Dutɛrɔnome 1:29 - Yálá laawoo hɛɓɛ (dc)

²⁹ Gɛ́ kaa: «Ka mąą hvo kpɛlin, ka hvo ɲɔw diɛ.

Yálá laawoo hɛɓɛ

²⁹ Gɛ́ kaa: «Ka mąą hvo kpɛlin, ka hvo ɲɔw diɛ.

Bible

²⁹ “Nya ƃe ŋá mò ńyɛɛi, ‘Káfe yào dîa.

Dutɛrɔnome 1:29 ပူးပေါင်းရင်းမြစ်များ

Kɔlɔnikɔ Veerɛi 20:15

Yɛ diɛ: «'Ka ká wəli tɔɔ kpɔ a nɛlɛɛ, kaa a Ɉuda nuą, kaa a Ɉerusalɛmə heeɓo nuą, ɛlɛɛ, yɛ́i ɓaa a tɔɔmun Ɉosafatə! Yai-Laa woo ka, yɛ diɛ: 'Ka hvo ɲɔw, 'ka mąą hvo kpɛlin nu kpulu kɛnɛ̨i tii ɲɛ̨i tɔwɔ; hvo gaai, ka mąą kɔ́ hvoli, Yálá mąą kɔ́ li.

Nehemi 4:14

Ɓɛi lɔpee ka tulu woo mɛ̨n naa, ka ka ŋąąkpɔm gu kwɛlɛ, ka gu Yálái kaa pai tɔɔi gu pulu.»

Nehemi 4:8

Di mąąkpɛɛi ŋį́ mo, ŋą muhəɠə, gɛ́ galanɉonŋąą, daa ɲąąwooɓo nuą da nuą kpɔ kɛ laa, gɛ diɛ: «'Ka hvo ɲɔw diɛ! 'Ka ka kiliŋąhiɛ kaa Hɛn-Gəlee-Namu kɛnɛ̨i, mąą ɲɔwɔ. Ka gɔ́ kɔ́ ka kaayɔwɔɠaa mąą mɛ̨nį ɓa, ka lonnii ka nɛ̨ąni da ka wɔ pɛlɛ́ɠaai mąą mɛ̨nį ɓa.»

Lonon mo 14:9

Ka hvo ka kwɛli tee Yai-Laa ɓa, ka hvo ɲɔw nɔi tii hu nuą diɛ, mąąhɔlɔɓo di kaa lɔ gu yəi a nɔ na tɔ̨nɔ̨. Di wɔ haliɠaai daa kulɔ di pulu, guɔ yaan Yai-Laa kaa gu pulu, yili ɓa, ka hvo ɲɔw diɛ.»

Dutɛrɔnome 1:28

Mįnɛ̨ pələ ɓə ku kaa tɛɛi la? Ku nąn nonnii daa gbɛa ku hviikpɛɛ, a kɛi di mo kuɔ: ‹Nuą tii kpɛa-kpɛai, di hvaŋą kɛnɛ̨ guɔ, di wɔ taaɠaa kpɛa-kpɛai, di mąą tinɛ̨n ŋąą a hįį mɛ̨i kwɛaɠaa kpɔ ləɠə ləɠə yɛ tɛ yələkɔlɔn ma, nu huwui ŋɛ̨i da kɛ diɛ Anakə nuą di kaa hɔlɔɔ mun laa.›»

Dutɛrɔnome 1:30

Yai-Laa ka wɔ Yálái ɓə hiɛ́i ka ɲɛ̨itɔwɔ, yaa kpinįi lee ɓə pai gɔ́ kɔ́i a ka wɔ kɔ́; Yɛ bələi kpɔlɔɔ ə gɛ la Eziptə lɔi hu. Yɛ ka nwun mąąɓo, gbaɠala kaa tii kaa.

Dutɛrɔnome 20:1

Ka kulɔ kaa li pɛlɛi ka yowoɠaa diɛ a kɔ́, ka hooɠaa kaa, da kɔ́ kɔ́ wotoloɠaa, di kpulu hu kɛnɛ̨ dɛɛ kaa, mąą hvo nɛ̨ɛ̨li ka hvo ɲɔw; mąąhɔlɔɓo Yai-Laa ka wɔ Yálái kaa ka pɔ, yaai ka kulɔ Eziptə lɔi hu.

Dutɛrɔnome 31:6

Ka ka liikpələ, ka tɔɔ a ka nwąnąi, ka hvo ɲɔw, ka mąą hvo kpɛlin di lííla. Mąąhɔlɔɓo, Yai-Laa ka wɔ Yálá hvilɛn ŋąąi ka ɲɛ̨itɔwɔ, hva ka lɛɛ laa, hva gili kulɔ ka hu tɔ̨nɔ̨ kpɛli.»

Dutɛrɔnome 7:18

Ka hvo ɲɔw diɛ, mɛ̨nįɠaa kpɔ Yai-Laa ka wɔ Yálái ə gɛ Eziptə tɔɔmun da nwɔ lɔi hu nuą diɛ, yili nąą kili ə too ka ŋą.