Dutɛrɔnome 1:8 - Yálá laawoo hɛɓɛ (dc)

⁸ Ka gɔlɔn kaa diɛ, ŋą́ą́ nɔi tii tɛɛ ka pɔ, ka lɔ ɉu; nɔi tii ɓə Yai-Laa ə gwɛla yɛ gaa dɛɛi ka nąnni pɔ, Abrahamə, Isaakə da Ɉakɔbə, da di huwu, ka li ka hee laa.»

Yálá laawoo hɛɓɛ

⁸ Ka gɔlɔn kaa diɛ, ŋą́ą́ nɔi tii tɛɛ ka pɔ, ka lɔ ɉu; nɔi tii ɓə Yai-Laa ə gwɛla yɛ gaa dɛɛi ka nąnni pɔ, Abrahamə, Isaakə da Ɉakɔbə, da di huwu, ka li ka hee laa.»

Bible

⁸ Ka gáa, ǹɔii káa naa kámɛni ma. Ka lí ká naa siɣe. Yâwɛɛ è góno tèe la Kánâŋ-pɔlɔ-ŋai, Eberaɣɛ̃ɛ, Aise da Zeeka-ni yêei a gɛɛ a pâi kɛ̂i naa dílônii díwɔ̂ lonii mɛni ma.’ ”

Dutɛrɔnome 1:8 ပူးပေါင်းရင်းမြစ်များ

Zɛnɛse 12:7

Yai-Laa ə gbɔwɔ lɛ laa Abramə ɓa, yɛ mą: «Kanaan lɔi ŋɛ̨i ɓə gáá pai dɛɛi ə́ huwuhu nuą pɔ a di wɔɔ.» Abramə ə nɛɛ mą, ɓɛi tii di mɛ̨nį ɓo laa mą, ə haláá kulɔi pɛli laa Yai-Laa ɓa.

Zɛnɛse 15:16

Ə́ huwuhu nuą ɉəɠə gee pɔ nąąn gɛɛnąą ɓə pai kɛi ɓɛ nɔi ŋɛ̨i hu, mąąhɔlɔɓo, Amɔrə nuą di hvo ni di wɔ nwąnąlɔ laahvɛɛ li, ə gɛ, ŋį́ di kpɛ.»

Zɛnɛse 15:18

Voló tɔ̨nɔ̨i tii, Yai-Laa da Abramə di mįnɛ̨ həɠə, yɛ mą: «Ə həɠə Eziptə lɔi ɲá lee ɓa, ə li la Eufratə ɓa, gáá nɔi ŋɛ̨i tɛɛi ə́ huwu pɔ.

Nehemi 9:15

Ə́ pulu kulɔ diɛ, a yələi pələ kɔ̨nɔ̨n, ə́ kpələ wɛli kulɔ diɛ, a yai ə́ gulɔ kwɛni hu, ə́ mo diɛ, yɛ diɛ nɔi ə́ naakwɛlanmo diɛ, yɛ́ ə́ kwɛla la, di pa di hee ɉu.

Lɛɛ gbɔwɔ ɓa 23:31

Gáá pai ka wɔ lɔi hu kɛnɛ̨i, ə həɠə veengbɔ̨nɔ̨ gboloyá ɓa, ə həli la Filisti nuą diɛ, ə həɠə nɔi pun ma, ə həli la ɲá lee kɛnɛ̨ ɓa; ɓɛlɔwai gáá pai nɔi ti hu nuą lɔi la ka yee mu, ka di kpɛ ka tɔwɔ.

Lɛɛ gbɔwɔ ɓa 33:1

Yai-Laa yɛ Moisə ɓa: «'Həɠə gɛɛnąą ŋɛ̨i ɓa, ka nuą ŋɛ̨i ə́ di kulɔ Eziptə lɔi hu, ka li, ɓɛi ŋį́ nąą laakwɛlanmo Abrahamə Isaakə da Ɉakɔbə ni diɛ, gɛ́ gwɛ́la kpɔ diɛ a gbɔ́wɔ́ kpinįi, gɛ́ kɛ diɛ: ‹Ka huwu ɓə gáá nɔi ti tɛɛi bɔ.›

Ɉeremi 32:22

Yili pulu, ə́ nɔi ŋɛ̨i tɛɛ di pɔ, yaai ə́ gbɛa naakwɛlanmo di nąnni diɛ. Nɔi hɛn gəlee a lɛlɛ ɉu.

Izikiɛ 47:14

Ka káá pai ɲąąkwɛlɛi, yɛ pɛli a gee ka kəlee ka yəi; mąąhɔlɔɓo, ŋą́ gwɛ́la, gɛ́ ŋą́ dɛɛ ka nąnni pɔ; nɔi ŋɛ̨i kaa kɛa a ka kwɛlin.

Lonon mo 14:23

Nɔi Ŋį́ naakwɛlanmo di lonnii diɛ, di hvo pai həlii nɔi tii hu. Nuą kpɔ ŋɛ̨i daa tɛɠɛɓo ɉú dɔ̨nɔ̨ kpɛli hva nąą kaa.

Lonon mo 32:11

‹Nuąi kpɔ tii kulɔ Eziptə lɔi hu a kwɛlan bow hveelɛ da bulu, nɔi ŋį́ naakwɛlanmo Abrahamə, Isaakə da Ɉakɔbə ni diɛ, di hvo pai gaai; hvo gaai di kaa tɔɔi tai tai di hvilɛn mɛ̨nį ɓa búlu.›

Dutɛrɔnome 1:11

Gɛ́ Yai-Laa ka nąnni di wɔ Yálái ə ka tamą nwɔ̨nɔ̨ gee mɛ̨i waa tamąą, ə lúwɔ́ too kaa yɛ bələi ə naakwɛlanmo la.

Dutɛrɔnome 1:35

Yɛ kɛ diɛ: «Nɔi kpɔ ŋɛ̨i a nɔi lɛlɛɛ ŋɛ̨i, ŋį́ gwɛ́la gɛ́ gáá dɛɛi di nąnni pɔ, di tɔ̨nɔ̨ kpɛli hva nąą kaa.

Dutɛrɔnome 10:11

Yai-Laa ə kɛ mą́ą́: «'Ə́ muhəɠə! 'Lí nuą pɔ, mo diɛ di hvilɛn bələ ɓa də li, nɔi ŋį́ naakwɛlanmo di nąnni diɛ, gɛ kɛ di kaa heei laa, di lɔ ɉu di hee laa.»

Dutɛrɔnome 11:24

Ɓɛɠaa lɔpee ka kɔ́wɔ kaa pai tɛɛi laa, nąą a lɛɛ a ka wɔɔ. Ə həɠə nɔi pun ɉɛɠɛɛ pələ, ə həli la Liban lɔi ɓa ɲələi pələ, ə həli Eufratə ɲálee ɓa voló həɠəi pələ, ə həli la voló tooi gboloyá ɓa; ka wɔ lɔi ka tii pai kɛi.

Dutɛrɔnome 11:9

Nɔi tii Yai-Laa ə gwɛla ka nąnni diɛ yɛ kɛ, gaa pai dɛɛi ka pɔ da ka huwu pɔ, bələ ɓə ka káá pai yɛnɛ̨ɛ̨ kpɛɛ hvo mą hɔlɔɓoi la ɉu. Nɔi tii hu, kwɛį́n nwulɔ da ɲįnįyá da kɛ tɛɛi laa yɛ yá lon.

Dutɛrɔnome 2:29

Esau lonnii di kaa heeni Seirə, da Moabə nuą heeni Arə di hvaa mą ku di wɔ lɔi hu ɓɔ. Yɛ́ kpɛli, hvaa mą, ku tɛɛ ə́ pɔɔli, ku Ɉurdɛn teen, nɔi Yai-Laa aa naakwɛlanmo kuɔ, ku ɉɔlɔ ɓo.»

Dutɛrɔnome 26:15

Yili ɓa, yɛi tii ə́ kaa yələkɔlɔn ɉu, ə́ ɲɛ̨i lɛlɛɛ hee ə́ wɔ pɛlɛ mąąhəɠɛɛ ɓa. Yɛ́i ə́ kaa yələi, lúwɔ́ too Israɛlə ɓa. Ə́ wɔ nu huwui da nɔi ŋɛ̨i ə́ dɛɛ ku pɔ, yɛ bələi ə́ ə́ kwɛla la ku nąnni diɛ, nɔi ŋɛ̨i ɲįnįyá da kwɛi nwulɔ di kpoloon naai ɉu yɛ yá.

Dutɛrɔnome 26:3

Ɉaláá laa həli mun a kɛ góló ɓa a mąą yələi, ka li ka həli mą kaa mą: «Ku kaa moi háákələi Yai-Laa ə́ wɔ Yálái ɓa, kuɔ ma: nɔi Ə gwɛla ku nąnni diɛ yɛ gaa dɛɛi di pɔ, kwaa həli ɉu.»

Dutɛrɔnome 28:11

Yai-Laa kaa pai kaa pai ka kwəi nwun ɉii, kaa lon gaa, ə mą kɛ ka wɔ taatɛlɛɛɠaa, ka wɔ lɔi ə lɛlɛ, yɛ ɉihɛnŋąą ŋąąnɛ̨ɛ̨, nɔi ŋɛ̨i Yai-La ə gwɛla, ka nąnni diɛ yɛ gaa dɛɛi ka pɔ, ɉu.

Dutɛrɔnome 29:12

Yai-Laa kaa bɔ, ə ka kɛ háákələi a nwɔ nu huwu; yaa kpinįi lee yɛ kɛ a ka wɔ Yálá, yɛ bələi ə naakwɛlanmo la kaa, ɛlɛɛ, yɛ bələi ə gwɛla la ka nąnni diɛ; diɛi ɓaa: Abrahamə, Isaakə da Ɉakɔbə.

Dutɛrɔnome 30:20

Ka Yai-Laa ka wɔ Yálái wɛli la kɛ, ka ka wəli tɔɔ nwoo ɓa, ɛlɛɛ, ka kanąn mą. Mąąhɔlɔɓo, nɔi ka Yai-Laa ə gwɛla yɛ kɛ gaa dɛɛi ka kalaɓɔlɔni pɔ: Abrahamə, Isaakə da Ɉakɔbə; bələ ɓə ka yíi nɛ̨ɛ̨ hɔlɔɓo la nɔi tii hu.»

Dutɛrɔnome 31:7

Yili pulu, Moisə ə Ɉosue təli Israɛlə nuą kəlee ɲɛ̨i ɓa, yɛ mą: «Ə́ liikpələ, ə́ tɔɔ a ə́ nwąnąi, nɔi ŋɛ̨i Yai-Laa ə gwɛla nuą ŋɛ̨i di kalaɓɔlɔni diɛ, yɛ kɛ gaa dɛɛi di pɔ, yɛ́ ɓə tɔɔi nuą ŋɛ̨i ɲɛ̨itɔwɔ, ə́ di lɔ nɔi tii hu, di gɛ a di kwɛlin, di hee laa.

Dutɛrɔnome 34:4

Nąąlɔwai, Yai-Laa yɛ mą: «Ə́ ɲɛ̨i hee. Nɔi ŋį́ gwɛ́la, ŋį́ naakwɛlanmo Abrahamə, Isaakə da Ɉakɔbə ni diɛ, gɛ́ kɛ diɛ: ‹Gáá dɛɛi di huwuhu nuą pɔ!› Mąą lɔi ka. Ɲį́ nąą lɛ ŋɛ̨i yɛ́, ə́ gaa a ə́ kpɔɔ ɲɛ̨i kwəleen, kɛlaa, hvó pai lii laa.»

Dutɛrɔnome 4:1

Yii hu kɛa, Israɛlə nuą, ka ka wəli tɔɔ dɔ́nŋąą da yɛnɛ̨ɛ̨ yíi ɓo pələi gáá dɛɛi ka pɔ mą. Mɛ̨nįɠaa tii pɔ pələ ɓə ka pɛli lamui la yɛnɛ̨ɛ̨; ɛlɛɛ, nɔi tii Yai-Laa ka nąnni di wɔ Yálá kaa dɛɛ ka pɔ, ka ɉɔlɔɓo a ka wɔ.

Dutɛrɔnome 6:10

Yai-Laa ka wɔ́ Yálái a pa ka lɔi nɔi tii hu, yai Ə naakwɛlanmo ka nąn Abrahamə, Isaakə da Ɉakɔbə diɛ, yɛ gaa pai dɛɛi di pɔ, a lɔi ɉu taaɠaa kpɛa kpɛa, di lɛlɛɛ, yai kaa hvəi di tɔɔ li,

Dutɛrɔnome 7:12

Ɛlɛɛ, ka ka wəli tɔɔ nɔi hu yíi ɓo pələɠaa tii diɛ; ka di pɔ yíi ɓo, ka yee kanąnŋąą mą; mįnɛ̨i Yai-Laa ka wɔ Yálái da ka nąnni di ɉəɠə, a bɔ mɛ̨nį kɛ kaa, yɛ ka wɛlilakɛ.

Dutɛrɔnome 7:13

Gaa pai ka wɛli la kɛi yɛ lúwɔ́ too kaa, yɛ ka huwuhu ɓɛlɛ; gaa pai lúwɔ́ tooi ka kwəi lonnii diɛ. Ka kɛ kólóɠaa, ka wɔ lɔɔi, ka wɔ wulɔi, ka wɔ nįŋɛ̨ɠaa, ka wɔ ɓɛlaaɠaa da mooluɠaa, a lúwɔ́ too diɛ. Yili a kɛ tii nɔi tii ə naakwɛlanmo ka nąnni diɛ ɉu.

Dutɛrɔnome 7:8

Kɛlaa, ka kulɔi ŋɛ̨i Yai-Laa ə mo luwɔ pɛlɛ́ mu, Eziptə tɔɔmun yəi, yɛ ka nwun mąąɓo, yili nwun mąą, ka wɛli kaa Yai-Laa ɓa, ɛlɛɛ, nwooi ə gwɛlɛ ka nąnni diɛ gaa bulu.

Dutɛrɔnome 8:1

Díɓoɠaa kpɔ ŋą ka tí a gɛɛ háákələi, ka tɔɔ a ka nwąnąi ka ɉon, əgɛ, ka lɛɛ yɛnɛ̨ɛ̨, ka huwu ə ɓɛlɛ, ka tamą; nɔi Yai-Laa ə gwɛla, ə naakwɛlanmo ka nąnni diɛ, ka lɔ nɔi tii hu, ka hee laa.

Dutɛrɔnome 9:5

Ka tələnmo mɛ̨nį hvəi, ka kwəi kili lɛlɛ mɛ̨nį hvəi, ka káá pai nɔi tii hɔlɔɓoi la a ka kwɛlin. Tɛ̨ąi gaa mą, ya ɓaa: nu huwui tii di hɔn ɲɔ̨n bələ ɓə gɛ Yai-Laa ka wɔ Yálá yɛ di wɔ lɔi kulɔ la di yəi, yɛ dɛɛ ka pɔ. Ə yili kɛ tii nwɔ̨nɔ̨, mąąhɔlɔɓo, aa wɔlɔ kɛ gwɛla ka nąnni a: Abrahamə, Isaakə, da Ɉakɔbə ni diɛ, yili ɓə gɛ yɛ bɔ mɛ̨nį kɛ la.

Hebreu 6:13

Ɓɛlɔwai Yálá ə mɛ̨nį laakwɛlanmo la Abrahamə ɓai, yɛ bələi hɛn da hvo kɛnɛ̨ li la hvo tɛɛ Yaa mą, ə gwɛla a gbɔwɔ kpinįi,

Hebreu 6:14

yɛ mą: «A tɛ̨ą, gáá pai ə́ pilɛi lúwɔ́ hu, ŋą́ ə́ huwu hu ɓɛlɛ.»

Zasua 1:6

Ə́ liikpələ, ə́ ə́ huwalawala; mąąhɔlɔɓo, yɛ́ ɓə pai nɔi tii tɛɛi nuąi ŋɛ̨i pɔ a di kwɛlin, yɛ bələi ŋį́ gwɛ́la la di nąnni diɛ, gɛ́ diɛ: ‹Ŋą́ dɛɛ ka pɔ.›

Nwun mąąɓo 2:1

Yai-Laa nwɔ malaka ə həɠə Gilgalə, ə pa Bokimə, yɛ Israɛlə lonnii diɛ: «Ɲą́ą́ ɓə ka kulɔ Eziptə lɔi hu, ŋą́ pa a kaa nɔi ŋɛ̨i hu, yai ŋą́ naakwɛlanmo ka kalaɓɔlɔni diɛ. Ŋą́ mo diɛ, gɛ́ diɛ, mįnɛ̨i gu lɔwai, vá gala.