Danîa 9:8 - Yálá laawoo hɛɓɛ (dc)

⁸ A tɛ̨ą, Ną́mu Yálá, nwumɛ̨ ka ŋɛ̨i yɛi ku paa. Kuɔ, kuɔ tɔɔɓɛlaa, kuɔ nwun nąmįnąa da ku kalaɓɔlɔni, mąąhɔlɔɓo, ku hvo ə́ woo hon ni.

Yálá laawoo hɛɓɛ

⁸ A tɛ̨ą, Ną́mu Yálá, nwumɛ̨ ka ŋɛ̨i yɛi ku paa. Kuɔ, kuɔ tɔɔɓɛlaa, kuɔ nwun nąmįnąa da ku kalaɓɔlɔni, mąąhɔlɔɓo, ku hvo ə́ woo hon ni.

Bible

⁸ Sɔnyɔ̂ŋ ŋumɛ a kúmɛi pɛ́lɛ kwa kúkâloŋ-ŋai, kúlaa-tuɛ-ƃelai da kúnâŋ pɔlɔ-ŋai.

Danîa 9:8 ပူးပေါင်းရင်းမြစ်များ

Tɔɔɓɛlaa veelɛ 21:15

Mąąhɔlɔɓo, mɛ̨nįi ɲɔ̨nwɔ̨ɔ̨ ɲɛ̨i ɓa, daa gɛ, daa mɛ́lɛ kpɛɛ mą́ą́ da di nąnii; ə həɠə kpɔ volói ŋą́ di kulɔ la Eziptə lɔi hu mą, ə həli la háákələi ɓa, di hvo ta túwɔ́ li a nɛlɛɛ›.»

Kɔlɔnikɔ Veerɛi 6:37

nɔi tii di kaa ɉu a luwɔ, da di kiliŋąhiɛ laa, diɛ di hɔn mąąhvalin, di lɛɛ laa nɔi tii hu di nɛ̨ɛ̨mąąhvə Yɛ́, diɛ kɛ Yɛ́: ‹Kwaa ku hɔn gɛ a Yɛ́, kwaa nɛ̨ŋɛ̨n ɉəɠə Yɛ́›,

Nehemi 1:6

Ə́ wəli tɔɔ kpɔ kani, ɛlɛɛ, ə́ ə́ ɲəi hee, yɛ tímun nwɔ mąąwɛli wooi mɛ̨n. Volóɠaa ŋɛ̨i yee mu, gáá moi yɛ́ hvóló da kpinį, yɛ́ tínuą Israɛlə lonnii mąą mɛ̨nį ɓa, ŋą́ą́ hvaa di kɛ nɛ̨ŋɛ̨n mąą mɛ̨nį ɓa, yaai ku ɉəɠə yɛ́; ɲą́ą́ kwa gala mɔlɔni kwaa nɛ̨ŋɛ̨n ɉəɠə yɛ́.

Azaya 64:4

Nui gwəinɛ̨ɛ̨ mɛ̨nį ɓaa a təlimo yii ɓoɔ, da nuąi ə́ wɔ pələɠaai mɛ̨i, diɛ di kilitɔɔ yɛ́, da ka diɛni ka kwiɛn a Yɛ́. Ɓɛ kaa, Yáá ə́ líiholi, mąąhɔlɔɓo, kwaa həɠə bələ mɛ̨i, tɔwɔ tɔwɔ pələɠaai tii mɛ̨i ɓə, ku kaa pai ɓalo hɔlɔɓoi laa.

Ɉeremi 14:20

Yai-Laa! Ku kili kaa ku hɔn ɉu, da ku nąnni di wɔ túwɔ́ pələ ɲɔ̨n. A tɛ̨ą kwaa ku hɔn gɛ a yɛ́;

Ɉeremi 32:32

Mɛ̨nį ɲɔ̨nwɔ̨ɔ̨ɠaai Israɛlə nuą da Ɉuda nuą di gɛ, mąą mɛ̨nį ɓa, di nwą́nąlɔ, diɛ-oo, di wɔ tɔɔɓɛlaai-oo, di wɔ kalanɉonŋaai-oo, di wɔ haláá laahəli nuąi-yoo, di wɔ Yálá kwəi mɛ̨nį hukulɔ nuąi-yoo; Ɉuda lɔi hu nuą kəlee, ɛlɛɛ, da Ɉerusalɛmə hee ɓo nuą.

Ɉeremi 7:19

Akɛ tii mɔ̨ɔ̨, ɲą́ą́ ɓə tii di nííkələn ɉii gwə́i? Yai-Laa, woo li! Kɛlaa diɛ kpinįi lɔ ɓə? Mąą nɛ̨ɛ̨ kɛ, diɛ kpinįi di nwumɛ̨ kɛ ɉu.

Woolaa 1:18

Tɛ̨ą kaa Yai-Laa pɔ. Mąąhɔlɔɓo, ɲą́ą́ ɓə nwoo lɛɛ. Yɛnɛ̨ɛ̨ nuą, ka kəlee 'ka ká wəli tɔɔ! 'Ká nwɔ́ mɔ̨nɔ̨i kaa, nonnii hinąą da nonnii nɛ̨ąą kəlee daa li luwɔlaa hu.

Woolaa 3:42

Kuɔ ɓə nɛ̨ŋɛ̨n ɉəɠə, kuɔ ɓə nwoo lɛɛ, yaan, hvo ku mąąwɛli kaa li.

Woolaa 5:16

Ku wɔ tɔɔlaai aa pu. Oo kə! Kpalo aa ɓɛla kuɔ, Mąąhɔlɔɓo, kwaa nɛ̨ŋɛ̨n ɉəɠə.

Izikiɛ 16:63

Yá ə́ kiliŋąhiɛ kɛa ma yɛ́ nwumɛ̨ la, ɛlɛɛ nwumɛ̨ pələ, hvaa hvo kpɛli pai lɛɛi ə́ la, a ɲələi ŋą́ ə́ túwɔ pələ kəlee mąąhvaalɛɛ la; Yai-Laa woo li.»

Izikiɛ 5:6

Ə kulɔ nwɔ́ tɔ́n nwooɠaai mu a kili ɲɔ̨nwɔ̨ɔ̨ dɛɛ nɔiɠaai ti diɛ; ə nwɔ́ tiɓoɠaa lɛɛ laa dɛɛ nɔiɠaai ti gwɛlɛ diɛ. Di nwɔ́ tɔ́n nwooɠaai pili di pulu; di hvo gɛ di hvo lɛɛ nwɔ́ tiɓoɠaai pulu.

Danîa 9:9

Kɛlaa, yɛ́ ku Ną́mu ku wɔ Yálá, ə́ wɔ ɲɛ̨imąąwɛli kaa hu, ya ku mąąhvaalɛɛ, pələi mąn kwaa ku kwɛli tee la kɛ yɛ́.