

Levetekɔ 23:40

Voló dɔlɔɔ yələ, ka pa a ka wɔ hihɛnŋąąi má lɛlɛɛɠaa, ka pa a gwala laa, a wulu laa nwunu, da yá-kwɛlɛ-ɓɔɔ laa. Ka kɛi pa, ka pa a ka kwəinɛ̨ɛ̨ voló mɛ̨ihveelɛi tii kəlee yee mu; Yai-Laa ka wɔ Yálái lííla.

Lonon mo 18:20

Yai-Laa yɛ nwɔ̨nɔ̨ Aarɔn ɓa: «Lɔi hvo pai kɛi ə́ yəi nɔi ɲąąkwɛlɛi lɔwai. Hɛn və pai kɛi ə́ yəi di lɔwai, Ɲą́ą́ ɓə pai kɛi ə́ yə́i a ə́ yə́i hɛn, a ə́ kwɛlin Israɛlə lonnii lɔwai.

Lonon mo 18:26

«'Mo Levi lonnii diɛ, yɛ́ diɛ: «Ka kɛi pa ɉɛn bow nąąi tii hɔlɔɓoi Israɛlə lonnii yəi, yai gáá dɛɛi ka pɔ a ka hɔlɔɓo hɛn. Ka di ɲąąkwɛlɛ ɉu nwɔ̨nɔ̨ pow, ka bow nąąi tii kɛ a Yai-Laa nwɔɔ.

Ɉaan 13:8

Piɛrə yɛ mą: «Ə́ gɔ́wɔ́ mąąwaai, a ɲą́ą́! Kpaa!» Jesus yɛ mą: «Ŋą́ wala ə́ waa, ə́ nwɔ nąą hvo nwɔ́ mɛ̨nįi hu.»

Gɛlaɠaa 8:21

Mɛ̨nįi ŋɛ̨i kɛi ɓɛ, ə́ wɔɔ nąą hvo ɉu, ə́ wɔɔ hɔlɔɓoi hvo laa, mąąhɔlɔɓo, ə́ kwəi hvo kwələ li Yálá ɲɛ̨i ɓa.

Dutɛrɔnome 10:9

Yili mąą mɛ̨nį ɓə gɛ, Levi huwu hvo lɔi hɔlɔɓo la a nwɔɔ, yɛ di ɓəlaa. Yai-Laa ɓə gaa a di kwɛlin, yɛ bələi Yai-Laa ka wɔ Yálái ə mo la diɛ.

Dutɛrɔnome 12:18

Ka pa a ɉɛnŋąą tii, ka mįi Yai-Laa ka wɔ Yálái lííla; ɓɛi gaa pai ɲee kpuwɔ lɛi laa. Gɛɛnąą tii ɓə ka káá pai kɛi di mįi laa ka ka lon ɉinąą da ka lon nɛ̨ąą, ə mą kɛ ka wɔ luwɔ hinąą da nɛ̨ąą, da Levi lon yii ka wɔ taai hu. Ɉɛn gɔwi ka káá pai ɉɔlɔɓoi ka kɛ kólóɠaa hu, ka yili mąą kwəinɛ̨ɛ̨ kulɔ Yai-Laa ka wɔ Yálái ɲɛ̨i ɓa.

Dutɛrɔnome 12:19

Ka gɛ a nɛlɛɛ ka hvo lɛ̨ą Levi lonnii diɛ, ka wɔ yɛnɛ̨ɛ̨ kəlee yee mu.

Dutɛrɔnome 12:7

Nąą ɓə ka káá pai kɛi ka laa mį́i laa gee ɓa, ka ka yəi bɛlɛ́n nuąi Yai-Laa ka wɔ Yálá ɲɛ̨i ɓa a kwəinɛ̨ɛ̨. Mąąhɔlɔɓo, mɛ̨nįɠaa kpɔ ka káá pai ka yee tooi ɉu, Yai-Laa ka wɔ Yálái kaa pai ɉu nɛɛi, ə lúwɔ́ too ka.

Dutɛrɔnome 14:29

Levi nu huwui tii lɔi hvo di yəi, di kwɛlin və di yəi, nwɛ̨ą, təliɠaa da kalaninŋąą, diɛi tii ka wɔ taaɠaai hui, da pa di di laa mįi, di pilɛ ɉu. Yai-Laa ka wɔ Yálái yɛ pɛli lúwɔ́ tooi kaa ka kɛ mɛ̨nįɠaa kəlee hu.

Dutɛrɔnome 16:11

Gɛɛnąą tii Yai-Laa ka wɔ Yálái kaa pai ɲeekpiɛ lɛi laa, yɛ naa hee laa, ka káá pai kɛi laa kwəinɛ̨ɛ̨ hu, Yai-Laa ka wɔ Yálái lííla, ka ka lonnii ɉinąą mąn nɛ̨ąą mąn, ə mą kɛ ka wɔ luwɔɠaa, ɉinąą mąn, nɛ̨ąą mąn, ə mą kɛ, Leviɠaai di kaa ka lɔwai ka wɔ taaɠaa hu, da ka wɔ nwɛ̨ąą, təliɠaa, da galaninŋąąi ka lɔwai.

Dutɛrɔnome 16:14

Ka ɉɛlii tii pu a kwəinɛ̨ɛ̨, kaa, ka ka lonnii, da ka wɔ luwɔɠaa, Leviɠaa, da nwɛ̨ąą, ə mą kɛ, təliɠaa da galaninŋąą, diɛi di kaa ka wɔ taaɠaa hu.

Dutɛrɔnome 18:6

Akɛ Levi ta a naa gwəi, ə həɠə ɉee taa hu, ɓɛi ə kɛ laa heeni Israɛlə lɔi hu, yɛ li ɓɛi Yai-Laa ə ɲeekpiɛ lɛ laa,

Dutɛrɔnome 26:11

Ɛlɛɛ nwunnąnɛ̨ɛ̨ kpɔ tii, Yai-Laa ka wɔ Yálái ə gɛ kaa, ka ka yəi bɛlɛ́n nuą, ka kɛ kwəinɛ̨ɛ̨ hu, ka Levi lonnii da nwɛ̨ąi di kaa ka kɔ́wɔ mɛ̨i.

Dutɛrɔnome 26:12

Kwɛlan ɉaaɓa haaɓa həli pələ tɛi tɛi, yaai gaa a hɛn bow nąą tɛɛ kwɛlan; hɛn lɔpee ya ɉɔlɔɓo, ə́ yəi ɲɛa, ya nono mɛ̨inąą nąąn, ə́ bow nąą pu gee mɛ̨i, ya yili tɛɛ: Levi lonnii pɔ, da nwɛ̨ą, galaninŋąą, ɛlɛɛ, da təliɠaa; di mįi di pilɛ ɉu; ka wɔ taaɠaa hu,

Dutɛrɔnome 27:7

Ka liilaa halááɠaa kulɔ, kaa ka laa mįi laa; kaa ka kwəinɛ̨ɛ̨ Yai-Laa ka wɔ Yálái lííla.

Zasua 13:14

Levi huwu yaa tɔ̨nɔ̨ lɔ ɓə Moisə hvo lɔi tɛɛ bɔ, di hɔlɔɓo hɛn nɔ ɓaa Yai-Laa Israɛlə nwɔ Yálá kɔ́ haláá hɛnŋąą, yɛ bələi ə mo la.

Zasua 13:33

Kɛlaa, Levi huwu hu nuą di wɛi, Moisə hvo lɔi tɛɛ di pɔ, Yai-Laa Israɛlə nwɔ Yálá ɓaa di wɛi; yɛ bələi ə mo la diɛ.

Zasua 14:4

Ɉosɛfə lonnii di kɛ a nu huwu hveelɛ, Manase da Ɛfraimə; ə lɛɛ, di hvo hɛn da tɛɛ Levi huwuhu nuą pɔ nɔi hu, ə kulɔ lɔ di hee taɠaa pulu, da daaɠaai tii kwɛlɛ yɛɛ kɔwɔɠaa, di wɔ taatɛlɛɛɠaa da di yəi hɛnŋąą mąą mɛ̨nį ɓa.