Dutɛrɔnome 10:12 - Yálá laawoo hɛɓɛ (dc)

¹² Yii hu kɛa, Israɛlə lonnii, ə həli kaa! Lə ɓə Yai-Laa ka wɔ Yálái kaa bɔ ka gɛ mą? Mɛ̨nįi ɲɛ̨i kaa dɔwɔ, ya ɓaa: ka ɲɔw Yai-Laa ka wɔ Yálái ɓa, a, lɛɛi ka mo nwooɠaa pulu; kaa Yai-Laa ka wɔ Yálái wɛli la kɛ, kaa tí mą a kwəi kwələ laa, a ka wɔ huwalawala kəlee, da ka wɔ yɛnɛ̨ɛ̨ kɛ pələ kəlee.

Yálá laawoo hɛɓɛ

¹² Yii hu kɛa, Israɛlə lonnii, ə həli kaa! Lə ɓə Yai-Laa ka wɔ Yálái kaa bɔ ka gɛ mą? Mɛ̨nįi ɲɛ̨i kaa dɔwɔ, ya ɓaa: ka ɲɔw Yai-Laa ka wɔ Yálái ɓa, a, lɛɛi ka mo nwooɠaa pulu; kaa Yai-Laa ka wɔ Yálái wɛli la kɛ, kaa tí mą a kwəi kwələ laa, a ka wɔ huwalawala kəlee, da ka wɔ yɛnɛ̨ɛ̨ kɛ pələ kəlee.

Bible

¹² “Óo Eezuɛ-ƃela, m̀ɛnii Yâwɛɛ a ŋ̀wɛ̂lii káyêei ǹyaa ƃa ká yao mà, ká tûa yɛ̂ɛ berei a wɛ̂lii lai, ka ŋ̀wɛli, ka tíi kɛ́ mì a kálii kélee da kámɔlêŋ kélee.

Dutɛrɔnome 10:12 ပူးပေါင်းရင်းမြစ်များ

Tɔɔɓɛlaa dɔlɔɔ 3:3

Salomɔn ə Yai-Laa wɛlilakɛ, niɛwooi ŋɛ̨i nąn Davidə ə gɛ mą, ə ɉon; kɛlaa yaamun, ɲeeɓa ɓə ə kɛi ɉaláá kulɔ laa, diɛ lansan kələn naa.

Tɔɔɓɛlaa veelɛ 10:31

Kɛlaa, Ɉehu hvo tɔɔ a nwąnąąi hvo hiɛ a Yai-Laa Israɛlə nwɔ Yálá nwɔ tɔ́n nwooɠaai kpaalə. Nɛ̨ŋɛ̨nŋaai Ɉeroboamə ə Israɛlə yee lɔ ɉu, hvo həɠə di pulu.

Tɔɔɓɛlaa veelɛ 18:3

Ezekiasə ə hiɛ a ɉaŋąą Yai-Laa ɲɛ̨i ɓa kpɔlɔɔ yɛ nąn Davidə.

Tɔɔɓɛlaa veelɛ 18:6

Ɛlɛɛ, ə ɲee ganąn Yai-Laa ɓa, hvo həɠə bulu. Dɔ́n nwooɠaai Yai-Laa ə di tɛɛ Moisə pɔ, ə ɲee kanąn gəlee diɛ.

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Kɔlɔnikɔ Veerɛi 15:12

D mįnɛ̨ həɠə, diɛ di kaa pai lɛɛi Yai-Laa di nąnni di wɔɔ Yálái pulu, di kwəi tɔ̨nɔ̨ mɛ̨i da di lii kəlee.

Zôo 36:11

Da hvaa mą da lɛɛ nwoo mu, da di yii hvóló kəlee kɛ nwun na nɛ̨ɛ̨ hu diɛ di wɔ kwɛlan gəlee kɛ a ɲąą nɛɛ.

Mąątɛ̨nɛ̨ 119:2

Nuąi da lɛɛ nwɔ yɛnɛ̨ɛ̨ hon bələ pulu, diɛ gwɛli di kwəi tɔ̨nɔ̨ mɛ̨i, di nwun na nɛ̨ɛ̨i.

Mąątɛ̨nɛ̨ 128:1

Ɲee mąąhəɠɛɛ tɛ wələ. Nuąi kpɔ da ɲɔ̨w Yai-Laa ɓa, diɛ hiɛ nwɔ pələi mɛ̨i, di nwun na nɛ̨ɛ̨i!

Mąątɛ̨nɛ̨ 145:20

Yai-Laa a ɲɛ̨i kɛ nwɛlikɛmąą nuą diɛ, Kɛlaa nuąi di hva kulɔ di woo ɓa, a di hu kala.

Mąątɛ̨nɛ̨ 18:1

Nwələ ɲɛ̨itɔwɔmun, Yai-Laa nwɔ tí mun Davidə nwɔ wələ woo; Yai-Laa ɓə gaa hvaai bɔ nwələi ŋɛ̨i hu, a ɲələi ŋɛ̨i Yai-Laa ə gulɔ laa ɲowoɠaa yəi, gəlee ə mą kɛ, Saulə.

Mąątɛ̨nɛ̨ 34:9

'Ka ka ɲɛ̨i hee tai, ɛlɛɛ, bələi Yai-Laa nwɔ mɛ̨inɛ̨ɛ̨ kaa la, ka gaa! Nui a mąąkilɛ vaŋąn mu, nwun na nɛ̨ɛ̨i ɓə!

Mąątɛ̨nɛ̨ 81:13

Yili ɓə gɛ ŋį́ di lɛɛ laa, di too di wɔ kili wala wala laa hu, di hvilɛn di kwəi kiliɠaa pulu.

Mąątɛ̨nɛ̨ 81:14

Ə li kɛ nwɔ́ nu huwui ə nwəli tɔɔ nwóó ɓa, Israɛlə a hvilɛn gɛ nwɔ́ pələɠaai mɛ̨i,

Lɛɛ gbɔwɔ ɓa 23:25

Yai-Laa ka wɔ Yálái ɓə ka káá pai kɛi kwɛli hvilɛn ɉii mą, ka gɛ tii, gáá pai lúwɔ́ tooi ka kɔ̨nɔ̨n ma, da ka wɔ yáɠaai diɛ, gɛ́ ɲɔ̨n mąą kwɛa kaa.

Ikilisiati 12:13

Mɛ̨nįɠaa kpɔ ɓo ɉɛɓɛ́i ŋɛ̨i hu, nwoo laa kulɔ ka: Yii mąąnɛ̨ɛ̨ nu lonnii di gɛ, ya ɓaa: Di Yálá mąąwiɛ, di nwɔ tɔn nwooɠaa pɔ mɛ̨nį kɛ, a lɛɛ nwoo mulaa. Mąąhɔlɔɓo, yili ɓə bɛliɛi nu lonnii diɛ.

Izikiɛ 11:20

Əgɛ, diɛ pɛli hiɛi a nwɔ́ tɔ́n nwooɠaai; diɛ di yee kanąn nwɔ́ lɔi hu yíi ɓo pələ ɓa, ɛlɛɛ, diɛ bɔ mɛ̨nį kɛ. Di kaa pai kɛi a ŋą́ nu huwu, ɲą́ą́n, ŋį́ ɓo a di wɔ Yálá.

Mise 6:8

Ə kə hulɔnu! Mɛ̨nįi nɛlɛɛi, yii Yai-Laa kaa gwɛlii ə́ yəi, daa nɛ yɛ́, hɛn da kpɛli hvəi, túwɔ́ a tɛ̨ą kpaalə, lɛɛ nwoo pulu laa wɛli la kɛ, kɛ gili-gili yɛ́ ka Yálá ka lɔwai mɛ̨nį hu,

Sofoni 3:9

Nąąlɔwai, gáá pai hį́i takpɛliɠaa laawulun mąą pənəi, a laawulun mąąhəɠɛɛ, ə gɛ, diɛ pɛli Yai-Laa təlii a naa, diɛ vɛli, diɛ tí mą a gee.

Maafîu 22:37

Jesus yɛ mą: «‹Mąąnɛ̨ɛ̨ ə́ Ną́mu Yálá wɛli la kɛ a ə́ lii kəlee da ə́ kpinį kəlee ɛlɛɛ, da ə́ wɔ kiliŋąhiɛ kəlee.›

Lukə 10:27

Ɉulɔnui tii ə nwoo pulu pənə yɛ mą: «‹Ə́ Ną́mu ə́ wɔ Yálá wɛli la kɛ a ə́ lii kəlee, a ə́ nɔw kəlee, ə́ wɔ huwalawala kəlee, ə́ wɔ kiliŋąhiɛ kəlee.› Ə lɛɛ, ‹Da ə́ ə́ hee yɔwɔ wɛli la kɛ yɛ ə́ kpinįi.›»

Lukə 11:42

«Farisiɛ̨ɠaa, kpalo ɓɛlaai kaa! Ka ka hɔlɔɓo hɛn bow nąą tɛɛ Yálá pɔ, ə mą kɛ, ka yəi ɲɛa nɔ́wɠaa, da yiiɠaai ka doo nɔ́w hu, yɛ mąą kun nɛ̨ɛ̨ la. Kɛlaa, tələnmolaa da Yálá wɛli la kɛɛ, kaa yiliɠaai lɛɛ laa. Yaamun, yiliɠaa ɓə kɛ mąąnɛ̨ɛ̨i kɛ kaa gɛ, ka hva yiiɠaai tii ta lɛɛ pulu.

Gɛlaɠaa 9:31

Nąąlɔwai, ə gɔwɔ tɔɔ Ɉude lɔi hu, Galile lɔi da Samari lɔi hu, gbɔn ə kɛ liilaa hu nąą kəlee, ɉu yɛ walawala, diɛ lɛɛ gu Ną́mu Jesus woo mu, diɛ tɛ tɔwɔ Kili-Mąąhəɠɛɛ háálai.

Lomaŋ 1:9

Hvó gaai, Yálá kaa a nwɔ́ kɛla, yai gáá tíi mą níí hu, gɛ́ non mąą wɛlɛɛ lɛlɛɛ laa həli, ə gɔlɔn gbɔ yɛ, ŋą́ kɛ gílíŋąhiɛi kaa nwɔ́ Yálá hvɛliɛ pələ kəlee hu.

Lomaŋ 8:28

Gu gɔlɔn nwɔ̨nɔ̨ guɔ diɛ: Nuąi da Yálá wɛlilakɛ, di mąąkpɔnmąą ɓo mɛ̨nį kaa mɛ̨nį kəlee hu; a diɛi tii ə di həɠə ɉu, yɛ bələi nwɔ mɛ̨nį pɛliɛ kaa la.

Dutɛrɔnome 10:11

Yai-Laa ə kɛ mą́ą́: «'Ə́ muhəɠə! 'Lí nuą pɔ, mo diɛ di hvilɛn bələ ɓa də li, nɔi ŋį́ naakwɛlanmo di nąnni diɛ, gɛ kɛ di kaa heei laa, di lɔ ɉu di hee laa.»

Dutɛrɔnome 10:13

Ka Yai-Laa nwɔ tíɓoɠaa kɛ, ka nwɔ tɔ́n nwooɠaa hon; yii gáá dɛɛi ka pɔ háákələi ka ɓalo mɛ̨nį ɓa.

Dutɛrɔnome 11:1

Ka Yai-Laa ka wɔ Yálái wɛli la kɛ, nwɔ tíɓoɠaa nwɔ yɛnɛ̨ɛ̨ mąą tɔ́nŋąą, da nwɔ yɛnɛ̨ɛ̨ hon bələɠaai gáá dɛɛi ka pɔi, ka di kɛ a yələ kəlee.

Dutɛrɔnome 11:13

A tɛ̨ąą! A kɛ ka ka wəli tɔɔ kpɔ a nɛlɛɛ nwɔ tɔ́nŋąą diɛ, yaai gáá háákələi naa həlii kaa, kaa Yai-Laa ka wɔ Yálái wɛli la kɛ, kaa tí mą a ka kwəi tɔ̨nɔ̨, a ka nwąnąąi kpɔ-kpɔɔ,

Dutɛrɔnome 26:16

Yai-Laa ka wɔ Yálái aa háákələi ka kɛ kóló laa ka nwuɔ̨; yɛ ka díɓoɠaa ŋɛ̨i kɛ da nwɔ tɔ́nŋąąi ka lɛɛ di pulu, ka di kɛ ka kwəi tɔ̨nɔ̨ mɛ̨i kpɔ a ka nwąnąąi.

Dutɛrɔnome 27:10

Mąąnɛ̨ɛ̨ kaa pa kɛi ka wəli tɔɔi Yai-Laa ka wɔ Yálái woo ɓa nwɔ tɔ́n nwooɠaa da nwɔ tíɓo wooɠaai gáá dɛɛi ka pɔ, kaa bɔ mɛ̨nį kɛ.»

Dutɛrɔnome 30:16

Mɛ̨nįi háákələi gáá ka tí a gɛ mɛ̨nį, ya ɓaa: Ka Yai-Laa ka wɔ Yálái wɛli la kɛ, ka hiɛ a gbaaləi ŋɛ̨i ə nɛ kaa, ka nwɔ tɔ́nŋąą hon, bɛlɛɛ nwɔ tíɓoɠaa diɛ. Ka yili kɛ tii, ka lɛɛ yɛnɛ̨ɛ̨, ka yíi hvólóɠaa hu ə kwɛa, ka ɓuwu ɓo; akɛ tii, nɔi ŋɛ̨i ka káá pai ɉɔlɔɓoi a ka wɔɔ, Yai-Laa ka wɔ Yálá a lúwɔ́ too kaa.

Dutɛrɔnome 30:20

Ka Yai-Laa ka wɔ Yálái wɛli la kɛ, ka ka wəli tɔɔ nwoo ɓa, ɛlɛɛ, ka kanąn mą. Mąąhɔlɔɓo, nɔi ka Yai-Laa ə gwɛla yɛ kɛ gaa dɛɛi ka kalaɓɔlɔni pɔ: Abrahamə, Isaakə da Ɉakɔbə; bələ ɓə ka yíi nɛ̨ɛ̨ hɔlɔɓo la nɔi tii hu.»

Dutɛrɔnome 4:29

Nąąlɔwai, ka káá pai Yai-Laa ka wɔ Yálái kwɛlii nɔiɠaa tii hu, akɛ, ka gwɛli a ka lii kəlee, a kwəi tɔ̨nɔ̨ laa, ka gaa.

Dutɛrɔnome 5:29

Ə li kɛmun da naa kɛ di kwəi, diɛ ɲɔw Mą́ą́, diɛ nwɔ́ tíɓoɠaai kəlee kɛ a yələ kəlee, yili ə li kɛ a di wɔ nwun na nɛ̨ɛ̨, da di lonnii, kpɛɛ hvo li kɛ mą.

Dutɛrɔnome 5:33

Mąąnɛ̨ɛ̨ ka hiɛ yɛ bələi Yai-Laa ə nɛ la kaa, a yələ kəlee, kaa pɛli lɛɛi yɛnɛ̨ɛ̨, kaa ɓo la nwun na nɛ̨ɛ̨ hu, ɛlɛɛ, nɔi ka káá lii heei ɉui, ka yíi ə kwɛa ɉu.

Dutɛrɔnome 6:13

Yai-Laa ka wɔ Yálái ɓə mąąnɛ̨ɛ̨ ka ɲɔw mą. Ya ɓə mąąnɛ̨ɛ̨ ka tí mą. Naa hu ɓə mąąnɛ̨ɛ̨ ka ka kwɛla la.

Dutɛrɔnome 6:2

'Ka ɲɔw Yai-Laa ka wɔ Yálái ɓa; kaa-oo, ka lonnii-oo, ka mąninni-oo da ka mąnin bulu mąninŋąą kəlee, 'ka nwɔ́ tíɓoɠaa da nwɔ tɔ́n nwooɠaai kəlee pɔ mɛ̨nį kɛ, ka wɔ yɛnɛ̨ɛ̨ kəlee hu, ka yíi a kwɛa.

Dutɛrɔnome 6:24

Yai-Laa ə ku tí yɛ ku nwɔ tíɓoɠaai kəlee kɛ, yɛ ku Yai-Laa ku wɔ Yálái mąąwiɛ, kwa pɛli kɛi nwun nąnɛ̨ɛ̨ hu a yələ kəlee. Yɛ ku laa hon mo yɛnɛ̨ɛ̨, yɛ bələi gu kaa la háákələi.

Dutɛrɔnome 6:5

Ka Yai-Laa ka wɔ Yálái wɛlilakɛ a ka kwəi tɔ̨nɔ̨, a ka kpinįi kəlee, da ka wɔ huwalawala kəlee.

Timote dɔlɔɔ 1:5

Diɓoi ti ŋį́ dɛɛ ə́ pɔ, nwun gaa mą, ya ɓaa a wɛlikɛmąąlaai a kulɔ lii lɛlɛɛ hu, kili lɛlɛɛ hu, da laa na laa kpɔ-kpɔ.

Hebreu 12:28

Yii kani, dɔɔlaai kala hvo mą gwaa ɉɔlɔɓo, 'ká gu gu yee kanąn kani mɛ̨inɛ̨ɛ̨i lii ɓa kpɔ kpąą; mɛ̨inɛ̨ɛ̨ tii pɔ pələ, 'ká gu tí Yálá ɓa, yɛ bələi a nɛ̨ɛ̨la mą, kpɔwɔ mąąyɛɛ laa hu da ɲɔw mąą laa hu.

Zasua 22:5

Yii lɔ kɛa ka káá gɛi, ya ɓaa: dɔ́nŋąą da bɔ liɛwooɠaa Yai-Laa nwɔ tímun Moisə ə dɛɛ ka pɔ, ka ɉon, ka bɔ mɛ̨nįɠaa kɛ. 'Ka kólo kɛ Yai-Laa ɓa a ka lii kəlee, da, ka yíi pələ kəlee hu, 'ka kanąn nwɔ tɔ́nŋąąi diɛ, 'ka naa hon mo a kwəi tɔ̨nɔ̨ laa.»

Zasua 24:14

Ɉosue yɛ diɛ: «Ə həli kɛa kaa! Ka ɲɔw Yai-Laa ɓa, ka tí mą a ka kwəi kwɛlɛɛ, ka lɛɛ nwoo mu. Ɉaliɠaai ka nąnni di kɛi mąąwiɛ Efratə yá pulu pələ, da Eziptə lɔi hu, ka di kulɔ ka lɔwai, ɛlɛɛ, ka tí Yai-Laa ɓa.

Zɔ̂ŋ Maa-ŋuŋ 2:15

'Ká hvo yɛnɛ̨ɛ̨ wɛlila kɛ, ə mą kɛ, ɉu hɛnŋaa. Nui a yɛnɛ̨ɛ̨ wɛlilakɛ, kɛ tii Nąn Yálá nwɔ wɛlikɛmąąlaa hvo ɉu.

Zɔ̂ŋ Maa-ŋuŋ 5:5

Gbɛɛ ɓə ɲee aa tɛɛ yɛnɛ̨ɛ̨ ɓa, akɛ, nui aa laa na yɛ Jesus kaa a Yálá Lon yaa hvəə?

Samuɛlə dɔlɔɔ 12:20

Samuɛlə yɛ nɔi lonnii diɛ: Ka hvo ɲɔw, tɛ̨ą li kaa ɓə mɛ̨nį ɲɔ̨n ŋɛ̨i kəlee kɛ, ə mą kɛ tii, ka hvo ka pulu tinɛ̨n Yai-Laa ɓa, ka tí Yai-Laa ɓa kwəi tɔ̨nɔ̨ laa hu.