Dutɛrɔnome 1:28 - Yálá laawoo hɛɓɛ (dc)

²⁸ Mįnɛ̨ pələ ɓə ku kaa tɛɛi la? Ku nąn nonnii daa gbɛa ku hviikpɛɛ, a kɛi di mo kuɔ: ‹Nuą tii kpɛa-kpɛai, di hvaŋą kɛnɛ̨ guɔ, di wɔ taaɠaa kpɛa-kpɛai, di mąą tinɛ̨n ŋąą a hįį mɛ̨i kwɛaɠaa kpɔ ləɠə ləɠə yɛ tɛ yələkɔlɔn ma, nu huwui ŋɛ̨i da kɛ diɛ Anakə nuą di kaa hɔlɔɔ mun laa.›»

Yálá laawoo hɛɓɛ

²⁸ Mįnɛ̨ pələ ɓə ku kaa tɛɛi la? Ku nąn nonnii daa gbɛa ku hviikpɛɛ, a kɛi di mo kuɔ: ‹Nuą tii kpɛa-kpɛai, di hvaŋą kɛnɛ̨ guɔ, di wɔ taaɠaa kpɛa-kpɛai, di mąą tinɛ̨n ŋąą a hįį mɛ̨i kwɛaɠaa kpɔ ləɠə ləɠə yɛ tɛ yələkɔlɔn ma, nu huwui ŋɛ̨i da kɛ diɛ Anakə nuą di kaa hɔlɔɔ mun laa.›»

Bible

²⁸ Mí ƃé kwa pɔ̂ri liî naai? Kúkpɔɔi-ƃelai da gɛ́ kúlii a too pôlu, dí kɛ́ mò dîɛ ǹûai yée-laa-mu seɣɛɛi, díwala-walaa, dítaa lêe-ŋai kpaya-kpayai dímaa tínaŋɔɔ a siɣãŋ dɛ́ɛ ŋ̀ele-kɔ̂lɔŋ su. Anaa-ŋai dílônii díkaa naa.’

Dutɛrɔnome 1:28 ပူးပေါင်းရင်းမြစ်များ

Zɛnɛse 11:4

Yili pulu, di mo di kee ɓa diɛ mą: «Ka gu taa tɔ̨nɔ̨ tɔɔ a pɛlɛ, yɛ həli yələkɔlɔn ma, ə gɛ, gu laa ə kɛ mą, ɛlɛɛ, ə gɛ, gu hvo pa taɠa taɠa lɔi mɛ̨i nąą kəlee.»

Lɛɛ gbɔwɔ ɓa 15:15

Ɲɔw aa too Edɔmə lɔi nwun nąmįną hu. Moabə tɔɔɓɛlaa hu a kpɛlin Kanaan lɔi hu nuą daa həɠeen a ɲɔw.

Azaya 13:7

Yili ɓə gɛi, nu kəlee yee hu a haa, hviikpɛɛ aa lɔ nu kəlee kɔ́lɔi.

Izikiɛ 21:7

«Hulonu lon, ə́ ɲɛ̨́i hąŋąn Ɉerusalɛmə pələ; haŋą ɉaláá kulɔiɠaa diɛ; 'gwə́i mɛ̨nį hukulɔ Israɛlə lɔi ɓa:

Dutɛrɔnome 1:29

Gɛ́ kaa: «Ka mąą hvo kpɛlin, ka hvo ɲɔw diɛ.

Dutɛrɔnome 2:10

Emi nuą ɓə gbɛa kɛ heeni Seirə, di kɛ a nu kpulu kɛnɛ̨ di yee muhəɠɛɛ yɛ Anakə nuą.

Dutɛrɔnome 20:20

Kɛlaa nwulu yiiɠaai ka gɔlɔn di hva ɓá, ka pɛli mą ka di pɔn; kaa ka wɔ kólóɠaa kɛ la, daai tii gɔ́ kaa ka yaa ka lɔwai ɉon mɛ̨nį ɓa, ə lɛɛ ɉu ka ɉon.

Dutɛrɔnome 20:8

Nɔi mąąkpɛ nuą di kaa nwɔ̨nɔ̨ pai kɛi diɛ: «Nu ta kaa laa yɛ ɲɔw, nii yɛ kulɔ mą? Mąą nu ə yali bulu ə li bɔɔli, hvo pa nəi nąn nonnii hviikpɛɛ yɛ yaa.»

Dutɛrɔnome 7:17

Ka hvo tɔɔ kaa kɛ diɛ: «Nu huwui ŋɛ̨i huwalawalaa di tɛɛ kuɔ, kwa pɛli di wɔ lɔi kulɔ pələ kɛi ləi di yəi?»

Zasua 11:22

Anakə mun da lɔpee hvo lɛɛ Israɛlə nuą di wɔ lɔi hu, ə kulɔ lɔ: Gaza, Gatə, da Asdɔdə taaɠaa di pulu.

Zasua 14:8

Nán nonnii tii kwa diɛ ni kwəli, di yá laa nuą kɔ́lɔi, kɛlaa nwɛ́i, vílɛn ŋąą kɛ Yai-Laa pulu, nwɔ́ Yálá, və́ tɔɔ takpa-takpa.

Zasua 15:14

Kalɛbə ə lɔi kulɔ Anakə lonnii haaɓai yəi, diɛ ɓaa: Sesai da Ahiman, da Talmai, diɛ ɓə kɛ a Anakə huwu.

Zasua 2:11

Kwaa bələ mɛ̨n, ɛlɛɛ hvaŋą aa kpɛɛ ku yəi. Tín aa nu kəlee hon ka tɔwɔ, mąąhɔlɔɓo Yai-Laa ŋɛ̨i gaa a ka wɔ Yálá, ya ɓə gaa a yələkɔlɔn ɉu Yálá yɛ ɓo a lɔi mɛ̨i Yálá.

Zasua 2:24

Di mo Ɉosue ɓa, diɛ mą: «Kwaa gaa kpɔ kuɔ diɛ Yai-Laa aa nɔi tii tɛɛ gu pɔ, mąąhɔlɔɓo, gu mąą mɛ̨nį aa kpɛlin doo nɔi nuą kəlee hu.»

Zasua 2:9

Yɛ diɛ: «Ŋį́ gɔlɔn gɛ́ diɛ Yai-Laa aa nɔi ŋɛ̨i tɛɛ ka pɔ, ka pa mɛ̨nį ɓɛ, mąą tín aa too, kpɛlin aa too nɔi nuą kəlee hu.

Nwun mąąɓo 1:10

Yili pulu, Ɉuda ə li ə kɔ́ pɛlɛ Kanaan nuąi kɛ Hebrɔn diɛ, ɓɛi kɛ nąą laa ɓaa a: Kiriatə-Arba, di yee ə tɛɛ Sesai ɓa da Ahiman, ə mą kɛ Talmai diɛ.

Nwun mąąɓo 1:20

Yɛ bələi Moisə ə di tí la, di Hebrɔn lɔi tɛɛ Kalɛbə pɔ, Kalɛbə ə Anakə lonnii haaɓai kpɛ laa.