Dutɛrɔnome 10:18 - Yálá laawoo hɛɓɛ (dc)

¹⁸ A təli lon da kalanen di wɔ tɛ̨ąą kulɔ pɔ̨nɔ̨ ŋą, a nwɛ̨ą wɛlila kɛ, yɛ kɔ̨nɔ̨n dɛɛ bɔ da həɠə.

Yálá laawoo hɛɓɛ

¹⁸ A təli lon da kalanen di wɔ tɛ̨ąą kulɔ pɔ̨nɔ̨ ŋą, a nwɛ̨ą wɛlila kɛ, yɛ kɔ̨nɔ̨n dɛɛ bɔ da həɠə.

Bible

¹⁸ A teenoŋ-ŋa maa kɔ̃ɔ da pɔɔ-nɛyaa. È ŋɔ̃ya wɛli-ni. A mii-sɛŋ tɛ̀ɛ bɔ́ da seɣe.

Dutɛrɔnome 10:18 ပူးပေါင်းရင်းမြစ်များ

Kɔlɔnikɔ Veerɛi 19:7

Yili ɓa tii, ka ɲɔw kani Yai-Laa ɓa! 'Ka mɛ̨nįi tii lɛɛ ka kwəi, 'ka gɛ! Hvo gaai, hvulu, ɲɛ̨ikɔlɔn, nɔgwəi, hvo Yai-Laa gu wɔɔ Yálái nwɛi hu.»

Mąątɛ̨nɛ̨ 10:18

Yɛ́ təlilon nwɔ tɛ̨ą ɓo, da nui daa hee mɛ̨i, ɛlɛɛ, nui daa mɛlɛ kpɛɛmą; hva kɛa hvaa mą, nu kan hvo mɛlan mąąɲɔw!

Mąątɛ̨nɛ̨ 103:6

Yai-Laa a túwɔ́ a tələnmolaa, nuąi kpɔ da di yee pənə di hui, a di wɔ tɛ̨ą ɓo.

Mąątɛ̨nɛ̨ 145:9

Yai-Laa nwɔ mɛ̨nį lɛlɛɛi nu kəlee pɔ, nii nɛ̨ɛ̨i gwəi nwɔ pɛli hɛnŋąą kəlee pɔ.

Mąątɛ̨nɛ̨ 146:9

Yai-Laa a nwɛ̨ąą mąąkɔ̨nwɔ̨, a ɲee hee təlilon da kalanin di mu. A mɛ̨nį ɲɔ̨n gɛmun dɛɛ kpaalə hu kala.

Mąątɛ̨nɛ̨ 68:5

'Ka wələ too Yálá ɓa, 'ka naa tɛ a wələ woo nɛ̨ɛ̨! Nui tii tɛɛi nɔiɠaa hu, hoo mɛ̨i, 'ka naa tɛ. Naa ɓaa a Yai-Laa! 'Ka pili yələi níila, a kwəinɛ̨ɛ̨!

Mąątɛ̨nɛ̨ 68:6

Təlilɛa di Nąn ni, kalanįnŋaa di wɔ tɛ̨ą ɓomun ni, Yálá li! Bələ ɓə gaa la, nwɔ pɛlɛ́ mąąhəɠɛɛi mu.

Lɛɛ gbɔwɔ ɓa 22:20

«‹'Hvo ə́ yee pənə nwɛ̨ą hu, mąąhɔlɔɓo, kaa kpɛli ka kɛ a nwɛ̨ąą Eziptə lɔi hu.

Lɛɛ gbɔwɔ ɓa 22:21

'Hvo mɛ̨nį ɲɔ̨n naa kalanin da təlilon diɛ.

Lɛɛ gbɔwɔ ɓa 22:22

Yá di hon a wea pələ, da wɔlɔ, ŋą́ di woo mɛ̨n,

Lɛɛ gbɔwɔ ɓa 22:23

ŋą́ nííholi ka pɔ, ŋą ka nwun napili a kɔ-kɔ ɓɔwa, ka nɛ̨ąni da lɛɛ a kalaninŋąą ka lonnii di lɛɛ a təlilɛa.

Azaya 1:17

'Ka mɛ̨nį lɛlɛɛ kɛɛ mąąkwɛli, 'ka ka kwəi kwələ, 'ka heemɛ̨i laa kulɔ ka lɔwai, 'ka təlilon ɉon a kwəi kwələ laa, 'ka kalanin dɔɔ bulu kɛ.

Ɉeremi 49:11

'Hvó ə́ liihɛlɛn ə́ wɔɔ təlilɛa mąą mɛ̨nį ɓa, ɲą́ą́ ɓə pai di kulɔi ɉu. Ə́ wɔɔ kalaninŋaa da pɛli di di kilitɔɔ mą́ą́.»

Osia 14:3

'Ka woo lɔ ka la, 'ka pənə ka pa Yai-Laa pɔ, 'ka kɛ mą: «Ku ɲɛ̨imąąwɛli kaa, ə́ ə́ yee hee ku mu, nɛ̨ŋɛ̨n gəlee kulɔ kuɔ; nįŋɛ̨ hilɛɠaa hvə ku kaa pai gulɔi yɛ a haláá, Kɛlaa nwooɠaai lɔ da kulɔ ku la diɛ lɔ ɓə.

Levetekɔ 25:35

«Kwələ a kɛ ə́ kaayɔwɔ ta ɓa, hɛn da hvo ɲəi hvo gulɔ la, mąąnɛ̨ɛ̨ ə́ kpɔnmąą tɛɛ bɔ; ə kɛ a nwɛ̨ą, ə kɛ a nɔi lon da, yɛ pɛli nwɔ yɛnɛ̨ɛ̨ kɛi ə́ kwɛlɛ.

Lonon mo 10:32

Gwa kaa ni gwa li, mɛ̨inɛ̨ɛ̨ Yai-Laa yɛ gaa gɛi kuɔ, a gɛ kuɔ, ə́ wɔ a hɔlɔɓo ɉu.»

Maafîu 5:45

Ya ɓə a gɛ, ka kɛ a ka Ną́n Yálá yii gaa yələkɔlɔn ɉu nonni. Mąąhɔlɔɓo, nwɛi, a yələ ɓɔ nu kəlee mɛ̨i. Nu túwɔ́ pələ lɛlɛɛ ə mą kɛ nu túwɔ́ pələ ɲɔ̨nwɔ̨ɔ̨, a gəlee kɔ́ a tulɔ.

Gɛlaɠaa 14:17

Ə mą kɛ ti, hvo kɛli kpɛla nwɔ mɛ̨inɛ̨ɛ̨ɠaa kɛi diɛ, hvo gaai, ə kɛli túlɔ́ kulɔ yələi yɛ pu ka mɛ̨i, yɛ nɔi ɲąąnɛ̨ɛ̨, əgɛ ɉihɛnŋaa diɛ lɛlɛ, yɛ ká pilɛ a kɔ̨nɔ̨n da kwəinɛ̨ɛ̨.»

Dutɛrɔnome 27:19

«‹Nui a nwɛ̨ą, təlilon da galanən di wɔ tɛ̨ą mɛ̨nį pili ɉu! Yálá! Nɛ̨ŋɛ̨n ə laa!› Nɔi lonnii kəlee di mu hon diɛ mą: ‹Mįįną!›