Dutɛrɔnome 1:21 - Yálá laawoo hɛɓɛ (dc)

²¹ Ka ka ɲɛ̨i hee Yai-Laa ka wɔ Yálái aa nɔi ŋɛ̨i tɛɛ ka pɔ. Ka li ka hiɛ ɉu, yɛ bələi Yai-Laa ka wɔ Yálái ə naakwɛlanmo la kaa. Ka hvo ɲɔw, hɛn da hvo ka yee hu haa.»

Yálá laawoo hɛɓɛ

²¹ Ka ka ɲɛ̨i hee Yai-Laa ka wɔ Yálái aa nɔi ŋɛ̨i tɛɛ ka pɔ. Ka li ka hiɛ ɉu, yɛ bələi Yai-Laa ka wɔ Yálái ə naakwɛlanmo la kaa. Ka hvo ɲɔw, hɛn da hvo ka yee hu haa.»

Dutɛrɔnome 1:21 ပူးပေါင်းရင်းမြစ်များ

Nehemi 9:15

Ə́ pulu kulɔ diɛ, a yələi pələ kɔ̨nɔ̨n, ə́ kpələ wɛli kulɔ diɛ, a yai ə́ gulɔ kwɛni hu, ə́ mo diɛ, yɛ diɛ nɔi ə́ naakwɛlanmo diɛ, yɛ́ ə́ kwɛla la, di pa di hee ɉu.

Mąątɛ̨nɛ̨ 46:1

Nwələ ɲɛ̨itɔwɔmun Kore lonnii di wɔ wələ.

Mąątɛ̨nɛ̨ 46:11

Yɛ kɛ diɛ: «'Ka gwɛlihɛnŋaa laa, 'ka gɔlɔn kaa diɛ ɲą́ą́ ɓə gaa a Yálá! Ŋą́ hį́iɠaa ɲąąwooɓo, gɛ́ lɔi ɲąąwooɓo.»

Mąątɛ̨nɛ̨ 46:7

Lɔiɠaa hu tin ə kɛi kulɔ, tɔɔlaaɠaa diɛ kɛ yɛɠɛ yɛɠɛ, Yálá ə woo tɛɛ, lɔi ə həɠeen.

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Lonon mo 13:30

Nu kpului tii kɛ tɔɔni Moisə kwɛlɛ, Kalɛbə ə di laa pilɛ, yɛ diɛ: «'Ka gwəli, gu kɔ́ pɛlɛ diɛ, gu di hon! Gu yee kaa lii tɛɛi diɛ hɛa hvo ɉu.»

Lukə 12:32

«Kaai ka káá a nu kpulu logolo, ka hvo ɲɔw. Mąąhɔlɔɓo, ə laa a ka Nąn ə tɔɔlaai tɛɛ ka pɔ.

Dutɛrɔnome 1:20

Ŋą́ mo kaa, gɛ́ kaa: «Kaa həli Amɔrə yee ɓa, a yaai Yai-Laa ka wɔ Yálái kaa dɛɛi ka pɔi.

Dutɛrɔnome 20:1

Ka kulɔ kaa li pɛlɛi ka yowoɠaa diɛ a kɔ́, ka hooɠaa kaa, da kɔ́ kɔ́ wotoloɠaa, di kpulu hu kɛnɛ̨ dɛɛ kaa, mąą hvo nɛ̨ɛ̨li ka hvo ɲɔw; mąąhɔlɔɓo Yai-Laa ka wɔ Yálái kaa ka pɔ, yaai ka kulɔ Eziptə lɔi hu.

Dutɛrɔnome 20:3

yɛ kɛ diɛ: «Israɛlə nuą, ka ka wəli tɔɔ, ka káá lii háákələi kɔ́ kɔ́i, ka ka yowoɠaa kaa, ka lii hvo kulɔ kaa, ka hvo ɲɔw, ka hu hvo pu kaa; ka mąą hvo kpɛlin di tɔwɔ.

Dutɛrɔnome 31:6

Ka ka liikpələ, ka tɔɔ a ka nwąnąi, ka hvo ɲɔw, ka mąą hvo kpɛlin di lííla. Mąąhɔlɔɓo, Yai-Laa ka wɔ Yálá hvilɛn ŋąąi ka ɲɛ̨itɔwɔ, hva ka lɛɛ laa, hva gili kulɔ ka hu tɔ̨nɔ̨ kpɛli.»

Dutɛrɔnome 7:18

Ka hvo ɲɔw diɛ, mɛ̨nįɠaa kpɔ Yai-Laa ka wɔ Yálái ə gɛ Eziptə tɔɔmun da nwɔ lɔi hu nuą diɛ, yili nąą kili ə too ka ŋą.

Dutɛrɔnome 7:21

Ka mąą hvo kpɛlin nɔiɠaa tii ɲɛ̨i tɔwɔ. Mąąhɔlɔɓo, Yai-Laa ka wɔ Yálái hɛn da hva tɔɔ na, ɛlɛɛ, gɛnɛ̨i mąąwia; gaa tɔɔi ka pulu.

Dutɛrɔnome 9:23

Ɛlɛɛ gu kɛɛ Kadɛsə-Barnea, ɓɛlɔwai Yai-Laa ə ka tɔɔ la yɛ kɛ kaa: «Ka li, nɔi gáá dɛɛi ka pɔ, ka hee ɉu», ka ka pulu tɔɔ mą, ka hvo ka wəli tɔɔ nwoo ɓa.

Hebreu 13:6

Yili ɓa, gwa pɛli gu mo kpɔ a kilitɔɔmąą laa, guɔ mą: «Ną́mu kaa a dɔ́ɔ́ búlú, vá ɲɔw hɛn nɔpee ta ɓa. Lə kpɔ ɓə nu kan a pɛli gɛi a ɲą́ą́?»

Zasua 1:6

Ə́ liikpələ, ə́ ə́ huwalawala; mąąhɔlɔɓo, yɛ́ ɓə pai nɔi tii tɛɛi nuąi ŋɛ̨i pɔ a di kwɛlin, yɛ bələi ŋį́ gwɛ́la la di nąnni diɛ, gɛ́ diɛ: ‹Ŋą́ dɛɛ ka pɔ.›

Zasua 1:9

Kɛlaa ŋą́ą́ mą́ą́ pamą la yɛ́-ee! Ə́ liikpələ, ə́ ə́ huwalawala, 'ə́ mąą hvo kpɛlin, 'hvó ɲɔw; mąąhɔlɔɓo Yai-Laa ə́ wɔ Yálá kaa pai kɛi ə́ pɔ ɓɛi lɔpee yá li laa.»