Dutɛrɔnome 11:15 - Yálá laawoo hɛɓɛ (dc)

¹⁵ Gaa pai kɛi kala tiliin dɛɛi ka wɔ taatɛlɛɛɠaai pɔ, kaa kɔ̨nɔ̨n mįi kaa pilɛ ɉu.

Yálá laawoo hɛɓɛ

¹⁵ Gaa pai kɛi kala tiliin dɛɛi ka wɔ taatɛlɛɛɠaai pɔ, kaa kɔ̨nɔ̨n mįi kaa pilɛ ɉu.

Bible

¹⁵ A pâi gɛ̂i kala támaa kɛ́ ƃò naa kátaa-tulɛ-ŋai mɛni ma dí kɛ́ mìi dílii kɛ́ làa.

Dutɛrɔnome 11:15 ပူးပေါင်းရင်းမြစ်များ

Tɔɔɓɛlaa dɔlɔɔ 18:5

Akabə yɛ Ovadiahu ɓa: «'Li, nɔi ɲa nwun gulɔi kəlee ɓa, moloon gəlee hu, gbəli hu gu kaa pai kala tiliin ɉɔlɔɓoi, ə kɛ a díɲɛ̨-həɠə hooɠaa da ɉooɠaa kɔ̨nɔ̨n, diɛ pɛli lɛɛi gu yəi a di hvulú. Ɛlɛɛ, gu hva kiɛ kpaan daatɛlɛɛɠaa bələ tɔ̨nɔ̨ paai.»

Mąątɛ̨nɛ̨ 104:14

Yá kalaɠaa ɓɔn lɔi mɛ̨i, taatɛlɛɛɠaa kɔ̨nɔ̨n mɛ̨nį ɓa, nu kan ɲɛ hihɛn ɲɛa, yɛ gɔ̨nɔ̨n ɉɔlɔɓo ɉu lɔi yəi.

Ɉeremi 14:5

Ə mą kɛ lɔwɛi, lomą a gaa ə laŋin non mɛ̨i yɛ li. Kala tiliin və kɛa mą.

Zooɛ 1:18

Ɓɛlaaɠaa diɛ wɔlɔ. Nįŋɛ̨ kpuluɠaa daa taɠa, di laa mįi hvo mą. Daatɛlɛɛ pɛlɛɛɠaa daa kpala-kpala.

Zooɛ 2:19

Yai-Laa ə nwɔ nu huwui nwɔ hvɛli woo mu hon Yɛ diɛ: «Yili ɓa, gáá pənəi ŋį́ mɔ̨nun dɛɛ ka pɔ, da lɔ, ɛlɛɛ da wulɔ nįnɛ̨. Ka káá pai pilɛi ɉu, və́ kɛa pai ka kɛi a nu huwu takpɛliɠaa di wɔ yɛlɛ kulɔ ɉu hɛn.

Zooɛ 2:22

Lɔwɔ huwɔɠaa! Ka hvo kɛa ɲɔw! Lɔwɛi kalaɠaa daa tɛlin wuluɠaa daa ɓa. Ɓɔɔlaa wulu da viɲəɠaa yeelaa aa hvólóon.

Zooɛ 2:26

Ka káá pai kɔ̨nɔ̨n mį́i, kaa pilɛ ɉu, kaa Yai-Laa ka wɔ Yálái tɛ̨́nɛ̨́. Yaai mɛ̨nį kpɛa-kpɛa tii kɛ, nwumɛ̨ hva kɛa tɛ a nwɔ́ nuąi a yələ ta.

Levetekɔ 26:5

Ka káá pai lɛɛi mɔ̨nun dan ɉi, ə lɛɛ ɉu ka wɔ hihɛnŋąą ɓá kulɔi lɔwai ə ɉəli; ka lɛɛ ɉihɛnŋąą ɓá kulɔi ə lɛɛ ɉu kɛɛ hin ɉii lɔwai ə ɉəli; ka káá pai ka kɔ̨nɔ̨n ɉɔlɔɓoi, kaa mįi a ka liiɓa pələ, ka həɛ nɔi hu a ka wəli pulu laɠiɛ.

Egaa 1:6

Kaa hihɛn ɉi kɛnɛ̨, kɛlaa, ka hvo má hɔlɔɓo li tii kɛnɛ̨. Kɔ̨nɔ̨n gɛnɛ̨ hvo ka yəi, ka hvo pilɛ ɉu. Lɔɔ kɛnɛ̨ hvo ka yəi, ka hvo gbələ a ka liiɓa. Həɠə kaa ka yəi, kwɛlɛ yɛ pa kaa. Ɛlɛɛ, da kólo kɛ mun vɛla kulɔ, a naaikɛ ɓíi kpon dəɠɛɛ hu.

Dutɛrɔnome 6:11

a pɛlɛ́ɠaai di laahvɛɛ a hɛn gɔw lɛlɛɛ huwu lɔpee, kaa hvəi di pu li laa, yálɔwaɠaai naahvɛɛ a yələ kəlee, yii ka hvəi di tee li, viɲə da olivə wuluɠaai ka hvə di hin ni. Nąąlɔwai, ka kɔ̨nɔ̨n mį́i kɛa kaa pilɛ ɉu.

Dutɛrɔnome 8:10

Ka káá pai kɛi kɔ̨nɔ̨n mįi, kaa pilɛ ɉu; kaa mąąwiɛ tɛɛ Yai-Laa ka wɔ Yálái pɔ nɔi lɛlɛɛ tii ə dɛɛ ka pɔ mąą mɛ̨nį ɓa.