Dutɛrɔnome 11:17 - Yálá laawoo hɛɓɛ (dc)

¹⁷ Ka yili kɛ tii, Yai-Laa nwɔ liiholi a ɓɛla ka mɛ̨i, ə yələkɔlɔn naa kpulu, tulɔ hva pu, ka wɔ hihɛn da hva kɛa lɛlɛ lɔi ɓa; ə lɛɛ, ka huwu yɛ pu a ɉukpuaa nɔi lɛlɛɛ tii Yai-Laa kaa dɛɛ ka pɔ ɉu.

Yálá laawoo hɛɓɛ

¹⁷ Ka yili kɛ tii, Yai-Laa nwɔ liiholi a ɓɛla ka mɛ̨i, ə yələkɔlɔn naa kpulu, tulɔ hva pu, ka wɔ hihɛn da hva kɛa lɛlɛ lɔi ɓa; ə lɛɛ, ka huwu yɛ pu a ɉukpuaa nɔi lɛlɛɛ tii Yai-Laa kaa dɛɛ ka pɔ ɉu.

Bible

¹⁷ Ǹyaŋ kà gɛ̀ tí, Yâwɛɛ a pâi ǹíi ŋwânai é ŋ̀ele-kɔlɔŋ lá tɛ́, tuna fa ŋɔ́nɔ pù, ǹɔii fa ŋɔ́nɔ sí-sãa kpɛ̀tɛ.

Dutɛrɔnome 11:17 ပူးပေါင်းရင်းမြစ်များ

Tɔɔɓɛlaa dɔlɔɔ 17:1

Yálá kwəi mɛ̨nį hukulɔ mun Eli, yai həɠə Tisbe Galaadə lɔi hu, ə mo tɔɔmun Akabə ɓa, a ɲələi tii, yɛ mą: «Akɛ kpɔ Yai-Laa Israɛlə nwɔ Yálá, yai gáá tíi mą, gaa a vulú, gáá moi yɛ́, gɛ́ yɛ́: tulɔ hvo pai pui, ɛlɛɛ, luwuluwu hva pu, gwɛlanŋaa ŋɛ̨i yee mu, hvo kɛli ŋą́ hvaa mą, ya ɓə tulɔ a pu la.»

Tɔɔɓɛlaa dɔlɔɔ 8:35

«Akɛ nɔi lonnii da nɛ̨ŋɛ̨n ɉəɠə yɛ́, di kɛ nɛ̨ŋɛ̨n mąą mɛ̨nį ɓa, yələkɔlən ɉu a kpala, tulɔ a kpəla mą, da di ɲɛ̨i haŋą gɛɛnąą ŋɛ̨i ɓa pələ, di di yee kulɔ di kɛ nɛ̨ŋɛ̨n ɉu, diɛ ə́ laa mąąwiɛ, diɛ ə́ hvɛli, mąąhɔlɔɓo, yáá mɔ̨nɔ̨ laa di mɛ̨i;

Kɔlɔnikɔ Veerɛi 6:26

«Yələ kɔ́lɔn naa a kpulu, tulɔ a wala kɛ pui, mąąhɔlɔɓo, nɔi lonnii daa nɛ̨ŋɛ̨n ɉəɠə Yɛ́, da di ɲɛ̨i tinɛ̨n gɛɛnąą ŋɛ̨i pɔ pələ, diɛ Ə́ hvɛli, diɛ Ə́ laa tɛ, diɛ di yee kulɔ di wɔɔ nɛ̨ŋɛ̨n hu, mąąhɔlɔɓo, Yáá mɔ̨nɔ̨ laa di mɛ̨i,

Kɔlɔnikɔ Veerɛi 7:13

Akɛ ŋį́ yələ kɔ́lɔn naa kpulu, tulɔ awala kɛ pui, ŋį́ peeləɠaa tí diɛ nɔi hɛnŋąą hukala, ŋį́ nɔi wolo ɲɔ̨n bili nwɔ́ lɔi lonnii lɔwai,

Zôo 12:15

A ɲee kɛ tulɔ ɓa, hvóló laa teɛ li a ɲee ɓo mą, a lɔi kulɔ.

Levetekɔ 26:19

Ŋą́ ka wɔ kpɔwɔɲąą kɛnɛ̨laa hu kala, gɛ́ yələkɔlɔn nwalawala ka mɛ̨i yɛ kwɛli, gɛ́ ka wɔ lɔi walawala yɛ ɓala kwɛli.

Levetekɔ 26:20

Ka káá lɔ pai kɛi ka kpɔwɔ hviikpɛɛi, dɔ̨nɔ̨ hva hɔlɔɓo, nɔi ɲąą hva nɛ̨ɛ̨, hɛn da hva lɛlɛ mą.

Amɔsə 4:7

Ną́mu Yai-Laa yɛ nwɔ̨nɔ̨ diɛ: Ɲą́ą́n, ɓɛlɔwai ɛlɛɛ kɛa la a ɲąnin ɉaaɓa, ka wɔ hihɛnŋąąi ma kulɔi lɔwai yɛ ɉəli, və́ gɛ, və́ tulɔ pu mą. Ŋą́ tulɔ pu daa taɠaa hu, ŋį́ daɠaa lɛɛ, tulɔ ə pu yɛɛkɔwɔ taɠaa hu, daɠaa di lɛɛ, diɛ kpala.

Dutɛrɔnome 31:20

Yaan, a tɛ̨ą, nɔi ŋɛ̨i ɲįnįyá da kwɛin nwulɔ da di kpoloon naa ɉu yɛ yá lon, gáá nąą tɛɛi di pɔ a di wɔɔ, yɛ bələi ŋą́ naakwɛlanmo la tii di kalaɓɔlɔni diɛ, gɛ́ gwɛ́la ɉu. Di kaa lii kɔ̨nɔ̨n ɉɔlɔɓoi laa a di liiɓa pələ, diɛ mįi; di kɔ́lɔ lɛlɛɛ yɛ laa diɛ. Yili pulu, di kaa pai di pulu tɔɔi mą́ą́, diɛ hvilɛn haliɠaa pulu, diɛ tí ɉaliɠaa tii diɛ; di kaa pai vííɓoi, di nwɔ́ mįnɛ̨i hu kala.

Dutɛrɔnome 4:26

háákələi ŋɛ̨i, yələkɔlɔn da lɔi di kaa a gɛla, ka kpɛɛ hiɛ kpɔlɔɔ li nąąlɔwai nɔi tii mɛ̨i, ɓɛi ka káá pai Ɉurdɛn teen ɉii kaa li laa. Ka yíi hva kwɛa, ka kpɛɛ kpɔ tɛ̨ɛ̨tɛ̨ɛ̨.

Dutɛrɔnome 6:15

Mąąhɔlɔɓo, Yai-Laa ka wɔ Yálái ŋɛ̨i heeni ka hamąi, gaa a Yálá tolɔɔ. Ka gɛ a nɛlɛɛ, Yai-Laa ka wɔ Yálá nwɔ líiholi hvo pa yɛɛ ka mɛ̨i, yɛ ka kpɛɛ lɔi mɛ̨i.

Dutɛrɔnome 9:19

Níí hɛlɛnŋąąi kɛ Yai-Laa nwɔ liiholi da nwɔ liikələn gwəi mɛ̨nį tii ɓa. Hvo gaai, niiholiɛ kɛ ka pɔ, yɛ kɛ ə ka nwun napili. Kɛlaa Yai-Laa ə nwəli tɔɔ nwɔ̨nɔ̨ nwóó ɓa mɛ̨nį tii hu.